مؤسسه عصام الطباخ للإستشارات القانونيه

24/05/2026

احمي فكرتك.. الخطوة الأولى لنجاح شركتك الناشئة 🚀

عندك فكرة مشروع عبقرية وخايف تتسرق منك قبل ما تبدأ؟ 💡 الشطارة مش بس في الفكرة، الشطارة في إزاي تحميها بالقانون عشان محدش يستغل مجهودك.
قبل ما تعرض فكرتك على مستثمر أو شريك، لازم تعمل 3 حاجات أساسية:

📍أولاً: توقيع اتفاقية عدم الإفصاح والسرية NDA مع أي طرف هتعقد معاه جلسة عمل 📝

📍ثانياً: تسجيل العلامة التجارية وبراءة الاختراع وحقوق الملكية الفكرية لحماية هويتك ⚖️

📍ثالثاً: توثيق أكواد البرمجة أو خطة العمل رسمياً لإثبات أسبقيتك 🔍
بداية شركتك صح وبخطوات قانونية ثابتة هي اللي بتضمنلك تكبر في أمان 🤝

مكتب المستشار علي الطباخ.. مستشارك القانوني الأمين 💼

23/05/2026

حقك مش هيضيع.. قانون العمل يحميك من الفصل التعسفي ⚖️

هل فجأة لقيت نفسك مطرود من شغلك وصاحب العمل بيقولك مالكش تعويض؟ 🛑

القانون المصري صريح وواضح في النقطة دي، ومفيش حاجة اسمها طرد بدون سبب قانوني قوي.

قانون العمل بيحمي الموظف، وصاحب العمل مش من حقه يفصلك تعسفياً بدون تعويض يعادل أجر شهرين عن كل سنة خدمة على الأقل 💰

إلا في حالات محددة جداً زي إفشاء أسرار العمل أو التزوير، وحتى دي ليها إجراءات وتحقيق رسمي وإثبات في المحكمة العمالية 🏛️

لو حاسس إن حقك اتهضم في شغلك، متسكتش واعرف خطوتك القانونية الصح عشان تاخد حقك تالت ومتلت 🤝

مكتب المستشار علي الطباخ.. مستشارك القانوني الأمين 💼

23/05/2026

تحويشة العمر في أمان.. احذر ثغرات عقود الشقق 🛑

اشتريت شقة جديدة؟ مبروك 🎉 بس قبل ما تمضي وتدفع شقا عمرك، فيه 3 أخطاء قاتلة ممكن تضيع حقك تماماً والمحاكم مليانة بقضايا بسببها ⚖️

📍أولاً: كتابة العقد بدون التأكد من تسلسل الملكية وصحة توقيع البائعين السابقين 📑

📍ثانياً: إهمال بند توقيع كامل ملاك العقار أو وجود توكيل رسمي عام ساري ومسجل برقم واضح في الشهر العقاري 🔍

📍ثالثاً: عدم تحديد حصة الأرض بدقة، أو إغفال المعاينة النافية للجهالة في بنود العقد 🏗️

النصيحة القانونية بتوفر عليك سنين في المحاكم.. متخاطرش بفلوسك ومتمضيش أي ورقة قبل ما تستشير محاميك وتطمن 🤝
مكتب المستشار علي الطباخ.. مستشارك القانوني الأمين 💼

20/05/2026

20/05/2026

شجع فريقك.. بس من غير قضايا

الليلة ليلة الحسم ونار المنافسة ولعانة بين الأهلي والزمالك وبيراميدز على درع الدوري! 🔥⚽️

كلنا متحمسين وبنشجع من قلبنا، بس افتكر إن التشجيع متعة ومشاوير المحاكم مش سهلة. القانون المصري الجديد للرياضة بيعاقب بالحبس والغرامة المالية الكبيرة على أي حد يسب، أو يقذف، أو يثير الشغب والفتنة والتعصب الأعمى بين الجماهير، سواء في المدرج أو حتى ورا الشاشة على السوشيال ميديا. ⚖️🚫

شجع ناديكم بكل حماس وقوة، وعبر عن فرحتك براحتك، بس خليك دايماً في الأمان القانوني وابعد عن التنمر أو التجريح في المنافس عشان ليلتك تعدي على خير وفرحتك تكمل. 🎉📱

كورة القدم للمتعة، والقانون بيحمي الجميع.
المستشار علي الطباخ، المحامي بالنقض. ⚖️✨

#الأهلي #الزمالك #بيراميدز

20/05/2026

شتمتك في التعليقات؟ حقك هيرجع بالقانون

فاكر إن الشتيمة ورا الشاشة ملهاش عقاب؟ 📱❌
كتير مننا بيتعرض للسب والقذف في تعليقات الفيسبوك من حسابات وهمية أو حقيقية، وبيفتكر إن الموضوع بيعدي. لكن القانون المصري مبيسبش حق حد! ⚖️

