شركة العدالة للاستشارات القانونية وحماية الملكية الفكرية

11/12/2025

شن أهمية تسجيل علامه تجاريه خاصه بالبزنس بتاعك 🤔

تعالي نشرحلك اهمية تسجيل العلامة التجارية :-

✅العلامة التجارية هي الشعار الذي يميز الشركة اوالمنتج او الخدمة

✅لحماية منتجاتك او اسم شركتك من الغش والتقليد مما يضر بسمعة المؤسسة

✅لحمايتك من عدم استغلال علامتك التجارية والقيام بتسجيلها من قبل الغير

✅لحماية المستهلك من الوقوع في فخ السلع المقلدة والمغشوشة

✅لحماية العلامة التجارية المسجلة من التطابق والتشابه.

✅ يضمن تسجيل العلامة التجارية لصاحبها الإنتفاع بها او التصريح لشخص آخر بالإنتفاع بها مقابل مبلغ معين او بيعها او التنازل عنها
✅تسجيل العلامة التجارية يضيف قيمة للشركة من حيث انها ماركة مسجلة بين المتنافسين وتكون محل ثقة للمستهلك.

✅عدم تسجيل العلامة التجارية يمنع صاحب العلامة من مقاضاة الغير في حالة استخدام العلامة الخاصة به.

✅عدم تسجيل العلامة لتجارية يجعل الشركة مطمعا في استغلال اسمها او منتجاتها من قبل الغير بدون اذن من الشركة .

كلمنا علي واتساب
0920862905 - 00218

#استشارات

24/08/2025

من الاعتداء إلى الاستثمار: إزاي تحول تقليد علامتك التجارية لفرصة؟

كتير من أصحاب العلامات التجارية لما يعرفوا إن حد قلدهم، بيتصدموا ويحسوا إن مجهودهم راح على الفاضي. وده طبيعي، لأن العلامة التجارية مش بس اسم أو لوجو، دي سمعة ووقت وفلوس واستثمار سنين.

لكن الحقيقة إن التقليد رغم إنه مؤسف، ممكن في بعض الحالات يتحول لفرصة استثمارية ممتازة. وده اللي حصل مع عميل كلمني وقاللي إن علامته التجارية اتقلدت. فقولتله: "ممكن تزعل دلوقتي، لكن كمان ممكن تكسب من اللي حصل ده."

إزاي؟

رفع دعوى تعويض: لو قدرت تثبت إن التقليد سببلك ضرر، ممكن ترفع قضية وتطالب بتعويض مالي. وده حقك القانوني، مش مجرد تهديد .

عرض ترخيص قانوني: بدل ما تفضل في نزاع، ممكن تعرض على المعتدي إنه ياخد ترخيص رسمي يستخدم فيه علامتك التجارية مقابل مبلغ معين. ساعتها تكون كسبت فلوس من حاجة كان ممكن تبقى أزمة.

نظام الفرنشايز: لو لقيت إن الشخص اللي قلدك ناجح فعلًا، ليه ما تعملش معاه عقد فرنشايز؟ تاخد منه نسبة مقابل استخدام العلامة تحت إشرافك، وتحافظ على الجودة والسمعة.

الدرس هنا بسيط:
مش كل اعتداء لازم يكون خسارة، ومش كل تقليد نهايته في المحكمة. بعين رجل الأعمال، ممكن تشوف في كل أزمة فرصة، وفي كل تقليد استثمار جديد.
للتواصل: 01205755691 /01149579518

17/07/2025

حكم: انشاء اكونت مزيف بأسم شخص اخر للاساءة لسمعته والاضرار به الحكم سنتين مع الشغل وغرامه مائه الف جنيها مصريا وكفاله خمسه الآلاف جنيها مصري.

17/07/2025

القانون
لا ينصف أصحاب الحق بل ينصف أصحاب الدليل فاحرص على حفظ حقك بالأدلة

17/07/2025

جناية التهديد تقع فور صدور عبارات تهديد اوقعت في نفس المجني عليه الخوف والرعب (دون ان تتوقف الجريمة علي تنفيذ التهديد علي ارض الواقع )
الطعن رقم ٢٢٦٢٠ لسنة ٨٨ قضائية
الدوائر الجنائية - جلسة ٢٠٢٠/٠٧/٠٩
الموجز :
جناية التهديد المنصوص عليها بالفقرة الأولى من المادة ٣٢٧ عقوبات . مناط توافرها ؟ إثبات الحكم إرسال الطاعن عبارات التهديد كتابة عن طريق الوسائط الإلكترونية الحديثة بقصد إيقاع الخوف في نفس المجني عليهما لحملهما على أداء ما هو مطلوب يتوافر به أركان جريمة التهديد . علة ذلك ؟
القاعدة :
لما كانت جناية التهديد المنصوص عليها في الفقرة الأولى من المادة ٣٢٧ من قانون العقوبات تتوافر إذا وقع التهديد كتابة بارتكاب جريمة ضد النفس أو المال ، وكان التهديد مصحوباً بطلب أو تكليف بأمر ، وكان الحكم قد أورد بأسبابه قيام الطاعن بتهديد المجني عليهما عبر مواقع التواصل الاجتماعي ، وتمكن من خداعهما وتحصل منهما على صور ومقاطع مرئية في أوضاع مخلة بالحياء وهددهما بنشرها ، وإذ كان مصطلح الكتابة قد ورد في المادة ٣٢٧ سالفة الذكر على سبيل البيان في صيغة عامة لتشمل كافة وسائل الكتابة المختلفة سواء كانت بالطرق التقليدية أو بإحدى الوسائل الإلكترونية الحديثة ، فإذا أثبت الحكم على الطاعن إرساله عبارات التهديد عن طريق الوسائط الإلكترونية الحديثة - وهي لوحة المفاتيح - بقصد إيقاع الخوف في نفس المجني عليهما لحملهما على أداء ما هو مطلوب ، فإنه يكون قد استظهر أركان جريمة التهديد كما هي معرفة به في القانون ، ويضحى منعى الطاعن في هذا الشأن على غير أساس

