Legal Professional Group, No. 9/18, Tapinshwetee Road, Oakethar Myothit, Bago City, Bago (2026)

21/02/2026

"အယူခံတရားလိုသည် မြေကို ယခင်နှစ်ပေါင်း(၃၀)ကျော် ဆန့်ကျင်ကျူးလွန်နေထိုင်သူထံမှ လက်ဆင့်ကမ်းယူနေထိုင်သူဖြစ်ပါသည်။ထိုအချက်နှင့်ပတ်သက်၍ ယခင်နေထိုင်သူ ကျုးကျော်နေထိုင်သောအချိန်ကာလကို လက်ရှိကျုးကျော်နေထိုင်သူ လက်ဝယ်ရရှိသောအချိန်ကာလနှင့် ပေါင်းစပ်၍ အမူမှာ ကာလစည်းကမ်းသတ်ကျော်လွန်ပြီးဖြစ်ကြောင်း
ထုချေခွင့်ရှိသည်" ဟု

မမီ နှင့် ဟာဂျီမိုဟာမင်ဘင်ဟာဂျီယူလေမိုဟာမက်

(ရန်ကုန်၊အတွဲ-၁၊စာ-၁၇၆ )တွင်စီရင်ထုံးပြုထားပါသည်။

07/02/2026

“လိမ်လည်မူကို အကြောင်းပြု၍ ဒီကရီတစ်ရပ်ကို ပယ်ဖျက်ပေးရန်အတွက် တရားစွဲဆိုနိုင်ရန် ထိုဒီကရီကို အခြေခံသည့် သက်သေခံချက်သည် မမှန်ကန်ကြောင်း တရားလိုက ပြဆိုရုံမျှဖြင့် မလုံလောက်ပေ။မိမိ၏ ပျက်ကွက်မူ (သို့မဟုတ်)လျစ်လျူရှုမူကြောင့် မဟုတ်ဘဲ တရားပြိုင်(ယခင်အမူတရားလို)၏ တမင်လိမ်လည်လှည့်ဖြားမူကြောင့် မိမိသည် ယင်းလိမ်လည်မူကို ယခင်အမူတွင် ဖော်ထုတ်ခွင့်မရခဲ့ကြောင်း သက်သေပြရမည်။ဆုံးဖြတ်ပြီးသော ပြသာနာများကို ထပ်မံအရေးဆိုခွင့်မရနိုင်ချေ “ဟု

ဒေါက်တာအဗ္ဗုဒူလ်ရင် ပါ-၂

နှင့်

ပန်ဒစ်တိုင်ရမ်နှင့်အခြားသူများ

အေအိုင်အာ၊၁၉၃၇၊ရန်ကုန် စာမျက်နှာ-၅၃၄

အမူတွင် ဆုံးဖြတ်ထားပါသည်။

စည်းကမ်းသတ်ကာလ
———————————

“လိမ်လည်လှည့်ဖြား၍ ရယူထားသော ဒီကရီကို ပယ်ဖျက်ပေးစေလိုကြောင်း စွဲဆိုသည့်အမူသည် ကာလစည်းကမ်းကတ်အက်ဥပဒေ ပထမဇယား အမှတ်စဉ်-၉၅နှင့် သက်ဆိုင်သည် “ဟု

ဆိုင်ရမ်လားလ်မန်ဒါးလ် နှင့် နီမိုနီဒက်(စ်)

(ကာလကတ္တားအတွဲ-၃၄၊စာ-၂၄၁)တွင်

ဆုံးဖြတ်ထားပါသည်။

ရုံးခွန်
——-

ရုံးခွန်အက်ဥပဒေပုဒ်မ -၇(၄)(ဂ)အရ တောင်းဆိုသောသက်သောခွင့်အပေါ် ဇယား(၁)အပိုဒ်(၁)ပါနူန်းထားအတိုင်း ထမ်းဆောင်ရပါသည်။

“လိမ်လည်ရယူသွားသည်ဆိုသော ဒီကရီတွင် အမူသည်အဖြစ် မပါသူက ထိုဒီကရီကို ပယ်ဖျက်ပေးရန် တရားစွဲဆိုခွင့် မရှိ”ဟု

အေအိုင်အာ ၁၉၄၃၊ဘုံဘေ ၂၈၃ တွင်

ဆုံးဖြတ်ထားပါသည်။

02/02/2026

"ငြင်ချက်များကို ပြင်ဆင်လျှင် ပြင်ဆင်သောငြင်းချက်များ
နှင့် စပ်လျဥ်း၍ အမူသည်များအား နောက်ထပ်သက်သေခံချက်များ တင်ပြခွင့်ပေးရမည်" ဟု

