07/10/2026
როდესაც ადამიანის უფლებები და ღირსეული ცხოვრების უფლება საფრთხის ქვეშ დგას — სამართლებრივი დახმარება განსაკუთრებით მნიშვნელოვანია.
ჩვენ მოგვმართა მოქალაქემ, რომელიც დახმარებას ითხოვდა საკუთარი და ოჯახის უფლებების დასაცავად.
ოჯახი არის დევნილი და სოციალურად დაუცველი. ისინი ცხოვრობენ უკიდურესად მძიმე პირობებში — ნგრევად ობიექტში, სადაც საცხოვრებელი პირობები სიცოცხლისა და ჯანმრთელობისთვის სათანადო არ არის და, ფაქტობრივად, თავზე აწვიმთ.
ოჯახმა დახმარების მიღების მიზნით მიმართა ადმინისტრაციულ ორგანოს, თუმცა, ჩვენი შეფასებით, მათთვის გაწეული არასწორი კონსულტაციის შედეგად განაცხადი არასწორად იქნა შევსებული, რასაც საბოლოოდ მოჰყვა განაცხადის დაუკმაყოფილებლობა.
შედეგად, უკიდურესად მძიმე მდგომარეობაში მყოფი ოჯახი კვლავ იმავე პირობებში დარჩა — ფაქტობრივად, ღია ცის ქვეშ.
სწორედ ასეთ შემთხვევებში არის განსაკუთრებით მნიშვნელოვანი, რომ ადამიანმა იცოდეს საკუთარი უფლებები და დროულად მიიღოს კვალიფიციური სამართლებრივი დახმარება.
ჩვენ არ დავზოგავთ ძალისხმევას, რათა დავიცვათ ამ ოჯახის უფლებები და კანონით გათვალისწინებული შესაძლებლობების ფარგლებში მაქსიმალურად შევუწყოთ ხელი მათთვის ღირსეული საცხოვრებელი პირობების უზრუნველყოფას.
ამასთან, გვინდა კიდევ ერთხელ გავუსვათ ხაზი:
არ დაელოდოთ პრობლემის გამწვავებას.
თუ ფიქრობთ, რომ თქვენი უფლება დაირღვა, მიიღეთ გადაწყვეტილება დროულად და მიმართეთ პროფესიონალს.
⚖️ დაიცავი შენი უფლებები. იცოდე კანონი. იმოქმედე დროულად.
სწორმა, სამართლებრივმა დახმარებამ დღეს, შეიძლება თავიდან აგარიდოთ გაცილებით მძიმე შედეგები ხვალ.
