16/12/2023
🟢 იურიდიული ფირმა TGCL-ის დამფუძნებელი პარტნიორის, გივი ლუაშვილის წარმომადგენლობით საკონსტიტუციო სარჩელი დააკმაყოფილა სასამართლოს პლენუმმა! 🟢მოსარჩელე(ებ)ს და მათ წარმომადგენელს ვულოცავთ ამ დიდ წარმატებას, საქართველოს კი-მნიშვნელოვან გადაწყვეტილებას და სასამართლო პრაქტიკას!
🟢საკონსტიტუციო სასამართლოს მოცემული გადაწყვეტილებით ნაწილობრივ დაკმაყოფილდა კონსტიტუციური სარჩელი.
🟢კონსტიტუციური სარჩელის ფარგლებში სადავოდ იყო გამხდარი საქართველოს პრეზიდენტის 2020 წლის N 1 დეკრეტის "საქართველოს მთელ ტერიტორიაზე საგანგებო მდგომარეობის გამოცხადებასთან დაკავშირებით გასატარებელ ღონისძიებათა შესახებ" და „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ საქართველოს მთავრობის 2020 წლის 23 მარტის №181 დადგენილება.
🟢საკონსტიტუციო სასამართლომ იმსჯელა პრეზიდენტის დეკრეტის შემდეგ რეგულაციებზე:
1. საქართველოს მთავრობას მიეცეს უფლება, დაადგინოს იზოლაციისა და კარანტინის წესები;
2. შეიზღუდოს ნებისმიერი სახის შეკრება, მანიფესტაცია და ადამიანების თავშეყრა, გარდა საქართველოს მთავრობის დადგენილებით განსაზღვრული გამონაკლისი შემთხვევებისა;
3. საქართველოს მთავრობას მიეცეს უფლება, აუცილებლობის შემთხვევაში, საკარანტინო, საიზოლაციო და სამედიცინო მიზნებისათვის მის მიერ დადგენილი წესით შეზღუდოს საკუთრების უფლება და გამოიყენოს ფიზიკურ და იურიდიულ პირთა ქონება და მატერიალური საშუალებები;
4. საქართველოს მთავრობის დადგენილებით გათვალისწინებულ კერძო სამართლის სუბიექტებს აეკრძალოთ, შეეზღუდოთ ან დაევალოთ ცალკეული საქმიანობის განხორციელება, ამავე დადგენილებით გათვალისწინებული წესის შესაბამისად;
5.საქართველოს მთავრობას მიეცეს უფლება, მოახდინოს შესაბამისი სამედიცინო განათლებისა და უფლებამოსილების მქონე პირების მობილიზაცია საქართველოს მთავრობის დადგენილებით განსაზღვრული წესის შესაბამისად.
🟢საკონსტიტუციო სასამართლომ არაკონსტიტუციურად ცნო საქართველოს პრეზიდენტის დეკრეტის შეზღუდვები, რომლითაც მთავრობას უფლება ჰქონდა დაედგინა იზოლაციის/კარანტინის წესები და შეზღუდვა, რომლითაც შეიზღუდა, ფაქტობრივად შეჩერდა ნებისმიერი სახის შეკრება, მანიფესტაცია და ადამიანების თავშეყრა.
🟢საკონსტიტუციო სასამართლომ ასევე შეაფასა დელეგირების კონსტიტუციურობის საკითხი საგანგებო მდგომარეობის დროს, რომელთან დაკავშირებითაც დაადგინა, რომ "საგანგებო მდგომარეობის დროსაც, მსგავსად ორდინარული სიტუაციისა, დასაშვებია გარკვეული საკითხების მოწესრიგების საქართველოს მთავრობისათვის დელეგირება იმ პირობით, რომ დელეგირებული უფლებამოსილების შინაარსი, მიზანი და მისი განხორციელების დასაშვები ფარგლები თავად საკანონმდებლო აქტით იქნება განსაზღვრული. ამავე დროს, საკითხები, რომლებიც ფუნდამენტური მნიშვნელობისაა და სისტემურ გავლენას ახდენს პირთა მიერ უფლებებით სარგებლობაზე, უნდა დარეგულირდეს თავად საქართველოს პრეზიდენტის დეკრეტით, რომლის მაღალ ლეგიტიმაციასაც საქართველოს პარლამენტის მხრიდან მისი დამტკიცება განაპირობებს".
🟢მოცემულ გადაწყვეტილებას თან ახლავს სამი მოსამართლის: ირინე იმერლიშვილის, თეიმურაზ ტუღუშისა და გიორგი კვერენჩხილაძის განსხვავებული აზრი.
