من حقك تعرف حقك مع المستشارة فاطمه مدحت خزيم المحاميه

15/01/2026

#زكاة علم لمدة ٢٤ساعه

ليلة الإسراء والمعراج
ليلة مباركة
كل اللى يقدر يعمل عمل خير يعمله اغتنموا الفرصه..
اذكركم ونفسى كثرة الدعاء الصدقات الخفية والاذكار وكثرة الاستغفار...
ونظرا لتلك المناسبة العظيمة ساستقبل جميع الاستشارات القانونية مجانية من الان و لمدة ٢٤ساعه شرط على رسائل صفحة الاستشارات....
زكاة علم 🌷
ورجاء الانتظار وسيتم الرد خلال ال٢٤ساعه...
هسيبلكم اللينك اللى هتبعتوا عليه الاستشارة...
ولن يلتفت لاى استشارة في اى صندوق رسايل اخرى سوى تلك الصفحة.. 👇👇👇👇👇👇👇
https://www.facebook.com/share/1C88S22BW1/

04/11/2025

Happy valentine day 😊🙌💕✨
وبالمناسبة السعيدة دى إدارة المكتب بتاعنا اقترحت إقتراح وااو
هنعملكم خصومات هايلة سواء على قضايا (الطلاق او الخلع)
😅😅😅
قدامكم 48ساعه بس اغتنوا الفرصة 😊
دمتم سالمين 🫢🤗

29/10/2025

*إن شاء الله*
*التوقيت الشتوي*
*سيبدأ الساعة ١٢ ليلة الجمعه القادمه الموافق ٣١ / ١٠ / ٢٠٢٥*
*وبإذن الله ستكون *مواقيت الصـلاة*
*بعد تغـيير السـاعة حـسـب توقـيت القـاهـرة كالآتى:*
*فـجـر : 41 : 04 صباحاً*
*شروق : 09 : 06 صباحاً*
*ظــهـر : 39 : 11 ظهـراُ*
*عـصـر : 44 : 02 عصراً*
*مغـرب : 08 : 05 مساءاً*
*عشـاء : 26 : 06 مساءاً*

*قال اللَّهُ تعالى:*
"*وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ*
*[الذاريات : 55]*

27/10/2025

معلومةقانونية 🧑‍⚖️✍️
✍️👌
ما هو الفرق بين الخلع والطلاق الضرر وايه هو انواع الضرر ؟؟

اولا الخلع 👇

👈الخلع اسهل واسرع ومش محتاج اي أسباب لاثباتها يكفي إقرار الزوجه أمام القاضي ببغضها للحياه الزوجيه وانها بتتنازل عن حقوقها الشرعيه ومدته في المحكمه من ثلاثه شهور لخمسه كاحد اقصي والحكم فيه نهائي مفهوش استئناف

الزوجه بتتنازل فيه عن مؤخر الصداق ونفقه المتعه والعده وبترد للزوج مقدم الصداق المكتوب في قسيمه الزواج وغالبا بيبقي واحد جنيه او مائه جنيه
وبتحتفظ الزوجه بقايمه المنقولات ولوفيه اطفال اقل من15 سنه فالحضانه للام ولها نفقه للاطفال شامله ماكل وملبس ومصاريف علاج وبدل فرش وغطا ومصاريف تعليم كمان هتتمكن من مسكن الزوجيه او ترفع اجر مسكن

ثانيا الطلاق للضرر👇

الطلاق للضرر بياخد مده طويله لانه فيه استئناف مش اقل من 6شهور كمان ولازم إثبات نوع الضرر سواء بشهاده شهود او محاضر او تقارير طبيه او توجيه اليمين الحاسمه للزوجه علي ماتدعيه في حالة عدم توافر اي طرق لاثبات الضرر

الزوجه بتاخد كل حقوقها لو اتحكم ليها بالطلاق للضرر والحقوق دي هي مؤخر الصداق ونفقه متعه من سنتين لخمسه حسب تقدير القاضي بالاضافه الي ثلاثه شهور نفقه عده

