مكتب المستشار / زياد عمر خليفة للمحاماة والاستشارات القانونية

26/05/2024

معلومات فى قانون الأسرة ، أهمها:

١_لا يحق الحاضنة أن تجمع ما بين أجر المسكن والتمكين من مسكن الزوجية.

٢_لا تستحق الحاضنة أجر مسكن بعد بلوغ سن الصغير ١٥سنة كما يسقط الحق فى أجر الرضاعة بعد بلوغ الصغير سنتين.

٣_يحق للزوج بعد بلوغ الصغير سن الحضانة أن يقيم دعوى استرداد مسكن الزوجية.

٤_بعد بلوغ الصغير سن الحضانة يخير فى الإقامة أما مع الأب أو الأم وإن أختار الأم يكون بلا أجر حضانة.

٥_عدم التنازل عن قائمة المنقولات الزوجية فى الخلع ولا فى الطلاق ولا فى الطلاق للضرر وليس لها علاقة.

٦_لا يجوز المطالبة بأجر المسكن أو الحضانة أو الرضاعة الابعد الطلاق وانتهاء العدة يكون الحكم بأثر رجعي من تاريخ شهور العدة "يعنى بعد وقوع الطلاق بثلاث شهور".
ت / ٠١١٤٣٦٩٨٣٩٨

محامي حر

14/07/2023

معلومات قانونية فى الاحوال الشخصية وقانون الاسرة
1 - سن الحضانة 15 سنة للولد والبنت ويخير بعد هذا السن الولد حتي يبلغ والبنت حتى تتزوج ، ونفقة البنت على أبيها حتى تتزوج ونفقة الولد حتى يستطيع العمل

2- النفقه بأنواعها الثلاثة تشمل ( مأكل وملبس ومسكن ).

3- لا يحق للحاضنة أن تجمع مابين أجر المسكن والتمكين من مسكن الزوجية.

4- لا تستحق الحاضنة أجر مسكن بعد بلوغ الصغير 15 سنة كما يسقط الحق فى أجر الرضاعة بعد بلوغ الصغير سنتين.

5- يحق للزوج بعد بلوغ الصغير سن الحضانة أن يقيم دعوى استرداد مسكن الزوجية.

6- بعد بلوغ الصغير سن الحضانه يخير فى الإقامة إما مع الأم أو الأب وإن اختار الأم يكون بلا أجر حضانه.

7- من حق الزوجة عدم التنازل عن قائمة المنقولات الزوجية فى الخلع أو الطلاق.

8- لايجوز المطالبة بأجر المسكن أو الحضانة أو الرضاعة إلا بعد الطلاق وانتهاء العدة ويكون الحكم بأثر رجعى من تاريخ انتهاء شهور العدة.

9- ترتيب الحضانه كالآتى:-

"الأم ثم أم الأم ثم أم الأب ثم أخت الأم ثم أخت الأب" بشرط أن لا تكون أخت الأم أو الأب متزوجة من أجنبى عن الأولاد.

10- يحق للأم أو الحاضنة التقدم بطلب الحصول على الولاية التعليمية حتى تتمكن من نقل والتقديم للصغير بالمدارس.

11- تقدر نفقة المتعة بسنتين على الأقل دون وجود حد أقصى.

12 - يصدر قرار التمكين بالمشاركة إن كانت العلاقة الزوجية قائمة ويعدل بعد الطلاق ليصبح للحاضنه منفردة.

13 - أى تنازل عن حقوق الصغير مقابل الطلاق يعد باطلا

14/06/2023

‎فيه جُملة عظيمة بتقول: (لو علم العبد مقاصد الأقدار لبكى من سوء ظنه بالله)..

‌‏مهما كنت عايز حاجة معينة في توقيت معين الفيصل دايمًا نقطتين: الأولى أنت عايز الحاجة الفلانية بإخلاص وهتعمل عشانها مجهود ولا لأ؟.. والتانية لأى درجة مش هتيأس من رحمة ربنا وبرضه لأى درجة عندك ثقة فيه إنه هيستجيب؟..

‌‏دايمًا اللي بيحصل هو الأفضل، والأصح ليك حتى لو ماشوفتش ده في لحظتها.. ربنا مش بيجيب حاجة وحشة.. لو آمنت بالنقطة دي هتبقى النتيجة ﴿وَلَسَوْفَ يُعْطِيكَ رَبُّكَ فَتَرْضَىٰ﴾.. مش مجرد عطاء!.. لأ عطاء لحد ما ترضى..

‌‏مفيش عوض بيتوه، ولا ظلم بيدوم، ولا ف*ج بيتأخر، ولا خير مش بييجي في ميعاده.

10/06/2023

_
دعوى صحة التوقيع هي دعوى تحفظيه الغرض منها إثبات توقيع البائع على عقد البيع وليست دعوى موضوعية لا تنظر موضوع العقد ولا تنقل ملكية المبيع، لذلك لا تنتقل الملكيه الا بالتسجيل

07/06/2023

الفرق بين حقوق المطلقة وحقوق المختلعة.
أولا :- حقوق المطلقة

1- مؤخر الصداق :-
(وهو المبلغ الثابت في وثيقة الزواج بأنه يستحق عند الموت او الطلاق ).

2- نفقة المتعة :-
(وهي تقدر بنفقة سنتين من النفقة الشهرية للزوجة إلى خمس سنوات ).

3- نفقة العدة :-
( وهي تقدر بنفقة 3 شهور من النفقة الشهرية للزوجة ).

