11/08/2026
➡️გვსურს, გამოვეხმაუროთ გურამ დადიანიძის საქმეს, რომელმაც საზოგადოების ფართო ყურადღება და მნიშვნელოვანი ჩართულობა გამოიწვია.
🔹️უპირველესად, მადლობას ვუხდით თითოეულ ადამიანს, ვინც ამ პროცესში საკუთარი პოზიციით, ინტერესითა თუ მხარდაჭერით ჩაერთო. როგორც იურისტებისთვის, განსაკუთრებით მნიშვნელოვანია იმის დანახვა, რომ საზოგადოების მნიშვნელოვანი ნაწილი სამართლის აღდგენისა და სამართლიანობის დადგენის მოთხოვნას გულწრფელად და თანმიმდევრულად გამოხატავს. ნათლად დავინახეთ, რომ ადამიანის სიცოცხლის დაცვა ადამიანურივე საზომით, ჩვენი თანაბარი ვალდებულებაა, განურჩევლად იმისა თუ რამდენად ახლოს ან შორს ვართ კონკრეტულ ადამიანთან.
🔹️ვფიქრობთ, რომ ამ საქმესთან დაკავშირებული თითოეული პირის მთავარი მოტივი უნდა იყოს ადამიანის ბედის მიმართ პასუხისმგებლობა, იმის სურვილი, რომ 12 წლის შემდეგაც კი შესაძლებელი გახდეს დაკარგული შვილის, მეგობრის, ნაცნობის, კლასელის, ნათესავისა თუ უბრალოდ ადამიანის პოვნა და იმ კითხვებზე პასუხის გაცემა, რომლებიც წლების განმავლობაში პასუხგაუცემელი რჩება.
🔹️ვთვლით, რომ თითოეულ ჩვენგანს გააჩნია საკუთარი წილი ღირსება, რომელიც ჩვენი ქმედებებისა და გადაწყვეტილებების განმსაზღვრელი უნდა იყოს. სწორედ ღირსება უნდა გვიბიძგებდეს ერთმანეთის მიმართ პასუხისმგებლობის, თანადგომისა და ემპათიისკენ.
🔹️ჩვენთვის განსაკუთრებით საყურადღებო და უცნაურია ის გარემოება, სადაც „თანამოქალაქეობა“ თითქოს უფრო ძლიერ საფუძვლად იქცევა სამართლისა და თანადგომისთვის, ვიდრე ამაზე უფრო ახლო ემოციური კავშირები.
🔹️როგორც იურიდიული ჯგუფი, მივიჩნევთ, რომ სამართლის მიღწევა მხოლოდ სამართლებრივი პროცედურების განხორციელებას არ გულისხმობს. სამართალი მოითხოვს საქმესთან კავშირში მყოფი პირების მხრიდან სიმართლის დადგენის სურვილს, პასუხისმგებლობასა და რეაგირებას. ბევრი ქმედებაა საქმეში, რომელიც ლოგიკურად იწვევს კითხვებს, ჩანს უცნაური, არის გულგრილი, ამიტომ მიგვაჩნია, რომ საზოგადოების რეაქცია არის აბსოლუტურად სწორი და ადეკვატური.
🔹️სწორედ ამიტომ, მოვუწოდებთ ყველას, ვისაც ამ საქმესთან რაიმე ფორმით აქვს შეხება, იმოქმედოს პასუხისმგებლობით, კეთილსინდისიერად და ადამიანის ღირსების პატივისცემით, რადგან საბოლოო მიზანი მხოლოდ ერთი უნდა იყოს: სიმართლის დადგენა და მისი აღსრულება.
⚖️🔹️გულწრფელ წარმატებას ვუსურვებთ, პირველ რიგში მის დედას, ჩვენს კოლეგებს და იმ ადამიანებს, რომლებიც მათ აუდიტორიას კეთილი საქმეებისთვის იყენებს.
#იურიდიული #ჯგუფი #პრაელექსი