👈اللى مشترك بين الطلاق والخلع

قايمه المنقولات ولوفيه اطفال اقل من15 سنه فالحضانه للام ولها نفقه للاطفال شامله ماكل وملبس ومصاريف علاج وبدل فرش وغطا ومصاريف تعليم كمان هتتمكن من مسكن الزوجيه او ترفع اجر مسكن وأجر حضانة

انواع الضرر اللي بيبيح الطلاق👇

الضرب والاهانه والسب والقذف
ودا لابد اثباته ياما بعمل محضر واثبات حاله الضرب والسب والقذف او شهاده شهود

عدم الانفاق والبخل
ودا بيتم لو كانت الزوجه معاها احكام في قضيه نفقه سواء زوجيه او نفقه اطفال بس الحقيقة مش سبب كافى لوحده..

الهجر ودا بينقسم الي 👇
الهجر لسفر الزوج في الخارج لمده سنه او اوكتر ودا بيتم اثباته عن طريق الحصول علي شهاده تحركاته

الهجر لمده سته شهور لسفر الزوج داخليا يعني جوا مصر ودا بيتم اثباته بشهاده الشهود او الهجر في الفراش ايضا لمده سته شهور ودا بيتم اثباته بحلف الزوجه بالقسم وده شبه مستحيل فى المحاكم برضه....

زواج الزوج باخري
ودا بيتم اثباته عن طريق القيد العائلي او الحصول علي قسيمه زواجه بالزوجه الاخري
ولكن يشترط عدم مرور سنه من تاريخ علم الزوجه بزواجه لكي يتم قبول قضيتها...

الضعف والعجز ألجنسي (العنه) والامراض المزمنه
بالنسبه للضعف والعجز الجنسي لابد وجود تقارير طبيه لاثبات الحاله كذلك الامراض المزمنه او المعديه وفي حاله عدم توافر تقارير طبيه الزوجه بترفع قضيتها وتطلب من المحكمه توقيع الكشف الطبي علي الزوج لاثبات حالته الصحيه او الجنسيه

الطلاق للشقاق واستحكام الخلاف
ودا بيتم اضافته بطلب عارض اثناء الاعتراض علي انذار الطاعه

هناك اسباب اخري زي شرب المخدرات وعدم العمل واتيان الزوجه من الدبر او تحريض الزوجه علي الفسق والفجور او ارغامها علي الاعمال المنافيه للآداب ..
تللك نبذات عن بعض الفروق الجوهرية بين الخلع والطلاق للضرر.
خالص تحياتى ،،
✍️⚖️🇪🇬
#المحاميه✍️⚖️⚖️

-------

25/10/2025

25/10/2025

24/10/2025

⚖️ حقك في تنفيذ حكم النفقة... حتى لو الزوج مسافر!
كتير من الزوجات بيعتقدوا إن سفر الزوج للخارج يعني إن تنفيذ حكم النفقة بقى صعب أو مستحيل، لكن الحقيقة غير كده تمامًا 👇
⚖️ القانون المصري بيكفل للزوجة الحق في تنفيذ حكم النفقة حتى لو الزوج خارج البلاد، وده استنادًا لأحكام قانون الإجراءات الجنائية وقانون التعاون الدولي في المسائل الجنائية، اللي بيدوا سلطة للنائب العام في متابعة تنفيذ الأحكام داخل مصر وخارجها.
🔹 تقدر الزوجة تقدّم طلب رسمي للنائب العام بنفسها أو عن طريق محاميها، بطلب تنفيذ حكم النفقة على الزوج المقيم بالخارج.
🔹 بيتم إخطار وزارة الخارجية والجهات المختصة بالدولة الموجود فيها الزوج لاتخاذ الإجراءات اللازمة.
🔹 ولو الزوج عنده أملاك أو حسابات داخل مصر، يحق للنائب العام اتخاذ إجراءات الحجز أو التجميد لحين سداد النفقة المستحقة، طبقًا لنصوص المواد 312 وما بعدها من قانون العقوبات والمادة 76 مكرر من قانون الأحوال الشخصية.
💬 يعني باختصار:
حتى لو الزوج سافر، القانون ما سافرش... وحقك تقدرى توصليه بالإجراءات القانونية الصحيحة.
➡️ تواصل معانا، وخد أول خطوة لبداية جديدة 💼
✌️👌 ما تتردديش في طلب استشارتك القانونية الأن 💪
خالص تحياتى ،،
✍️⚖️🇪🇬
#المحاميه✍️⚖️⚖️

