Hookkote Woradi Farcote Borro mine

Hookkote Woradi Farcote Borro mine DAGANKE SEERA BUUXXE AFFINOTA ASSATE QEECHANKE FULEEMMO.

12/02/2026

SHILOOTU HOSHSHO
‎MANCHU BISI AANA JAWA BISU GAWAJJO IILLISHSHATE JADDONNI QAXXARAMINO QAXXARAMAANCHO 8 DIRI KAAJJADDU USURINNI QORCHISHSHI.
‎
‎GIRJA፦ Ammajje 5/2018 M. D
‎
‎Soojjaati Sidaami Zoone Hookkote Woradi Farcote Borro mini seeru Allaalshi qaxxaro xawissanno garinni, Qaxxaramaanchu Muse Beqele yinnannihu I/F/D/R/J/S/ Quwa 555(B) hundaanni seerre qoromboonniha seeru quwa sae barra 23/4/2018M.D Soodihunni 3:00 sa'atenni Hookkote Woradi Weele Magaadote Ollira baxxino bayicho Miqqite yinanniwa miicamaancho Bazuuqa Beqele yinannihura qiniiticho anga qubbessi jawiidiha aguranna shoole miteenni Qaxxaramaanchu angasi qiniitichotenni amadino baangini mitte hige dole lamu qubbichiha miqicho hiiqqe lame qubbicho qole madiisinosi daafira qaxxaramaanchu Busha hedonni kae ayyiirraddu manchu bisi aana jawa bisu gawajjo iillishshate jaddonni qaxxaramino gede seeru allaalshi qaxxaro xawisano.
‎
‎Gura qiniititta hajo harunsanni keeshinohu Hookkote Woradi Umi Dirimi Yoo mini, seeru allaalshi mannu naqaashshenna sanadete farco buuxe maciishshe qaxxarote cu'mo ledo xaadise keenihu gedensaanni qaxxaramaanchu gargadhano gede yee bayyanenna gargadhano gede duucha hinge kaayyo uynoonisiha ikkanna ikkollanna kayinni qaxxaramaanchu gargarooshu dinoe yee noosikkita borrotenni xawisse malaatiseenna yoote mini hedo haare Seeru allaalshi mannunna sanadete farco keene Barra 05/6/2018M.D hosino jaddote shilootira qaxxaramaancho hunaanchoho yee Isono seejjanosi Wolootano togoo ikkitonni qorowise rosiisano yee hedinoha 8 diri kotottote usurinni qorichishshamano gede gumulino.
‎
‎
‎Teessonke:-https://t.me/HHookkoteworedifarcoteborromine
‎https://www.facebook.com/profile.php?id=61583934941666
‎
‎Seeraho Farcotenna Tii'i Farcote Loonseemmo!
‎

‎Meyaa Beetto aana loosantano jaddonna hattono dirinsa adhamate iillitukkinni adhamanori aana illachishino seeru rosicho...
25/12/2025

‎Meyaa Beetto aana loosantano jaddonna hattono dirinsa adhamate iillitukkinni adhamanori aana illachishino seeru rosicho rosaanote uynoonni.
‎
‎Girja : Sadaasa 16/2018 M.D
‎
‎Techo Sadaasa 16/2018 M.D Hookkote Woradi giddo Girja 2kkinna Qixxaawote Rosi Mine Hookkote Woradi Farcote Borro mini Seeru Allaalshi Seeru Tuqishshinna Gashshoti loosu harinsho widoonni balaxote xiinxalo assinote garinni Rosaanote hasiisano yee hedino seeru rosicho aantino birxichuwani qixxeesse seeru huwanyo kalaqino .
‎👉Diiro lainohunni.............Ja/Se/Quwa 587
‎👉Meyaa beetto Gadache siimu xaadooshe assate
‎ xa'mamooshi daafira.........Ja/Se/Quwa 620
‎👉Dirinsa adhamate iillikkinni adhama
‎ lainohunninna hattono
‎👉Meyaa beetto Ofoshiishsha busha bude
‎ ikkitinotanna seeru xa'mamooshshi daafira Ja/
‎ Se/Quwa 565 rosu birxichuwa asse amade
‎ Rosiisanote Murooti (Massagaano) Ledo
‎ Halamatenni Meyaa Beetto aana loosantanno
‎ jaddo mayiimma, gargarranni garanna seeru
‎ xa'mamooshshi aana rosicho ee seeru
‎ huwanyo kalaqino.
‎
‎✅Meyaate aana kalaqantanno jaddo halamme
‎ gargarro!
‎
‎ Seeraho, farcotenna Tii"i-farcote Loonseemmo!
‎
‎Teessonke:-https://t.me/HHookkoteworedifarcoteborromine
‎https://www.facebook.com/profile.php?id=61583934941666
‎

