https://www.facebook.com/497730730088482/

مكتب أ:- مـازن نـصـر الدين للمحاماة و الاستشارات القانونية و الضريبية, Dumyat al Jadidah (2026)

10/04/2026

⚖️ مكتب الأستاذ / مازن نصر الدين.. رسالة قانونية راسخة وخدمات شاملة.
بـالعمل الجاد والدقة المتناهية، تشرفنا بخدمة عملائنا الكرام في كافة المحافل القانونية والجهات الرسمية.

تأكيداً على سياستنا في التيسير على موكلينا، وضماناً لتواصل فعال وقنوات معرفية واضحة، نجدد ترحيبنا بكم هنا، على صفحتنا الرسمية على فيسبوك، لنستمر في تقديم الدعم والمشورة القانونية المتميزة.
نقدم منظومة قانونية متكاملة تشمل:

⚖️ القضايا الشرعية و الجنائية و المدنية و الاقتصادية

💼 المنازعات الضريبية والشركات والتأمينات وصياغة العقود.

التمثيل الكامل أمام كافة المحاكم والهيئات الاستثمارية، التجارية، والتنفيذية.

القانون ليس مجرد نصوص، بل هو سيف للحق وترس يحمي أصحابه. وخدمتنا هي ترجمة هذا المبدأ على أرض الواقع.

🤝 نتشرف بزيارتكم واستشاراتكم.

مكتب الأستاذ / مازن نصر الدين
المحامي والمستشار القانوني

دمياط الجديدة - شارع 15 - أمام الاستاد

📞 2060356 | 💬 01032705034

✉️ [email protected]

#محاماة #القانون #محكمة

28/09/2025

👈 الفعل الفاضح العلني و المادة 278 من قانون العقوبات المصري.

23/09/2025

🪧⚠️
الموضوع 📖🖋️ اللي دايمًا عامل جدل وبيتصدر التريند وسط الناس، واللي تناوله كتير من زملائنا وأستاذتنا الكرام…

قائمة المنقولات الزوجية!

الورقة اللي بقت أخطر من عقد الزواج نفسه! 📝⚖️
اللي دخلت بيوت، خرّبت بيوت، واللي لحد النهارده محدش وقف عند حقيقتها كاملة.

كل يوم منشورات وفيديوهات… نفس الكلام بيتكرر، واللي يهاجم، واللي يدافع..
لكن 👀 الحقيقة إن في زوايا محدش فتحها صح!
زوايا ممكن تغيّر رأيك كله عن "القائمة" وتخليك تسأل نفسك:
هي ضمانة للحق ولا قنبلة موقوتة بتنفجر في أول خلاف؟ 💣

أنا قررت أكتب عنها النهارده مش عشان أزود كلام فوق كلام..
لكن عشان أقدّم زاوية جديدة، هتكشف إزاي:

🔹 القائمة ممكن تتحول من أداة ضمان لوسيلة ابتزاز.
🔹 الزوج يفتكر نفسه محكوم عليه بالمؤبد.. لكن القانون ليه رأي تاني! 🤔
🔹 الزوجة تعتبرها خط الدفاع الأول عن حقها.. لكن هل دا كافي فعلًا؟ 👩‍⚖️
🔹 والقضاء نفسه قال كلمة الفصل اللي يمكن تغير نظرتك للموضوع كله.

⚠️ اسأل نفسك بجد:
هل القائمة عدل.. ولا ظلم مقنّن؟
هل هي أمان.. ولا فخ للطرفين؟ 🤷‍♂️

📌 هل هي مجرد ورقة صغيرة ام هي أخطر من عقد الزواج نفسه؟!
📌 هل القائمة حكم مؤبد على الزوج؟ ولا القانون قال حاجة تانية؟! 🤔
📌 الزوج 👈 لو اتزنق في قضية قائمة… يعمل إيه؟ 🚨
📌 الزوجة 👈 القائمة مش مجرد ورقة… دي خط الدفاع الأول عن حقوقك 👩‍⚖️، بس إزاي تضمني حقك فعلًا؟

⚖️ السؤال الأهم:
هل القائمة ضمانة عادلة للحقوق؟ ولا سلاح موجه ضد طرف على حساب الآخر؟! 🤷‍♂️

✋ وعلشان نجاوب صح… كان لازم ندور في نصوص القانون ونرجع لأحكام محكمة النقض، القديمة والحديثة، ونشوف الموازين بتتوزع إزاي.