(အေ၊အိုင်၊အာ၊၁၉၅၂ခုနှစ်၊ဟင်ပရာ ၅၁)တွင်

စီရင်ထုံးပြုထားပါသည်။

02/02/2026

"တရားလို ပေးပို့သောနို့တစ်စာ တရားဝင် မဝင် အဆိုအချေအရ အငြင်ပွားနေလျှင် အမူကိုဆုံးဖြတ်ရန် အရေးပါသော ဥပဒေပြသာနာဖြစ်ခြင်းကြောင့် တရားမကျင့်ထုံးဥပဒေအမိန့်-၁၄၊နည်း-၁ နှင့်၃ တို့အရ ငြင်းချက်ထုတ်ပေးရန် လိုအပ်သောအချက်ဖြစ်ကြောင်း ထင်ရှား၍"နို့တစ်စာ တရားဝင်ပါသလား"ဟူသော ငြင်းချက်ကို ထုတ်ပေးရခြင်း" ဖြစ်သည်ဟု

ဒေါ်ညွန့်ညွန့်ခင် နှင့် ဒေါ်အိမ်ကြည်

{၁၉၉၀ခုနှစ်၊မြန်မာနိုင်ငံတရားစီရင်ထုံး၊စာ-၂၂(၂၄)}တွင်
စီရင်ထုံးပြုထားပါသည်။

14/01/2026

ဦးရှမ်းဘို (ခ)ဦးဉာဏ်လန်း နှင့် ပြည်ထောင်စု
(၁၉၆၁၊မတစ(လွှတ်တော်) စာ-၈၄)အမှုတွင်

"တရားသူကြီးသည် သက်သေများကို မိမိသဘောအလျောက် ပယ်နိုင်ခွင့်မရှိ။ တရားဥပဒေတွင် ဤကဲ့သို့သော သက်သေကိုပယ်နိုင်သော အာဏာပေးထားခြင်းမရှိ"ဟု ဆုံးဖြတ်ထားပါသည်။

27/12/2025

အထူးစုံစမ်းစစ်ဆေးရေးအဖွဲ့ ဒါရိုက်တာလူကြီးထံသို့ ကနဦးက ပေးပို့ခဲ့သော သတင်းအတိုင်း အမှုဖြစ်ပွါးပါက ယင်းသတင်းပေးချက်ကို ပထမသတင်းပေးတိုင်ချက်အဖြစ်မှတ်ယူနိုင်သည်။သို့ရာတွင် FIR နှင့် ထိုတိုင်တန်းသူထွက်သောထွက်ဆိုချက်များသည် အဓိကအချက်များတွင်ဆန့်ကျင် ကွဲလွဲနေပါက ယင်းအမှုမျိုးတွင် တရားခံကိုအပြစ်မပေးနိုင်။

ဦးစိုးလင်း နှင့် နိုင်ငံတော်

၁၉၅၃(လွှတ်တော်) ၂၁၂

09/12/2025

တရားရုံးကတင်ပြရန် ဆင့်ဆိုသောစာမှတ်စာတမ်း
(သို့မဟုတ်)အရာဝတ္တုတခုကိုတင်ပြရန် အကြောင်းမဲ့ပျက်ကွက်သူများကို အရေးယူခြင်း။

ရာဇဝတ် တရားရုံးရှေ့တွင် သက်သေခံစာမှတ်စာတမ်း(သို့မဟုတ်)အရာဝတ္တုတစ်ခုကို တင်ပြစေရန် ဆင့်ဆိုခြင်းခံရသည့် သက်သေက တင်ပြရန်အကြောင်းမဲ့ ငြင်းဆန်လျှင်သော်လည်းကောင်း ၊မေးခွန်းမေးသည်ကို အကြောင်းမဲ့ဖြေဆိုရန် ငြင်းဆန်သည့် သက်သေတို့အား တရားရုံးမှ ထိုသက်သေအား အလုပ်မဲ့ထောင်ဒဏ်(၇)ရက်ထိချမှတ်နိုင်ပါသည်။

