Malga Woradi Woga,Turizimetenna Spoortete Borro Mine

15/08/2026

Malga Woradira Umikki Doycho 100 Barri Mixo Quchumu Koriderenna Eote Loossa Jeefinsanni Ragi Aana Hasaawa Assini.
‎
‎Woxawaajje 9/2018 M.D Malga Woradi Woga,Turizimetenna Ispoortete B/mine
‎
‎Woradaho umikki Doycho 100 Barri Mixo Quchumu Koriderenna Eote Loossa Jeefinsanni Ragi Aana Hajo La'ano Bissa Noowa Hasaawa Assinoonni.
‎
‎Bare Massaginohu Woradu Qaru Gashshaanchi Kalaa Diggiso Hisikeelihu 100 barri mixo woradu baalunku Ollubbaranna quchumate jeefisate addi addi handaarinni mixo mixi'ne loosoho e'nonnita kule quchummate korderenna eote aana baxxino iillacha tunge loosate kaajjado massanganita xawisino.
‎
‎Ledoteno qaru Gashshaanchi woradu gede quchmumate jawa latishshu loossa loosanni ge'nonnita kule baxxino garinni woradu mereerishshira maadhi quchumira loonsonni seesalcho kincho,Gashshootu ijaara G+2 Hattonno xa loosu aana nooha paartete ijaara loonsonita xawise kunni ikkanoha quchumaho biinfilleho ikkano minna quchumu teessano minensa biifisidhano gede assate looso loonsanita xawisino.
‎
‎Eote loossa ledo eo baalante buenni gamba assate massagaano iillacha uyte loosa hasiisaannota kule, madaawanyanna maazzgaajju eo garunni amande loosa hasiisaannotano xawisino.
‎
‎Jeefoteno woradu gede sa'u yanna 100 barri mixonni jawa rosicho afi'noonnita kule hananfoonni loossa kaajjinshe umikki doycho 100 barri mixo mootimmatenna dagate wolqa gamba assine quchumu korderera minna haaronsanna eo balaante buenni gamba assate looso ikkadimatenni jeefinsannita xawisino.
‎

14/08/2026

Aliyye Sidaami Zoone Malga Woradi Mootimmate Komunikeeshine Hajubba B/Mini Sooreessi Kalaa Mesfin Milkiyasi Bakkalcho Gaazeexi ledo assino keeshshonni kaysino hedubba mereerinni:-

👉 Weesetenni aane Biiru Hayixenna Qamade hala’ladunni laashshinanni. Malga woradi Biiru Hayixinni Sidaami giddo lowo geeshsha egennaminoho yine hendanni

👉Tayxe dirinni goyirete irshinni 5 kume ali hekitaare baatto latisate loonsanni hee’noonni

👉Woradaho tenne yanna geeshsha 80 kumi ali daga Fayda ayimmate badooshshira borreessantino

👉Woradaho danchu gashshooti mitiimmubba ikkite keeshsh*tinore; lawishshaho, seeda dirra keeshsh*tinore xalala anganni wayi pirojektubba, fayyimmate uurrinshubbanna quchummate latishshi xa’mubbara dawaro qolate looso loonsoonni; gattino loossa heedhurono.

14/08/2026

Dancha Duduwo
Malga Woradi U-16 nna U-18 Qacale Atileetooti Miila Kebbede Sidaamu Buni U-20 Miila Ikkite Doorantino.Meqides Kebbedeti alba Wotaru quchumira tantanantino qacale atileetooti miilla ikkitinoti baychu soorro assine haaru garinni tantanni woyte hixamanyite wolootahono lawishsha ikkitinota ikkase qaangannite.
Aanteteno wolootu qaaqqullinkera danchare halchineemmo.