24/12/2025

‎ARAARUNNI GOOFFARA DANDIITANO JADDOTE HAJUBBA
‎
‎Araara” yaa jaddotenni qaxxaro shiqishiishshara dandiitannota jaddote hajo qorto buuxa hananfara albaanni woy qorto buunxanni hee’nonni yannara woy qorto
‎buunxihu gedensaanni miicamaanchunna qaxxaramaanchu mereero assinanni sumuummenni qaxxaro uurritanno gede dandiisissanno seeru irko afidhino
‎ha’rinshooti.
‎👉Mitte jaddote ku'laato woy qaxxaro Gobbate geerri woy Araarunni gooffara woy Araarunni taje cufantara dandiitannohu ‛‛ Jaddote Hajubba Araaru Jeefishshi Biddissa Kiiro 7/2017” Quwa 4 seerronni garinni araarunni gooffara dadaanno. Hakkuno ;
‎1,Jaddote seeri, jaddote amanyooti seeri woy wolu seeri giddo xawino garinni araarunni gooffara dandandiitannota qummi assinoonni ayee dani jaddonna s***a dagate horonni roore miicamaanchu horonna hobbate la’annore ikkansanni hojji ku’laatonni calla qorichishiishshanno jaddubba araarunni gooffara dandiitanno.
‎2, Konni quwira cinaancho quwa 1 aana worroonnihu hee’rirono araaru xa’mo shiqqinohu woy araaru ha’rinsho
‎harinsanni hee’nonnihu miicamaanchu woy qaxxaramaanchu aana assinoonni gadadishshinni, reewatenni,waajjishiishatenni, dogatenni woy wolootu
‎miicamaanchu wo’ma fajjo xeisannorichi kalaqaminoha ikkiro kuri taashshinikkinni araara jeefisa didandiinanni.
‎3, Hojji ku’laatonni qorichishiishshanno jaddubba araarunni cufate qaxxaramaanchu marro marro jaddo loosate akatinna wole jaddo aana aanaho loosantinota ikkase araarunni cufa dihooltanno.
‎4, Jaddote qaxxaro shiqishatenni qorichishiishshanno jaddubba ikkituro araarunni gooffara dandiitannota seerunni worroonniha ikkiro qaxxaramaanchu marro
‎marro jaddo loosate akatinna mitte jaddo wole jaddo ledo aana aanaho loosinoha ikkiro seeru allaalshi araarunni gudate hendooni hajo ledo noosi xaadoshshe lae araara hoolate dandaanno.
‎
‎Ayiraddu harunsaanonke Aantanno yannara wolu rosinni xaandammo geeshsha keerunni.
‎
‎Hookkote Woradi Farcote Borro Mine
‎ Girja
‎
‎Teessonke:-

‎ Hookkote Woradi Farcote Borro Mini Seeru Huwanyonna tuqishshi gashshooti loosu harinsho widoonni Seeru Rosichi Sufino...
22/12/2025

‎ Hookkote Woradi Farcote Borro Mini Seeru Huwanyonna tuqishshi gashshooti loosu harinsho widoonni Seeru Rosichi Sufinoha ikkana techono Barra sadaasa 13/2018 M.D Hookkote Woradi Umi Dirimi Yoo Minira dagganno hajamaanora xiinxallotenni qixxaabbino seeru birxichubba giddonni ninkeno yoote mini hoowe giddoonni basete leeline hajamaanote seeru huwanyo kalanqoommo.
‎
‎👉Hajamaanote Seeru rosicho uynoommo seeru
‎ birxichubba:-
‎ ✅Jaddote Bunshe,
‎ ✅Seera afa hooga xa'mamooshshunni
‎ gatisanokkita ,......ja/Se/Quwa 81(1)
‎ ✅ Seeru aliidimma.........Bayriidi Seera
‎ quwa 9
‎ ✅ Shilootu Amanyooti lainohuni....Ja/
‎ Se/Quwa 449
‎ ✅ Araarunna hattoni araarunni
‎ goofara dandiitano jaddote
hajubba daafira seeru rosicho
hajamaanote uyinoommo.
‎
‎Seeraho, Farcotenna Tii"i-farcote Loonseemmo!!!
‎
‎Hookkote Woradi Farcote Borro mine
‎ Girja
‎
‎Teessonke:-https://t.me/HHookkoteworedifarcoteborromine
‎https://www.facebook.com/profile.php?id=61583934941666

