31/07/2025
تعرف ان الست اما بتحب اوي وحبها يوصل للعشق وحبيبها يكسر قلبها ويخذلها بتعمل ايه؟!!
هتقولي في ستات بتنفعل وتزعق وفي ستات بتنتقم وفي ستات بتزعل شويه وبعدين تسامح..
هقولك انا وفي ستات بتسكت ودي بقي خاف منها
ولو سئلتني ليه هقولك عشان طول ماهي بتجادل وبتعاتب وبتصرخ وبتزعق دا معناه انها لسه مهتمه ان اللي بينكم يكمل .. ولسه متمسكه بيك ...
حتي لو اللي بينكم اتهز شويه ف صراخها دا زي اشاره بتحاول توصلك بيها نقط ضعف علاقتكم عشان ترجع تقوي ..
هتفضل تثور وتغضب وتصرخ وتتكلم وتلمح لحد ما تفهم انما لو مخدتش بالك او تجاهلتها او هي حست انك معدتش مهتم تحافظ ع اللي بينكم .. هتلجأ للصمت ..
بس خليك عارف انها مبقتش ساكته موافقه منها ع الوضع او انها قابله بتصرفاتك،، لا.. هي بس عرفت ان الكلام معدش بفايده...
خلاص انت وصلتها انها تقول معدش في اي حاجة ممكن تجيب نتيجه معاك ، انت استنفذت كل محاولاتها و جدالها و كلامها و تعبيراتها و عتابها و محاولات شرح اللي بتحبه وبتكرهه لحد ما خلاص خلص الكلام وجه وقت الصمت ..
سكوتها يساوي انك بتموت جواها بالبطئ ....
