الأستاذ/ أحمد عبده الشوا المحامي

17/08/2026

تقديمات سكن لكل المصريين(٨)

طبقا لما ورد عن صفحة صندوق الاسكان الإجتماعي و دعم التمويل العقاري.

يمكن للمواطنين الذين قاموا بسداد مقدم جدية الحجز بإعلان «سكن لكل المصريين (8)» لمتوسطي الدخل بنظام أسبقية الحجز بمحافظة بورسعيد – مدينة بورفؤاد عدد (٨٥) وحده بمساحات ١١٠ متر و ١١٢ متر و مقدم حجز ١٠٠ الف جنيه

علمًا أنه سيتم إتاحة حجز الوحدة السكنية يوم الثلاثاء 18/8/2026، من خلال نفس الرابط، وذلك اعتبارًا من الساعة 12 ظهرًا وحتى الساعة 9 مساءً.

ملحوظة (١) / التقديم المتاح لمستحقي الإسكان التعاونى و الي كانوا دفعوا قبل كده مقدمات التعاقد و لم يحصلوا علي وحدات سكنية.

ملحوظة(٢) / الناس الي هتكتب ف التعليقات "مفيش اخبار عن مشروع ال ٩٠٠٠" او "مش كانوا اولي يسكنوا الناس الي مقدمه من زمان" او "احنا مقدمين من ٢٠١٣ و حتي الان مستلمناش" احب ابلغم اني للاسف مش جهة صاحبه قرار او مسؤولة عن الإسكان او نائب عشان اقدر ابحث مشكلتكم و أبدا احلها....

انا محامي و نشر معلومات عن الإسكان و التقديمات مش دوري و لكن انا بقدم المعلومات ده و بنشر البوستات الخاصه بتقديمات الإسكان و بصرف عليها ممول عشان توصل لأكبر عدد و اكبر عدد يستفاد...

الوحدات ده او غيرها لو هي غاليه في وجهة نظر ناس كتير فهي برده من وجهة نظر البعض الاخر سعرها مقبول و مناسب. واخيرا ربنا يرزق الجميع بالخير و ان شاء الله تكون في مشاريع تانيه متاحه للشباب الي مقدمش قبل كده بإذن الله.

الأستاذ/ أحمد عبده الشوا المحامي

10/08/2026

بتدور على شقة ومحتار؟
بلاش توقّع أي عقد قبل ما تقرأ البوست ده! 📜👇

​📍شقق المحافظة القديمة :
اسأل في الحي فوراً (زوجي ولا فردي؟ تمليك ولا إداري؟)
و اهتم جداً إنها متكونش "إداري لحين الوفاة".

​📍إسكان اجتماعي (بنك) :
اسأل عن المتبقي للبنك وهل هي "فاكة حظر" عشان تنقل في الصندوق مباشرة.. ولو مش فاكة حظر، الشراء ليه نظام قانوني مختلف لازم تاخد بالك منه.

​📍 أبراج وبيوت أهالي :
أهم حاجة تراخيص المباني (بدون مخالفات) ويفضل تكون الأرض مسجلة عشان تتجنب أي تعقيدات في نقل الملكية.

​⚖️ افتكر دايماً : فحص أوراق الشقة او العقار قبل التوقيع هو خط الدفاع الأول عن فلوسك.

للإستشارات القانونية تقدر تنورنا في مكتبنا أبراج خان الخليلي برج الرسول بجوار مسجد الرسول و المواعيد يوميا من الساعه ٨ ل ١١ مساء ما عدا الجمعه و الاستشاره ب ٢٠٠ جنيه.
​الأستاذ/ أحمد عبده الشوا المحامي

03/08/2026

⚠️ توقيعك للعقد هو أول خطوة فقط.. مش آخرها!

​كثير من الناس بيعتمدوا على وجود التوقيع على الورق و بيتفاجأوا بعد سنين بنزاع قانوني على صحة العقد نفسه.

​علشان تضمن حقك وتمنع أي طرف من إنكار توقيعه مستقبلاً، خطوتك الأهم هي "دعوى صحة التوقيع".

​ما هي أهمية دعوى صحة التوقيع؟
بتديك حكم محكمة رسمي بيثبت إن التوقيع صادر من صاحب الشأن فعلياً، وده بيدي العقد قوة قانونية قاطعة في إثبات المعاملات.

