18/08/2026
🔴 يعني ايه دعوي صحة توقيع ؟
هي دعوي بيرفعها اي طرف علشان يثبت ان التوقيع اللي علي العقد صحيح ومش مزور
📌 المهم جدا :
الدعوي مش بتثبت صحة العقد نفسه ولا الملكية هي بس بتاكد ان التوقيع ده بتاع الشخص
📌 امتي بنستخدمها ؟
1- في عقود البيع العرفي ( شقق او اراضي او محلات )
2- في عقود الايجار
3- في اي ورقة عرفية عليها توقيع وعايز تامن نفسك
📌 شروط رفع الدعوي :
1- وجود محرر عرفي ( عقد او ورقة )
2- يكون عليه توقيع منسوب للمدعي عليه
3- يكون في مصلحة لرفع الدعوي (حماية العقد من الانكار )
📌 المحكمة المختصة :
المحكمة الجزئية ( مدني جزئي ) حسب محل اقامة المدعي عليه
📌 اجراءات رفع الدعوي :
1- تحرير صحيفة الدعوي
2- تحديد جلسة
3- اعلان المدعي عليه
4- حضور الجلسة
📌 الحكم بيكون ايه ؟
1- لو المدعي عليه ما انكرش التوقيع : المحكمة بتحكم بصحة التوقيع
2- لو المدعي عليه انكر التوقيع : المحكمة بتحيل للتحقيق او خبير خطوط والحكم بيكون بصحة توقيع المدعي عليه علي العقد وده بيحميك ان الطرف التاني ميقدرش ينكر توقيعه بعد كده
📌 عيوب صحة التوقيع :
1- لا تنقل ملكية
2- لا تحميك من بطلان العقد
3- مجرد تامين توقيع فقط
