المستشارة حنان كساب/ المحامية بالنقض

22/04/2026

20/04/2026

قرار وزير العدل اليوم تم تدشينه في جميع المصالح الحكوميه وربط دين النفقه وإيقاف التعامل نهائي في الاحكام النهائيه لدين النفقه
للحفاظ علي مصالح الاسره المصريه

14/04/2026

لعل انتحار بسنت طوق نجاه لكل المظلومين واستجابه معالي رئيس الجمهوريه بهذه السرعه لانه رجل دوله أب لكل المصريين ودليل علي يقظته في كل الأحوال

12/04/2026

بسنت الام المنتحره
كل الصفحات بتكتب عنها الام المنتحره كلهم بعد موتها بيتكلموا عنها بين معارض لاختيارها الأنتحار وبين متعاطف معها
الفيديوا صادم وكلامها كان واضح بتكلم شخص في حياتها خذلها قالت ( حسبي الله ونعم الوكيل في كل واحد هو عارف نفسه كويس قالي عيشي انتي تستاهلي الحياه أنا ظهرك وسندك ومشي وسابني )هي كانت بتعاني من حاله نفسيه صعبه جدا الخزلان والقهر والخيانه كلنا بنسمع علي الخزلان بس الي مر بيه حاسس بيها قوي كان ممكن تموت من القهر والخزلان وماحدش كان هايعرف حاجه ماتت الله يرحمها بس هي اختارت تفضح كل القلوب الي خربتها داخليا
القصه موجوده كتير في مجتمعنا للاسف بنت جميله تم طلاقها لأي سبب وارتبطت بشخص زباله دمرها حياتها ومشي اقسم برب العزه كله هايدفع الثمن ربنا عالم بالحاله النفسيه الي مرت بيها بسنت ألمها بيعادل الحرق وانت حي ألم مستحيل اي حد يقدر يوصفه ربنا ارحم من بشر شياطين بيدخلوا القلوب ويدمروها
رساله لكل امرأه تعرضت لهذا النوع من الخزلان والقهر روحي لربنا بس مش منتحره روحي ليه ساجده وانت بتصلي اتكلمي معاه (اسجد واقترب ) كلام رب العزه وهو ايضاً القائل (وعزتي وجلالي لأنصرنك ولو بعد حين ) صدقي انه قادر يهدي قلبك
ورساله لكل ذكر خذل ست في حياته واتقي الله علشان دعوه المظلوم وسهام الليل لاتخطئ واوعي تستهون بكسر القلوب والخواطر دي عند ربنا ملهاش حل خليك عايش في وسط الشياطين ويوم الموقف العظيم ابقي دافع عن نفسك ادام ربنا وابقي حضر دفاعك ولما تترمي في نار جهنم مع الكفره والسحره والمشعوزين ابقي خلي فلوسك او اولادك او صحتك الي كنت بتتحجج بيهم ينفعوك
حسبي الله ونعم الوكيل وربنا يرحمها ويتجاوز عن سيئاتها

07/04/2026

التصوير بالسلاح الناري ( مسدس )
وافق مجلس النواب المصري نهائياً علي تعديل قانون الاسلحه والذخيرة رقم ٣٩٤ لسنه١٩٥٤ بان التصوير بسلاح ناري حتي لو مرخص بيعتبر من البلطجه الاكترونيه واستعراض القوه ويعرض ناشر الصوره للحبس مده سته اشهر او سنتين وغرامه ١٠ الف جنيه ويتم متابعه ناشر الصوره ومداهمه المنزل ومصادره السلاح الناري المرخص وحبسه علي طول بلاش تتصورو بالاسلحه الموضوع مافهوش هزار وفي حاله ثبت انه غير مرخص تصل العقوبه الي المؤبد وغرامه قد تصل الي ١٠ مليون جنيه

06/04/2026

لما تنادي علي ربنا ورسوله وتقوله محتاجلك يارب يطبب علي قلبي علي طول بضيافه في بيته وزياره رسول الكريم اللهم عوده قريبه يارب

02/04/2026

في الكتير من اللقاءات التليفزيونيه اتكلمت عن تمكين المراه ودورها في المجتمع والاسره وقوتها وتحمل المسؤوليه وتقابلت مع الكثيرات من صاحبات المناصب العاليا وسيدات الاعمال بجميع طوائفهم واجمعوا كلهن علي عدم وجود سند ليهم وتعرضهم للظلم والتخلي المادي والمعنوي من الزوج او الاب او الابن مش قادره أقول رجل لان الرجوله مسؤليه وللأسف ماأكثر الذكور وجميع الأعمار وجميع المناصب عندهم كامل الاستعداد للعوده لخط الدفاع الثاني لو في حياتها رجل وسند كسند رسول الله عندما اختبأت خلف ظهره الشريفه عائشه خوفا من أبيها علموا اولادكم المسؤليه والاحتواء والرجوله الحقيقيه علشان البيوت يتصلح حالها لان المراءه عندما تخذل بتصبح ب١٠٠ راجل وفي النهايه بتتهاوي وتسقط من كثره المسؤليه ياليتهم يتعلمون أخلاق رسول الله

27/03/2026

ملفات من واقع الحياه
جاتلي زوجه مر علي زواجها ٧ سنوات بتقولي ان جوزها ترك البيت فجاه بدون مقدمات وعايزه ترفع دعوي طلاق للضرر لتهديده فقط برجوع البيت كلامها كان غريب ومن واقع خبرتي قلتلها انتي عايزه تطلقي منه فعلا قالتلي لا ده مجرد تهديد طبعا رفضت أجاريها في كده وقلتلها دخول المحاكم مش سهل كده انتي هاتخسريه خالص لكن الواضح انها هي الي متمسكه بيه مش هو قلتلها سيبيه خالص بلا ملاحقه لو رجع يبقي باقي عليكي ولو مرجعش يبقي في ستين سلامه هاتتوجعي قوي طبعا بس ده اشرف ليكي من انك تتمسكي. بزوج مش عايزك في حياته نصيحه لكل زوجه بعيد جدا علي الرأي الي بيقول مافيش كرامه بين الأزواج بالعكس تمام لو جوزك بيحبك بجد وعايزك في حياته هيحافظ علي كرامتك لانها من كرامته لكن الي بيهينك بالتخلي وساب ايده ووقعك من سابع سماء لازم ربنا يوقعه بنفس الطريقه مساله وقت خليكي في بيتك والي عايزك عارف العنوان

21/03/2026

الأرزاق بيد الله
الزواجً رزق والزوجه الصالحه المخلصه المحبه رزق والحفاظ عليها رجوله والزوج المخلص الراجل بجد رزق والحفاظ عليه عفه والصديق المخلص الوفي رزق والحفاظ عليه أخلاق والمال رزق لكن الصدقه بتزوده وحب الناس واحترامهم رزق والحفاظ عليه نجاح كل حاجه في حياتنا من أرزاق الله لكن عندما نفقدها نعلم تمام قيمتها لكن احيانا فقدها رزق لناس تانيه تحافظ عليها حافظوا علي نعم الله واذا حابب تستردها اعترف بخطئك لان الكذب والمراوغة ونظام قلب الترابيزه بتبعدها اكثر علشان ربنا مابيحبش الكذب والاعتراف بالخطأ اول طريق النجاه وخد عهد علي نفسك ادام ربنا ماترجعش تاني تضيع نعمته علشان في غيرك بيتمناها