18/12/2025

‎SHILOOTU HOSHSHO
‎
‎UMISI MINE GIIRATE JADDONNI QAXXARAMINO QAXXARAMAANCHI 7 DIRINNA ONTU AGANI KOTOTTOTE USURINNI QORCHISHSHAMANO GEDE GUMULI.
‎
‎GIRJA፦ Sadaasa 3/2018 M. D
‎
‎Soojjaati Sidaami Zoone Hookkote Woradi Farcote borro mini seeru Allaalshi qaxxaro xawissanno garinni, qaxxaramaanchu Mago Deede yinnannihu I/F/D/R/J/S quwa 494 (1) hundaanni qoromboonniha seeru quwa sae barra 02/13/2017M.D. hashshihunni 6:30 ikkano yannara Hookkote Woradi Oddi Bokkote Qawalera baxxino baychcho Maraacichaho yinanniwa micaamaancho babba Tsehayineshi Girriso yinanniti qaxxaramaanchu galte mi'nitino buuyyote mine minaminkkunni mitto diro ikkinosiha geeshshasi tonaa lamu (12) harumiha kifiriitetenni giira qase giireenna minu giddo noo jajji xaphooma 42,000 birra ikkanohu giirame horote gobbanni ikkino daafira qaxxaramaanchu mine giira qase giirate jaddonni qaxxaramino gede seeru allaalshi qaxxaro xawisano.
‎
‎Hajo harunsanni keeshinohu Hookkote Woradi Umi dirimi yoo mini, seeru allaalaano mannunna sanadete farco maciishshe qaxxarote cu'mo ledo xaadise keenihu gedensaanni qaxxaramaanchu gargadhano gede yee bayyane gargadhano gede duucha hinge kaayyo uynoonisiha ikkanna ikkollanna kayinni qaxxaramaanchu gargarooshu noosikkita xawisse malaatiseenna yoote mini haare Seeru allaalshi mannunna sanadete farco keene Barra 3/4/2018M.D hosino jaddote shilootira qaxxaramaancho hunaanchoho yee Isono seejjanosi Wolootano tigoo ikkitonni qorowise rosiisano yee hedinoha 7 dirinna Ontu agani kotottote usurinni qorichishshamano gede gumulino.
‎
‎Seeraho Farcotenna Tii'i Farcote Loonseemmo!
‎
‎Teessonke:-https://t.me/HHookkoteworedifarcoteborromine
‎https://www.facebook.com/profile.php?id=61583934941666

08/12/2025

‎Keerella keeshsh*tini qoolinkke Miilla,
‎harunsaanonna hattono irkkisaanno baalunku keerunna baraaru batiro'ne yinanni🙏 Rosaminonte gede Hookkote Woradi Farcote Borro mini seeru rosiishshinna tuqishshi farcote gashshooti qara loosu harshsho widoonni addi addi seeru ummanni (birxichubbanni) dagate seeru huwanyo kalanqaninna babbaxxitino seeru ledo xaadino mashalaqe dagate iillinshshanni keeshshinoommoti qaanganta ikkitanna techono seeru huwanyo kalaqate seeru rosicho haa'ne shinqoomonna harunsenke.
‎
‎ ROSI UMI:- JADDOTE SEERI HEXXOSI/TIMOSINNA MIXOSI (የወንጀል ሕግ ዓላማውና ግቡ ) Maati yaanoha ikkano harunsenke🙏
‎
‎
‎👉1997 M.D loosu aana hosinohu I/F/D/R/J/S/
‎ Quwa 1 hundaani seeronnihu xawisanno
‎ garinni JADDOTE SEERI HEXXOSI:-
‎ ✅Xaphoomu horo daafira Gobbate
‎ Mootimma, dagannita,heeranno
‎ qansichiha keere,Keeranchima,
‎ Amanyoote ,Qoossossinna Horossi
‎ agaratenna buuxisiisate!/የወንጀል ሕግ ዓላማ
‎ ለጠቅላላው ጥቅም ሲባል የአገሪቱን መንግሥት፣
‎ የሕዝቦቹን፣የነዋሪዎቹን፣ሰላም፣ደህንነት፣ሥርዓት፣
‎ መብትና ጥቅም መጠበቅና ማረጋገጥ ነው።
‎👉JADDOTE SEERI MIXOSI (የወንጀል ሕግ ግብ ):-
‎ ✅1997 M.D loosu aana hosinohu I/F/D/R/J/S
‎ Quwa 1 hundaani seeronninte gede:-
‎ ✔Jaddo loosantanoikki gede gargarate,
‎ ✔Jaddo loosanori qorchishshante wole
‎ jaddo loosanoikki gede qorophisiisate,
‎ ✔Jaddo loosiha qorchinshshe woleho
‎ rosicho aate.
‎Ayirraddu harunsaanonke techonke rosi konne lawanno wole yannara wolu rosi uminni xaandamo geeshsha keerunni keeshshe🙏
‎
‎👉JADDOTE LOOSINNI MEESSANKE,MAATENKE,
‎ DAGANKENNA GOBBANKE AGARO!
‎
‎HOOKKOTE WORADI FARCOTE BORRO MINE
‎ GIRJA
‎Teessonke:-https://t.me/HHookkoteworedifarcoteborromine
‎
‎https://www.facebook.com/profile.php?id=61583934941666
‎

