القانون المغربي Droit marocain

القانون المغربي Droit marocain القانون المغربي : صفحة خاصة بنشر استشارات قانونيه
(2)

استشارة قانونية حول الملكية المشتركة 🏢السلام عليكم عافاكم، بغيت نستاشر معاكم فواحد المسألة قانونية.واحد الساكن بغا يدير ...
08/08/2026

استشارة قانونية حول الملكية المشتركة 🏢
السلام عليكم عافاكم، بغيت نستاشر معاكم فواحد المسألة قانونية.
واحد الساكن بغا يدير واحد التركيب فالدخلة ديال العمارة اللي هي ملكية مشتركة، تشاور مع السانديك وقال ليه لا، ولكن فالعشية دار التركيب ديالو وقال أن عندو مشكل ديال الضوء وهذا هو الحل الوحيد.
السؤال: شنو كيقول القانون فهاد الحالة ديال التركيب فالملكية المشتركة بلا موافقة؟ وشنو هو الحل القانوني باش نحافظو على المنظر العام للعمارة؟
الله يجازيكم بالخير، بغينا حل ودي وقانوني

05/08/2026

السلام عليكم، بغيت نستاشر معاكم الله يجازيكم بخير

أنا باغي نكري شقة، ومول الدار طلب مني نسخة من البطاقة الوطنية ونسخة من عقد الزواج، مع العلم أننا غادي نديرو عقد الكراء بيناتنا.

واش هادشي ولا قانون جديد دابا ولا غير إجراء عادي كيديروه مالي الديور؟

و فحالة عطيتو هاد الوثائق ومن بعد بغيت نخرج من الدار، واش من حقي نطلب منو يرجعهم ليا ولا يقطعهم قدامي؟

اللي فايت داز من نفس التجربة يفيدنا الله يرحم الوالدين وشكرا

02/08/2026

الخدمة قل من 18 عام؟ ها الشروط الصارمة لي كايفرضها القانون المغربي !

واش فراسك شنو هو أصغر سن مسموح بيه يخدم فالمغرب؟ وواش كاينا شي حاجة سميتها السن الأقصى؟

ها شنو كتقول مدونة الشغل بالضبط

السن الأدنى أقل سن للخدمة هو 15 سنة، والقانون ما حددش سن أقصى للقبول.. يعني المجال مفتوحالشباب بين 15 و 18 عام ممنوع يمارسوا مهن كتقدر تضر بصحتهم بحال التمثيل، الإشهار المعارض.. إلا بـ إذن مكتوب من مفتش الشغل وموافقة ولي الأمر !

ممنوع منعا باتا (خط أحمر): تكليف أي شخص قل من 18 عام بأعمال خطيرة، ألعاب بهلوانية، ولا أي خدمة كتشكل خطر على حياتو، صحتو، ولا أخلاقو!

بزاف ديال الناس كيسولوني على هاد الموضوع 👇اولا هادشي ماشي جديد راه قديم غير حيث غياب الوعي الضريبي عند المغاربة هادشي لي...
28/07/2026

بزاف ديال الناس كيسولوني على هاد الموضوع 👇

اولا هادشي ماشي جديد راه قديم غير حيث غياب الوعي الضريبي عند المغاربة هادشي لي معلومة تنشرات ولات تتجيهم جديدة و هادشي راه كاين فالمادة 214 من المدونة العامة للضرائب .

فخبارك بلي فالقانون المغربي، المديرية العامة للضرائب عندها الحق فحالات محددة ومضبوطة، تطلب الاطلاع على المعطيات البنكية ديالك، ولكن ماشي بشكل عشوائي.

هادشي كيكون غير فإطار مسطرة قانونية واضحة، مثلا فحالة مراقبة ضريبية، وضروري يكون باحترام المساطر والقانون ديال حماية المعطيات.

يعني الأمر ماشي هو أنها تدخل لحسابك وقتما بغات، لا، كاين قانون كينظم كلشي.