المقال الجاي 👈 مش تكرار، ولا إنحياز..
المقال الجاي 👈 ممكن يخلّي رأيك نفسه يتقلب 180 درجة.
👀 المقال الجاي… هيكون فيه الكلام القانوني الكامل 👌

20/09/2025

📢 الاستقالة في قانون العمل الجديد 2025👌

🔹 العامل من حقه يقدم استقالة مكتوبة ويثبت فيها تاريخها.

🔹 لازم يقدّمها قبلها بـ 30 يوم إذا عقده غير محدد المدة.

🔹 من حقه يرجع في استقالته خلال أسبوع من تاريخها طالما لسه ما اتقبلتش.

🔹 لو جهة العمل ما ردتش خلال 30 يوم = الاستقالة تعتبر مقبولة تلقائيًا.

🔹 أهم حاجة: أي شرط أو ضغط يجبر العامل على الاستقالة بيعتبر باطل.

⚖️ القانون الجديد شدد على إن الاستقالة لازم تكون حرّة وواضحة ومكتوبة لحماية حقوق العامل.

📖🔸 المادة (137) من قانون العمل الجديد 2025:
الاستقالة لا بد أن تكون مكتوبة ومؤرخة وموقّعة من العامل، وتسلم للإدارة المختصة.

📖🔸 المادة (138): العامل في العقد غير محدد المدة عليه إخطار جهة العمل قبلها بـ 30 يومًا على الأقل اما في حالة العقود محددة المدة، يلتزم بالعقد لنهايته إلا باتفاق الطرفين.

🔸 حق التراجع: العامل يقدر يتراجع عن استقالته خلال أسبوع من تاريخها طالما جهة العمل ما وافقتش عليها.

🔸 القبول أو الرفض: اذا وافقت جهة العمل كتابيًا → الاستقالة نافذة.

إذا ما ردتش خلال 30 يومًا → تعتبر مقبولة بقوة القانون.

🔸 المادة (139): أي استقالة تحت ضغط أو إكراه أو فيها انتقاص من حقوق العامل تعتبر باطلة

🔹 ⚠️ الي جانب ان الاستقالة ذاتها يجب ان تكون مثبته في مكاتب العمل الرسميه عن طريق مكتب العلاقات العامة داخلها والا تعتبر ايضا باطلة.

15/09/2025

عندك مشكلة في شيك اصدرته لساحب ومازالت المشكلة قائمة وتايه!؟!

طب في مسحوب عليه اصدر ليك شيك و فوجئت بعدم وحود رصيد؟!

داخل تجارة جديد او ناوي تضخ استثمارات وقلقان من حوارات الشيكات؟!

تعالي الخصلك الدنيا دي كلها في بعض سطور... 👌

✏️ 📝 بقلم .

💥 الشيك مش ورقة ضمان… الشيك يعني فلوس "كاش" في البنك.

لو طلع ملوش رصيد = جريمة يعاقب عليها القانون بالحبس والغرامة.

⚠️ اتفاقك مع الطرف التاني على "تأجيل الصرف" مالوش أي قيمة قدام النيابة والمحكمة.

🔹 المادة (534) من قانون التجارة رقم 17 لسنة 1999: يعاقب بالحبس وبغرامة لا تجاوز خمسين ألف جنيه أو بإحدى هاتين العقوبتين كل من أصدر شيكًا ليس له مقابل وفاء قائم وقابل للسحب.

🔹 محكمة النقض قالت – الطعن رقم 12060 لسنة 63 قضائية – جلسة 7/1/2002: إعطاء الشيك يتحقق بمجرد طرحه في التداول، ولا عبرة بما يرد على الشيك من بيانات لا تؤثر على وظيفته كأداة وفاء."

🔹 وفي – الطعن رقم 8449 لسنة 65 قضائية – جلسة 28/11/2005: جريمة إعطاء شيك بدون رصيد تتحقق متى كان الساحب يعلم وقت تحرير الشيك بعدم وجود مقابل وفاء قابل للسحب.

