القانون بيقول أيه ؟؟

القانون بيقول أيه ؟؟ محام - مدرس المواد القانونيه لطلبه كليه الحقوق

26/09/2025

ليه المحكمة ممكن تحكم على متهم بالحبس مع إيقاف التنفيذ بدل ما تديه براءة على طول؟ 🤔

أول حاجة لازم نفهمها:
الحكم بالحبس مع إيقاف التنفيذ مختلف تمامًا عن البراءة.

البراءة معناها إن الجريمة مش ثابتة عليك.

إيقاف التنفيذ معناها إنك مدان فعلًا، والجريمة ثابتة، لكن المحكمة رأت فيك اعتبارات معينة: زي سنك، أو أخلاقك، أو ظروف الواقعة، وقالت إنك تستحق فرصة تانية.

---
طب ليه القاضي يعمل كده ويوقف التنفيذ؟

لأن القاضي شايف إنك مش مجرم بطبعك، وإنك مش هترجع للجريمة تاني. فبيحكم عليك بالحبس (سنة أو أقل) لكن يوقف تنفيذ العقوبة لمدة ٣ سنوات، وده طبقًا للمادة 56 من قانون العقوبات.

---

طيب يعني إيه يحصل خلال فترة الإيقاف؟

الفترة دي هي الاختبار الحقيقي 👇

لو ارتكبت جريمة جديدة عقوبتها الحبس أكتر من شهر → العقوبة الأولى اللي كانت موقوفة هتتنفذ عليك، ومعاها كمان عقوبة الجريمة الجديدة.

لو عدت الـ ٣ سنين بدون أي جريمة → الحكم الأولاني يعتبر كأن لم يكن، ويتشال من سجلك كأنه ماحصلش.

---

الخلاصة:

إيقاف التنفيذ = إدانة + فرصة تانية.

البراءة = عدم ثبوت الجريمة أصلًا.

لو حافظت على نفسك ٣ سنين → تاريخك يفضل نظيف وكأنك ما اتحكمش عليك.

06/09/2025

في جريمة اسمها "شروع في اغ**اب" وبتختلف عن جريمة "هتك العرض".

الحاجة المشتركة بين الجريمتين إن الجاني بيعتدي على "جسد المجني عليها" لكنه مش "بيواقعها مواقعة كاملة".

لكن في فروق بين الجريمتين:
١- جريمة "هتك العرض" بتتحقق في حالة لمس أي مكان من جسد المجني عليها أو كشف عورتها ((بدون إرادتها وبدون عذر قانون أو مادي)) ومش شرط يكون الهدف هو الممارسة الجنسية معاها.
٢- لكن في جريمة "الشروع في الاغ**اب" لازم يكون الجاني قصده "التمهيد لا ممارسة الجنسية مع المجني عليها".

مثال:
لو الجاني نزع جزء من ملابس المجني عليها أو إذا لمس جسمها بإيده أو إذا أولج فيها من الخلف أو إذا قبلها أو إذا أمنى عليها.

كل الحالات دي مكنش قصد الجاني انه "يمارس ممارسة كاملة مع المجني عليها" فتكون الجريمة "هتك عرض".

أما إذا الجاني نزع ملابسها بالكامل أو نزع الملابس الساترة لمكمن عفتها (أو أجبرها على خلعها) فده بيكون قرينة على اتجاه إرادته لمواقعة الأنثى مواقعة كاملة.

في حالات بيتم فيها تجريد المجني عليها من كامل ملابسها لكن قصد الجاني بيكون غير واضح (هتك أو شروع) هنا القاضي بيستنتج "نية الجاني" من ظروف الواقعة.

مثلا:
إجبار المجني عليها على خلع ملابسها والاستلقاء على ظهرها (دي واقعة ممكن القاضي يستنتج منها ان نية الجاني هي الاغ**اب).
إجبار المجني عليها على خلع ملابسها ثم تقييدها و الإنزال على جسدها (دي واقعة ممكن القاضي يستنتج منها ان نية الجاني هي هتك العرض).

في فرق مهم جدا بين الجريمتين:
جريمة "الشروع في الاغ**اب" لا تقع الا على أنثى لكن جريمة "هتك العرض" ممكن تقع على ذكر أو أنثى.