06/08/2026

2ki Sidaamu Bunu Atileetikse Kilawe 16 nna 18 diri wori qacalete Pirojektubba keenote heewo ha'risa hananfoonnite techo jeeffinota xawinsi.
‎
‎Maaja 30/2018M.D (M/W/W/T/I/B/Mine) Maadhicho
‎
‎Heewote amanyooti Jeefishshu aana hajo la'annonsa wosini jeefisiisinoha ikkanna,heewotenni luphiima guma abbitino taqqaranna qacale atileetootira deerrinsa garinni afamishsa uynoonninsa.
‎Ledoteno,Heewisamanote giddonni woyyitino guma abbitino heewisamaano doorre kilabbate doorantanno gede assinoonniha ikkanna,Malga Woradi Qacalete Projektennino Bezzabhiti Sidaamu Bunu Atileetiksete Kilebera doorantinota xawinsoonni.

05/08/2026

27/07/2026

XAANO AFANSHU SUFINNO
‎*****************
‎Techo Barra 20/11/2018 M.D Aliyye Sidaami Zoone Dagoomitte hajo biddishshi 2018 Bajeetete Diri jeefishahi Keenora Malga Woradi Woga,Turizimetenna Ispoortete Bo/Mini,Rosu Minna Borro Mini,Fayyimmate Borro Mini hattono Meentu,Wedellunna Dagoomitte Hajubba Borro Minna Luphiima Guma/በጣም ከፍተኛ/Marekkisiisatenni Sertefikeetete Baraarsha adhitinno.
‎
‎

23/07/2026

Aliyye sidaami zoone qaru gashshaanchi kalaa Tsaadiqu Baxisohunna isinni massagantanno gaamo Malga woradira loosantanni afantanno babbaxxitino latishshu loossa towanyo assitino.
‎
‎Malga Woradi Woga,Turizimetenna Ispoortete Borro Mine
‎ Maaja 16/2018M.D Maadhicho
‎
‎Malga woradira daga horaameette assate babbaxxitino latishshubba giddo, rosu minna, quchumu latishshi, fayyimmate uurrinsha wayi pirojektubbanna labbeemme latishshuwa aana baxxino illacha tunge loonsanni taqqa giddo mittu malga worada ikkanna, techo barra xaphooma woradu giddo loosantanni afantanno latishshuwa zonete qaru gashshaanchinni masagantanno gaamo loossa noo deerra towanyo assitino.
‎
‎Towanyo assinohu Zoonete qaru gashshaanchi kalaa Tsaadiqu Baxisohu hasaawa assanni, mootumma daga horaameette assate babbaxxitino latishshuba loossanni afantannota kule, konni giddo safote latishshi loossanna labbeemme uurrite keeshsh*tino pirojektubba ranketenni jeefantanni afantannota towanyo assinoonni yiino,
‎
‎Sufeno, Zoonenke giddo babbaxxino korkaattinni jajjabba sasu gashshootu Bo/mini ijaari uurre keeshshinota kule, mootumma assitino irkonni ranketenna deerrasi agadhino garinni jeefisa dandiinoonnita xawisino
‎
‎zoonete Jireenyu paarte sinu Bo/mini sooreessa kalaa Abebe Yittadeguhu isi mootumma babbaxxino latishshubbanni daga horaameette assate loonsoonni loossa giddo quchumaho seesallichu kinchi, paartetenna gashshootu ijaari, rosunna labbeemme latishshubba baxxino illachinni loosantanni noota kule, xaano gattino loossa ranketenna jawaantetenni jeefisatenni dagankera jireenya buuxisiisate loonsanni afammannita xawisino.
‎
‎Malga woradi qaru gashshaanchi kalaa Digiso Hisqelihu isi widoonni, woradu gede daga horameette assate duuchu ragi latishshuwa aana baxxino illacha tunge loonsanni afammannita kule, xaano gattino loossa aana jawa jirsa karre loonsanni afammannita xawisino.
‎
‎Towanyote battalara zoonetenna woradu albiidi massagaanonna hajo la'anno bissa leelte beeqqitino.
‎
‎©Aliyye sidaami zoone

19/07/2026

Konni deerrira no.

Maaja 12/2018M.D Malga Woradi Woga,Turizimetetenna Ispoortete Borro Mine

13/07/2026