Kamo khdir :: کامۆ خدر, Sulaymaniyah, As Sulaymaniyah (2026)

25/08/2026

وەزارەتی دارایی بڕیاری بەردەوامبوونی خەرجکردنی دەرماڵەی مەترسی دەدات

وەزارەتی خوێندنی باڵا و توێژینەوەی زانستی سەرجەم زانکۆ حکومییەکان، دەستەی کوردستانی بۆ دیراساتی ستراتیجی و ئەنجومەنی باڵای پسپۆڕییە پزیشکییەکان لە بڕیارێکی نوێی وەزارەتی دارایی و ئابووری سەبارەت بە دەرماڵەی مەترسی ئاگادار دەکاتەوە.

بەپێی نووسراوی فەرمیی وەزارەتی دارایی و ئابووری (ژمارە ٧٨٢٨ لە ڕێکەوتی ١٦ی ئابی ٢٠٢٦)، بڕیاردراوە بە بەردەوامبوونی خەرجکردنی دەرماڵەی مەترسی بۆ ئەو فەرمانبەرانەی کە هەڵگری بڕوانامەی بەکالۆریۆسن لە بەشی کۆمپیوتەر و ناونیشانی وەزیفییان «ئەندازیار»ـە، تا ئەو کاتەی ڕێنمایی نوێ لەوبارەیەوە دەردەچێت.

ئەم بڕیارە دوای زنجیرەیەک بەدواداچوون و نووسراوی وەزارەتی خوێندنی باڵا دێت سەبارەت بە ڕوونکردنەوەی سروشتی کاری ئەندازیارانی کۆمپیوتەر و ئایتی لە تاقیگە، سێرڤەر و سەرپەرشتیکردنی تۆڕەکان، کە تێیدا جەخت لە شایستەبوونیان بۆ وەرگرتنی دەرماڵەی مەترسی کرابووەوە.

Kamo khdir :: کامۆ خدر

25/08/2026

کەی خوێندن لە زانکۆکان دەستپێدەکات؟

بەپێی ڕێنماییە فەرمییەکان و رێنمای پێواژۆی بۆلۆنیا تایبەت بە خوێندنی ئەکادیمی لە زانکۆکاندا، ساڵی نوێی خوێندن لە سەرەتای مانگی ئەیلول (مانگی 9) دەست پێدەکات و تا کۆتایی مانگی حوزەیران (مانگی 6) بەردەوام دەبێت.

قوتابیان و خوێندکاران پابەند دەکرێن بە پەیڕەوکردنی ئەو ڕۆژمێرە ئەکادیمییەی لەلایەن ئەنجومەنی زانکۆوە دادەنرێت و لەلایەن وەزارەتی خوێندنی باڵاوە پەسەند دەکرێت.

واتا وەک لە رێنمایەکەدا هاتوە پێویستە سەرەتای مانگی (٩) دەستپێکردنی خوێندن دیاری بکریت و خوێندن دەستپێبکات

گرنگترین خاڵەکانی سیستەمی خوێندن و ساڵنامەی ئەکادیمی:

* سیستەمی خوێندن: خوێندن لەسەر بنەمای سیستەمی وەرزی (سیمستەر) و سیستەمی کرێدیت (Credit System) بەڕێوەدەچێت.

* دابەشبوونی ساڵی خوێندن: ساڵی ئەکادیمی دابەش دەبێت بەسەر دوو وەرزی ئاساییدا کە بریتین لە:

* وەرزی پایزە (Fall Semester)
* وەرزی بەهارە (Spring Semester)

* ماوەی وەرزەکانی خوێندن: ماوەی هەر وەرزێک بە (20) هەفتە دیاریکراوە بۆ ئەنجامدانی سەرجەم چالاکییەکانی تایبەت بە پرۆسەی خوێندن، تۆمارکردن، و ئەنجامدانی تاقیکردنەوەکان، بەو مەرجەی ماوەی تەواوی وانەوتنەوە و خوێندن لە هەر وەرزێکدا لە (14) هەفتە کەمتر نەبێت.

پاڵپشت بە رێنمایەکەی سەرەوە ئاسایە رۆژی دەوام لە نێوان زانکۆیەک بۆ زانکۆیەک چەند رۆژێک جیاوازی هەبێت

تا ئێستا ئەنجومەننی چەند زانکۆیەک رۆژی دەستکردن بە خوێندنی بۆ ساڵی خوێندنی ٢٠٢٦-٢٠٢٧ راگەیاندوە لەوانە:-

زانکۆی سۆران رایانگەیاند رێکەوتی ٢٠٢٦/٩/٥ دەستپێکی خوێندن دەبیت

زانکۆی زاخۆ رایانگەیاند رێکەوتی ٢٠٢٦/٩/٦ دەستپێکی خوێندن دەبیت

زانکۆی سەڵاحەدین/هەولێر ٢٠٢٦/٩/١٣ وەک رۆژی دەستپێکی ساڵی نوێی خوێندن دیاری کردوە

Kamo khdir :: کامۆ خدر

24/08/2026

وەزارەتی خوێندنی باڵا و توێژینەوەی زانستی هەرێم گرانتێکی ٢٠٠ هەزار دۆلاریی ئەمریکی بۆ زانکۆکانی کوردستان ڕادەگەیەنێت

وەزارەتی خوێندنی باڵا و توێژینەوەی زانستیی حکومەتی هەرێمی کوردستان، گشتاندنێکی فەرمی بۆ سەرجەم زانکۆ حکومی و تایبەتەکان، ئەنجومەنی باڵای کوردستان بۆ پسپۆڕییە پزیشکییەکان و دەستەی کوردستانی بۆ دراساتی ستراتیجی بڵاوکردووەتەوە سەبارەت بە هەلێکی دارایی گرنگ.

بەپێی نووسراوەکە، کە واژۆی پ.ی.د. یاسین ساڵح حەمە، بەڕێوەبەری گشتیی فەرمانگەی نێردراوان و پەیوەندییە ڕۆشنبیرییەکانی بەسەرەوەیە، وەزارەتی دەرەوەی ئەمریکا گرانتێک (هەلی دارایی) بە بڕی ٢٠٠,٠٠٠ (دوو سەد هەزار) دۆلاری ئەمریکی بۆ پڕۆژەی (U.S. Mission Iraq Education USA Roadshow) تەرخانکردووە.

