المستشار محمد ريان المحامي

18/10/2024

الله يكون ف عون اللي عندهم عيال فعلا ومدارس وعلاج وحضانه .. حوارات تانيه خالص .. ربنا يرزقنا ويرزقكم فالظروف دي.

04/10/2024

الباطل لا يصير حقا بمرور الزمن.

19/09/2024

مجرد انك تفقد المحمول بتاعك او يتسرق ، او تضيع منك الشريحة اول حاجة تعملها انك تستبدل الشريحة في خلال ساعات.
اول حاجة بيعملها الحرامي انه بيشغل الشريحة في موبايل تاني مسروق والتتبع هيجيب بياناتك وتنزل متهم في جنحة ماتعرفش عنها حاجة.
ده اللي بيعمله حرامي الموبايلات ، ومن خلال خبرتي قدامي الكلام ده كتير جدا.

15/09/2024

السَّــلَامُ عَلَيْــكَ حَيًا لَا تَمُــوتُ فِيـنَــا أَبَـدًا ،
نُحِبُّــكَ وَنُحِــبُّ مَنْ يُحِبُّــكَ ، وَالمَــوْعَدُ الحَوْضُ كَمَـا أخْبرتَــنَا وَإنَّـا لنُصَدِّقُــكَ يا حَبِيبُنَا يا مُحَمَّدْ ﷺ

25/08/2024

خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق.

١ - العقد مش هيكون باطل لو مافيش شهود ماضين عليه المهم توقيع الشخص الى هيبعلك مش الشهود

٢ - العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا

٣ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

٤ - ياريت حضرتك لو مش هنتقل عليك سواء بائع أو مشترى تمضى على كل ورقه ياريت ماتستسهلش وتكسل

٥ - قولنا مليون مره فى فرق بين صحة التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحة توقيع يبقى أتسجل.

٦ - مافيش حاجه اسمها تنازل على ظهر العقد ويبقى كده أشتريت ... أشتريت يعنى أعمل عقد بيع وشراء

٧ - ياريت لما حضرتك تشترى شقه أو تأجر تاخد آخر إيصالات مياه وكهرباء وغاز علشان لو المشترى باعلك مش هتشوف وشه تانى وغصب عنك هتدفعهم

٨ - صحة التوقيع مهمه وبتثبت تاريخ البيع وتوقيع البائع والمشترى ماتعملش ناصح وتقول مالهاش لازمه علشان ماترجعش تعيط بعد كده وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش حاجه كل واحد يضمن حقه

٩ - لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس

١٠ - لو اشتريت شقه من واحد والشخص ده اتوفى بعد مابعلك من حقك ترفع صحة توقيع على ورثته عادى

١١ - عقد الإيجار ممكن يتعمل عليه صحة توقيع لو مدة الإيجار اكتر من ٩ سنوات ولو أقل من كده يبقى إثبات تاريخ

١٢ - ياريت قبل ماتشترى شقه تسأل هل صدر لها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض.

١٣ - ياريت لما تشترى شقه ويكون عليها أقساط تعمل العقد من ٣ نسخ البائع ياخد نسخه والمشترى ياخد نسختين علشان لما حضرتك ترفع صحة توقيع للعقد المحكمه لازم يكون قدامها أصل العقد وطبعا المحامى مش هيقدر يسحب الأصل غير لما القضيه تخلص ...

١٤ - على فكره عادى جدا انك ترفع دعوى صحة توقيع على عقد ابتدائى أو عقد لسه عليه أقساط.

04/08/2024

أغلب الرجاله ندموا على الأقل مرة واحدة انهم عكوا الدنيا وخسروا ست مستحيل تتعوض وبتحبه أوى..
بس ولا ست أعرفها ندمت على راجل سابته..أصل الست بتفضل تحب لغاية ما تتأكد ان مفيش فيه أمل وتتقفل قفله لو الدنيا اتهدت ماترجعش ..

03/08/2024

-الأستاذ أمين جوزي انا عشت معاه تلاتين سنة بما يرضي الله ربيت بنته لحد مابقت عروسة و اتجوزت و سافرت مع جوزها.
-القاضي: اختصري ياست حياة
-و بعدين حب واحدة والله ماتيجي قد بنته سيرته بقت على كل لسان و لما إعترضت طلقني.
-واداكي نفقة سنة مكتوب قدامي.
-وانا ماأنكرتش بس القرشين اللي اداهملي خلصو.
_معندكيش اولاد؟
-مكانش ليا نصيب في الخلفة .
-وأهلك فين؟-
-اللي مات مات و الباقي استحملوني لما القرشين خلصو، البني ادم منا تقيل يا سيادة القاضي.

-ايوه بس جوزك قدم كل اللي طلبه منه القانون و اداكي نفقة سنه!
- طب و بعد السنه؟ أشحت! أسرق! اعمل ايه بس! انا لو كنت صغيره كنت يمكن قدرت اتصرف انما سني حتى مابقاش يسمح.
-يا ستي هو مالوش دعوه بالكلام دا
-ازاي يا سيادة القاضي دول تلاتين سنه عشتهم معاه عالحلوه و المره لحد ما بقا رئيس مجلس ادارة ,دا الموظف بيدوله معاش وانا لو كنت خدامه في بيت التلاتين سنه دول مكنتش أهون على اصحابه يرموني كده وانا في السن دا, دي الرحمة واجبه حتى لو القانون بيقول كده.
-تؤجل القضية لتقديم المستندات و سماع الشهود و المرافعة.
-ايوة يا سيادة القاضي بس.......
-خلاص يا ستي بقا خلينا نشوف غيرك
-حاضر! ما دام القانون بيقول نموت يبقا ربنا موجود!

أمينة رزق- فيلم أريد حلا

24/07/2024

امك اولا ، والباقي تعوضه الايام ❤️

23/07/2024

انا عارفه ان ابني وا.طي من ساعة مانفصلتوا ومش بيسأل علي أولاده انا جايه اشوف احفادي واي حاجه عايزينها انا موجوده♥

22/07/2024

21/07/2024

هل تنتفي نية القتل متى استخدمت أداة ليست قاتلة بطبيعتها ؟

لا تنتفي نية القتل إذا استخدمت أداة ليست قاتلة بطبيعتها..
وذلك ما إن أفاد تقرير الطب الشرعي بأن الإصابة جسيمة وفي "مقتل"
وإذا أوضحت القرائن اعتداءات سابقة على المجني عليه أو ذويه تؤكد نية القتل ؛
وكذا إذا كان المجني عليه هزيل ومريض إلى الحد الذي ينفي النجاة بنفسه ، إذا كان كبيرا أو كان طفلا أو رضيعا وكانت الضربات في مواضع قاتلة.

20/07/2024

بعد الطلاق ... وبغض النظر عن اسبابه .

مفيش أسوأ من أب مابيسألش على ولاده ومقصر في الإنفاق عليهم رغم ان ربنا موسع عليه... ورامي حمل تربيتهم كله على الأم ... نكاية في الأم .

ومفيش أسوأ من أم تستغل القانون وتحرم أب من رؤية أولاده بشكل طبيعي وانهم يناموا في حضنه في بعض الأيام ... وتحرمهم من أهل باباهم.... وتحرمه من الإشراف على ترييتهم ...وتبقى علاقة الاب والأولاد مجرد جلسة في احد مراكز الشباب ولمدة سويعات في الأسبوع ...نكاية في الاب

قال تعالى (فوربك لنسألنهم أجمعين * عما كانوا يعملون)