Shwe Yamin Aye - ဥပဒေ

22/03/2026

အပတ်စဉ် ဗုဒ္ဓဟူးနေ့အား အစိုးရရုံးဌာနများ၏
ရုံးလုပ်ငန်းများကို နေအိမ်မှသာ ဆောင်ရွက်ရန်
သတ်မှတ်ကြေညာ၊ နေပြည်တော် မတ် ၂၂

18/03/2026

FOURTH YEAR ချင်းအတူတူတောင်
တစ်ခုကတော့ရက်ရက်စက်စက်ပဲ

Paper 6 ခုလို့ကြားတယ်🤪

14/03/2026

အခုအချိန်‌လောက်ဆိုအခြားမေဂျာသမားတွေ
အသဲအသန် စာကျက်နေကြရမှာပဲ
အစ်မတို့ ဥပဒေ မေဂျာ က
ဥပဒေ ကျောင်းသားတွေကတော့
ဖုန်းသုံးလိုက် ၊ TikTok ဆော့လိုက်ပဲ
နေနေကြရတာ။ စာဆိုတာ Easy going 😍

ဒီလောက်သက်သာတဲ့မေဂျာမလို့
G12ဖြေနေတဲ့ကလေးလေးတွေကို
ရွေးချယ်မှုတွေမှန်စေချင်တယ်

10/03/2026

ပြည်ထောင်စုရာထူးဝန်အဖွဲ့မှ
ကြော်ငြာခေါ်ယူထားသော ကြော်ငြာစာအမှတ် ၁/၂၀၂၅ နဲ့ ၂/၂၀၂၅ ကိုအောင်မြင်ထားသူများ

နိုင်ငံ့ဝန်ထမ်းတက္ကသိုလ်များမှာ ၂၇.၄ ၂၀၂၆ မှ
၁၄.၈ ၂၀၂၆ ထိ အရာထမ်းလောင်း(အထူး)
သင်တန်းတက်ရမှာ ဖြစ်ပြီး
အကြောင်းကြားစာများနဲ့ သင်တန်းဝင်
ညွှန်ကြားလွှာများကို Myanmar National
Portal မှာ ဒီနေ့ တင်ထားပေးပါတယ်ရှင်

02/03/2026

လွတ်ငြိမ်း၊လွတ်ငြိမ်းသက်သာ၊ပိတ်သိမ်း
အားလုံးအတွက်ဝမ်းသာရပါတယ်ရှင်🤍

04/01/2026

မြန်မာ့ရိုးရာ ထိမ်းမြားမင်္ဂလာ(၁၀)မျိုးနှင့်
ဥပဒေအရလက်ထပ်ခြင်း။

မြန်မာ့ရိုးရာ ထိမ်းမြားမင်္ဂလာ အခမ်းအနားများ

မင်္ဂလာဆွမ်းကပ်ခြင်း

ရုံးတက်လက်ထပ်ခြင်းပြင်ဆင်
ဥပဒေအရ လက်ထပ်သည့် လက်ထပ်နည်း ဖြစ်သည်။ တရားရုံး တစ်ခုခုတွင် ဂျူဒီလူကြီးရှေ့တွင် ကျမ်းသစ္စာ ကျိန်ဆိုပြီး လက်ထပ် စာချူပ်ပေါ်တွင် သတိုးသားရော သတိုးသမီးပါ လက်မှတ် ရေးထိုးကာ လက်ထပ်ရသည့် နည်းဖြစ်သည်။ တရားရုံးတွင် လက်ထပ်ခြင်း ဖြစ်သဖြင့် ဧည့်ပရိသတ် အမြောက်အမြားကို ဖိတ်ကြား၍ မရသကဲ့သို့ အသိသက်သေဖြစ် လက်မှတ် ထိုးပေးရမည့်သူ နှစ်ဦးလည်း ရှိရသည်။ သို့မှသာ လက်ထပ် စာချုပ်ပေါ်တွင် လက်မှတ် ရေးထိုးခွင့် ရှိပြီး ဥပဒေအရ မှတ်ပုံတင်ခွင့် ရရှိမည်ဖြစ်သည်။ ယခုကာလတွင် ငွေကြေး တတ်နိုင်သူရော ၊ မတတ်နိုင်သူများပါ ရုံးတက် လက်မှတ်ထိုးသည့် အလုပ်ကို အိမ်ထောင်မှု၏ အခန်းကဏ္ဍ တစ်ရပ်အဖြစ် ပြုလုပ်လာကြောင်း တွေ့ရသည်။ ဥပဒေအရ တရားဝင်အောင် ပြုလုပ်သည့် သဘောဖြစ်သည်။ များသောအားဖြင့် မင်္ဂလာအခမ်းအနား မကျင်းပမီ တရာရုံးသို့ သွား၍ လက်မှတ် ထိုးကြလေ့ရှိသည်။