ئامانجی ئەم پڕۆژەیە بەهێزکردنی هاوبەشییە لە نێوان زانکۆ ئەمریکییەکان و زانکۆکانی عێراق و هەرێمی کوردستان، لە چەند بوارێکی گرنگدا، لەوانە:

* پەرەپێدانی خوێندنی ژیریی دەستکرد (AI).
* پڕۆگرامە تەکنەلۆژییەکان.
* پەرەپێدانی بەرنامەی بڕوانامەی هاوبەش (Joint Degree).
* پەرەپێدانی بەرنامەی ئاڵوگۆڕی خوێندکار و قوتابی و مامۆستایان.

وەزارەتی خوێندنی باڵا داوا لە دامەزراوە پەیوەندیدارەکان دەکات کار بۆ پێشکەشکردنی داواکاری بۆ سوودمەندبوون لەم گرانتە بکەن.

دواکاتیش بۆ پێشکەشکردنی داواکاری بریتییە لە ١١ی ئەیلوولی ٢٠٢٦.

تەواوی وردەکاری گرانتەکە بە(PDF) لە گرووپی تیلیگرامەکە دانراوە دەتوانن هەموو زانیاریەکانی فەندەکە لەناو ئەو فایلەدا بخوێنەوە

https://t.me/kamoyasa/4305

24/08/2026

هەلی خوێندن بۆ (دەرچووانی پەیمانگە تەکنیکییە دوو ساڵییەکان حکومی و ناحکومی بەیانیان و ئێواران) ڕادەگەیەنێت بۆ بەدەستهێنانی بڕوانامەی بەکالۆریۆس لە زانکۆی پۆلیتەکنیکەکان بە سیستەمی خوێندنی (پۆلیتەکنیک – پارالێڵ) بۆ ساڵی خوێندنی (٢٠٢٦ – ٢٠٢٧).

مەرج و رێنمایی زانکۆی پۆلیتەکنیکی سلێمانی

ئاگادارییەک لە بەڕێوەبەرایەتی تۆماری گشتی زانکۆی پۆلیتەکنیکی سلێمانی سەبارەت بە هەلی خوێندن بۆ بەدەستهێنانی بڕوانامەی بەکالۆریۆس بە سیستەمی خوێندنی (پۆلیتەکنیک – پارالێڵ) بۆ ساڵی خوێندنی (٢٠٢٦ – ٢٠٢٧).

زانکۆی پۆلیتەکنیکی سلێمانی هەلی خوێندن بۆ (دەرچووانی پەیمانگە تەکنیکییە دوو ساڵییەکان حکومی و ناحکومی بەیانیان و ئێواران) ڕادەگەیەنێت بۆ بەدەستهێنانی بڕوانامەی بەکالۆریۆس لە کۆلێجە تەکنیکییەکانی زانکۆی پۆلیتەکنیکی سلێمانی بە سیستەمی خوێندنی (پۆلیتەکنیک – پارالێڵ) بۆ ساڵی خوێندنی (٢٠٢٦ – ٢٠٢٧).

مەرج و ڕێنماییەکانی پێشکەشکردن:
- پێشکەشکردن تەنها بە ئۆنلاین دەبێت لە ڕێگەی ئەم لینکەوە (https://admitionspu.com/)
- ماوەی پێشکەشکردن لە ڕێکەوتی (٢٣/٨/٢٠٢٦) دەست پێدەکات تاوەکو (١٠/٩/٢٠٢٦) بەردەوام دەبێت.
- پێداویستییەکانی پێشکەشکردن
- بڕوانامەی دبلۆم یاخود پشتگیری دەرچوون بەمەرجێک نمرەکەى نوسرابێت بە شێوازی ڕێژەى سەدی.
- کارتی نیشتمانی هەردوو دیوەکەى لەسەر یەک لاپەڕە.
- تەنها بۆ فەرمانبەران: نوسراوی لاری نەبوونی فەرمانگەکەى بۆ مۆڵەتی خوێندن.
- ناوی چواری وەک کارتی نیشتمانی داخڵ بکرێت بە ڕێنووسی کوردی.
- مەرجى تەمەن بۆ پێشکەشکردن لە ( ١ / ١ / ١٩٨٦ ) و بچوکتر، واتە لە (40 ساڵ) زیاتر نەبێت.
- مەرجى نمرە بۆ پێشکەشکردن و کێبڕکێ بۆ (کۆلێجە تەکنیکییە ئەندازیارییەکان) نمرەی دبلۆمی لە (70%) کەمتر نەبێت.
- مەرجى نمرە بۆ پێشکەشکردن و کێبڕکێ بۆ (کۆلێجە تەکنیکییە تەندروستییەکان) نمرەی دبلۆمی لە (65%) کەمتر نەبێت.
- مەرجى نمرە بۆ پێشکەشکردن و کێبڕکێ بۆ کۆلێجە تەکنیکییەکانى (کارگێڕی، ئینفۆڕماتیک، کشتوکاڵ) نمرەی دبلۆمی لە (60%) کەمتر نەبێت.
- وەرگرتن تەنها بۆ بەشی هاوتا دەبێت.
- کاتی خوێندن بەم سیستەمە بەیانیانە، وە کاندیدی سەرکەوتوو ئەوانەی وەردەگیرێن ئەگەر فەرمانبەری حکومی بوون پێویستە نوسراوی لاری نەبوونی فەرمانگەکانیان هاوپێچ بکەن وە زانکۆمان بەرپرس نییە بەرامبەر فەرمانگەکانیان بۆ پێدانی مۆڵەتی خوێندن.
- ماوەی خوێندن بەم سیستەمە (4 ساڵە).
- خوێندکاری وەرگیراو لە (قۆناغی یەکەم)ەوە دەست بە خوێندن دەکات.
- دەرچووانی پەیمانگەکانی (زانکۆی پۆلیتەکنیکی هەولێر - زانکۆی پۆلیتەکنیکی دهۆک - زانکۆی پۆلیتەکنیکی گەرمیان - زانکۆی ئاکرێ بۆ زانستە کردارییەکان) لە ڕێگەی نزیکترین زانکۆی پۆلیتەکینکییەوە لە شوێنی نیشتەجێبوونیان داواکاری پێشکەش دەکەن.
- سەبارەت بە دەرچووانی (یەکەم و دووەم و سێیەمی بەیانیان و ئێواران)ی ساڵی خوێندنی (٢٠٢٥ – ٢٠٢٦)ی (تەنها پەیمانگەکانی زانکۆمان) ئەوانەى کۆنمرەى دەرچوونیان لە پەیمانگە لە (٧٠% زیاترە) لە ڕێگەى ئەم سیستەمەوە داواکاری پێشکەش نەکەن بەڵکو ئەو دەرچووانە پێویستە لە پەیمانگەکانیان داواکاری پێشکەش بکەن،
وە ئەگەر دەرچووانی (یەکەم و دووەم و سێیەمی بەیانیان و ئێواران)ی ساڵی خوێندنی (٢٠٢٥ – ٢٠٢٦)ی (تەنها پەیمانگەکانی زانکۆمان) ئەوانەى کۆنمرەى دەرچوونیان لە پەیمانگە لە (٧٠% کەمترە) ئەوا پێویستە لە ڕێگەى لینکی ئاماژە بۆکراوی سەرەوە داواکاری پێشکەش بکەن.
- دەرچووانی (پەیمانگەی دوو ساڵی نا حکومی) دەتوانن داواکاری پێشکەش بکەن بە مەرجێک بەشی هاوتای لە زانکۆمان هەبێت.
- هەر پێشکەشکارێک ڕێگەپێدراوە تەنها یەک جار فۆڕم پێشکەش بکات بە پێچەوانەوە لە کێبڕکێی وەرگرتن دوور دەخرێتەوە.
- هەر پێشکەشکارێک زانیاری هەڵە پێشکەش بکات لە کێبڕکێی وەرگرتن دوور دەخرێتەوە.
- مه‌رج نیه‌ هه‌ر خوێندكارێك كه‌ داواکارى پێشكه‌ش كرد وه‌ربگیرێت له‌به‌رئه‌وه‌ی ژمارەی کورسییەکانی خوێندن دیاریکراوە به‌پێی پلانی به‌شه‌ زانستییه‌كان، وە تەنها (نمره‌ی دبلۆم و پلانی وەرگرتن) ده‌كرێت به‌ پێوه‌ر بۆ ده‌ستنیشانكردنی خوازیاره‌ سه‌ركه‌وتووه‌كان وە هیچ پێوه‌رێكی تر به‌كارناهێنرێت.
- دوای وردبینی کردنی زانیاری پێشکەشکاران لەلایەن بەڕێوەبەرایەتی تۆماری گشتیمانەوە ناوەکان لە لیستی پێشکەشکراواندا دەردەکەوێت.