📌 الدرس القانوني: الشيك أداة وفاء فورية، وأي اتفاق جانبي لا يغير طبيعته الجنائية.

14/09/2025

👈 المسؤولية القانونية عن القرارات الإدارية داخل الشركات والمؤسسات مثلًا: مدير أو مسؤول يوقّع قرار، زي فصل موظف أو رفض تعيين، أو صرف مستحقات متأخرة.

👈 القرار ده ممكن يبان إداري بسيط، لكن في الحقيقة وراه مسؤولية قانونية ضخمة:

🔹 ممكن يُحاسب مدنيًا (تعويض) ،فـ المسؤولية المدنية: طبقًا للمادة 163 من القانون المدني المصري "كل خطأ سبب ضررًا للغير يلزم من ارتكبه بالتعويض".

🔹 ايضا فـالقضاء الإداري و طبقا لأحكام مجلس الدولة مستقرة على إن "القرار الإداري المعيب" أي (غير القائم على سبب أو فيه إساءة استعمال سلطة) يُلغى ويترتب عليه (التعويض) .

🔹 و من هنا نتيقن إن لو المدير أصدر قرار تعسفي وأضر بالعامل، قد يُسأل شخصيًا بالتعويض بجانب الشركة.

🔹 ممكن يُسأل جنائيًا (لو فيه تعسف أو إساءة استعمال سلطة).

🔹 و ممكن القرار يفتح نزاع طويل أمام القضاء الإداري أو العمالي.

👈 المقصد مش كل قرار إداري بيعدي كده وخلاص… قرار واحد ممكن يكلّف شركتك ملايين في تعويض، أو يفتح نزاع في المحكمة يستمر سنين.

👈 و القانون بيعتبر إن المسؤولية مش بس على الشركة… لكن كمان على الشخص اللي وقّع القرار.

👈 علشان كده: قبل ما توقّع أو ترفض أو تفصل — فكر، لأن الإمضاء الصغير ممكن يبقى أكبر خطر قانوني يكلفك كتير... 👌✋

13/09/2025

إيصال الأمانة مش ورقة عادية… ده باب جنائي قبل ما يكون مدني.
▪️مضيت = التزام ممكن يوصلك للحبس لو محصلش تسليم.
▪️كلمة ناقصة = مستقبل كامل يتغيّر.

👈 قبل ما تمضي إيصال: اكتب تاريخ، مبلغ بالحروف والأرقام، اسم كامل، واحتفظ بصورة.

س/ طيب يعني اي إيصال أمانة قانونا يا مستشار ؟!

👈 تعريف إيصال الأمانة قانونًا: هو صورة من صور جريمة خيانة الأمانة المنصوص عليها في المادة 341 من قانون العقوبات المصري: كل من اختلس أو استعمل أو بدد مبالغ أو أمتعة أو بضائع أو نقوداً أو تذاكر أو كتابات أخرى مشتملة على تمسك أو مخالصة أو غير ذلك إضراراً بأصحابها متى كانت سلمت إليه على وجه الوديعة أو الإجارة أو عارية الاستعمال أو الرهن أو كانت سلمت له بصفة كونه وكيلاً بأجرة أو مجاناً بقصد عرضها للبيع أو استعمالها في أمر معين لمنفعة المالك لها أو غيره، يعاقب بالحبس.

س/ طيب نتحقق ازاي يا مستشار؟!

ج/ بسيطة نفهم اركانه كويس و نبحث عنهم في واقعتنا اللي احنا بصددها

🔹 الركن المادي: يعني اي بردوه...

استلام مبلغ أو منقول على سبيل الأمانة.

التزام برده أو استعماله في غرض محدد.

عدم التنفيذ أو إنكار الاستلام

كده=جريمة.

🔹 الركن المعنوي:

توافر القصد الجنائي: نية تملك المال أو حرمان صاحبه منه.

ودايما يبسط الفهم لينا و يوضحه و يأكده ⚖️ أحكام محكمة النقض المهمة: زي مثلاً لا حصراً

1. النقض – طعن رقم 2892 لسنة 59 ق – جلسة 3/1/1991

جريمة خيانة الأمانة تتحقق متى اختلس المتهم المال المسلم إليه على سبيل الوديعة أو الأمانة أو استعمله في غير الغرض المسلم له من أجله."