မြန်မာ့ ဓလေ့ ထုံးတမ်းအရ ထိမ်းမြား
မင်္ဂလာ (၁၀)ပါး ရှိသည်။

၁။ သတို့သား၊ သတို့သမီးနှစ်ဦးလုံးကို လူလည်ခေါင်တွင် ကန်တော့ခံမထွက်ပဲ မိမိအိမ်မှာပင် လွတ်လပ်စွာနေလျှင် ဖိတ်ထားသောပရိသတ်များ စားသောက်ပြီး ပြန်သွားကြမှ သတို့သမီး အိပ်ခန်းရှိ ကြိမ်တန်း၊ ကြိုးတန်း၌ သတို့သား ပုဆိုး၊ ပုဝါ လှန်း၍ တင်ကာထိမ်းမြားခြင်းကို ပုဆိုးတန်းတင် ထိမ်းမြားခြင်း ဟုခေါ်သည်။

၂။ ထမင်း သိုမဟုတ် မုန့်တစ်ခုခု ကို သတို့သား၊ သတို့သမီးတို့က လက်စုံစားစေ ထိမ်းမြားခြင်းကို လက်စုံစား ထိမ်းမြားခြင်း ဟုခေါ်သည်။ (ယခု လင်မယားအရာ မြောက်ပြီးမှသာ ပြုလုပ်လေ့ ရှိသည်။)

၃။ သတို့သား ဝတ်ဆင်သော လက်စွပ်ကို သတို့သမီးအား ဝတ်ဆင်ပေးခြင်း၊ သတို့သမီး ဝတ်ထားသော လက်စွပ်ကို သတို့သားအား ဝတ်ဆင်ပေးခြင်း၊ အချင်းချင်းလဲလှယ်၍ ထိမ်းမြားခြင်းကို လက်စွပ်လဲ၍ ထိမ်းမြားခြင်း ဟုခေါ်သည်။

၄။ သတို့သားက သတို့သမီးအိမ်သို့ လာသည့်အခါ သတို့သမီး၏ မိဘများက အဝတ်ပုဆိုးအသစ် လဲလှယ်ဝတ်ပေးခြင်းကို အဝတ်ပေး၍ ထိမ်းမြားခြင်း ဟုခေါ်သည်။

၅။ သတို့သမီးလက်ယာလက်ကို ဖြန့်ထား၍ သတို့သားလက်ယာဘက်ကို အပေါ်တင်စေကာ ဘိသိက်ဆရာက ဖြစ်စေ၊ လူကြီးတစ်ဦးဦးကဖြစ်စေ ရွှေနှင့်ငွေ ဂဟေ ဆက်ထားသကဲ့သို တူနှစ်ကိုယ် တစ်စိတ်တစ်ဝမ်းထည်းဟု ပရိသတ်အလယ်တွင် ထိမ်းမြားခြင်းကို လက်ထပ်ထိမ်းမြားခြင်း ဟုခေါ်သည်။

၆။ ဖြန့်လျှင်နှစ်ဦးစလုံး ဦးခေါင်းဆံ့လောက် လေးတောင်ခန့်ရှိသော ရွှေဆွဲကြိုး ပန်းကုံသဖွယ်ပြုလုပ်၍ သတို့သား၊ သတို့သမီး နှစ်ဦးစလုံး တစ်ခါတည်း စွပ်၍ ထိမ်းမြားခြင်းကို ဒါလီဖွဲ့၍ ထိမ်းမြားခြင်း ဟုခေါ်သည်။

၇။ အလျှား (၆) တောင်၊ အနံ (၂)တောင် ရှိသော သတို့သမီးခြုံသော စုလျှားတဘက်အား သတို့သား၊ သတို့သမီးနှစ်ဦးအား ရစ်ပတ်ထိမ်းမြားခြင်းကို စုလျှားရစ်ပတ် ထိမ်းမြားခြင်း ဟုခေါ်သည်။

၈။ သတို့သားက သတို့သမီးအား ပန်းကုံးစွပ်ပေးသဖြင့်၊ သတို့သမီးက သတို့သားအား ပန်းကုံးစွပ်ပေးသဖြင့် ထိမ်းမြားခြင်းကို ပန်းကုံစွပ်၍ ထိမ်းမြားခြင်း ဟုခေါ်သည်။