مەرج و رێنمای زانکۆی پۆلیتەکنیکی هەولێر

زانکۆی پۆلیتەکنیکی هەولێر وەرگرتن بە سیستمی پۆلیتەکنیک رادەگەیەنێت بۆ پێشکەشکردن بۆکۆلیژە تەکنیکیەکانی ئەندازیاری، تەندروستی و پزیشکی، و کارگێری بۆ دەرچوانی پەیمانگە تەکنیکیەکان ئەوانەی هەلگری بروانامەی دبلۆمی تەکنیکین لە دەرچوانی زانکۆی پۆلیتەکنیکی هەولێر.
بەپێی مەرجە گشتییەکانی ئەو سیستمە، پێویستە پێشکەشکار دەرچوووی زانکۆی پۆلیتەکنیکی هەولێر بێت و تەمەنی لە 40 سال تێپەرنەبووبێت. دواتر پێشکەشکاران پێشبرکێ دەکەن لەسەر کورسی تەرخان کراو لە بەشە جیاوازەکان تەنها بە پێوەری نمرەی دەرچونیان لە پەیمانگە.
بۆ پێشکەشکردن پێویستە پێشکەشکار ئەو لینکەی خوارەوە بۆ تەنها یەک جار پربکاتەوە.
https://forms.gle/9Xe41p5FsV4SM1Az5

مەرج و رێنمایی زانکۆی پۆلیتەکنیکی دهۆک

وەرگرتنا قوتابیان ب سیستەمێ (پۆلیتەکنیک) پارالێل
بۆ سالا خاندنێ 2026-2027 هاتە کارا کرن

سەرۆکاتیا زانکۆیا پۆلیتەکنیک دهۆک – رێڤەبەریا تومارا گشتى ئاگەهداری یا گشت دەرچویێن پەیمانگەهێن تەکنیکیێن دوو سالی و یێن حکومی و ئەهلی لدویف رێنمایێن 2026-2027 دکەت کۆ هەر ژ روژا ئێک شەمبى رێکەفتى 23/8/2026 هەتا روژا پێنج شەمبى یا رێکەفتى 10/9/2026 دێ دەرگەهێ پێشکێشکرنێ بۆ کولیژێن تەکنیکیێن زانکۆیا پۆلیتەکنیک دهۆک ب سیستەمێ پۆلیتەکنیک (پارالێل) بۆ سالا نوى یا خاندنێ 2026-2027 یێ کارا بیت

پێشکێشکرن دێ ب رێکا ئەڤى لینکێ ل خوارێ بیت.
https://apply.dpu.edu.krd

مەرج و رێنمایی زانکۆی پۆلیتەکنیکی گەرمیان

بەڕێوەبەرایەتی تۆماری گشتی زانکۆی پۆلیتەکنیکی گەرمیان، هەلی خوێندن بۆ (دەرچووانی پەیمانگە تەکنیکییە دوو ساڵییەکانی حکومی و ناحکومی بەیانیان و ئێواران) ڕادەگەیەنێت بۆ بەدەستهێنانی بڕوانامەی بەکالۆریۆس لە کۆلێجە تەکنیکییەکانی زانکۆی پۆلیتەکنیکی گەرمیان بە سیستەمی خوێندنی (پۆلیتەکنیک – پارالێل) بۆ ساڵی خوێندنی (2026-2027).

