22/07/2026
🚨 "اشتريت قطعة أرض أو بيت.. وطلع العقد مبيوع لأكثر من شخص!"
واحدة من أكبر الكوارث التي تحول شقى العمر إلى كابوس، هي لما يشتري الشخص عقار بعقد خارجي (مكاتبة)، وبعد فترة يكتشف إن نفس العقار مبيوع لشخصين أو ثلاثة غيره، أو إن السند مزور!
شلون تحمي نفسك من هذا الفخ قبل ما تدفع دينار واحد؟
🛑 لا تكتفي بـ "المكاتبة": العقد الخارجي وحده مو ضمان نهائي. لازم تسوي "تأكيد ملكية" وسحب صورة قيد حقيقية من دائرة التسجيل العقاري (الطابو).
🛑 تأكد من شخصية البائع: هل الشخص اللي قدامك هو المالك الحقيقي؟ لو مجرد وكيل؟ وإذا وكيل، هل الوكالة نافذة ومضبوطة لو ملغاة؟
🛑 الرموز السريعة والمطابقة: المحتالين يستغلون استعجال المشتري وقلة خبرته بالإجراءات الرسمية حتى يمررون عقود وهمية.
⚖️ شنو موقف القانون؟
بيع ملك الغير والنصب عن طريق تزوير المحررات تعتبر من الجرائم الجنائية الصارمة، والقانون العراقي يفرض عقوبات بالسجن الشديد مع إلزام الجاني برّد كافة المبالغ والتعويض عن الأضرار.
💡 نصيحة:
شراء العقار مو مثل شراء أي حاجة بسيطة. قبل ما تطبق صفقة عقارية وتدفع العربون، خلي المحامي يدقق سند العقار، والوكالات، وسجل الطابو. دقائق من التدقيق القانوني توفر عليك سنوات من المراجعات بالمحاكم.
اخوكم المحامي احمد صالح عزت
