15/08/2026
🇪🇹 Bulchaan Gandaa fi Waajjirri Bulchiinsa Gandaa Aangoo fi Gahee Hojii Akkamii Qabu?
🔵 Keewwata 37
✅️ Aangoofi Hojii Waajjira Bulchiinsa Gandaa
Aangoofi hojiin seerota birootiin kennameef akkuma eegametti ta’ee, Waajjirri Bulchiinsa Gandaa aangoofi hojii armaan gadii ni qabaata:
🔹 1) Bulchaan Gandaa aangoofi hojii isaa raawwachuu akka danda’u haala ni mijeessa;
🔹 2) Hojiirra oolmaa imaammatootaa, tarsiimoo fi sagantaalee misooma mootummaa ilaalchisee hordoffii fi deeggarsa ni taasisa;
🔹 3) Mana Maree Yubootaa waliin qindoominaan ni hojjeta;
🔹 4) Karoora Gandichaa ni xiinxala; agarsiiftuuwwan milkaa’inaa Naannoon qophaa’e hojiirra oolmaa isaa ni hordofa; ni deeggara;
🔹 5) Wixinee karooraa ni qopheessa; hooggansa ol’aanaaf ni dhiyeessa; murtiifi kallattii raawwii kennamu galtee taasisuun karoora keessatti qabamuu isaa hordooffii fi deeggarsa ni taasisa;
🔹 6) Gabaasa Gandichaa ni xiinxala; gabaasni manneen hojii karoora mootummaa waliin deemuu isaa ni xiinxala; gabaasa qaama raawwachisaa Mana Maree Gandichaatiif ni dhiyeessa;
🔹 7) Gamaaggama raawwii hojii ni gaggeessa; gabaasa raawwii hojii seektaraalee Gandichaa ni xiinxala; gamaaggama waltajjii irratti kallattii hooggansi ol’aanaan kenne bu’uureffachuun duubdeebii ni kenna;
🔹 8) Suparvizyinii hojii dirree ni gaggeessa; argannoo suparviizyinii dirree irratti duubdeebii ni kenna; hojiirra oolmaa imaammataafi tarsiimoo mootummaa qaama dhimma ilaalu waliin ta’uudhaan xiinxaluun ciminaalee, hanqinaaleefi rakkoolee jiran adda baasudhaan qaama ol’aanaaf ni dhiyeessa;
🔹 9) Miseensota Mana Maree Bulchiinsaatiif waamicha ni taasisa; qaboo yaa’ii ni qaba; murteewwaniifi kallattiiwwan Mana Marichaatiin kennaman qaama dhimma ilaaluuf ni dabarsa; waltajjii itti aanu irratti qaboo yaa’ii dhiyeessuun akka raggaasifamu ni taasisa; dokumantiifi ragaawwan Mana Maree qindeessuudhaan sirnaan ni qabata;