2. النقض – طعن رقم 12064 لسنة 63 ق – جلسة 6/2/1995

إيصال الأمانة هو صورة من صور عقد الوديعة أو الوكالة، ولا عبرة بالاسم الذي يطلقه عليه الخصوم وإنما العبرة بحقيقة الواقع.

3. النقض – طعن رقم 1945 لسنة 44 ق – جلسة 12/1/1975

لا يشترط لقيام جريمة خيانة الأمانة أن يكون تسليم المال قد تم بموجب عقد مكتوب، إذ يكفي أن يكون التسليم قد حصل بأي طريقة من الطرق.

4. النقض – طعن رقم 1390 لسنة 48 ق – جلسة 6/11/1978

اذا ثبت أن العلاقة بين الطرفين علاقة مدنية بحتة وليست أمانة، فلا تقوم الجريمة الجنائية.

💡 نصائح عملية:

1. لازم الإيصال يكون فيه: (اسم المستلم كامل – المبلغ بالحروف والأرقام – سبب الاستلام – تاريخ – توقيع).

2. متمضيش على بياض.

3. وجود شهود أو صورة من الإيصال يحميك.

4. أي تعديل أو كشط في الإيصال قد يثير شبهة تزوير.

#للمحاماة

13/09/2025

كتير بنقول هنقسم بالراحة...

الحقيقة: إن الميراث لو ما اتقسمش بالورق، بيقسم القلوب قبل الأملاك.
* تأجيل القسمة = مشاكل ممكن توصل من اكتر من جيل قادم فيما بعد.
* اتفاق شفهي = سند اثبات حق و مانع للخلافات، مش بس للعدل.
فعل حصر الإرث واتفق كتابيًا قبل ما الخلاف يبدأ.

- ليه ده مهم؟ لأن المصالح المالية حتما يحدث فيها تداخلات (عقارات مشتركة، ديون، أموال بنكية). الشك والذاكرة البشرية بتختلف، والاتفاق الشفهي مش دايمًا بيُقَدَّم كحجة قوية.

س/ طب نعمل اي يا مستشار.. ؟!

ج..

1. اجمع مستندات المتوفى (شهادة وفاة، بطائق، دفاتر عقارات/حسابات بنكية، وصية إن وجدت).

2. اعمل «حصر إرث» يحدد الورثة ونسبهم ويحصّل قائمة التركة. هذا المستند مهم أمام الجهات الرسمية والمشتريين.

3. اتفقوا على القسمة كتابيًا — صيغة واضحة، وتُوقّع من كل الورثة أمام شهود أو توثيق رسمي (محامي/موثق) لو أمكن.

4. لو في عقارات: حُدد من سيستلم أي عقار وكيف سيتم نقل الملكية (حرصًا على الإجراءات في السجل العقاري).

و أخيراً وليس آخراً: اكتب جمل مباشرة و محددة:
من هو المستلم، ما هو محل الاستلام ( قطعة أرض/حصة بنك/مبلغ نقدي)، هل فيه تعويض نقدي للموازنة، ومتى يتم النقل/الاستلام.

س/ ماذا لو وقع خلاف ما يا مستشار ؟
ج وجود اتفاق كتابي يُقلّل فرص النزاع أو يُسهّل فضه (إثبات واضح للمواقع ونية الأطراف).
أما في حال لم تتوصلوا لاتفاق — استشير محامي لتبيان البدائل (مصالحة عائلية، تصفية بالتقدير، أو إجراءات قضائية).

الخلاصة : ابدأ بالوثائق، لا تؤجل، ودوّن كل اتفاق كتابةً

#القانون يساعد لكن الورقة الواضحة تحمي العلاقات والحقوق.

#الميراث

مكتب أ:- مـازن نـصـر الدين للمحاماة و الاستشارات القانونية و الضريبية

10/04/2026

28/09/2025

23/09/2025

20/09/2025

15/09/2025

14/09/2025

13/09/2025

13/09/2025

Address

Website

Alerts

Shortcuts

Share

Category