مەرج و ڕێنماییەکانی پێشکەشکردن:
- پێشکەشکردن تەنها بە ئۆنلاین دەبێت لە ڕێگەی ئەم لینکەی خوارەوە دەبێت

https://docs.google.com/forms/d/e/1FAIpQLScFGc5HZ2xgcGCa8jm9lZSc5ccwLbCo_HUtWF-ND6cm1sml2A/viewform?usp=preview

- ماوەی پێشکەشکردن لە بەرواری (24/8/2026) دەست پێدەکات تاوەکو (8/9/2026) بەردەوام دەبێت.
- پێداویستییەکانی پێشکەشکردن:
1- بڕوانامەی دبلۆم یان پشتگیری دەرچوون بەمەرجێک نمرەکەى نوسرابێت بە شێوازی ڕێژەى سەدی.
2- کارتی نیشتمانی هەردوو دیوەکەى لەسەر یەک لاپەڕە.
3- تەنها بۆ فەرمانبەران نوسراوی لاری نەبوونی هەبێت بۆ مۆڵەتی خوێندن.
- ناوی چواری وەک کارتی نیشتمانی داخڵ بکرێت بە ڕێنووسی کوردی.
- مەرجى تەمەن بۆ پێشکەش کردن لە (1/1/1986) و بچوکتر، واتە لە (40 ساڵ) زیاتر نەبێت.
- مەرجى نمرە بۆ پێشکەش کردن و کێبڕکێ بۆ (کۆلێجە تەکنیکییە ئەندازیارییەکان) نمرەی دبلۆمی لە (70%) کەمتر نەبێت.
- مەرجى نمرە بۆ پێشکەش کردن و کێبڕکێ بۆ (کۆلێجە تەکنیکییە تەندروستییەکان) نمرەی دبلۆمی لە (65%) کەمتر نەبێت.
- مەرجى نمرە بۆ پێشکەش کردن و کێبڕکێ بۆ کۆلێجە تەکنیکییە (کارگێڕییەکان) نمرەی دبلۆمی لە (60%) کەمتر نەبێت.
- وەرگرتن تەنها بۆ بەشی هاوتا دەبێت.
- کاتی خوێندن بەم سیستەمە بەیانیانە، و کاندیدی سەرکەوتوو ئەوانەی وەردەگیرێن ئەگەر فەرمانبەری حکومی بوون پێویستە نوسراوی لاری نەبوونی فەرمانگەکانیان هاوپێچ بکەن، و زانکۆمان بەرپرس نیـــە بەرامبەر فەرمانگەکانیان بۆ پێدانی مۆڵەتی خوێندن.
- ماوەی خوێندن بەم سیستەمە (4 ساڵە).
- خوێندکاری وەرگیراو لە (قۆناغی یەکەم)ەوە دەست بە خوێندن دەکات.
- دوو کورسی خوێندن لە هەربەشێک تایبەت دەبێت بە دەرچووانی (زانکۆی پۆلیتەکنیکی سلێمانی- زانکۆی پۆلیتەکنیکی هەولێر - زانکۆی پۆلیتەکنیکی دهۆک ) زانکۆی ئاکرێ بۆ زانستە کردارییەکان کە لە ڕێگەی نزیکترین زانکۆی پۆلیتەکینکییەوە لە شوێنی نیشتەجێبوونیان داواکاری پێشکەش دەکەن.
- سەبارەت بە دەرچووانی (یەکەم و دووەم و سێیەمی بەیانیان و ئێواران)ی ساڵی خوێندنی (2025-2026)ی (تەنها پەیمانگەکانی زانکۆمان) لە ڕێگەى ئەم سیستەمەوە داواکاری پێشکەش نەکەن بەڵکو ئەو دەرچووانە بە لیستێکی جیا لە ڕێگەی بەڕێوەبەرایەتی ناوەندی وەرگرتن لە وەزارەتی خوێندنی باڵا و توێژیەوەی زانستی وەردەگیرێنەوە لە کۆلێجە هاوتاکان.
- دەرچووانی (پەیمانگەی نا حکومی دوو ساڵی) دەتوانن داواکاری پێشکەش بکەن بە مەرجێک بەشی هاوتای لە زانکۆمان هەبێت.
- هەر پێشکەشکارێک ڕێگەپێدراوە تەنها یەک جار فۆڕم پێشکەش بکات بە پێچەوانەوە لە کێبڕکێی وەرگرتن دوور دەخرێتەوە.
- هەر پێشکەشکارێک زانیاری هەڵە پێشکەش بکات لە کێبڕکێی وەرگرتن دوور دەخرێتەوە.
- مه‌رج نیه‌ هه‌ر خوێندكارێك كه‌ داواکارى پێشكه‌ش كرد وه‌ربگیرێت له‌به‌رئه‌وه‌ی ژمارەی کورسییەکانی خوێندن دیاریکراوە به‌پێی پلانی به‌شه‌ زانستییه‌كان، وە تەنها (نمره‌ی دبلۆم و پلانی وەرگرتن) ده‌كرێت به‌ پێوه‌ر بۆ ده‌ستنیشانكردنی خوازیاره‌ سه‌ركه‌وتووه‌كان، و هیچ پێوه‌رێكی تر به‌كارناهێنرێت.
- دوای وردبینی کردنی زانیاری پێشکەشکاران لەلایەن بەڕێوەبەرایەتی تۆماری گشتیمانەوە ناوەکان لە لیستی پێشکەشکراواندا دەردەکەوێت.

بەڕێوەبەرایەتی تۆماری گشتی زانکۆی پۆلیتەکنیکی گەرمیان

23/08/2026

وەزارەتی خوێندنی باڵای عێراقی فیدراڵ دەستپێکردنی پێشکەشکردن بۆ خەڵاتەکانی ڕۆژی زانست ڕادەگەیەنێت و مەرجەکانی خۆپاڵاوتن دیاری دەکات

وەزارەتی خوێندنی باڵا و توێژینەوەی زانستی عێراق، دەستپێکردنی پێشکەشکردن بۆ خەڵاتەکانی ڕۆژی زانستی عێراقی بۆ ساڵی ٢٠٢٥ ڕادەگەیەنێت، کە تاوەکو ڕۆژی یەکشەممە ڕێکەوتی ١٣ی ئەیلوولی ٢٠٢٦ بەردەوام دەبێت.

