Mana Murtii Aanaa Kuyyuu

27/07/2026

"Sirni Cufiinsaa fi Galateeffannaa Taasifameera". Adoolessa 20/2018.
Manni Murtii Aanaa Kuyyuu hawaasa manichaa hunda, W/Abbaa Alangaa, Abukaatota, barreessitootaa fi qaamolee qooda fudhattoota biroo hirmaachisuun sagantaa sirna cufiinsa hojii bara 2018 fi galateeffannaa hawaasa isaa fi qooda fudhattootaa taasiseera. Sagantaa kanarrattis barreeffamni Qajeelfama hojii gannaa bara 2018/2019 ilaallatu dhiyaatee hubannoon irratti uumameera. Kana malees, barreeffamni cuunfaa hojiiwwan bara 2015-2018 Mana Murtichaatin hojjetamaa turan agarsiisu karaa karaa gabaabbina qabuun dhiyaatee jira. Barreeffamoota dhiyaatan lamaan irratti mariin hirmaattotaan taasifamee yeroo boqonnaa gannaa kun kan gamnachuu fi nagaa akka ta'uu fi kallattiin hojii kaa'amuun sirni affeerraa taasifamee karaa milkaa'ina qabuun sagantichi goolabameera.
Mana Murtii Aanaa Kuyyuu; Garba Gurraachaa.

16/07/2026

!
=========
Godina Shawaa Kaabaa Bulchiinsa Magaalaa Garba-Gurraachatti Manni Murtii Aanaa Kuyyuu Konkolaachisaafi gargaaraa Konkolaachisaa taarifa seeraan alaa imaltoota kaffalchiisan hidhaa salphaa fi maallaqaan adabee jira.

Himatamtoonni yakka taarifa seeran alaa kaffalchiisun adabaman kunneen Konkolaachisaa Aabbush Gizaachoo fi gargaaraa Tamasgeen Geetuu jedhaman seera yakkaa keewwwata 32(1A) fi labsii Dorgommii fi eegumsa shamattotaa eeguuf bahe lakk.813/2013 keewwwata 25(2),22(6) fi 43(6) irraa darbuun Adoolessa 07/2018 Magaalaa Fiichee irraa gara Magaalaa Garba-Gurraachatti Konkolaataa deddeebisa ummataa lakkoofsi Gabatee isaa 3--83223 OR ta'een imaltoota geejjibsiisanii deemaa osoo jiranii taarifa seeran eeyyamameef dhiisanii taarifa seeran alaa imaltoota kaffalchiisun himata banameen hidhaa salphaa fi qarshiin adabamanii jiru.

Himatamtoonni maqaan isaanii armaan olitti eeraman kunniin Adoolessa 07/2018 Magaalaa Fiichee irraa gara Magaalaa Garba-Gurraachaa osoo imalanii ganda Kombolcha Jimaatti Konkolaataa deddeebisa ummataa lakkoofsi Gabatee isaa 3--83223 OR ta'een imaltoota geejjibsiisanii deemaa osoo jiranii taarifa seeraan eeyyamameef qarshii 142 ta'ee osoo jiruu badhaadhina hin malleef argachuuf jecha taarifa seeran alaa qarshii 200 kaffalchiisuu isaanii eeruu imaltoota irraa qaqqabeen himanni kan baname yemmuu ta'u,Bu'uuruma kanaan himatamtoota gochaa kana raawwatan ni barsiisa,fakkaattota isaaniis ni akeekkachiisa kan jedhan Manni Murtii Aanaa Kuyyuu dadhacha guyyaa kaleessaa (08,11,2018) oolen tokkoon tokkoon isaanii hidhaa salphaa ji'a tokkoo fi qarshii 5,000 (Kuma Shaniin ) kan adabaman ta'uu fi walii gala bara kana Konkolaachisaa fi gargaaraa konkolaachisaa taarifa seeran alaa imaltoota kaffalchiisan sagal (9) hidhaa fi qarshiin kan adabaman ta'uu Ragaan Waajjira Poolisii Bulchiinsa Magaalaa Garba-Gurraachaa irraa arganne ni ifoomsa.

14/07/2026

Adoolessa 7/2018
Manni Murtii Aanaa Kuyyuu gabaasa raawwii hojii waggaa bara 2018 gaafa guyyaa 30/10/2018 Mana Maree Aanaa Kuyyuutif dhiyeessee jira. Miseensotni Mana Marechaas gabaasa keenya yaadan gabbisuun sagalee guutun mirkaneessaniiru. Mana Murtii Aanaa Kuyyuu; Garba Gurraachaa.