شنو رأيكم فهاد الموضوع؟ واش كنتو عارفين هاد المعلومة من قبل؟

#المغرب

🗓️ تذكير مهم من المديرية العامة للضرائب: آخر أجل هو 31 يوليوز 2026المديرية العامة للضرائب فكرات جميع المهنيين و المقاولا...
25/07/2026

🗓️ تذكير مهم من المديرية العامة للضرائب: آخر أجل هو 31 يوليوز 2026

المديرية العامة للضرائب فكرات جميع المهنيين و المقاولات أن آخر أجل باش يديرو التصريحات و يخلصو الضرائب ديالهم هو نهار 31 يوليوز 2026، و هادشي كيهم بزاف ديال الفئات.

شكون هما الناس المعنيين؟

1. المقاولات اللي رقم المعاملات ديالها كثر من 200 مليون سنتيم (2 مليون درهم):
خاصكم تصرحو بآجال الأداء ديال الربع الثاني ديال 2026 فالسيت SIMPL - Délais de paiement. واخا ما عندكم حتى فاتورة معطلة، خاصكم ديرو التصريح ديالكم.

و إلا كان رقم المعاملات ديالكم 5 مليار سنتيم و الفوق، الفواتير اللي ما تخلصاتش خاصها تكون مؤشرة من عند مراقب الحسابات (Commissaire aux comptes). و إلا كان قل، كافي خبير محاسبي أو محاسب معتمد.

2. المقاول الذاتي:

اللي كيصرح كل 3 شهور: خاصك تصرح برقم المعاملات ديال الربع الثاني (أبريل - ماي - يونيو) و تخلص فبريد المغرب قبل 31 يوليوز.
اللي كيصرح كل شهر: خاصك تصرح ديال شهر يونيو قبل نفس الأجل.
3. الضريبة على الدخل المقتطعة من المنبع و الضريبة على القيمة المضافة TVA:
الناس اللي كيخلصو TVA سواء كل شهر أو كل 3 شهور، خاصهم يديرو التصريح ديالهم فمنصة SIMPL-TVA و يخلصو إلكترونيا قبل 31 يوليوز.

و واحد النقطة مهمة فـ TVA: إلا كنتي كتخلص شي واحد خدام براسو و عندو شهادة الوضعية الجبائية، كتحجز 75% من TVA. إلا ما عندوش الشهادة، كتحجز 100%.

نصيحة باش تتفادى الغرامات:
دخل دابا للبوابة الرسمية ديال المديرية العامة للضرائب www.tax.gov.ma و شوف SIMPL اللي كيهمك، و ما تخليش كلشي لآخر نهار حيث السيت كيكون عامر.

هاد المنشور هو للتوعية و المعلومة فقط، و المرجع الرسمي هو البلاغات ديال المديرية العامة للضرائب.

إلا كتعرف شي مقاول ذاتي أو صاحب شركة، طاغيه باش توصلو المعلومة.
#ضريبة

24/07/2026

جارك خرج ليك على الدار بالفويت وكيقول ليك "دابا نصاوب"؟ ها كيفاش تتصرف بالقانون


كتطلع عند جارك تقول ليه صاوب الفويت لي ، كيبدا يسوف عليك: "غدا.. السيمانة الجاية" والدار كتكرفس؟ ها التصرف القانوني الصحيح:

الإثبات هو الأول: جيب خبير يثبت رسميا بلي هاد الأضرار سببها الفويت لي عند جارك.. بلا إثبات راه ما عندك والو!

الطريق الأول إلا كان الأمر مستعجل): كتدير طلب لرئيس المحكمة (قاضي المستعجلات باش يصدر أمر عاجل يفرض عليه يصلح العيب ويرفع الضرر فالحين.

الطريق الثاني إلا كان الوقت كا يسمح كترفع دعوى فالموضوع باش يصلح الضرر، وتزيد تطالب بـ التعويض على كاع الخسائر لي تسبب ليك فيها

23/07/2026

صور ليا "لاكارط ناسيونال "! شكون لي عندو الحق يصورها ؟

كل نهار كيتطلب منك تصور لاكارط ناسيونال.. عند مول التوصيل، فاش تكري شقة، تكشيطة، ولا حتى باراسول فالبحر ! واش هادشي قانوني؟ لا طبعا ! ها القانون شنو كيقول في "لا كارط ديالك":

شكون لي عندو الحق يصورها؟ فقط مؤسسات وإدارات الدولة، ضباط وأعوان الشرطة القضائية، والمؤسسات لي عندها ترخيص من الـ (CNDP).