07/12/2025

‎ ALBAANNI UYNANNI KIOTE HAJAJO YAA MAYAATE...?
‎
‎👉Yannate geeshsha uynayi kiote hajajo (Temporary injuction) yaa yekkeero hanaffeenna hajo gumulo afidha geeshsha woy soorrote hajajo uynayi geeshsha yekkeerote umo ikkino coy noowa keeshshanno gede uynayi hajajooti.
‎Tenne hajajo uynayi yanna yekkeerote jajji ba"anokki gede,horote gobbaanni higannokki gedenna qaxxaramaanchu saykki garora(annira) sayse hirara qixxaawote aana noota xawisanno qaalu gondoori ledo shiqiro ikkinnota F/A/S/Kiiro 154 hunda qoronboonni.
Ayirraddu harunsaanonke aleenni eote aana kau bixxillera dawaro xawinsummota labbanno aantanno yannara wolu seeru umi rosichinni xaandammo geeshsha keerunni keeshshe🙏
‎
‎
‎HOOKKOTE WORADI FARCOTE BORRO MINE
‎ Girja
‎
‎Teessonke:-https://t.me/HHookkoteworedifarcoteborromine
‎
‎https://www.facebook.com/profile.php?id=61583934941666
‎
‎
‎👉DAGANKE SEERA BUUXXE AFFINOTA ASSATE QEECHANKE FULEEMMO!

06/12/2025

‎ AMANYOOTI SEERI YAA MAYAATE? HOROSINNA?
‎Keerella keeshsh*tinni ayirraddu qoolinke harunsannonna irkisanno Aleenni filiqinsummo bixxilluwa aana dawaro ikkanno yine hedoommo rosicho haa'ne shinqoommonna harunsenke🙏
‎👉FITAABEERETE AMANYOOTI SEERI wolootu amanyootu seerra gede fitaabeerete yekkeero harinsho,yoo uynay harinsho hattono uynay yoo jeefisay amanyoote leelishano seerati.
‎Sufeno fitaabeerete qaxxaro suudi woy amado maa lawa hasiissannoro,qaxxarote affino(woshshatto) shiqqanno hayyo,lamunku ragi yoote mine shiqqanno woyte yekkeerantanno amanyoote,yekkeerote mereero kalaqantanno hajora uynay bayyano woy hajajo maa lawa hasiissannoro,yoo uynay doogonna yoote jeefishshi amanyoote leellishshanno seerati.
‎Ayirraddu harunsaanonke aleenni eote aana kau bixxilluwara dawaro xawinsummota labbanno aantanno yannara wolu seeru umi rosichinni xaandammo geeshsha keerunni keeshshe🙏
‎
‎
‎HOOKKOTE WORADI FARCOTE BORRO MINE
‎ Girja
‎
‎Teessonke:-https://t.me/HHookkoteworedifarcoteborromine
‎
‎https://www.facebook.com/profile.php?id=61583934941666
‎
‎👉DAGANKE SEERA BUUXXE AFFINOTA ASSATE QEECHANKE FULEEMMO!