10/07/2026

10/07/2026

Gamaaggama Raawwii Hojii Manneen Murtii Oromiyaa Waggaa Bara 2018 fi Marii Karoora Hojii Bara 2019
---------------------------
(Adoolessa 3,2018 MMWO,Caffee Araaraa,Finfinnee)-Gamaaggamni Raawwii Hojii Manneenn Murtii Oromiyaa Waggaa Kana bara 2018 fi Mariin Karoora Hojii Bara 2019 magaalaa Saashamaneetti gaggeeffamuu eegalee jira.
Waltajjicha haasawa baniinsaan kan jalqabsiisan Pirezidaantii Mana Murtii Waliigalaa Oromiyaa Kabajamoo Obbo Gazaalii Abbaa Simal manneen murtii Oromiyaa bara kana kenniinsa tajaajila abbaa seerummaa bu'a qabeessa taasisuuf hojiij bal'aan hojjatamaa kan ture ta'uufi gama qulqullinaa,si'aayinaa,dhaqqabamummaa,bilisummaaf itti gaafatamummaa fi bulchiinsa keessoo gaaromsuutiin raawwii ol'aanaan galmaa'uu caqasanii kanas ta'ee garuu garaagarummaan raawwii asiif achitti mul'atuu fi harcaatii mul'atu irratti hojjaaltamuu akka qabu eeraniiru.
Kantiibaa Bulchiinsa Magaalaa Shaashamannee Kabajamoo Obbo Adaanee Takilagiyoorgis keessummoota waltajjii gamaaggamaa kana irratti hirmaachuuf magaalaa Shaashamanneetti argamaniif baga nagaan dhuftan jedhaniiru.
Waltajjicha irratti gabaasni raawwii hojii manneen murtii godinaalee fi magaalotaa dhiyaatee irratti kan maryatamu yammuu ta'u Karoora hojii bara 2019 irrattis ni maryatama jedhamee eeggamaa.
Waltajjicha irratti Gaggeessitoonni Manneen Murtii Oromiyaa sadarkaa Aanaa hanga MMWOtti jiran hirmaataa jiru.

02/07/2026

𝗠𝘂𝗿𝘁𝗶𝗶 𝗠𝗮𝗻𝗮 𝗠𝗮𝗿𝗲𝗲 𝐅𝗲𝗱𝗲𝗿𝗲𝗲𝘀𝗵𝗶𝗻𝗶𝗶:
➥ 𝐌𝐚𝐧𝐧𝐢 𝐌𝐚𝐫𝐞𝐞 𝐅𝐞𝐝𝐞𝐫𝐞𝐞𝐬𝐡𝐢𝐧𝐢𝐢 𝐋𝐚𝐤𝐤𝐨𝐨𝐟𝐬𝐚 𝐆𝐚𝐥𝐦𝐞𝐞 106/15 ta'e irratti "Mana maqaa nama biraatiin galmaa'ee argamu qabeenya waloo gochuuf waliigalteen taasifame yoo jiraate malee,Manicha ijaaruuf maallaqa yookiin humna isaatiin carraaqqii gochuun qofti qabeenya waloo taasisuu hin danda'u" jechuun murtii kenneera.

➥ Gaa’illi osoo hin diigamin qoodinsi qabeenyaa murtaa’us ta’ee mirkanaa’uu hin danda'u.Manneen Murtiis diiggaan gaa'ilaa osoo hin raawwatamin qoodinsa qabeenya ilaaluu hin qabu jechuun
𝐌𝐚𝐧𝐧𝐢 𝐌𝐚𝐫𝐞𝐞 𝐅𝐞𝐝𝐞𝐫𝐞𝐞𝐬𝐡𝐢𝐧𝐢𝐢 𝐋𝐚𝐤𝐤𝐨𝐨𝐟𝐬𝐚 𝐆𝐚𝐥𝐦𝐞𝐞 lakk.143/2017 ta'e irratti murtii kennee jira.

➥ 𝐌𝐚𝐧𝐧𝐢 𝐌𝐚𝐫𝐞𝐞 𝐅𝐞𝐝𝐞𝐫𝐞𝐞𝐬𝐡𝐢𝐧𝐢𝐢 𝐋𝐚𝐤𝐤𝐨𝐨𝐟𝐬𝐚 𝐆𝐚𝐥𝐦𝐞𝐞 804/16 ta'e irratti "gaa'elli walfuutotaa erga diigameen booda;waliigaltee isaaniitiin dhiifama waliif godhanii walitti dhufanii yoo waliin jiraatan sirnoota adda addaa gaa'illi ittiin raawwatamu keessaa tokkoon gaa'ela bifa haaraan waan hin raawwanneef,akka dhiirsaa fi niitiitti hin ilaalaman,gaa'elli isaan gidduu hin jiru yoo bifa haaraatiin gaa'ila raawwatan malee" jechuun murtii kenneera.

➥ Gaaffiin qoodinsa qabeenya dhirsaa fi niitii diiggaan gaa’elaa erga raawwate irraa eegalee waggaa 10 boodas dhiyaachuu danda'a, darbiinsa yerootiin hin daangeeffamu,sababni isaas qabeenya dhiirsaa fi niitii akka qabeenya biroo miti;dubbichi mirga qabeenyaa wal fuutotni gaa’ela hundeeffachuun argatanii fi kanneen biroo kan dabalatu waan ta’eef daangaan itti godhamuu hin qabu jechuun 𝐌𝐚𝐧𝐧𝐢 𝐌𝐚𝐫𝐞𝐞 𝐅𝐞𝐝𝐞𝐫𝐞𝐞𝐬𝐡𝐢𝐧𝐢𝐢 𝐋𝐚𝐤𝐤𝐨𝐨𝐟𝐬𝐚 𝐆𝐚𝐥𝐦𝐞𝐞 galmee lakk. 77/12 ta’e irratti murteessee jira

Qulqullina hojii keenyaaf=hubannoof.