4- قائمة المنقولات :-
( وهي عقد امانة يخضع للقضاء الجنائي ولا يتأثر بالطلاق او الخلع ) .

ثانيا :- حقوق المختلعة

1- ليس لها الحق في الحصول على مؤخر صداق كما تلتزم برد مقدم الصداق .
2- ليس لها الحق في نفقة المتعة .
3- ليس لها الحق في نفقة العدة .
4- التطليق خلعا هو طلاق بائن.
5- يحق لها حضانة اولادها ويبطل كل اتفاق يخالف ذلك.

والكثير من الناس يعتقد انه فى حالة الخلع تتنازل الزوجه عن جميع حقوقها وده خطأ إنما تحتفظ الزوجه ببعض حقوقها عند التطليق خلعا وهي :-

1- قائمة المنقولات الزوجية
2- مسكن الحضانة للصغار
3- الولاية التعليمية
4- حضانة الصغار
5- نفقه الصغار

🌀 هل يمكن ان تصبح الزوجه ناشز في حالة رفع دعوى الخلع ؟؟؟

الإجابة : لا ... لأنه بمجرد أن يصدر الحكم من القاضي بالخلع أصبحت مطلقة ولا نشوز بعد الطلاق .

هل يمكن أن يطعن الزوج على حكم التطليق خلعا بالاستئناف ؟او يراجع الزوجة بعد الخلع ؟؟؟

لا يمكن للزوج ان يطعن على حكم التطليق خلعًا بالاستئناف لأنه طلاق بائن ولا يجوز الطعن عليه بأي طريقه من طرق الطعن والحكم نهائي ...

ولا يجوز له ان يرجعها الا بموافقتها وبمهر وعقد جديدين.

05/06/2023

اي الفرق بين السجن والحبس؟
هو فيه فرق بين السجن والحبس أصلا؟!

أول لما تسمع الجملة دي هتلاقي نفسك احتارت وبتسأل نفسك هو السارق عقوبته ايه؟ ويعني ايه يتسجن أؤ يتحبس

-قبل ما أقولك الفرق خليني أعرفك أن الجرائم بتتقسم ل 3 وبتتصنف على أساسها الفعل.. وبشكل عام الجريمة بتنقسم حسب خطورتها لثلاثة أقسام :- "جناية وجنحة ومخالفة".
زي بالظبط لما تعمل فعل وحد يقولك الفعل دا غلط أو عيب أو فعل كويس، فالقانون صنف الجريمة لل3 دول وهوضحهم.

1- الجنايات: ودي تعتبر أشد وأقسى أنواع الجرائم وعشان كده عقوبتها بتوصل للإعدام وأخف حاجة فيها السجن.
والمشرع وضح عقوبة الجناية تبدأ من 3 سنين ل 15 سنة
ونزود عليهم أن العقوبة في الجناية ممكن تبقى سجن مؤبد.

2- الجنحة: بتتسمى في بعض الدول "فعل إجرامي أصغر" وعادة عقوبة الجنحة بتكون أخف من الجناية في حكمها.
والمشرع قال عقوبة الجنحة تبدأ من 24 ساعة ل 3 سنين.

3- المخالفة: ودي بتعتبر أخف أنواع الجرائم وبتكون عقوبتها غرامة مالية لا تزيد عن 100 جنية، زي مخالفات المرور كده.

وفيه حالات المشرع بيترك الحكم لسلطة القاضي هو يقرر حسب القضية زي انه يحكم بسجن مشدد أو اعدام أو مؤبد.

*- كده عرفنا أن أي فعل اجرامي بتعمله بيتصنف ل3 أقسام ايه الفرق بين السجن والحبس بقى؟ وعقوبة السرقة ايه؟*

السرقة البسيطة بتتصنف جنحة وزي ماقولنا فوق أن الجنحة عقوبتها الحبس وكمان قولنا أن الحبس من 24 ساعة ل3 سنين.

أما السجن فهو بيبقى من 3 سنين ل 15 سنة.
- امتى السرقة تتحول من جنحة وتبقى جناية؟!
لما السارق جريمته تكون فيها عنصر الإكراه ودا معناه انه يسرق تحت التهديد أو انه يكون معاه سلاح وفي الحالة دي بتتحول عقوبته.. يعني بدل ما كان هيسرق سرقة بسيطة ويتحبس أقصاها 3 سنين.. لأ وقتها هيبقى ما بين 3 ل15.

-والتقسيم دا من خلاله هتعرف اللي قدامك فعله كان ايه، يعني لو حد قالك انه دفع غرامة هتعرف أن جريمته مخالفة، ولو حد قالك انه اتحكم عليه بإعدام هتعرف أن جريمته جناية، ولو حد اتحكم عليه بالحبس هتعرف أن دي جنحة.

-واخيرًا تلخيصًا لكل دا هنقول أن الحبس من 24 ساعة ل 3 سنين والسجن من 3 سنين ل 15 سنة، وأن السرقة البسيطة عقوبتها جنحة أما لو بقى فيها إكراه هتتحول وتبقى جناية.

04/06/2023

03/06/2023

أكد الدستور المصري على أن لحياة المواطنين الخاصه حرمه يحميها القانون، وللمراسلات البريدية والبرقيه والمحادثات التليفونية وغيرها من وسائل الاتصال حرمة وسريتها مكفوله، ولا تجوز مصادرتها أو الإطلاع عليها أو مراقبتها الا بأمر قضائي مسبب ولمدة محدوده وفقا لأحكام القانون ( م 45 من الدستور القديم)