28/01/2026
ယနေ့ ပဏာမငြင်းချက်အပေါ် လျောက်လဲချက်ရေးသားနေရင်းနဲ့ ငြင်းချက်များအကြောင်း share ပါမယ်ရှင့်
တရားမကျင့်ထုံးဥပဒေ အမိန့် ၁၄
ငြင်းချက်များထုတ်ခြင်း နှင့် ဥပဒေငြင်းချက်များ (သို့မဟုတ်) သဘောတူညီထားသော ငြင်းချက်များအရ
တရားမမှုကို ဆုံးဖြတ်ခြင်း
တရားမကျင့်ထုံးဥပဒေ အမိန့် ၁၄ ၊ နည်း ၁ (၄) မှာ
(က) အကြောင်းခြင်းရာ ငြင်းချက်
(ခ) ဥပဒေငြင်းချက်
ဆိုပြီး ဖော်ပြထားပါတယ်
တရားမကျင့်ထုံးဥပဒေ အမိန့် ၁၄၊ နည်း ၂
ဥပဒေငြင်းချက်နှင့် အကြောင်းခြင်းရာငြင်းချက်
- အမှုတစ်မှုတည်းတွင် ဥပဒေနှင့်အကြောင်းခြင်းရာနှစ်ရပ်လုံးနှင့် စပ်လျဉ်း၍ ငြင်းချက်များပေါ်ပေါက်လျက်ရှိပြီး
ဥပဒေငြင်းချက်ကိုသာ စစ်ဆေးစီရင်ခြင်းဖြင့် အမှုတစ်မှုလုံးဖြစ်စေ၊ တစ်စိတ်တစ်ဒေသကိုဖြစ်စေ ပြီးပြတ်အောင်ဆုံးဖြတ်နိုင်မည်ဟု ထင်မြင်လျှင် တရားရုံးသည် ဥပဒေငြင်းချက်ကို ပထမဦးစွာ စစ်ဆေးစီရင်ရမည်။ ထိုကဲ့သို့ စစ်ဆေးစီရင်ရန်အလို့ငှါ သင့်သည် ထင်မြင်လျှင် တရားရုံး သည် အကြောင်းခြင်းရာငြင်းချက်များ ထုတ်ရန်ကိစ္စကို ဥပဒေငြင်းချက်များ ဆုံးဖြတ်ပြီးသည်အထိ ရွှေ့ဆိုင်းထားနိုင်သည် ဟု ပြဌာန်ထားပါသည်။
အဆိုလွှာနှင့် ချေလွှာအရ ငြင်းချက်များပေါ်ပေါက်သည်
ဖြစ်သောကြောင့် မိမိတို့၏အမှုသည် မနစ်နာရအောင်
အဆိုလွှာကို သေချာဖတ်ပြီး ဥပဒေငြင်းချက်များ ထုတ်နုတ်ပေးရန် ချေလွှာတွင် ချေပရမည် ဖြစ်သည်။
ယခုအမှုတွင် ပဏာမငြင်းချက် / ဥပဒေငြင်းချက် (၃) ရပ်
ရုံးတော်မှ ထုတ်နုတ်ပေးခဲ့သည့်အတွက် အမှုတစ်ခုလုံးကို
ပြီးပြတ်စေနိုင်သည့် အခွင့်အရေးများရရှိနိုင်မည်ဖြစ်ပါသည်။
အားလုံးကိုလေးစားလျှက် 🙏🏻
ဥပဒေအကြံဥာဏ်များတောင်းခံနိုင်ပါတယ်ရှင့်
HSS Legal Consultants
09455092882