​✅ تأكد من اتخاذ الإجراء ده فوراً عند كتابة:
• عقود البيع والشراء (خاصة عقود العقارات).
• عقود القسمة بين الورثة.
• الاتفاقيات المالية والعقود التجارية.
• عقود الإيجار.

​حماية حقوقك تبدأ من الإجراءات السليمة في وقتها المظبوط.

لو عندك أي استفسار يخص عقودك أو موقفك القانوني تواصل معنا عبر رسائل الصفحة الأستاذ/ أحمد عبده الشوا المحامي
او عن طريق الواتس علي الرقم ده 012 77778420

22/07/2026

شقق الإسكان الإجتماعي ببورسعید:-

البيع و الشراء حاليا بيتم بشكل رسمي في الشقق الي عدت ال ٧ سنين و المشتري بيكتب عقد ابتدائي و بيخلص البنك و بعد ما تيجي المخالصه بننقل ملكيه في الصندوق. و للعلم نقل الملكية بقي متاح هنا ببورسعید معدش زي الاول لازم نسافر القاهرة.

اما الشقق الي لسه معدتش ال ٧ سنين فالبيع بيكون بشكل غير رسمي مؤقتا لحين انتهاء فتره الحظر و الي بيتم اننا بنعمل عقد بيع و وصلات امانه علي الزوج و الزوجه و اقرار بعدم التمكين و كزياده تأكيد و ضمان للحقوق بنعمل صحه توقيع علي عقد البيع كنوع من انواع التوثيق و في ناس بتعمل توكيل بالشقه و لكن بيكون خارج بورسعید و مكلف شويه و كل الإجراءات ده بتكون بشكل مؤقت لضمان الحقوق لحين نقل الملكية بالصندوق.

اما بالنسبة لتقديمات الإسكان الإجتماعي فحاليا مش متاح تقديمات و الي كانت متاحه من فتره كان تعاوني و ليس اجتماعي و طبعا التعاونى كانت أسعاره عاليه شويه نظرا لسعر السوق في المناطق الي كان متاح فيها الشقق ده و لكن الإجتماعي الي هيكون متاح قريب هيكون في الإماراتي و ده طبقا لتصريحات محافظ بورسعید و اكيد الأسعار هتبقي اقل بكتير من التعاوني. مفيش حتي الآن اي تفاصيل اكيد بموعد طرح الاستمارات او الأسعار و لكن في الغالب هيكون موعد طرحها بنهايه العام او بدايه العام القادم و بالنسبة للأسعار فغالبا لن تتخطي ال ٩٠٠ الف للوحده. و برده كل ده احتمالات طبقا لأسعار المنطقة و دعم الدوله لمشاريع الإسكان.

و اخيرا بعتذر عن طول الغياب بسبب ضغط الشغل بالمكتب و لكن ان شاء الله هنكون متواجدين اون لاين بشكل منتظم الفتره القاده بإذن الله. تحياتي للجميع ❤️🌹

الأستاذ/ أحمد عبده الشوا المحامي

23/05/2026

05/05/2026

🚨 تحذير قانوني لكل أصحاب شقق المحافظة والإسكان الاجتماعي!

​1️⃣ التوكيلات لا تورث : لو المشتري توفى التوكيل بيكون ساقط صفه. لازم تصحيح وضع قانوني فوراً.

2️⃣ التقنين مش دايمًا ميزة: ممكن تكون شقتك تمليك وتتحول لإداري بعد التقنين.. استشير قبل ما تاخد الخطوة!

3️⃣ الممنوع من التقنين: (الإداري لحين الوفاة) و (الإداري بصفة إيجارية) ملهمش تقنين حالياً إلا في حالات قضائية نادرة.

4️⃣ الإسكان الاجتماعي "خط أحمر": يفضل عدم شراء الشقق الي عليها حظر و لو لابد منها الافضل تكون فكت حضر او علي الاقل مضي علي استلامها 5 سنوات و ده طبقا لمنشور الشهر العقاري.

5️⃣ الممنوع من التقنين: (الإداري لحين الوفاة) و (الإداري بصفة إيجارية) ملهمش تقنين حالياً إلا في حالات قضائية نادرة.

6️⃣ التوكيلات "العايمة": كتابة (توكيل عام عقارات) بدون ذكر تفاصيل الشقة هو في نظر صندوق التمويل العقاري بلا فائده.

​💡 احمي استثمارك العقاري وافهم القانون صح.