وەک جەختکردنەوەیەک لەسەر ئاراستەی بەرەو بەرزکردنەوەی ئاستی لێهاتوویی لە بوارە جیاوازەکاندا، وەزارەتی خوێندنی باڵا و توێژینەوەی زانستی عێراق تەوەرەکانی کێبڕکێی زانستی و خەڵاتەکانی بەم شێوەیە دیاری کردووە:

-خەڵاتی توێژینەوەی نایابی بڵاوکراوە لە گۆڤارێکی زانستیی نێودەوڵەتی یان ناوخۆییدا
-خەڵاتی کتێبی دانراو (مەنهەجی / گشتی)
-خەڵاتی گۆڤاری زانستیی نایاب
-خەڵاتی پڕۆژەی دەرچوونی نایاب (پڕۆژەی خوێندنی بەرایی یان پڕۆژەی خوێندنی باڵا)
-خەڵاتی ناوەندی توێژینەوەی نایاب
-خەڵاتی یەکەی توێژینەوەی نایاب
- خەڵاتی کۆمەڵەی زانستیی نایاب
-خەڵاتی زانکۆی بەردەوامی نایاب (زانکۆی سەوز)

فەرمانگەی توێژینەوە و پەرەپێدان ڕوونی دەکاتەوە کە هەڵبژاردنی براوەکان بۆ پسپۆڕییەکانی زانستە پزیشکییەکان، زانستە پەتییەکان، زانستە ئەندازیارییەکان، و زانستە کشتوکاڵی و ڤێتێرنەرییەکان، بە هاوکاریی نێوان فەرمانگەکە و دامەزراوەی (Clarivate) ئەنجام دەدرێت.

بەپێی نووسراوە فەرمییەکەی وەزارەتی خوێندنی باڵا و توێژینەوەی زانستی عێراق، مەرجەکان و وردەکارییەکانی خۆپاڵاوتن بۆ خەڵاتەکانی ڕۆژی زانست بەم شێوەیەیە:

مەرجەکانی خۆپاڵاوتن بۆ خەڵاتەکان (شروط الترشيح للجوائز):

1. شێوازی پێشکەشکردن: پێشکەشکردن بۆ خەڵاتەکان تەنها لە ڕێگەی کۆدی وەڵامدانەوەی خێرا (QR Code)ی سیستەمی ئەلیکترۆنیی ڕۆژی زانست دەبێت.

2. شایستەیی پێشکەشکار: پێویستە پاڵێوراو تەنها لە خوێندکاران یان فەرمانبەران و مامۆستایانی (منتسبي) سەر بە وەزارەتی خوێندنی باڵا و توێژینەوەی زانستی بێت.

3. ساڵی بەرهەمەکان: دەبێت سەرجەم بەرهەم و چالاکییە پێشکەشکراوەکان تەنها تۆمارکراوی ساڵی ٢٠٢٥ بن.

4. مافی پێشکەشکردن: ڕێگەپێدراوە پاڵێوراو داواکاری بۆ زیاتر لە خەڵاتێک لەو خەڵاتانەی ئاماژەیان پێکراوە پێشکەش بکات.

5. بەڵگەی فەرمی: پێویستە پاڵێوراو بەڵگەنامەی فەرمی پێشکەش بکات کە ڕاست و دروستیی سەرجەم زانیارییەکان بسەلمێنێت.

کات و وادەی پێشکەشکردن و تانەدان:

دەستپێکی پێشکەشکردن: ڕۆژی یەکشەممە ٢٠٢٦/٨/٢٣.
کۆتایی پێشکەشکردن: ڕۆژی یەکشەممە ٢٠٢٦/٩/١٣.
ماوەی تانەدان (اعتراضات): دوای ڕاگەیاندنی ئەنجامە بەراییەکان، ماوەی (٥) پێنج ڕۆژ دیاریکراوە بۆ تانەدان.

تێبینییە گرنگەکان دەربارەی هەڵسەنگاندنی خەڵاتەکان:

توێژینەوەی نایاب: لە پسپۆڕییەکانی (زانستە پزیشکییەکان، زانستە پەتییەکان، ئەندازیاری، کشتوکاڵ و ڤێتێرنەری) هەڵبژاردنی براوەکان بە هاوبەشی لەگەڵ دامەزراوەی Clarivate ئەنجام دەدرێت. بۆ پسپۆڕییەکانی دیکەش (زانستە مرۆڤایەتییەکان، کارگێڕی و ئابووری) پێشکەشکردن ڕاستەوخۆ بە شێوەی ئەلیکترۆنی لەلایەن بەشداربووانەوە دەبێت.

خەڵاتەکانی (کتێبخانەی زانکۆیی نایاب) و (کاریگەرترین ئەکادیمی لە کۆمەڵگەدا): پاڵێوراوان لە ڕێگەی لێژنەی تایبەتمەندی وەزارییەوە هەڵدەبژێردرێن.

خەڵاتەکانی (زانکۆی نایاب لە بواری توێژینەوەی زانستی، توێژەری نایاب، هەڵسەنگێنەرانی توێژینەوەی نایاب): هەڵبژاردنی براوەکان بە هاوکاریی دەزگای Clarivate دەبێت.

خەڵاتی (زانکۆی نایاب): لەلایەن فەرمانگەی توێژینەوە و پەرەپێدان و بە هەماهەنگی لەگەڵ فەرمانگەکانی ناوەندی وەزارەت هەڵدەبژێردرێت.

