23/06/2026
أنا هقولها وأمري لله قبل ما أطق أو تحصلي حاجة والي هيزعل مع نفسه ، بس حقيقي المجتمع النسوي في مصر بقى حاجة لا تُطاق إلا من رحم ربي ، وخالف تُعرف على جميع الأصعدة حتى لو كان ضد الفطرة والمبادئ الي مبقاش حيلتنا غيرهم
تخيل يا بني آدم إن المدعوة اللي قدامكم دي هي محامية نورهان قـ ـا تلة أمها في بورسعيد! أنا أصلًا معرفش إزاي معاها محامية بعد اللي عملته.ط إساسا، بس المهم هي طالعة في الإعلام الخايس المتسلق بتاعنا وبتحاول تصور واحدة قتـ.. ـلت أمها بكل د..م بارد على إنها بطلة قومية! أيوه والله، ده اللي حصل.
واحدة قتـ.. ـلت أكتر إنسانة بتحبها وبتخاف عليها في الدنيا ، قتـ ..لت اللي حملت ورضعت وتعبت وسهرت وربّت وجريت بيها عالدكاترة والعيادات وضحت بأحلي أيام عمرها وراحتها وصحتها فسبيل أن بنتها بس تبقي عروسة حلوة وأحسن واحدة في الدنيا ، وفي الآخر يكون جزاءها ورد المعروف أن بنتها دي تفتح باب المـ ..ـوت لبلطـ.ـجي مجـ.ـرم علشان يدخل عليها بعصا مدججة بالمسامير ويهشم راسها بيها ويخلص عليها بكل وحشية وانعدام ضمير
طيب تعرف إن الفقيدة داليا الحوشي وهي بتطلع في الروح كانت بتستنجد بنورهان وبتقولها: "ألحقيني يا بنتي"، والخسيسة دي كانت واقفة بتتفرج؟ طيب تعرف إنها لما فقدت الأمل فالنجاة وإن بنتها قلبها يلين علي أمها ، وقتها مفكرتش غير في ربنا وقالتلها "سيبيني أصلي ركعتين ولقنيني الشهادة يابنتي" وحتى دي استكتروها عليها، وجابوا المية المـ ـغلية ودلقوها عليها بكل انعدام رحمة وشفقة؟
المدعوة اللي قدامكم طالعة تبرر لنورهان وبتقول إن نورهان ملمستهاش بس هي عملت كده لأنها سلبية ومعندهاش خبرة في الحياة!
سلبية في إيه وخبرة إيه اللي تخلي أي بني آدم يشوف أمه أمه ياعاااالم بتتـ ـعذب وبتمـ ـو ت قدامه وهو واقف بيتفرج؟ وأفترضنا ملمستهاش ، بس هي الي دخلت المجـ..ـرم ده حياتهم وسمحتله يعمل كل ده وكان بأيديها تمنع كل ده بأي طريقة بس هي أختارت نفسها علي أمها! يا جدعان أتقوا الله في كلامكم حرام عليكم ولله ولله.. ده إنت لو رحت أخدت قطة صغيرة من أمها، أمها هتفرتك وشك! وأهي قطة يعني، حيوان أضعف منك مليون مرة بس هي دي الفطرة الألهيه السليمة والروابط الأسرية الي أقوي من الحديد نفسه
والمدعوة دي طالعة تبرر لنورهان إنها تابت وندمت، وقالت إن أمها هتسامحها علشان هي عارفاها كويس!
لا يا شيخة؟ لا سقفة ليكي ولنورهان والله! معلش بس هي المفروض تعمل إيه غير إنها تندم مليون مره فاليوم وتتحسر على اللي عملته في نفسها وفي أمها؟ هو المفروض تبقى بتضحك وتهزر وعايشة ولا هاممها علشان نهاجمها؟ ما هو الطبيعي إنها تندم وتتوب وترجع لربنا. دي قتـ.. ـلت أمها، أقرب إنسانة ليها، واللي كانت بتحبها من كل قلبها وحاولت تحافظ عليها وتعفها من الحرام ، فين التعاطف في اللي قولتيه؟ ربنا وحده اللي بيسامح، إحنا بشر.