၉။ ရွှေဖလား၊ ငွေဖလား၊ ဖန်ခွက် စသည်တို့ ရေတစ်ဝက်ထည့်၍ သပြေပန်း၊ နေဇာမြက်များ ထည့်ပြီး သတို့သား၊ သတို့သမီး တို့၏ လက်ယာလက်များကို ချထားစေ၍ ရေကြည်လင်အေးမြ၍ မကွဲတပြား တသားတည်းနေ သတို့သား၊ သတို့သမီးတို့ ရိုးမြေကျ ရာသက်ပန်တည်ပါစေ ဟုဆို၍ လက်ချထိမ်းမြား ခြင်းကို ရေခွက်၌ လက်ချ၍ ထိမ်းမြားခြင်း ဟုခေါ်သည်။

၁၀။ ရွှေခွက်၊ငွေခွက်၊ဖန်ခွက် စသည့် နဝရတ် ကိုးပါး၊ နံသာမျိုးငါးပါး သွေး၍ (သို့မဟုတ်) ရေမွှေးများထည့်၍ သတို့သား၊ သတို့သမီးတို့၏ ထိပ်၌ သပြေပန်းခက်ဖြင့် ပက်ဖြန်း၍ လက်ထပ်ထိမ်းမြားခြင်းကို ဦးထိပ်၌ ရေစင်သွန်း၍ ထိမ်းမြားခြင်းဖြစ်သည်။

Telegram channel (shweyaminayeLaw)

19/12/2025

မြန်မာနိုင်ငံလင်မယားကွာရှင်းရေးအက်ဥပဒေ
( ၁၈၆၉ ခုနှစ်၊ ဧပြီလ ၁ ရက် )
အိန္ဒယအက်ဥပဒေအမှတ်(၄)

#မြန်မာနိုင်ငံလင်မယားကွာရှင်းရေးအက်ဥပဒေ

26/11/2025

(၂၆ရက်၊နိုဝင်ဘာ၊၂၀၂၅)
ယနေ့ ည (၈) နာရီတွင် ပြစ်ဒဏ်လွတ်ငြိမ်းခွင့်
အမိန့်နှင့် ရာဇသတ်ကြီး ပုဒ်မ ၅၀၅-ကဖြင့်
ပြစ်ဒဏ်ကျခံလျှက်ရှိသော ၇၂၄ဦးကို
ပြစ်ဒဏ်မှလွတ်ငြိမ်းခွင့်ပြုခဲ့ပြီး
ရာဇသတ်ကြီးပုဒ်မ၅၀၅-ကနှင့်တရားစွဲဆို
ခံရပြီး ထွက်ပြေးတိမ်းရှောင်နေသဖြင့်
ရာဇသတ်ကြီးပုဒ်မ၅၁၂လည်းကောင်း
တရားစွဲဆိုခံရသူ ၅၅၈၀ ဦးကို
အမှုပတ်သိမ်း၍အမှုမှလွတ်ပေးခဲ့ပါသည်။





#ပြစ်ဒဏ်လွတ်ငြိမ်းခွင့်အမိန့်

23/11/2025

ပြည်ထောင်စုတရားလွှတ်တော်ချုပ်က
ညွန်ကြားချက်အမှတ် (၁/၂၀၂၅)ဖြင့်
နိုင်ငံခြားသားများ နှင့် မြန်မာအမျိုးသမီးများ
ထိမ်းမြားလက်ထပ်ရန် ကျမ်းကျိန်လွှာပြုလုပ်တွင်
သံရုံးထောက်ခံချက်များနဲ့ အခြားအချက်အလက်များ
ထပ်မံဖော်ပြရမည်ဖြစ်ကြောင်း ထုတ်ပြန်ကြေညာ။


#လက်ထပ်ထိမ်းမြားခြင်း
#နိုင်ငံခြားသားနှင့်ဗုဒ္ဓဘာသာမြန်မာအမျိုးသမီးများထိမ်းမြားခြင်း

20/11/2025

Batch - 4 🖤

VOX Legal Network မိတ်ဆက်ခြင်း

မင်္ဂလာပါရှင်။

VOX – Voice of Justice Legal Network
ကနေ ဥပဒေရေးရာ ဗဟုသုတကို
စိတ်ပါဝင်စားသူတိုင်းအတွက် VOX ရဲ့
ရည်မှန်းချက်၊ လှုပ်ရှားမှုများနှင့်
အောင်မြင်မှုများကို ဝမ်းမြောက်စွာ
မိတ်ဆက်ပေးလိုက်ပါတယ်ရှင်။

💡 VOX ဆိုတာ ဘာလဲ?