၎င်းသက်သေက ဆက်လက်၍ ငြင်းဆန်လျှင် ပြစ်မူဆိုင်ရာကျင့်ထုံးဥပဒေပုဒ်မ-၄၈၀ အရ ကျပ်ငွေ-၂၀၀ထက်မပိုသော ငွေဒဏ်၊ ငွေဒဏ်မဆောင်ပျက်ကွက်ပါက ဒဏ်ငွေမပေးသွင်းမီ ကာလအထိ အလုပ်မဲ့ထောင်ဒဏ်စီရင်နိုင်ပါသည်။

(သို့မဟုတ်)

ပြစ်မူဆိုင်ရာကျင့်ထုံးဥပဒေပုဒ်မ-၄၈၂ အရ ပိုမိုကြီးလေးသော ထောင်ဒဏ် အပြစ်ပေးသင့်သည်ဟု ထင်မြင်ယူဆပါက ပြစ်မူ၏အကြောင်းချင်းရာ၊တရားခံ၏ထွက်ဆိုချက်များကို ရေးမှတ်ပြီး စီရင်ပိုင်ခွင့်အာဏာရှိသော ရာဇဝတ်တရားသူကြီးထံတင်ပို့နိုင်ပါသည်။

အဆင့်မြင့်တရားရုံးဖြစ်က တရားရုံးကို မလေးမစားပြုသော ပြစ်မူဟု သတ်မှတ်ရပေမည်ဖြစ်ကြောင်း ပြစ်မူဆိုင်ရာကျင့်ထုံးဥပဒေပုဒ်မ-၄၈၅ တွင်ပြဠာန်းထားပါသည်။

Hein Min Ko Oo (advocate)

27/11/2025

တရားခံတဦးသည် စိတ်ပေါ့သွပ်နေသည့်အကြောင်းကြောင့် မိမိအပေါ်စွပ်စွဲထားသော စွပ်စွဲချက်ကို ထုချေနိုင်စွမ်းမရှိဟု ယူဆရန်အကြောင်းရှိလျှင် တရားခံ၏ စိတ်ပေါ့သွပ်ခြင်း ရှိမရှိ ဦးစွာစုံးစမ်းရမည်။သက်ဆိုင်ရာမြို့နယ်ဆရာဝန်ဖြင့်စမ်းသပ်စေပြီး ထိုဆရာဝန်က စိတ်ပေါ့သွပ်ခြင်းမရှိဟု ထွက်ဆိုမှာသာ တရားခံအပေါ် ဆက်လက်စစ်ဆေးရမည်။ဆရာဝန်ထွက်ချက်အရ စိတ်ပေါ့သွပ်နေသည်ဟု ယူဆလျှင် အမူကိုရပ်ဆိုင်းထားရမည်။ တရားခံသည် စွပ်စွဲချက်အား ထုချေနိုင်သည့် အချေသို့ရောက်သည်ဟု ဆရာဝန်အကြောင်းကြားလာသည့်အခါတွင် အမူကိုဆက်လက်ကြားနာမည်ဖြစ်ကြောင်း

ပြည်သူ့တရားရုံးလက်စွဲစာစောင်-၁၊ရာဇဝတ်တရားစီရင်ရေးအခန်း(၂)အပိုဒ်(၃၉)တွင် ဖော်ပြထားပါသည်။

adv

27/10/2025

တရားမကျင့်ထုံးဥပဒေပုဒ်မ -၉၂ တွင်
အောက်ပါအတိုင်းပြဋ္ဌာန်းထားသည်-

၉၂ (၁) အများပြည်သူနှင့် သက်ဆိုင်သော လှူဒါန်းမှုကိစ္စအတွက်သော်လည်းကောင်း၊ သာသနာ ရေးကိစ္စအတွက်သော်လည်းကောင်း x x x x x x x x x x x x x x x ပြုလုပ်ထားသော ယုံမှတ်အပ်နှံမှုကို ဖောက်ဖျက်ကြောင်း စွပ်စွဲသည့်ကိစ္စ သို့မဟုတ် အဆိုပါ ယုံမှတ်အပ်နှံမှု တစ်ခုခုတို့ စီမံခန့်ခွဲရန်အတွက် တရားရုံး၏ ညွှန်ကြားချက်လိုအပ်သည်ဟု မှတ်ယူသည့်ကိစ္စတွင် ရှေ့နေချုပ်ကသော်လည်းကောင်း x x x x x x x x ရှေ့နေချုပ်၏ ခွင့်ပြုချက်ကို ရရှိသူနှစ်ဦး သို့မဟုတ် နှစ်ဦးထက်ပိုသူများကသော်လည်းကောင်း x x x x x x x x x တရားစွဲဆိုနိုင်သည်။