14/04/2025

🫡 إزاااي تحافظ علي فلوسك 🤔 إزاااي تكتب عقد صح !🤫🫡🤔

08/04/2025

- هل تسبب وزير التربيه والتعليم في وفاه مدير إداره الباجور التعليميه ؟ ! 🤔

06/04/2025

لأن صفحتنا قانونية ومفتوحة لكل الزملاء المحامين اللي يقدروا يقدموا معلومة قانونية تفيد الناس، كان لازم نبدأ بأسماء كبيرة تِشرف وتشيل الفكرة من أولها.

وعشان كده كان أول اختيار لينا هو
الأستاذ الكبير / السيد الدجوي
صاحب المدرسة القانونية اللي بنتعلم منها كل يوم.

وكان أول المرحّبين بالفكرة، وهيقدملنا الأسبوع الجاي موضوع قانوني مهم جدًا، استنوه!



04/04/2025

.............الشريك في الجريمه ، ولازم تعرف ياصديقي ! 📌 ليه القانون ساوى بين الشريك والفاعل؟
لأن بدون التحريض أو المساعدة، قد لا تتم الجريمة من الأساس، فالقانون يرى أن من حرض أو اتفق أو ساعد، شريك أساسي في ارتكاب الجريمة حتى لو لم يكن في موقع التنفيذ.

02/04/2025

✍️ من هو الفاعل الأصلي في الجريمه ؟ 👈 وتعال ياصديقي أفهم أن كل من له دور علي مسرح الجريمه يعتبرا فاعلا أصليا 🤌

31/03/2025

... ازاااي الضااامن 🤔 يخرج نفسه من الورطه ياصديقي ؟!🫤

30/03/2025

📢⚖️ "القانون بيقول إيه؟" | ( تهنئة العيد)

📜 بموجب المادة الأولى من قانون الفرحة رقم 2025 لسنة السعادة، يُلزم جميع المواطنين بارتداء ابتسامة عريضة، وتبادل التهاني، وتناول الكحك دون قيود أو شروط! 🍪😆

📌 المادة الثانية: يُحظر منع الأطفال من جمع العيدية، ويُعاقب الممتنع عن الدفع بغرامة معنوية تُقدر بـ "نظرات العتاب القوية"! 💸👀

📌 المادة الثالثة: يُمنع منعًا باتًا استخدام عبارة "أنا عامل دايت" خلال العيد، وكل من يخالف ذلك يُحال إلى لجنة المراجعة الأسرية لإعادة تأهيله بالكحك والبسكويت! 😂

🎉 وعليه... تتقدم محكمة "القانون بيقول إيه؟" بأسمى التهاني والتبريكات بمناسبة عيد الفطر المبارك، ونتمنى لكم عيدًا سعيدًا مليئًا بالفرحة والسرور! 🌙✨

📩 كل سنة وانتوا طيبين، وعيدكم سعيد بحكم القانون! 😉⚖️

30/03/2025

⚖️ "القانون بيقول إيه؟" | متى يكون تفتيش البيت باطل؟

🎤 تخيل إنك قاعد في بيتك وفجأة تلاقي الشرطة على بابك ومعاهم إذن تفتيش! بس هل الإذن ده قانوني؟ وهل ليك حق تعترض؟ 🤔🏠

---

📌 الأول، إمتى يحق للشرطة تفتش بيتك؟

الأصل في القانون إن البيت له حرمة مقدسة، ومينفعش حد يدخل يفتشه إلا بشروط قانونية محددة. النيابة العامة هي الجهة الوحيدة اللي تقدر تصدر إذن بالتفتيش، لكن لازم يكون الإذن ده مستوفي شروط معينة.

🛑 لو الإذن فيه مشكلة، يبقى التفتيش باطل وكل اللي يترتب عليه باطل!

🔹 النص القانوني:
📌 المادة 91 من قانون الإجراءات الجنائية:
"لا يجوز القبض على أي إنسان أو حبسه إلا بأمر من السلطات المختصة بذلك قانونًا، كما يجب معاملته بما يحفظ عليه كرامة الإنسان، ولا يجوز إيذاؤه بدنيًا أو معنويًا."

📌 المادة 92 من قانون الإجراءات الجنائية:
"لا يجوز تفتيش أي مسكن إلا بأمر قضائي مسبب."

---

📌 طيب إمتى إذن التفتيش يكون باطل؟

1️⃣ لما يكون الإذن طالع بدون سبب واضح

النيابة لازم تكتب سبب إصدار الإذن، زي إن في تحريات قوية بتقول إن في جريمة حصلت.

لو الإذن صادر بسبب "الاشتباه" بس، أو من غير تحريات قوية، يبقى باطل.