شكون لي ممنوع كلياً يصورها؟ الـ Livreur ، لي كيكري ليك شقة، التكاشط، ولا الباراسول.. وأي شخص عادي

شنو يدير فقط؟ يطالع عليها بالعين المجردة، يتأكد من الهوية ديالك، ويردها ليك فالبلاصة! (ما يصورهاش بالتليفون وما ياخدش ليها فوتوكوبي).

الخلاصة : المعطيات الشخصية ديالك خط أحمر .. ما تخلي حتى واحد يصور لاكارط ديالك إلا إذا كانت جهة مرخصة قانونيا

22/07/2026

متتبع يسئل من لديه جواب يفيده

السلام عليكم الاخوان حنا عائلة وارثين واحد دار من بايا بحيث با ممقمش داك الورث ديال ولد خوه وخرجات 216 سهم وديك الوثيقة فيها حنا ولد عمي تاهو نفس الاسهم وحد المرى اخرة 18 سهم وديك الدار كتستغلها واحد المرا سكنت فيها من العائلة ولكن بعيدة هيا هديك مشينا عزد العدول ظار تقسيم الفريضة دار فيها 72 فاصل الفريضة ماشي 216 ملي بحث لقيت دار تصغير الارقام يعني شد 216 قسمها على 3 ورجعات 72 قولولي واش لابد ادير نفس الرقم فالفريضة لهي 216 ولا ديك 72 واش غيخرج نفس النصيب بهاد 72 و 216 ولالا بحكم قسم على 3 الاشخاص لوارثين وحدد الانصبة ديال كل واحد فالابناء واش هدشي هو هداك ولالا

الموضوع: الإجراءات القانونية المتعلقة بتصفية الديون الجبائية للهالك قبل قسمة التركةتحية قانونية،تبعاً للتساؤل المطروح بخ...
22/07/2026

الموضوع: الإجراءات القانونية المتعلقة بتصفية الديون الجبائية للهالك قبل قسمة التركة

تحية قانونية،

تبعاً للتساؤل المطروح بخصوص وجود ديون ضريبية بذمة المورث تعرقل قسمة التركة، نفيدكم بالتوضيحات العامة التالية:

أولاً: المبدأ القانوني الحاكم
استناداً لمقتضيات مدونة تحصيل الديون العمومية، فإن الديون الجبائية تعتبر من الديون الممتازة التي تسبق قسمة التركة. و عليه، فإن نقل ملكية العقار للورثة عبر شهادة الملكية أو رسم القسمة يستوجب الإدلاء بـ "شهادة إبراء الذمة الضريبية".

ثانياً: الحلول المتاحة قانوناً

مسطرة التسهيلات في الأداء: طبقاً للمادة 156 من المدونة العامة للضرائب، يمكن للورثة تقديم طلب للخازن الإقليمي قصد الاستفادة من أداء المبلغ على أقساط. يتم إرفاق الطلب بما يثبت حالة العسر.
الدفع بالتقادم: الديون الضريبية تخضع للتقادم الرباعي. غير أن هذا التقادم ينقطع بأي إجراء من إجراءات التحصيل. لذلك وجب دراسة الملف الضريبي للهالك للتأكد مما إذا تم قطع التقادم من عدمه.
المنازعة في أصل الدين: إذا كانت هناك أخطاء في تصفية الضريبة على الهالك، يمكن للورثة سلوك مسطرة المنازعة داخل الآجال القانونية.
توصية عملية: ننصح بالتوجه فوراً إلى موثق. الموثق بحكم صفته يعتبر مخاطباً رسمياً لإدارة الضرائب و هو المؤهل لتحصيل شهادة الإبراء. سيقوم بدراسة الوضعية الجبائية للعقار و يقترح عليكم الحل الأنسب، سواء الأداء الفوري أو طلب الجدولة أو الدفع بالتقادم إن توفرت شروطه.

تنبيه: هذا الرد يدخل في إطار الثقافة القانونية العامة و لا يشكل استشارة موجهة لحالة بعينها. كل ملف له خصوصياته التي تتطلب دراسة من طرف مهني مختص.
#القانون المغربي #الورث

Address

Marrakesh

Website

Alerts

Be the first to know and let us send you an email when القانون المغربي Droit marocain posts news and promotions. Your email address will not be used for any other purpose, and you can unsubscribe at any time.

Shortcuts

Share