“ တရားမကျင့်ထုံးဥပဒေပုဒ်မ ၉၂ တွင် အကျုံးဝင်ရန်အလို့ငှာ ပထမဆုံးလိုအပ်ချက်မှာ အများ ပြည်သူနှင့်သက်ဆိုင်သော လှူဒါန်းမှုကိစ္စအတွက် သို့မဟုတ် သာသနာရေးကိစ္စအတွက် ပြုလုပ်ထား သော ယုံမှတ်အပ်နှံမှုတည်ရှိနေခြင်းပင်ဖြစ်သည်။ ထိုကဲ့သို့ ယုံမှတ်အပ်နှံမှု တည်ရှိလျှင် တရားရုံးမှ ထိုပုဒ်မ ၉၂ တွင်ပါရှိသော သက်သာခွင့်များနှင့် ပတ်သက်၍ ဒီကရီချမှတ်ခြင်းမပြုနိုင်။ ယုံမှတ် အပ်နှံမှုမရှိလျှင် ဤပုဒ်မနှင့် သက်ဆိုင်မှု မရှိပေ”ဟု

ဦးထွေးနှင့် အီး၊ အမ်၊ စူလတန်

(၁၉၇၂ ခုနှစ်၊ မြန်မာနိုင်ငံတရားစီရင်ထုံး၊ စာ-၃၁။) တွင်စီရင်ထုံးပြုထားပါသည်။

The Trust Act တွင် Trust ဆိုသည်မှာ အခြားသူ သို့မဟုတ် အခြားသူနှင့် ပိုင်ရှင်တို့အကျိုးငှာ ပိုင်ရှင်မှ တည်ထောင်ထားသည့် သို့မဟုတ် လက်ခံကြေညာထားသည့် ယုံကြည်မှုမှ ပေါ်ပေါက်သော ပစ္စည်းပိုင်ဆိုင်ခွင့်နှင့်အတူ တွဲဖက်ပါရှိသည့် တာဝန်ဖြစ်သည်ဟု အဓိပ္ပာယ်ဖွင့်ဆိုထားပါ
သည်။

“အများပြည်သူနှင့်သက်ဆိုင်သော လှူဒါန်းမှု ကိစ္စအတွက်သော်လည်းကောင်း၊ သာသနာရေးကိစ္စ အတွက်သော်လည်းကောင်း ပြုလုပ်ထားသော ယုံမှတ်အပ်နှံမှုကို ဖောက်ဖျက်ကြောင်း စွပ်စွဲသည့် ကိစ္စတွင် တရားမကျင့်ထုံးဥပဒေပုဒ်မ ၉၂ (၁) (က) မှ (ဇ) အထိတွင် ဖော်ပြထားသည့်ကိစ္စတစ်ရပ်ရပ် အတွက် တရားစွဲဆိုသည့် အမှုမျိုးသာ ရှေ့နေချုပ်၏ ခွင့်ပြုချက်ရယူရန် လိုသည်”ဟု

ခရစ်မက်သဒစ် အသင်းတော်နှင့် ကျောင်းဘဏ္ဍာထိန်းအဖွဲ့ (၎င်းအသင်း၏ ကိုယ်စားလှယ် အသင်း အတွင်းရေးမှူး ဦးမျိုးမြင့်)

နှင့်

ကမာရွတ်ခရစ်တော်မက်သဒစ် အသင်းတော်ပါ ၃

(၂၀၀၀ ပြည့်နှစ်၊ မြန်မာနိုင်ငံ တရားစီရင်ထုံး၊ စာ-၄၈။) တွငစီရင်ထုံးပြုထားပါသည်။

23/10/2025

လိမ်လည်မှုနှင့် ပဋိညာဉ်ချိုးဖောက်မှုတို့၏ ခြားနားချက်မှာ သွေးဆောင်သည်ဟု စွပ်စွဲသည့်အချိန် တွင် စွပ်စွဲခံရသူ၏ ကြံရွယ်ချက်သည် မည်သို့ရှိသည်ဆိုသည့်အချက်ပေါ်တွင် မူတည်လျက်ရှိပါသည်။ သို့ရာတွင် ထိုကြံရွယ်ချက်မှာ လူတစ်ဦး၏ စိတ်သဏ္ဍာန်တွင် ဖြစ်ပေါ်နေသော အခြေအနေဖြစ်၍ သာမန် အားဖြင့် မြင်လွယ်တွေ့လွယ်သော အရာမဟုတ်ပေ။