VOX Legal Network သည် ဥပဒေဆိုင်ရာ
အသိပညာများ၊ လက်တွေ့ကျွမ်းကျင်မှုများနှင့် အတွေ့အကြုံများကို စနစ်တကျ ဝေမျှပေးရန်
ဖွဲ့စည်းတည်ထောင်ထားသော ပညာရပ်ဆိုင်ရာ
ကွန်ရက်တစ်ခု ဖြစ်ပါတယ်ရှင်။ ဥပဒေရေးရာ နားလည်မှုကို မြှင့်တင်ပေးရန်၊ ဗဟုသုတ
ဝေမျှပေးရန်နှင့် ဥပဒေပညာရှင်များအကြား
ကွန်ရက်တစ်ခု တည်ဆောက်ရန်
ရည်ရွယ်ပါတယ်။

👥 အဓိက ဦးဆောင်သူများနှင့် ပါဝင်သူများ

VOX ၏ Founder အပါအဝင် Admin team မှ Volunteer များ၊Main Speaker ဆရာအပါအဝင်
ဥပဒေနယ်ပယ်မှ အတွေ့အကြုံရင့် ပညာရှင်များ၊
ရှေ့နေကြီးများက ဦးဆောင်ပြီး ၎င်းတို့၏
အဖိုးတန် အသိပညာများကို ဥပဒေ
ကျောင်းသား/သူများနှင့် ဥပဒေပညာစိတ်ပါ
၀င်စားသူများအား စေတနာဖြင့်
ဝေမျှပေးလျက်ရှိပါတယ်ရှင်။

✨ အောင်မြင်မှု မှတ်တိုင်များ

• စတင်တည်ထောင်ခြင်း: VOX ကို
၂၀၂၃ ခုနှစ်၊ မေလ တွင် စတင်
တည်ထောင်ခဲ့ပါတယ်။
• သင်တန်းသားများ: စတင်ချိန်မှစ၍
Batch 1 တွင် သင်တန်းသား (၅၀) ကျော် ကို
အောင်မြင်စွာ မွေးထုတ်ပေးနိုင်ခဲ့ပြီးနောက်
ဆက်လက်လုပ်ဆောင်ခဲ့ကြရာ လက်ရှိတွင်
Batch 4 သို့ ရောက်ရှိလာခဲ့ပြီ ဖြစ်ပါတယ်။

📅 အပတ်စဉ် ပညာရပ်များ ဝေမျှခြင်း

အချိန်: အပတ်စဉ် တနင်္ဂနွေနေ့ ည ၇ နာရီ တိုင်း။
• Main Speaker:ဆရာမှ ဥပဒေနှင့်
သက်ဆိုင်သော ခေါင်းစဉ်များကို အပတ်စဉ်
ပုံမှန် ဝေမျှဆွေးနွေးပေးလျက်ရှိပါတယ်။
• Guest Speaker: အထူးဧည့်သည်တော်
ရှေ့နေရှေ့ရပ်များအားဖိတ်ကြား၍
အပတ်စဉ် စနေနေ့ည ၇နာရီတိုင်းတွင်
အထူးဆွေးနွေးပွဲများကိုလည်း ပုံမှန်
ပြုလုပ်ပေးသွားမှာ ဖြစ်ပါတယ်ရှင်။

⭐ အထူးအစီအစဉ်များ

သရုပ်ပြတရားခွင် (Mock Trial competition)
များအား ကျင်းပပေးခြင်း၊ Activityများတွင်
ပါဝင်ဆောင်ရွက်သော member များအား
အသိအမှတ်ပြုလက်မှတ်များ ပေးအပ်သည့်
အပြင် Leader and Assistant Leader
များအားလည်းအသိအမှတ်ပြု လတ်မှတ်များ၊
သင်တန်းကာလ ပြီးဆုံးချိန်တွင်
Batch တစ်ခုစီအတွက် အမှတ်တရ
ထုတ်ဝေသော စာအုပ်များအားလည်း
မဲဖောက်ပေးခြင်းများ ပြုလုပ်ပေးနေပါသည်။

💸 သင်တန်းကြေး ဘယ်လောက်ယူလဲ။

ပရဟိ ပညာဒါနဖြစ်လို့ တက်ကြွမှုနဲ့
လုပ်ချင်စိတ်တွေပဲသယ်လာခဲ့ရင်ရပါပြီရှင်

ဥပဒေရေးရာ ဗဟုသုတ လိုအပ်သူတိုင်း
VOX Legal Network ၏ အဖွဲ့ဝင်အဖြစ်
ပါဝင်ရန်နွေးထွေးစွာ ဖိတ်ခေါ်အပ်ပါတယ်ရှင်။
လက်ရှိမှာလည်း Batch _4အတွက်
member လေးတွေခေါ်နေတုန်းပဲ မလို့
လျှောက်ထားလို့ ရပါတယ်ရှင်။
လျှောက်ထားရမည့် အသေးစိတ်အကြောင်း
Post link ကိုcomment မှာချပေးထားပါတယ်ရှင်။

VOX – Voice of Justice Legal Network
“တရားမျှတမှု၏ အသံ - ဥပဒေရေးရာကွန်ယက်”