04/12/2025

‎👉De'netenni Jaddo Loosa Jaddote Seera quwa 59
‎=================
‎Mittu manchi de'netenni jaddo loosino yinannihu assanni noori jaddote guma abbara dandaannota afanni heere jaddo dikalaqantanno yee hedatenni woy assanni noori jaddo ikkinota afa hasiissanna afa hoogatenni woy afate wo'naalsha assoomero afa dandaannonka yee yoote mini hedannoha ikkiro qaxxaramaanchu de'netenni jaddo loosino yinanni.
‎✔De'netenni jaddo loosantino yaate seeru kaima assirannohu qaxxaramino manchi assino ikkitonna abbitanno jaddote gumi mereero noo xaadooshi aana noosi woy heedhasira hasiissanno huwanyooti.
‎✔Qaxxaramino manchi assino ikkitonna abbitanno jaddote gumi mereero noo xaadooshi aana noosi woy heedhasira hasiissanno huwanyo yoote mini keenannohu dirosi, heeshote deera, rosu deera, loososinna dagoomitte heeshosi deera hedote giddora eesateniiti.
‎
‎👉Ledote buicho: F/Keedote/T/K. 42703 "qitse 9 "nna F/Keedote/T/K. 93741 "qitse 15"
‎
‎HOOKKOTE WORADI FARCOTE BORRO MINE
‎ GIRJA
‎
‎Seeraho,Farcotenna Tii'i-farcote Loonseemmo!!!
‎
‎Teessonke:-https://t.me/HHookkoteworedifarcoteborromine
‎
‎https://www.facebook.com/profile.php?id=61583934941666

04/12/2025

‎ ‎👉 DAAFIRA SEERU MAYAANNO ?

👉RAGIRATE WONSHA HASIISANNORI MAATI ?
‎ ( Fitaabeerete seeri kiiro 830 )
‎
‎✔Ayino Ragiraancho ikkate hasiissanno dandoo Raggete ikkado assitannota seerunni seerre worroonni kaimu/xintu bikkaancho wonshikkinni mulla Alillite kiirranni( Ascendants ) woy Worirritte kiirranni( Descendants) maate ikkasinni calla Ragiraancho(Ragge hasiissannosiha) ikka didandaanno. Konnira ayee Ragiraanchino Raggete ikkado ikkate Seerunni seerre worroonni kaimu/xintu bikkaancho wonsha noosi.
‎
‎Ikkinohurano konne kaimu bikkaancho wonshinokki Ragiraanchi, seerunni Ragiraanchimmasi buuxisiriro nafa Raggete horaameessa ikka didandaanno.
‎Fitaabeerete seeri kiiro 830 hunda xawinse worroonni garinni Ayee ragiraanchino, raggete ikkado assannoha balaxonniha lame(2) bikkaancho mittimma wonsha hasiisssanno.
‎👉Kuni bikkaanchino :-
‎ ✍Lubbotenni nooha ikkanna,
‎ ✍Raggete hasiisannokkiha ikka hoogate.
‎
‎1.LUBBOTENNI HEERA :- mittu manchi Raggete ikkado/ragiraancho ikkate Ragisiisaanchu reeyaanno yannara lubbotenni nooha ikka noosi. Ragisiisaanchu Reeyi yannara lubbotenni nookkihu woy iso balaxe reeyinoha ikkiro ragira didandaanno.
‎
‎2. RAGGETE HASIISANNOKKIHA IKKA HOOGA :-
‎ 👉Mittu manchi Raggete hasiisannokkiha ikkannohu Fitaabeerete seeri kiiro 838 :-
‎✍Ragisiisaancho woy
‎✍Ragisiisaanchunnita worooginse kiirranni maate woy
‎✍Ragisiisaanchunnita aleeginse kiirranni maate woy
‎✍Ragisiisaanchunnita galtesi woy
‎✍Ragisiisaanchonnita gashshaannase :-
‎Afanni heerenni shaatenni hunaanchimmatenni gumulloonnisiha ikkiro woy Shaate wo'naalshinni qorichishaminoha ikkiro woy
‎✍Kaphunni jaddaaleessa asse woy Kaphunni Farcire aleenni diriirsine worroonniri giddonni mitto Lubbo Shaate qorichi Yoo uyisiisatenni woy Tonnu (10) diri aleenni ikkino kotottote usuru qorichinni Qorichishamanno gede assiisinoha ikkiro woy
‎👉Fitaabeerete seeri kiiro 840 garinni Ragisiisaanchu reeyara albaanni noo sasu (3) Agani giddo Ragisiisaanchu w

Address

Hawassa

Website

Alerts

Be the first to know and let us send you an email when Hookkote Woradi Farcote Borro mine posts news and promotions. Your email address will not be used for any other purpose, and you can unsubscribe at any time.

Shortcuts

Share

Category