21/08/2025
س؛ هل يوجد في أي بقعه من بقاع العالم محامي يقدم استشارات قانونيه مجانيه؟
ج؛ الاجابه لا
س؛ هل يوجد في أي بقاع العالم محامي يعرض خدماته المجانيه بشكل عشوائي وعلى الجميع.؟
ج؛ الاجابه لا.. بل إن موقع زي جوابكم بياخد ٥٠ دولار في الأستشاره القانونيه.
س؛ هل الشخص اللي رايح لمحامي يديله استشاره مجانيه ده استشارته مضمونه؟
ج؛ قناعاتي الشخصيه أن المحامي ده لو ناجح وشاطر مكنش هيكون عنده وقت فاضي اصلا يقعد يدلل بمجهوده على الإنترنت ببلاش.
ج؛ هل الموكل بيحترم من يقدم له استشاره قانونيه مجانيه؟
ج؛ الاجابه من وجهة نظري لا.. وبيشوف انه محامي فاضي.
س؛ هل الأستشاره القانونيه المجانيه هتجيلك شغل كمحامي؟
ج؛ حضرتك بتحلم وعايش في سابع حلم إذا كنت معتقد ده.. لو كانت بتمشي كده كان غيرك عملها.
س؛ هل تعتبر الأستشاره القانونيه المجانيه جزأ من التسويق ليك كمحامي؟
ج؛ هي تسويق ليك بس كمحامي فاضي معندوش شغل بيدلل على خدماته.. فبتيجي بنتيجه سلبيه.
س؛ طيب ايه العمل؟
ج؛ العمل انك تحترم سنين تعليم اتعلمتهم وآلاف الساعات من القراءه والبحث وتخلي معلوماتك في دماغك متطلعش الا في مكتبك للموكل اللي يشرفك ويدفع تمنها