-------

10/10/2025

تعليمات المكتب الفني للنائب العام بشأن جنحة الامتناع عن تسليم حصة ميراثية لأحد الورثة

وكذا الامتناع عمدا عن تسليم سندات ملكية تركة

#الجدير بالذكر أن الجريمة الأخيرة وفق هذه التعليمات قد يتم تحريكها إلى #غير الورثة

أي قد يتم تحريكها ضد أي شخص بحوزته مستندات تفيد ملكية المورث لأي من أعيان تركته وقام بحجبها

ويوصي أعضاء النيابة بالطعن على الأحكام بالاستئناف أو النقض ضد الأحكام التي تصدر بالبراءة استناداً إلى هذا السبب أو كون الحصة شائعة..
خالص تحياتى ،،
✍️⚖️🇪🇬
#المحاميه✍️⚖️⚖️

-------

08/10/2025

قبل تقسيم التركة على الورثة هناك أموال يجب صرفها بشروط بعدها تقسم التركة وهي:

1. الاموال التي تنفق على تجهيز الميت ودفنه.

2.الأموال التي تنفق على قضاء دينه وأبراء ذمته.

3. الوصية .
بعدها يتم تقسيم التركة بمابقي من مال على الورثة ومن لم يكن له وارث عندها تكون (الدولة وارث من لاوارث له)..

📌 الخلاصه احفظوا معايا كلمة ⬅️ ( تدوم )

يشير حرف التاء الي ✅ تجهيز الميت
وحرف الدال الي ✅ ديون الميت
وحرف الواو الي.✅ الوصيه
وحرف الميم الي.✅ الميراث اي توزيع الميراث علي الورثه
--------------
ربنا يرحم موتانا جميعاً ويلحقنا بهم على خير
خالص تحياتى ،،
✍️⚖️🇪🇬
#المحاميه✍️⚖️⚖️

-------

08/10/2025

أوقات نسمع أن فلان متهم " بجناية سرقه "
واوقات "جنحة سرقة "
طيب يا ترى أيه الفرق بينهم‼️⁉️
الفرق بينهم هو وجود عامل التهديد أو الإكراه.

والمقصود بالإكراه أيه ❓

هو التهديد بكل صوره زى استخدام السلاح فى الحصول على المسروقات.
والمقصود بالسلاح هنا مش شرط انه يبقى سكينه أو مسدس ممكن اى سلاح يؤذي به الآخر زى الصاعق الكهربائى مثلا أو أى آله حاده وده اسمه & إكراه مادى &
وفى نوع تانى أيضآ اسمه
& إكراه معنوى & ده مش شرط يكون السارق بيستخدم سلاح فيه لا ممكن يكون السارق بيهدد الشخص انه خاطف حد من عنده زى أولاده أو زوجته ويكون التهديد ده إلى خلى المتهم ياخد المسروقات ده بردو اسمه سرقه بالإكراه بس الأكراه هنا معنوى وليس مادى وبردو جنايه ...
يبقى كده عندنا نوعين من الاكراه مادى ومعنوى

بعدين بقى .. شروط توافر جريمه السرقه ..؟؟ ..

1- لازم يكون فى فعل مادى وهو فعل السرقه يعنى تمد ايدك وتسرق.

2- لازم المسروقات دى تكون ملك شخص تانى يعنى ماينفعش تبقى ملكك لأن لا يعقل حد يسرق حاجته.