22/08/2026

رۆژی سێشەمە رێککەوتی( ٢٠٢٦/٨/٢٥ ) پشووی فەرمی دەبێت لەسەرجەم دام و دەزگانی حکومەتی هەرێمی کوردستان بەبۆنەی یادی لەدایکبونی پێغەمبەری مەزن درودی خوای لەسەر بێت بەپێی خشتەی پشووەکانی حکومەتی هەرێم

20/08/2026

وەرگرتنی پارەی تاوتوێکردنی ماستەر و دکتۆرا و هەڵسەنگاندنی زانستی و زمانەوانی لە خوێندکاران/ قوتابیان و میوانداری ئەندامانی لیژنەی تاوتوێکردن پێچەوانەی بریار و رێنمایی یە

بەرێزان رۆژانە خوێندکار وقوتابیەکی زۆری ماستەر و دکتۆرا لەناوخۆی هەرێمی کوردستان پەیوەندیم پێوەدەکەن لەسەر خەرجکردنی پارەی (پاداشت ) سەرپەرشتیار و ئەندامانی لیژنەی تاوتوێکردنی ماستەر و دکتۆرا و هەڵسەنگاندنی زانستی و زمانەوانی لەناوخۆی هەرێمی کوردستان و کەناڵی روداویش ئەمرۆ راپۆرتێکی لەسەر کرد

پاڵپشت بە نوسراوی ژمارە(١٢٦٤٣) لەبەرواری ٢٠٢٢/٩/٥ ئەنجومەنی وەزیرانی هەرێمی کوردستان

پاڵپشت بە رێنمایی ژمارە(١٢) ساڵی ٢٠٢٢ وەزارەتی دارایی و ئابوری هەرێمی کوردستان کە بەژمارە (١٠٧٤٤) لە بەرواری ٢٠٢٢/١٠/٥ ئاراستەی سەرجەم وەزارەتەکان کراوە

پاڵپشت بە نوسراوەکانی وەزارەتی خوێندنی باڵا و توێژینەوەی زانستی بە ژمارەکانی (١٨٣٧٥) لە بەرواری ٢٠٢٢/١٠/١٩ و نوسراوی ژمارە (٢٥٧٦) لە ٢٠٢٣/٢/٦ و نوسراوی ژمارە(١٠٣٤٨) لە بەرواری ٢٠٢٣/٥/٣٠

پاڵپشت بە نوسراوەکانی وەزارەتی خوێندنی باڵا و توێژینەوەی زانستی بە ژمارەکانی (٧٣٤٤) لە بەرواری ٢٠٢٢/٤/٢٤

پاڵپشت بە سەرجەم ئەو نوسراوانەی کە لەسەرەوە ئاماژەم پێداون کە ئەوانە کۆتا نوسراو و رێنماین لەسەر ئەو بابەتە خەرجکردنی پارە (پاداشت )ی سەرپەرشتیار و ئەندامانی لیژنەی تاوتوێکردنی ماستەر و دکتۆرا لەناوخۆی هەرێمی کوردستان بۆ سەرجەم جۆری کورسیەکان(گشتی و پارالێل وجۆرەکانی تر) و هەڵسەنگاندنی زانستی و زمانەوانی لە ئەستۆی زانکۆیە بەهیچ جۆرێک لە ئەستۆی (خوێندکار و قوتابی) نی یە بۆیە پێویست ناکات قوتابی و خوێندکار بەهیچ جۆرێک پارەی سەرپەرشتیار و ئەندامانی لیژنەی تاوتوێکردنی ماستەر و دکتۆرا بدات.

پاڵپشت بە فەرمانی وزاری ٧٣٤٤ لەبەرواری ٢٠٢٢/٤/٢٤ له‌ پێناو به‌رژه‌وه‌ندی گشتی وەزارەتی خوێندنی باڵا بڕیاردرا، ڕێگه‌ به‌ هیچ قوتابی و خوێندكارێكی خوێندنی باڵا (ماسته‌ر و دكتۆرا) له‌ زانكۆكانی هه‌رێمی كوردستان نه‌درێت میوانداری سه‌رۆك و ئه‌ندامانی لێژنه‌ی تاوتوێكردنی ماسته‌رنامه‌و تێزی دكتۆرا بۆ نانخواردن بكه‌ن و شوێنی مانه‌وه‌یان بۆ دابین بكه‌ن.
بڕیارەکە له‌پێناو كه‌مكردنه‌وه‌ی بارگرانی دارایی سه‌رشانی قوتابیان و خوێندكارانە، هه‌روه‌ها شه‌فافیه‌ت و پرۆفیشناڵی له‌ ئه‌نجامدانی پرۆسه‌ی تاوتوێكردن ده‌ركراوه‌، ئەوەش هاتوە پێویسته‌ سه‌رۆك و ئه‌ندامانی لێژنه‌ی تاوتوێكردن پابه‌ند بن به‌ ناوه‌ڕۆكی ئه‌م بڕیاره‌.

بەداخەوە زۆرێک لە زانکۆکان ئەو ئەرکە قورسەیان خۆستۆتە سەرشانی (قوتابی و خوێندکار) پارەی سەرپەرشتیار و ئەندامانی لیژنەی تاوتوێکردنی ماستەر و دکتۆرا لە قوتابی و خوێندکار وەردەگرن و دەڵێن هەر کاتێک حکومەت پارەکەی خەرج کرد ئیمەش پارەکەت بۆ دەگرێنەوە کە ئەمەش جگە پێچەوانەی رێنمایەکان هیچی تر نی یە و پێویستە زانکۆ لەسەر داهاتی خۆی خەرجی سەرپەرشتیار و ئەندامانی لیژنەی تاوتوێکردن بدات.

هەرچەندە زۆر جار ئەندامی تاوتوێکردن پارەکە وەرناگرن بەڵام ئەوانەش رێژەیان زۆر کەمە

هەندێکجار ئەندامانی ناوزانکۆش پارە وەرناگرن و تەنها لارەی ئەندامانی دەرەوەی زانکۆ وەردەگرن بەڵام ئەوەش لە هەموو زانکۆکا. وەک یەک نی یە

ئەندامانی لیژنە بەپێی رێنمایی مافی خۆیانە ئەو پاداشتە وەربگرن یاسا و رێنمای بۆی دیاری کردون بەس لە قوتابی و خوێندکار نا بەڵکو پێویستە ئەو خەرجیانە زانکۆ بیدات زانکۆکانیش گلەی ئەوە دەکەن وەزارەتی دارایی پارەکە خەرج ناکاتەوە لە کاتی خۆیدا

بۆیە هەر زانکۆیەک داوای پارەی سەرپەرشتیار و ئەندامانی لیژنەی تاوتوێکردنی ماستەر و دکتۆرا لە قوتابی و خوێندکار کرد ئەوا قوتابی و خوێندکار دەتوانن لە دادگای کارگێری و دەستەی دەسپاکی سکاڵا لەسەر زانکۆ تۆمار بکەن پاڵپشت بەو نوسراوانەی لەسەرەوە ئاماژەم پێداون.

