12/08/2026
⚖️ გამარჯვება სასამართლოში: ადმინისტრაციული წარმოება სამართალდარღვევის ფაქტის არარსებობის გამო შეწყდა!
ბათუმის საქალაქო სასამართლომ გაიზიარა დაცვის მხარის არგუმენტაცია, გამოიყენა მტკიცების მაღალი სტანდარტი და ჩვენი დაცვის ქვეშ მყოფი პირების მიმართ საქმის წარმოება შეწყვიტა.
📌 საქმის გარემოებები:
*პოლიციის ვერსია:სამართალდამცველთა განმარტებით, მოქალაქეები ადგილზე იდენტიფიცირების შეუძლებლობის გამო, ნებაყოფლობით გადაიყვანეს განყოფილებაში. პოლიციის ეზოში მათ უარი განაცხადეს შენობაში შესვლაზე, გახდნენ აგრესიულები, განახორციელეს სიტყვიერი შეურაცხყოფა და არ დაემორჩილნენ პოლიციას.
ოქმი და დაკავება:პოლიციელებმა შეადგინეს ოქმი ასკ-ის 173-ე მუხლით (დაუმორჩილებლობა/შეურაცხყოფა), პირები 48 საათით დააკავეს, ხოლო დაკავების ვადის გაგრძელება მოხდა სრულიად უსაფუძვლოდ — იმ „მტკიცებულების“ მოპოვების საბაბით, რაც ისედაც მოპოვებული ჰქონდათ.
📌 რა დადგინდა სასამართლო პროცესზე?
1. იდენტიფიცირების შესაძლებლობა ადგილზე:დროებითი მოთავსების იზოლატორის ჩანაწერებით დადასტურდა, რომ ერთ-ერთ პირს თან ჰქონდა პირადობის დამადასტურებელი დოკუმენტი. შესაბამისად, მისი განყოფილებაში გადაყვანის საჭიროება ადგილზევე გამოირიცხა.
2. შსს-ს წინააღმდეგობრივი პოზიცია: მტკიცებულებების ნაწილში შსს-მ თავდაპირველად სასამართლში განაცხადა, რომ განყოფილებას კამერები არ ჰქონდა. ჩვენ მიერ კამერების არსებობის მტკიცებულების წარდგენის შემდეგ ამტკიცებდნენ, რომ კამერები არ ფუნქციონირებდა. საბოლოოდ, ოფიციალური პასუხით დადასტურდა, რომ ვიდეოთვალთვალი მუშაობდა, თუმცა ჩანაწერი შენახული არ იყო.
3. ობიექტური მტკიცებულების არარსებობა:ადგილზე (პოლიციის განყოფილებასთან) მყოფი მინიმუმ 6-ზე მეტი პოლიციელიდან არცერთს არ უზრუნვია ვიდეო/აუდიო ჩაწერაზე. საქმეში პოლიციელთა ჩვენების გარდა არ არსებობდა არცერთი დამოუკიდებელი და ობიექტური მტკიცებულება.
💡 სასამართლოს შეფასება:
ადმინისტრაციული სამართალდარღვევის საქმეში მტკიცების ტვირთი აკისრია ორგანოს (შსს-ს) პასუხისმგებლობის დაკისრება ვერ დაეფუძნება მხოლოდ სამართალდამცველთა უაპელაციო ჩვენებებს, როცა სახელმწიფომ არ იზრუნა ობიექტური მტკიცებულებების მოპოვებასა და შენახვაზე.
მისასალმებელია ბათუმის საქალაქო სასამართლოს მიერ საქმის გარემოებების სიღრმისეული შეფასება და ადამიანის უფლებებზე ორიენტირებული სტანდარტის გამოყენება!
#სამართალი #ადვოკატი #ბათუმისსაქალაქოსასამართლო