✅ في الحالة دي، المحامي يقدر يطلب بطلان التفتيش لأن التحريات كانت ضعيفة أو صورية.

📜 🔹 النص القانوني:
📌 حكم محكمة النقض:
"يجب أن تبنى التحريات على وقائع جدية، فإذا كانت غير جدية، بطل إذن التفتيش الصادر بناءً عليها." (الطعن رقم 5629 لسنة 62 ق – جلسة 22/2/1993)

---

2️⃣ لما يكون الإذن غير محدد

لازم الإذن يحدد عنوان البيت بدقة، ومينفعش يكون عام زي "تفتيش منزل المتهم وما قد يظهر له من أماكن أخرى".

كمان مينفعش يفتشوا أكتر من المكان المحدد في الإذن.

✅ لو الشرطة فتشت مكان مش مذكور في الإذن، المحامي يقدر يدفع ببطلان التفتيش.

🔹 النص القانوني:
📌 المادة 45 من الدستور المصري:
"لحياة المواطنين الخاصة حرمة، ولا يجوز دخول أي مسكن وتفتيشه إلا بأمر قضائي مسبب وفقًا للقانون."

---

3️⃣ لما يكون الإذن صادر من نيابة غير مختصة

النيابة المختصة هي نيابة المنطقة اللي موجود فيها البيت.

لو الإذن صادر من نيابة في مكان تاني، يبقى باطل.

✅ المحامي يطلب الاطلاع على الإذن ويتأكد إنه صادر من النيابة المختصة بالمكان.

🔹 النص القانوني:
📌 المادة 23 من قانون الإجراءات الجنائية:
"يجب أن يكون إذن التفتيش صادرًا عن جهة مختصة، وفي دائرة اختصاصها المكاني."

---

4️⃣ لما يتم التفتيش بعد انتهاء مدة الإذن

الإذن ليه مدة صلاحية، وغالبًا بتكون 24 ساعة من وقت إصداره.

لو الشرطة جت بعد المدة دي، يبقى التفتيش غير قانوني.

✅ المحامي يطلب مراجعة تاريخ ووقت الإذن ووقت التفتيش، ولو المدة انتهت، يطلب بطلان الإجراءات.

🔹 النص القانوني:
📌 حكم محكمة النقض:
"يُشترط لتنفيذ الإذن الصادر بالتفتيش أن يتم في المدة المحددة به، وإلا وقع باطلًا." (الطعن رقم 205 لسنة 45 ق – جلسة 18/3/1975)

---

5️⃣ لما التفتيش يتم في غياب المتهم أو شهود

القانون بيقول إن التفتيش لازم يكون في وجود المتهم نفسه أو حد من أهله أو جيرانه كشاهد.

لو الشرطة فتشت من غير ما يكون فيه حد حاضر، يبقى التفتيش باطل.

✅ المحامي يقدر يثبت غياب الشهود ويطلب بطلان التفتيش.

🔹 النص القانوني:
📌 المادة 57 من قانون الإجراءات الجنائية:
"يجب حضور المتهم أو من يمثله عند تفتيش مسكنه، وإذا تعذر ذلك، يُستدعى شاهد من الجيران."

---

📌 طيب لو حصل تفتيش غير قانوني، نعمل إيه؟

📌 أول حاجة، لازم المحامي يطلب من المحكمة إبطال التفتيش وبطلان أي دليل طلع منه.
📌 ثاني حاجة، لازم يثبت للمحكمة إن الإذن فيه مشكلة أو التفتيش تم بطريقة غير قانونية.
📌 ثالث حاجة، يستخدم الدفاع دفوع قانونية زي:
✔️ بطلان إذن التفتيش لعدم وجود تحريات جدية.
✔️ بطلان التفتيش لتنفيذه بعد انتهاء مدته.
✔️ بطلان التفتيش لأنه تم بدون حضور شهود.

🔹 النص القانوني:
📌 حكم محكمة النقض:
"كل دليل مستمد من تفتيش باطل، يكون هو والعدم سواء، ولا يجوز التعويل عليه في الإدانة." (الطعن رقم 6835 لسنة 58 ق – جلسة 4/1/1990)

تحياتي/ محمد طلعت أبوالسعود
المحامي _ مدرس المواد القانونيه لطلبه كليه الحقوق
تليفون / ٠١٠١٠٧٨٥١٨١

Address

Shebin Al-Kom

Website

Alerts

Be the first to know and let us send you an email when القانون بيقول أيه ؟؟ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category