داوا لە وەزارەتی خوێندنی باڵا و توێژینەوەی زانستی دەکەم لەپێناو بەرژەوەندی گشتی و بەرژەوەندی خوێندکاران و قوتابیانی ماستەر و دکتۆرا لیژنەیەکی بەدواداچون پێکبهێنیت لەسەر ئەم بابەتە و ئەرکی سەرشانی قوتابیان و خوێندکاران سوک بکات لەم بار و دۆخە دا.

مافپەروەر :: کامۆ خدر

19/08/2026

خوێندنی باڵا مەرج و ڕێنمایی نوێ بۆ بەرزکردنەوەی پلەی زانستیی مامۆستایانی گرێبەست و وانەبێژ ڕادەگەیەنێت

وەزارەتی خوێندنی باڵا و توێژینەوەی زانستیی حکومەتی هەرێمی کوردستان، لە ڕێگەی فەرمانگەی توێژینەوە و پەرەپێدان (بەڕێوەبەرایەتی کاروباری زانستی)، لە نووسراوێکی فەرمیدا کە وڵامی زانکۆی هەڵبجە دراوەتەوە و@ ئاراستەی سەرۆکایەتی زانکۆ حکومییەکان کراوە، چەند ڕێنمایی و بڕیارێکی نوێی سەبارەت بە بەرزکردنەوەی پلەی زانستی بۆ هەڵگرانی بڕوانامەی ماستەر و دکتۆرا لە مامۆستایانی گرێبەست و وانەبێژ خستەڕوو.

بەپێی نووسراوەکە و پاڵپشت بە گشتاندنی ژمارە (٢٠٤٢٦)ی وەزارەت:

مامۆستایانی گرێبەستی حکومی: ئەو مامۆستایانەی لە زانکۆ حکومییەکاندا گرێبەستی حکومین، بەپێی ڕێنماییەکان تەنها لە ڕووی زانستییەوە پلەی زانستییان بەرز دەکرێتەوە و لە ڕووی داراییەوە لەم قۆناغەدا سوودمەند نابن.

مامۆستایانی گرێبەست لەسەر داهات: هەڵگرانی بڕوانامەی ماستەر و دکتۆرا کە لەسەر داهات گرێبەستن، ناتوانن داواکاری بۆ بەرزکردنەوەی پلەی زانستی پێشکەش بکەن.

مامۆستایانی وانەبێژ: سەرجەم ئەو هەڵگرانی بڕوانامەی باڵا کە بە شێوەی وانەبێژ لە زانکۆ حکومییەکان وانە دەڵێنەوە، مافی پێشکەشکردنی داواکاریی بەرزکردنەوەی پلەی زانستییان نییە.

ئەم بڕیارە وەک ڕوونکردنەوەیەک هاتووە بۆ دیاریکردنی سنور و چوارچێوەی یاسایی و کارگێڕیی پێدانی نازناوی زانستی و بەرزکردنەوەی پلەی ئەکادیمی بۆ کادیرانی وانەبێژ و گرێبەست لە ناوەندەکانی خوێندنی باڵا لە هەرێمی کوردستان.

هەرچەندە من نازانم مەبەستیان لەسەر گرێبەستی داهات کێ یە چونکە گربەستەکان زۆربەی لەسەر داهاتی ناوخۆ و داهاتی زانکۆ و سەر صندوقن و رێژەیەکی کەم لەسەر بودجەی ئاساین بە براوی من پێویست بوو گرێبەستی جۆری داهات دیاری بکریت چونکە ئەم بریارە لە بەرژەوەندی زۆرینەی گرێبەستەکان نی یە.

کامۆ خدر :: Kamo khdir

18/08/2026

هەواڵێکی گرنگ بۆ ئەو قوتابی و خوێندکارانەی هەرێمی کوردستان کە لە وڵاتی ئێران دەخوێنن ماوەی ٢٠٢٦/٢/٢٨ تاوەکو ٢٠٢٦/٦/٤ بە ماوەی مانەوە هەژمار کرا

لە هەنگاوێکدا بۆ لەبەرچاوگرتنی بارودۆخی سەخت و پاراستنی مافی خوێندکاران و قوتابیان ، وەزارەتی خوێندنی باڵا و توێژینەوەی زانستی حکومەتی هەرێمی کوردستان بڕیارێکی گرنگی سەبارەت بە چارەنووسی ئەو خوێندکار و قوتابییانە دەرکرد کە بەهۆی ناسەقامگیری و شەڕ لە وڵاتی ئێران کاریگەرییان لەسەر دروست بووە.

ناوەرۆکی بریارەکە

سەبارەت بە چۆنیتی مامەڵەکردن لەگەڵ کاریگەرییەکانی دۆخی شەڕ و ناسەقامگیری لە وڵاتی ئێران لەسەر قوتابیانی هەرێمی کوردستان کە لەو وڵاتە دەخوێنن و بە پێی ئەو دەسەڵاتەی پێماندراوە بڕیاردرا بە:-

هەژمارکردنی ماوەی نێوان ٢٠٢٦/٢/٢٨ تاوەکو ٢٠٢٦/٦/٤ بە ماوەی مانەوە و قەرەبوو. سەبارەت بە شایستەبوونی مووچە بنەڕەتییەکان بۆ ئەو ماوەیە بەم شێوەی دەبێت:

ئەگەر کەسەکە خۆی لە ناو مۆڵەتی خوێندن و درێژکردنەوەی بە مووچە بوو، قەرەبووی بە مووچە دەکرێت، بە پێچەوانەوە بەبێ مووچە هەژمار دەکرێت.

