26/08/2026
من ضمن المواقف الكوميدية اللي مش ممكن أنساها في المكتب، كانت فى الشتاء الماضي لما دخلت عليا ست تطلب قضية أسرة !؟
قعدت وتكلمت بكل حماس، يا أستاذ، الوضع بيني وبين زوجي خلاص وصلت فيه الحياة لباب سد واستحالة العِشرة، أنا عايزة أرفع قضايا طلاق، وقائمة، ونفقات، وكل الحقوق الممكنة.
بعادة المكتب عندنا، وفي قضايا الأسرة تحديداً، دايماً بنحط خيط
أمل للإصلاح، ومن تعامل يعلم إلا قليل ، فقلت لها بكل هدوء :
تمام يا مدام، بس أنا من طبعي في المكتب لازم أكلم الزوج الأول
يمكن يكون فيه باب لـ إمساك بمعروف أو تسريح بإحسان، خصوصاً إن فيه بينكم أولاد وعِشرة، والود لازم يفضل موجود حتى لو اختلفنا."
رفعت السماعة وطلبت رقم الزوج منها وهكلمه :-
أنا :- "السلام عليكم، مع حضرتك مكتب الأستاذ شوقي رجب فاضل المحامي"
الزوج (بكل ذهول واستغراب) أهلاً يا أستاذ خير "
أنا :- والله يا فندم بكلمك بخصوص المدام والموضوع اللي بينكم
الزوج (قطع كلامي وفطس على نفسه من الضحك): "استنى بس يا أستاذ، هو أنت مش شوقي رجب المحامي بتاع الجنايات ؟ أنت إيه اللي دخلك في قضايا الأسرة والشرعي؟ 😂
الموقف كان غير متوقع تماماً، وما قدرت أمنع نفسي من الضحك معاه في التليفون، والضحكة دي كانت السبب إن الجليد يدوب تماماً بيننا.
قلت له "خلاص هات نفسك وتعالى المكتب ندردش كوباية شاي سوا."
وجاء الرجل بالفعل، وقعدنا جلسة واثنين وثلاثة، واكتشفنا إن الموضوع كله كان على مشكلة تافهة جداً ما تستاهلش، وسبحان الله، ربنا كرم وشرح صدورهم، ورجعوا لبعض والدنيا بقت تمام التمام.
ودي قضية من ضمن قضايا كتير جداً كانت خلاص رايحة المحاكم والأقسام، وربنا كرم وخلصت بطريقة تانية خالص وأبسط مما أي حد يتخيل.
وهنحكي لحضراتكم في قصة جاية برضه عن أنواع قضايا تانية، من اللي يقولك فيها، يعني إيه؟ هات أخرك واعمل اللي أنت عايزه، هقوم ٥ زيك ؟ طب أنا مالي يالمبي طيب ؟ كان في رد كدة ورد كدة، وهنحكي القصص دي والتفاصيل دي كلها المرة الجاية بإذن الله.
الشاهد من القصة :-
المحاماة بالنسبالي كـ شوقي رجب ، مش مجرد قضايا وبنود قانونية، المحاماة مبدأ لا يتجزأ، لازم يكون عندك حاجة تخاف عليها قدام ربنا سبحانه وتعالى، وتفتكر إن كلمة طيبة واحدة أو سعياً في الخير ممكن ينقذ بيت كامل من الخراب.
متأكد هيشوف الكلام ده وهيضحك جدًا لأني أصبحت بعد كده محامي العائلة كلها وهو صاحب محل سيارات كبير ربنا يبارك ليهم فى رزقهم ويوسع عليهم من أوسع أبوابه.
شوقى رجب فاضل
المحامى أمام المحاكم الجنائية
مؤسس منصة جنائيون
---------------------------------------------
مكتب طنطا :- المحطة بجوار مجمع المحاكم خلف بنزينة شل أوت برج زهرة مصطفى كامل الدور الرابع.
مكتب قطور :- قطور المحطة بجوار مركز الشرطة.
الاستشارة بميعاد مُسبق ومحدد بالمكاتب.
#جنايات