مصر فيها قانون مكافحة جرائم تقنية المعلومات، وعقوبة السب والقذف على السوشيال ميديا بتوصل للحبس وبغرابة مالية تقيلة بتبدأ من عشرين ألف جنيه وتوصل لميتين ألف جنيه، ده غير التعويض المدني اللي من حقك تطلبه. 🚨

لو اتعرضت للموقف ده، كل اللي عليك تاخد سكرين شوت للتعليق والبروفايل، وتتوجه فوراً لمباحث الإنترنت عشان تعمل محضر رسمي. 📑💼

حقك كرامتك، وماتفرطش فيه.
المستشار علي الطباخ، المحامي بالنقض والدستورية العليا. ⚖️✨

#فيسبوك

19/05/2026

سرّك وأمانتك في حظ الحفظ والصون

في مهنة المحاماة، القضية مش مجرد ورق بنكسبه، دي أسرار بيوت وحياة ناس وثقت فينا
في مكتبنا، سرية بياناتك وتفاصيل قضيتك خط أحمر ومبدأ مفيش فيه نقاش، كلامك معانا بيفضل جوة الأوضة المقفولة لحد ما حقك يرجعلك
وعلشان الأمانة دي، إحنا بنختار قضايانا بعناية شديدة، مش أي قضية بنقبلها، بندرس ورقك صح ولو لقينا إنك صاحب حق بنحارب علشانك لآخر نفس
نصرة الحق هي بوصلتنا، وراحتك هي هدفنا الأول والأخير
المستشار علي الطباخ في خدمتكم دايماً

18/05/2026

خصموا من مرتبك؟ اعرف حقك في القانون

كتير من موظفي القطاع الخاص بيتفاجئوا بخصومات في المرتب بكلمة شفهية من المدير، بس القانون ليه رأي تاني خالص لحمايتك
يا فندم، مفيش حاجة اسمها خصم ودي كدا، قانون العمل المصري بيمنع صاحب العمل تماماً إنه يخصم من مرتبك أو يوقع عليك أي جزاء إلا بعد تحقيق كتابي معاك، وتسمع فيه أقوالك وتقدم دفاعك
الاستثناء الوحيد هو لو الجزاء إنذار أو خصم يوم واحد بس، ساعتها ممكن يكون التحقيق شفوي، بس بشرط يتكتب مضمون التحقيق ده في ملفك
حقك مش ضايع طالما عارف القانون بيقول إيه
لو عندك أي مشكلة في شغلك، مكتبنا جاهز يدافع عن حقوقك

المستشار علي الطباخ في خدمتكم دايماً

18/05/2026

ما توقعش في الفخ

تحويشة العمر.. تشتري شقة ولا تشتري فخ؟

علشان شقى عمرك ما يضيعش في لحظة، وتلاقي نفسك لابس في قضية أو شقة متباعة لاتنين تلاتة، لازم تركز في 3 حاجات قبل ما تدفع جنيه واحد
أولاً: اوعى تشتري من غير ما تشوف تسلسل الملكية لحد ما توصل لقرار التخصيص أو العقد المسجل
ثانياً: انزل بنفسك واسأل الجيران وحارس العقار، اتأكد إن مفيش نزاع على الشقة ومفيش قرارات إزالة
ثالثاً: العقد هو أمانك، لازم يتكتب بند واضح وصريح بنسبة الأرض، وتستلم الشقة وقتي
مستني إيه؟ خطوة واحدة غلط ممكن تكلفك كتير، استشير محاميك قبل ما توقع
مكتب المستشار علي الطباخ في خدمتكم دايماً

17/05/2026

إيصال الأمانة.. حبل مشنقة أم ضمان حق؟

كام مرة سمعنا عن حد ضاع حقه أو اتحبس بسبب غلطة تافهة في إيصال أمانة؟

بصفتي مستشار قانوني، بشوف كوارث يومية بسبب أخطاء قاتلة، أولها وأخطرها هو التوقيع على بياض، ده مش ضمان لحقك، ده تسليم لرقبتك لأن المحكمة ببساطة ممكن تحكم بانتفاء ركن الأمانة لو ثبت إن الصلب اتكتب في تاريخ بعد التوقيع

أما الكارثة الثانية، فهي توقيع الزوج لزوجته على إيصال أمانة لضمان الحقوق الزوجية، دي ثغرة قانونية واضحة لأن المحكمة بتكيفها كخلافات زوجية ومش مبدد لأموال أمانة.

عشان تضمن حقك صح وتحمي نفسك، لازم الإيصال يتكتب كله بنفس القلم وفي نفس اللحظة، وتتأكد إن فيه 3 أطراف حقيقيين، وميتمش ذكر أي تواريخ فيه نهائي.

لو عندك أي استفسار سيب سؤالك في التعليقات.

✍️| المستشار علي الطباخ