کامۆ خدر :: Kamo khdir

17/08/2026

ئاگادارییەکی گرنگ سەبارەت بە مامەڵەی ڕاستی و دروستی بڕوانامەکان کە لە عێراق بەدەست دەهێنرێن

وەزارەتی خوێندنی باڵا و توێژینەوەی زانستی هەرێمی کوردستان، ڕێکار و پێداویستییە نوێیەکانی بۆ ڕاییکردنی مامەڵەی (ڕاستی و دروستی) ئەو بڕوانامانە ڕاگەیاند کە لە زانکۆکانی ناوەڕاست و خوارووی عێراق بەدەستهاتوون.

بەپێی دوایین گشتاندنی فەرمانگەی نێردراوان و پەیوەندییە ڕۆشنبیرییەکان، بە مەبەستی کارئاسانی و ڕاییکردنی ئەم جۆرە مامەڵانە، پێویستە سەرجەم پێشکەشکاران و خاوەن بڕوانامەکان بە وردی ڕەچاوی ئەم پێداویستییانەی خوارەوە بکەن:

مۆڵەتی خوێندنی پێشوەختە: پێویستە نووسراوی (لاری نەبوون) بۆ دیبلۆمی و بەکالریۆس یان فەرمانی (مۆڵەتی خوێندنی پێشوەختە) بۆ بەکالریۆس و دیبلۆمی باڵا و ماستەر و دکتۆرا کە بەر لە دەستپێکردنی خوێندن دەرچووە هاوپێچ بکرێت، ئەمەش بە ڕەچاوکردن و گونجان لەگەڵ ڕێنماییەکانی هەردوو وەزارەتی دارایی و خوێندنی باڵا.

وێنەی بڕوانامە: پێویستە (دوو وێنەی کۆپی ڕەنگاوڕەنگ) لە بڕوانامە بەدەستهاتووەکە هاوپێچ بکرێت لەگەڵ دۆسیەی مامەڵەکەدا.

وەزارەت بە توندی جەخت لەوە دەکاتەوە کە بە پێچەوانەوە و لە کاتی کەموکوڕی یان نەبوونی ئەم پێداویستییانەدا، بە هیچ شێوەیەک کار لەسەر مامەڵەکان ناکرێت و کاری پێویستی بۆ ئەنجام نادرێت.

سەرجەم بروانامەکان دەگرێتەوە وەک بەکالریۆس و ماستەر و دکتۆرا کە فەرمانبەر لە ناوەراست و خواری عێراق بەدەست هاتوون

تێبینی: ئەم ڕێنماییە ئاراستەی گشت وەزارەتەکان، فەرمانگە نەبەستراوەکان بە وەزارەت، و سەرجەم زانکۆ حکومی و تایبەتەکانی هەرێمی کوردستان کراوە بە مەبەستی جێبەجێکردن.

پرۆسەی (ڕاستی و دروستی) چی یە؟

پرۆسەی (ڕاستی و دروستی) (صحة صدور)، بریتییە لە ڕێکارێکی گرنگی کارگێڕی و یاسایی کە دامەزراوەکانی کەرتی گشتی دەیگرنەبەر بۆ دڵنیابوون لە دروستی و ڕەسەنایەتی ئەو بەڵگەنامە و بڕوانامانەی کە پێشکەشیان دەکرێت.

ئەم پرۆسەیە پایەیەکی بنەڕەتییە لە کاری کارگێڕیدا بۆ پاراستنی بەرژەوەندی گشتی، جێبەجێکردنی یاسا و ڕێگریکردن لە ساختەکاری. لێرەدا گرنگترین تایبەتمەندی و ئامانجەکانی ئەم پرۆسەیە دەخەینە ڕوو:

مەبەستی سەرەکی ئەوەیە کە لایەنی پێشوازی‌کار (بۆ نموونە وەزارەتی خوێندنی باڵا یان فەرمانگەیەک) ڕاستەوخۆ پەیوەندی بەو لایەنەوە دەکات کە بڕوانامەکەی دەرکردووە (بۆ نموونە زانکۆیەک)، بۆ ئەوەی پشتڕاستی بکاتەوە کە ئەو بەڵگەنامەیە ساختە نییە و زانیارییەکانی ناوی دروستن.

هیچ بڕیارێکی کارگێڕی وەک (دامەزراندن، پلە بەرزکردنەوە، گۆڕینی ناونیشانی وەزیفی، پێدانی نازناوی زانستی، یان پێدانی مۆڵەتی کارکردن) بنەمایەکی یاسایی و کارگێڕی دروستی نابێت ئەگەر بڕوانامە و بەڵگەنامەکانی کەسەکە لە ڕێگەی پرۆسەی ڕاستی و دروستییەوە پشتڕاست نەکرابنەوە.

ئەم ڕێکارە وەک فلتەرێکی گرنگ کاردەکات بۆ ڕێگریکردن لە بەکارهێنانی بڕوانامەی ساختە، کە دەبێتە هۆی گەندەڵی کارگێڕی، بەهەدەردانی سامانی گشتی و پێشێلکردنی مافی ئەو کەسانەی کە بە شایستەیی بڕوانامەیان بەدەستهێناوە.

پێویستە سەرجەم وەزارەتەکانی هەرێم نوسراو ئاراستەی وەزارەتی خوێندنی باڵا و توێژینەوەی زانستی هەرێم بکرێت و دواتر وەزارەتی خوێندنی باڵا ئاراستەی نوێنەرایەتی حکومەتی هەرێم لە بەغداد و ئەو زانکۆیەی بروانامەکەی لێبەدەستهاتووە دەکات

مەرجە ئەو بروانامەیە لە زانکۆیەکی دانپێدانراو بەدەستهاتبێت و مەرجەکانی تری وەزارەتی دارایی لەکاتی بەدەستهێنانی بروانامە جێ بەجێکردبێت

پێویستە پرۆسەکە بە نهێنی ئەنجام بدرێت

کامۆ خدر :: Kamo khdir

Kamo khdir :: کامۆ خدر

25/08/2026

25/08/2026

24/08/2026

24/08/2026

23/08/2026

22/08/2026

20/08/2026

19/08/2026

18/08/2026

17/08/2026

Address

Website

Alerts

Shortcuts

Share

Category

Listing takedown request