وأخيرًا المدعوة اللي قدامكم دي طلعت وقالت إن الناس مش فاهمة حاجة ولا عارفة حاجة، وإن أحكامهم قاسية وصعبة!
لا، الناس فاهمة وعارفة كويس حضرتك ،الناس عارفة إنها مكنتش ضحية ولا ضعيفة ولا مكسورة ، دي واحدة كانت شغالة مدرسة ومتعلمة وواعيه ومن بيت وأسرة محترمة ، وأمها سيدة فاضلة معروفة بأخلاقها وكانت معيشاهم كويس ومدلعاها ،هي اللي اختارت الطريق ده، وحبت الواد الـ Bad Boy الشبح اللي استغلها أسوأ استغلال ، الناس عارفة إنها قـ.. تـ.لت أمها بدون أي ذنب، فقط لأنها كانت بتحاول تبعدها عن الشبهات والحرام وخطبتها لواحد محترم ، الناس فاهمة أنهم لو أتحطوا مكانها هيختاروا يمـ ـوتوا نفسهم كل مرة ولا أنهم يمسوا شعرة واحده من أمهاتهم!
مصعبتش عليكي امك؟ مصعبتش عليكي لما كانت بتقول عليكي أنك صاحبتها وحبيبتها ونور عينيها زي ماكتبتلك عالفيس قبل ما تخلصي عليها بكام يوم بس!
أنا فاهم أنها نالت عقابها والقصاص اتطبق بما شرع وأمر الله ، ومش ضد نهائي أن أي حد يترحم عليها لأنها مسلمة ونفذت عقوبة الدنيا وبالتالي سوف يسقط عنها عقوبة الأخرة ان شاءالله ، وده أمر بين العبد وربه سبحانه وتعالى
بس أنا ضد الشو الإعلامي ومحاولات حشد التعاطف وتحويل وتصوير القـ.ـا تل كضحية أو شـ.هيد تدفن وخلاص واقفل عالكلاااام ، ولا أحنا بقينا خلاص بنتعاطف مع القـ. ـاتـ.ل ونساويه بالمقـ .ـتول! طيب تعاطفوا مع سـ ـفـ ـاح الجيزة وسـ ـفـ ـاح الإسماعيلية وكل القـ ..ـتلة بالمرة، ما هم كلهم ندموا قبل الإعدام!
واحدة مرتكبة كبيرة من الكبائر، قـ ـتـ.ل النفس، وأي نفس؟ نفس الأم اللي تحت قدميها الجنة اللي دعوة واحدة منها تفتح لبني آدم أبواب الرزق والخير. ده الله سبحانه وتعالى قالها بنفسه: ﴿وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا﴾، يعني بعد حق ربنا مباشرة جاب حق الأب والأم، وقرن الإحسان ليهم بعبادته سبحانه لعِظم مكانتهم وقدرهم. الأم والأب مش مجرد أهل، دول سبب وجودك في الدنيا بعد إرادة ربنا، وتعبوا وضحوا وشالوا فوق طاقتهم علشان يشوفوك أحسن منهم وأحسن حالًا. اللي قالوا عنها: افعل ما شئت يا بني آدم إذا مـ .ـاتت أمك، فقد مـ.ـ ـاتت من كنت تُكرم من أجلها
هو فيه اي بظبط؟؟ ايه الزمن والاراء والناس الغريبة دي؟؟؟ إزاي واحدة زي دي نوصل لمرحلة إننا نصورها ملاك أو ضحية؟ والغريب إن المحامية بتعيط عليها وبتقول هتقابل أمها في الجنة! نعم؟ جنة إيه وتقابل أمها اللي قـ ـتـ.ـلتها؟ خلاص ياجماعه كلنا نخلص علي بعض وهنتقابل كلنا في الجنة عادي سهله أهي .. لا حول ولا قوة الا بالله
رحم الله داليا الحوشي، أما نورهان فحسابها عند الله وحده، لكن تزييف الحقائق وتحويل الجاني إلى ضحية عمره ما كان عدل ولا إنصاف