သက်သေခံအက်ဥပဒေပုဒ်မ ၁၄ အရ စိတ်အခြေအနေကို ဖော်ပြသော ကြံရွယ်ချက်၊ ရိုးဖြောင့်သော သဘောနှင့်မရိုးမဖြောင့်သောသဘောတို့ကို ဖော်ပြသော အကြောင်းအရာများသည် စပ်ဆိုင်သော အကြောင်းခြင်းရာများဖြစ်သည်။ စိတ်အခြေအနေကို လေ့လာသုံးသပ်ရာတွင် သက်သေခံအက်ဥပဒေ ပုဒ်မ ၈ အရ ပြစ်မှုမတိုင်မီကဖြစ်စေ၊ နောင်တွင်ဖြစ်စေ ပြုမူသည့်အပြုအမူ၊ အမူအရာတို့ကို အခြေခံရ မည်ဖြစ်ပါသည်။

အချင်းမဖြစ်ပွားမီနှင့် အချင်းဖြစ်ပွားပြီး‌နောက် ပြုမူသည့် လူ၏အခြေအနေကိုပေါင်းစပ်သုံးသပ် ကြည့်လျှင် မရိုးမဖြောင့်သောသဘောရှိကြောင်းပေါ်လွင်ပါက ထိုလူသည် လိမ်လည်မှုကို ပြုသည်ဟု ယူဆရပေမည်။

09/10/2025

"တရားမမူတွင် အမူထင်ရှားအောင် သက်သေတင်ပြရန်တာဝန်မှာ သက်သေခံအက်ဥပဒေပုဒ်မ၁၀၁အရ သက်သာခွင့်တောင်းဆိုသောအမူသည်အပေါ် တသမတ်တည်းတည်သည်။ဒီကရီတောင်းဆိုသူသည် မည်သည့်အတွက် ဒီကရီရသင့်ကြောင့် တင်ပြရန်တာဝန်ရှိသည်"ဟု

ကာမလင်ဆင်း ပါ-၂ နှင့် ယူ၊စီ၊ပေါ(လ်)

{၁၉၇၀ပြည့်နှစ်၊ မြန်မာနိုင်ငံတရားစီရင်ထုံး၊စာ-၁၁၆}တွင်
စီရင်ထုံးပြုထားပါသည်။

24/09/2025

“ထိမ်းမြားမှုကို ပျက်ပြယ်လိုသော လင်ယောက်ျား၏ဆန္ဒဖြင့် လင်နှင့်မယားတို့ ၂ ဦးသဘောတူညီချက်အရ ပြုလုပ်ခဲ့ကြသည့် ထိမ်းမြားမှု အနှောင်အဖွဲ့ကို ပျက်ပြယ်ရန် မလုံလောက်ကြောင်း၊ ထိုအနှောင်အဖွဲ့ကို ပျက်ပြယ်ရန်မှာ မယားဖြစ်သူကလည်း ထိမ်းမြားမှုကို ပျက်ပြယ်လိုသောဆန္ဒရှိကြောင်း တုန့်ပြန်မှုရှိရန် လိုအပ်ကြောင်း၊ တုန့်ပြန်သည့် ဆန္ဒကို အထင်အရှားဖြစ်စေ သို့မဟုတ် သိသာထင်ရှားသည့် အမူအရာဖြင့်ဖြစ်စေ ပေးရမည်ဖြစ်ကြောင်း”ဖြင့်

ဒေါက်တာသာမြ နှင့် ဒေါ်ခင်ပု

(၁၉၅၁ ခုနှစ်၊ မြန်မာနိုင်ငံတရားစီရင်ထုံး စာ - ၁၀၈(လွှတ်တော်ချုပ်))တွင်ထုံးဖွဲ့ထားပါသည်။

အထက်ပါ အမှုတွင် ထုံးဖွဲ့ထားမှုကို -

မခင်မြ နှင့် ကုလား(ခ)မောင်လှရွှေ

(၁၉၅၆ခုနှစ်၊မြန်မာနိုင်ငံတရားစီရင်ထုံး၊စာ - ၂၆၄။) တွင် လိုက်နာ၍ဆုံးဖြတ်ထားပါသည်။

Legal Professional Group

21/02/2026

07/02/2026

02/02/2026

02/02/2026

14/01/2026

27/12/2025

09/12/2025

27/11/2025

27/10/2025

23/10/2025

09/10/2025

24/09/2025

Address

Website

Alerts

Shortcuts

Share

Category