17/08/2026
⚖️ ماددەی هۆشبەر:تاوانێکی بێبەزەیی یان نەخۆشییەکی کۆمەڵایەتی؟
بڵاوبوونەوەی ماددە هۆشبەرەکان و کاریگەرییە ئەقڵییەکان (کە لە خشتەکانی یاسادا دیاریکراون وەک: کریستاڵ، حەشیش، هێرۆین و جۆرەکانی تر) لە ناو گەنجاندا، یەکێکە لە مەترسیدارترین ئەو ئاڵنگارییانەی ئاسایشی خێزان و کۆمەڵگە هەڕەشە لێدەکات.
یاسادانەری کوردستان لە یاسای ڕووبەڕووبوونەوەی ماددە هۆشبەرەکان و کاریگەرە ئەقڵییەکان (ژمارە ١ی ساڵی ٢٠٢٠)، جیاوازییەکی زۆر ڕوونی لە نێوان بازرگان، ئاسانکار، و بەکارهێنەردا کردووە:
١. تاوانی بازرگانیی قورس (ماددەی ٢٥ - تاوان/جناية):
سزاکەی زیندانی هەتاهەتایی (السجن المؤبد) یان زیندانی کاتییە، لەگەڵ غەرامەی (١٥ تا ٣٠ ملیۆن دینار) بەسەر هەر کەسێکدا کە ماددەی هۆشبەر هاوردە بکات، بنێرێتە دەرەوە، یان بەرهەمی بهێنێت بە مەبەستی بازرگانی.
٢. تاوانی ئاسانکاری و ناوەندگیری (ماددەی ٢٦ - تاوان/جناية):
سزاکەی زیندانی کاتی (السجن المؤقت - تا ١٥ ساڵ) و غەرامەی (١٥ تا ٣٠ ملیۆن دینار) دەسەپێندرێت بەسەر هەر کەسێکدا کە ناوەندگیری بکات، یان شوێن ئامادە بکات بۆ بەکارهێنانی ماددەی هۆشبەر.
٣. ڕوانگەی یاسا بۆ بەکارهێنەران (ماددەی ٣٠ - کەتن/جنحة):
سزادان: سزای زیندانیکردن (لە ١ ساڵ تا ٣ ساڵ) و غەرامەی (٥ تا ١٠ ملیۆن دینار) بەسەر کەسی بەکارهێنەردا دەسەپێنێت.
٤. دەرفەتی زێڕین بۆ ئالوودەبووان (ماددەی ٣٥):
هیچ داوایەکی سزایی تۆمار ناکرێت لەسەر بەکارهێنەر ئەگەر خۆی یان کەسوکاری (تا پلە چوار) پێش دەستگیرکردنی، داوای یارمەتی و چارەسەر لە داواکاری گشتی یان سەنتەرەکانی چارەسەر بکەن.
💡 پەیامی یاسایی ئێمە:
یاسا دەرفەتی داوە بە ئالوودەبووان پێش دەستگیرکردنیان خۆیان ڕادەستی سەنتەرەکانی چارەسەر بکەن تا وەک نەخۆش مامەڵەیان لەگەڵدا بكرێت، نەک وەک تاوانبار.
#یاسا #کوردستان #دادگا #سلێمانی #دادپەروەری