3 - لازم تبقى عارف ان إلى بتعمل ده سرقه وأنك بتاخد حاجه غيرك علشان تتملكها وتبقى بتاعتك
📃● ملحوظه مهمه اوى جرائم السرقه يعاقب القانون فيها على الشروع سواء شروع فى جنحه سرقه بسيطه أو شروع فى جنايه سرقه بالإكراه
وتعريف الشروع معناه أن السارق كان بيحاول يسرق حد وحصل سبب خارج عن إرادته منعه من الحصول على المسروقات أو إتمام الجريمه والشروع طبعا معاقب عليه زى مثلا واحد بيحاول يسرق الأهالى مسكته أو مثلا إلى بيتسرق شافه وهكذا ...
دمتم فى رعاية الله وحفظه..
-------------------
خالص تحياتى ،،
✍️⚖️🇪🇬
#المحاميه✍️⚖️⚖️

-------

08/10/2025

لو عربيتك اتسرقت ... لا قدر الله :
في خطوتين مهمهين لازم نعملهم بعد ما تعمل المحضر في القسم :🤔🤔

اولهم: انك تاخد رقم محضر السرقه وتروح بيه مباحث المرور تعمل حاجه اسمها-- إشارة نشر-- ⁦⁦↙️⁩
ودي معناها انك بتنشر علي كل أجهزه الحاسب الالي في مصر ان عربيتك الى نمرها كذا مسروقه ودي ليها ميزه،

⁦1️⃣⁩ ان لو العربيه وقفت في أي كمين وفحصوا النمر بالجهاز الي مع ظباط المرور هيتعرف ان العربيه دي مسروقة وان الي مبلغ بالسرقه هو فلان وعنوانه المكان الفلاني او لو العربية حد لاقاها وراحت اي قسم علي مستوي مصر هيقدروا يوصلولك والمفروض ان ده إجراء تلقائي بيتعمل بعد المحضر بس محدش بيعمله

⁦2️⃣⁩ تاني حاجه: انك تروح النيابة وتطلب من وكيل النيابة يديك جواب للمرور الي عربيتك تابعه ليه بوقف التعامل علي العربيه بأي شكل -💯-وده ميزته-- ان لو انت ناسي الرخص جوا العربيه وقت السرقه ممكن الحرامي
يضرب توكيل ويبيع العربية لمشتري حسن النيه ساعتها انت بتدخل نفسك في دوامة لانه ممكن يروح ينقل مليكة ومحدش يفحص التوكيل الي معاه ويطلع رخصة بإسمه وساعتها انت دخلت في دوامه
--لكن -- لو موجود في ملف العربيه جواب بوقف التعامل عليها ساعتها اي حد يروح يعمل رخصة هيتمسك والعربيه هيتم التحفظ عليها ويقدروا يوصلوك برقم المحضر
..... ملحوظه اخيره ....
خليك حريص وانت بتعمل اي محضر انك تسيب رقم تليفونك في المحضر نفسه عشان يقدرو يوصلولك.....

فى انتظاار استفسراتكمخالص تحياتى ،،
✍️⚖️🇪🇬
#المحاميه✍️⚖️⚖️

-------

07/10/2025

✅ إدارة منشأة بدون ترخيص. ✅

ينص القانون على معاقبة كل من يقوم بتشغيل محل بدون ترخيص بغرامة، وفى حالة تكرار المخالفة تكون العقوبة الحبس والغرامة.

👈ووفقا لنص المادة (30)، من القانون، يُعاقب كل من قام بتشغيل محل دون ترخيص بغرامة لا تقل عن عشرين ألف جنيه ولا تجاوز خمسين ألف جنيه، وفي حالة العود تكون العقوبة الحبس مدة لا تقل عن ستة أشهر ولا تجاوز سنة والغرامة المشار إليها أو بإحدى هاتين العقوبتين فضلاً عن غلق المحل على نفقة المخالف.

👈ويُعاقب بذات العقوبة كل من قام بتشغيل محل عام خاضع لأحكام الفصل الثالث من هذا القانون دون إخطار مسبق للمركز المختص، أو إذا تضمن نموذج الإخطار بيانات غير صحيحة.

خالص تحياتى ،،
✍️⚖️🇪🇬
#المحاميه✍️⚖️⚖️
-------