08/04/2026

🏢 شقق الإسكان الاجتماعي ببورسعيد…

لازم تفهم وضعها كويس قبل ما تشتري أو تبيع!
شقق الإسكان الاجتماعي في بورسعيد ليها وضع خاص جدًا سواء في الشراء أو البيع و كمستفيد لازم تكون فاهم شوية نقاط مهمة علشان متقعش في مشكلة كبيرة 👇

🏦 البنك ≠ الحي… يعني إيه؟
الناس متعودة مع الحي إن لو معهوش يدفع الايجار يؤجل كام شهر ويدفعهم بعدين… والدنيا بتمشي. لكن البنك؟
لاااااا… الموضوع مختلف تمامًا و لو عديت أكتر من 6 شهور من غير دفع
👉 البنك بيعمل تجميد للحساب
👉 وبيحسب عليك فوائد كبيرة جدًا
👉 وبيتعامل معاك إنك واخد قرض

مثال: لو باقي عليك 100 ألف… بعد كام شهر ممكن يبقوا 150 ألف أو أكتر! و مش بس كده…
البنك ممكن يرفع عليك وصلات أمانة بجزء من الفوائد كبداية، ولو متسددش: ⚠️ ممكن يحصل حبس و حتى لو اتصلحت ورجعت تتأخر… البنك يرفع عليك وصل تاني وتالت وفي الآخر الفوائد بتكبر أسرع من سدادك.

✅ إيه الحل؟ عندك 3 حلول بس…

1️⃣ الحل الأول: تسدد كل اللي على الشقة
تروح تدفع: الرصيد المتجمد و الفوايد و أي مستحقات متأخرة
وتاخد مخالصة رسمية بالشقة وده أفضل وأنضف حل ✔️

2️⃣ الحل التاني: وجود ظرف قهري يمنعك من السداد زي:
مرض شديد (زي كانسر – كورونا) 🤒
إنك تكون كنت محبوس في نفس الفترة

بتجيب ما يثبت الحالة و البنك يوجّهك لمركز التسوية في القاهرة
و بيعملوا إعادة جدولة للمبلغ بفوايده، بس على فترة قصيرة (5 سنين أو أقل).

3️⃣ الحل التالت: تدفع أكتر من نص المبلغ المتبقي. مثال:
عليك 160 ألف بالفوايد تروح تدفع 100 ألف 💰و المهم جدًا:
✔️ تتأكد إن الإيداع داخل حساب الدين المتجمد مش حساب جاري عادي و بعدها بيبقى باقي 60 ألف… و المبلغ ده برضه بينزل عليه فوائد فهتحتاج تدفع قسط شهري كبير (مثلاً 3000 جنيه) علشان تغطي الفوائد وفي نفس الوقت تنزل من أصل الدين.

🛑 بيع الشقة مش حل!
أول ما ناس كتير حسابها بيتجمد بتفكر تبيع وده بيكبر المشكلة مش بيحلها لأنك ممكن:
تعرض المشتري للحبس او يحصل سحب الشقة و تتسبب في مشكلة قانونية ضخمة للطرفين

🏠 لو ناوي تشتري… ما تعتمدش على كلام البائع بس لازم:
✔️ تروح بنفسك البنك✔️ تعرف الشقة عليها كام
✔️ اتفكت من الحظر ولا لأ ✔️ وتتأكد من كل التفاصيل لتجنب أي مشاكل قانونية و يفضل يكون شخص واحد بس اللي يدخل مع صاحب الشقة لتجنب أي لخبطة 👌

⚖️ محتاج محامي يراجع عقدك أو يساعدك في البيع والشراء؟
تقدر تبعتلنا على رسايل الصفحة، وهناخد استفسارك ونرد عليك في أسرع وقت ✉️أو تشرفنا في المكتب:
📍 أبراج خان الخليلي – برج الرسول – أمام مسجد الرسول – الدور الأول 🕗 من الساعة 8 لـ 11 مساءً يوميًا ماعدا الجمعة
💵 الاستشارة بمبلغ رمزي: 200 جنيه

24/02/2026

تم تخفيض السعر ٢٠٠ ألف جنيه 🔥🔥
لسرعه البيع و عدم التفرغ

٣ محلات تجاريه بسعر شقة 🔥🔥

عقار كامل ٢٤ قيراط مكون من ٣ محلات تجارية على مسطح ٨٠ متر باجمالي مسطح الارض علي الشارع الرئيسي مباشر شارع التجاري و القليوبية ناصية و التنازل ٢٤ قيراط و المحلات توضيب سوبر لوكس و التسليم فوري بإذن الله.

