10/01/2022
ကာကွယ်ခုခံပိုင်ခွင့်ဆိုင်ရာသိကောင်းစရာများ(၂)
=================================
လူ့ကိုယ်ကို ကာကွယ်ခုခံပိုင်ခွင့်
အောက်ဖော်ပြပါပြစ်မှုများအနက် ပြစ်မှုတစ်ခုခုကိုကျူးလွန်လျှင် ထိုအန္တရာယ်ပြုသူကို သေစေရန် (သို့) အခြားဘေးအန္တရာယ် ဖြစ်စေသည် အထိ ကာကွယ်ခုခံပိုင်ခွင့်ရှိသည်။
- မကာကွယ် မခုခံလျှင် သေဘေးသို့ရောက်စေနိုင် သည့် စိုးရိမ်ဖွယ်ရာ အကြောင်းရှိသည့် လက်ရောက်မှု။
- မကာကွယ် မခုခံလျှင် အပြင်းအထန် နာကျင်စေနိုင်သည့် စိုးရိမ်ဖွယ်ရာ အကြောင်းရှိသည့် လက်ရောက်မှု။
- မုဒိမ်းကျင့်ရန် အကြံနှင့် ကျူးလွန်သည့် လက်ရောက်မှု။
- ကာမရာဂစိတ်ကို ဓမ္မတာအတိုင်း မဟုတ်ဘဲ
ရောင့်ရဲအောင် ပြုလုပ်ရန်အကြံနှင့် ကျူးလွန်သည့် လက်ရောက်မှု။
- လူကိုခိုးယူရန်၊ သွေးဆောင် ခေါ်ငင်ရန် အကြံနှင့် ကျူးလွန်သည့် လက်ရောက်မှု။
- အာဏာပိုင်တို့ထံ တိုင်တန်းခွင့်မရနိုင်ဟု
အကြောင်းကိုဖြစ်စေပြီး တစ်ဦးတစ်ယောက်အား
မတရားချုပ်နှောင်ထားရန် အကြံနှင့် ကျူးလွန်သည့် လက်ရောက်မှု။
အထက်ဖော်ပြပါ ပြစ်မှုများအနက်မှ ပြစ်မှုတစ်ခုခု ကို အန္တရာယ်ပြုသူက ကျူးလွန်ခဲ့ခြင်းမဟုတ်လျှင်
ထိုအန္တရာယ်ပြုသူကို သေစေခြင်းမှအပ အခြားဘေးအန္တရာယ်ဖြစ်စေသည်အထိ ကာကွယ်ခုခံပိုင်
ခွင့်ရှိသည်။
ပြစ်မှုကျူးလွန်ခြင်းမရှိသေးသော်လည်း ပြစ်မှုကျူးလွန်ရန် အားထုတ်မှု၊ ခြိမ်းခြောက်မှု တို့မှ
လူ့ကိုယ်ကို ဘေးအန္တရာယ်ဖြစ်စေမှုအတွက် အကြောင်းပေါ်ပေါက်လာသည်နှင့် တစ်ပြိုင်နက် လူ့ကိုယ်ကိုကာကွယ်ခုခံပိုင်ခွင့်စတင်ရရှိသည်။
စိုးရိမ်ဖွယ်ရာအကြောင်း ဆက်လက်တည်ရှိနေသမျှ
ကာလပတ်လုံး လူ့ကိုယ်ကိုကာကွယ်ခုခံပိုင်ခွင့်သည် ဆက်လက်တည်ရှိနေသည်။
လူ့ကိုယ်ကို ကာကွယ်ခုခံပိုင်ခွင့်နှင့်စပ်လျဉ်း၍
ရာဇသတ်ကြီးပုဒ်မ ၁၀၀ မှ ၁၀၂ ထိ ပြဌာန်းထား
ပါသည်။
10.1.2022
ကာကွယ်ခုခံပိုင်ခွင့်ဆိုင်ရာသိကောင်းစရာများ(၁)
=================================
https://www.facebook.com/107109405144144/posts/108157058372712/?d=n