البيع من المالك مباااااااااااشر 🔥🔥🔥

متاح فيديو كامل للمحلات موضح فيه كل تفاصيل المحلات

للتواصل/ 012 77778420 فون او واتس.
او عن طريق رسايل الصفحه.
الأستاذ/ أحمد عبده الشوا المحامي

09/02/2026

⚠️ متشتريش شقة قبل ما تقرأ البوست ده....
🚫 عشان فلوسك متضيعش!
​
كتير مننا بيسمع مصطلحات "تمليك" و"إداري" وهو بيشتري شقة، لكن الحقيقة إن الفرق بينهم ممكن يخليك تمتلك شقة بشكل دائم أو تلاقي نفسك بره الشقة في لحظة!

​الخلاصة اللي لازم تعرفها:
✅ شقق التمليك : هي الأمان التام و الافضل و بتكون استلام محافظة ضمن مشاريع الإسكان و للاسف سعرها عالي شوية بس "فلوسك في جيبك".

❎️ شقق الإداري : دي أنواع كتير (فردي، زوجي، إزالات، بصفة إيجارية،....) كل نوع ليه ميزة وعيب وسعر مختلف.

⛔️ للعلم يوجد أنواع في الإداري و بالأخص الإداري زوجي بتكون زي التمليك تقريبا مع اختلافات بسيطه

​🔴 احذر : إياك وشراء "إداري لحين الوفاة". ليه؟
لأن بمجرد وفاة المالك الأول المحافظة ليها الحق قانوناً تسحب الشقة و بكده فلوسك راحت!

و دلوقتي بعد ما عرفت الفرق لو قدامك شقة إداري "لقطة" بسعر مغري وشقة تمليك غالية.. تختار إيه؟
شاركونا تجاربكم في الكومنتات 👇

📌 لو حابب تشتري او تبيع او تسجل شقتك أو عقارك تواصل معنا عبر رسائل الصفحة وهنرد على جميع استفساراتكم في أسرع وقت بإذن الله

📍العنوان: أبراج خان الخليلي – برج الرسول أمام مسجد الرسول – الدور الأول 🕗 من 8 مساءً إلى 11 مساءً يوميًا ❌ عدا يوم الجمعة 💼 قيمة الاستشارة: 200 جنيه

الأستاذ/ أحمد عبده الشوا المحامي

#قانون #عقارات #بورسعید

06/02/2026

فلوسك ممكن تضيع بـ "توكيل"!؟ 🤚🛑

​كتير مننا بيشتري شقة و يكتفي بتوكيل في الشهر العقاري و يقول "كده أنا في الأمان"..

الحقيقة إنك قانونياً لسه في منطقة الخطر! ليه؟

​1️⃣ التوكيل "لا يورث": يعني لو (لا قدر الله) المشتري توفى فالتوكيل صفته القانونية بتنقطع. وورثته هم اللي هيضطروا يسجلوا عشان يعرفوا يبيعوا وده مجهود ووقت و تكلفة زيادة عليهم.

​2️⃣ فخ البيع المتكرر : طول ما انت مكتفي بالتوكيل فكده البائع لسه مالك رسمي في الدفاتر يعني يقدر يبيعها لحد تاني أو يسجلها باسمه و يبيعها و وقتها مش هتاخد منه غير قضايا في المحاكم عشان ترجع فلوسك (مش الشقة!).

​3️⃣ كارثة القروض : ممكن البائع ياخد قرض بضمان الشقة اللي أنت قاعد فيها و البنك يحجز عليها لأنها لسه باسمه في السجلات الرسمية.

​الخلاصة: الملكية لا تنتقل إلا بالتسجيل و العقد الأزرق مش رفاهية ده "درع أمان" لعقارك. 🛡️

​تنبيه: الكلام ده بينطبق على الشقق الخاصة و الجمعيات و حتى بعض شقق المحافظة المسجلة عقد ازرق سابقا.
​
📌 لو حابب تشتري او تبيع او تسجل شقتك أو عقارك تواصل معنا عبر رسائل الصفحة وهنرد على جميع استفساراتكم في أسرع وقت بإذن الله

📍العنوان: أبراج خان الخليلي – برج الرسول أمام مسجد الرسول – الدور الأول 🕗 من 8 مساءً إلى 11 مساءً يوميًا ❌ عدا يوم الجمعة 💼 قيمة الاستشارة: 200 جنيه

الأستاذ/ أحمد عبده الشوا المحامي

#قانون #عقارات #بورسعید