03/07/2025

معلومات قانونيه فى قضايا الأسرة:

1 – فى فرق مابين سن الحضانه والنفقه … سن الحضانه 15 سنه للولد أو البنت أما نفقة البنت على أبيها حتى تتزوج ونفقة الولد حتى يستطيع العمل
2- النفقه بأنواعها الثلاثه تشمل ( مأكل وملبس ومسكن ) أما بنوعيها تشمل ( مأكل والملبس )
3- لايحق للحاضنه أن تجمع مابين أجر المسكن والتمكين من مسكن الزوجيه
4- لا تستحق الحاضنه أجر مسكن بعد بلوغ سن الصغير 15 سنه كما يسقط الحق فى أجر الرضاعه بعد بلوغ الصغير سنتين
5- يحق للزوج بعد بلوغ الصغير سن الحضانه أن يقيم دعوى استرداد مسكن الزوجيه
6- بعد بلوغ الصغير سن الحضانه يخير فى الاقامه أما مع الأم أو الآب وان اختار الأم يكون بلا أجر حضانه
7- قائمة المنقولات الزوجيه مش بتتنازلى عنها لا فى الخلع ولا الطلاق ولا الطلاق للضرر مالهاش اى علاقه
8- لايجوز المطالبه بأجر المسكن أو الحضانه او الرضاعه الا بعد الطلاق وانتهاء العده ويكون الحكم بأثر رجعى من تاريخ انتهاء شهور العده ( يعنى بعد وقوع الطلاق بثلاث شهور )
9- ترتيب الحضانه كالاتى .. الأم ثم أم الأم ثم أم الأب ثم اخت الأم ثم اخت الأب … بشرط أن أخت الأم أو الآب ماتكنش متزوجه من اجنبى
10- يحق للأم أو الحاضنه التقدم بطلب الحصول على الولاية التعليميه حتى تتمكن من نقل والتقديم للصغير بالمدارس ( والقضية دى بيتحكم فيها فى خلال اسبوع بالكتير ) …
11- تقدر المتعه بسنتين على الأقل دون وجود حد اقصى حتى لو الجواز كان ليوم واحد بردو ليكى متعه مش أقل من سنتين تقدر على حسب دخل الزوج
12 – يصدر قرار التمكين بالمشاركه أن كانت العلاقه الزوجيه قائمه ويعدل بعد الطلاق ليصبح للحاضنه منفردة
13 – أقصى مبلغ بيصرفه بنك ناصر 500 جنيه لكل أسره
14 – مافيش حاجه اسمها مالكيش مؤخر صداق لو مكتوب فى القسيمه والصداق المسمى بيننا يعنى ليكى مؤخر المثل زى اختك أو بنت خالتك أو أى حد فى مستواكى وسنك
15 – اى تنازل عن حقوق الصغير مقابل الطلاق يعد باطل.......

23/06/2025

🔹 معلومة قانونية عقارية هامة 🔹

قبل ما تشتري أي عقار (وحدة سكنية – قطعة ارض – محل تجاري )، لازم تتأكد من الحاجات دي:

1️⃣ الملكية المسجلة: اتأكد إن البائع عنده عقد مسجل ، ومعاه تسلسل ملكية واضح ، اخطار تخصيص ، محضر استلام ، قرار وزاري ، توكيلات والتأكد من صحه التوكيلات .

2️⃣ الرفع المساحي: اطلب خريطة من هيئة المساحة أو مهندس متخصص علشان تتأكد من حدود العقار ومساحته الفعلية.

3️⃣ الضرائب العقارية: اسأل عن موقف العقار من الضرائب، وهل عليه متأخرات أو لا.

4️⃣ المرافق: افحص إذا كان في عدادات كهرباء ومياه وغاز، وهل كلها باسم المالك الحالي.

5️⃣ رخصة البناء: في العقارات المبنية، تأكد إن المبنى مرخّص ومافيهوش مخالفات بناء.

✅ نصيحة: أي خطوة بتاخدها في العقارات لازم تكون موثّقة بعقود واضحة وشهود، ويفضل يكون فيه محامِ معاك…

14/06/2025

14/06/2025

***** بشرى ساااااااااارة جدااااااااا *****
🛑 َالهاربون من التجنيد 👇👇👇👇👇
============
- النيابه العسكريه تعفي الهاربين من موقف التجنيد
- تقوم إدارة السجلات العسكرية علي إنهاء موقف جميع المجندين الهاربين من وحداتهم العسكرية ممن بلغوا سن ٣٦ عام وإنهاء جميع إجراءاتهم وتسليمهم شهادة تأدية الخدمة العسكرية بدون توقيع غرامه مالية بعد تقديم المستندات الأتية :-
١- فيش جنائي حديث موجه لإدارة السجلات العسكرية .
٢- عدد ٢ صورة من بطاقة الرقم القومي سارية .
٣- صورة من قسيمة الزواج الورقيه في حالة الزواج .
٤- الكارنيه والرخصة في حالة توافرهم .
٥- عدد ٢ صوره شخصية حديثة بيضاء .
٦- أصل شهادة الميلاد مميكنة وحديثة .
لذالك علي كل الأفراد الهاربين أستكمال أوراقهم والتوجة إلي إدارة السجلات العسكريه لأنها موقفهم التجنيدي .

10/06/2025

خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق :

١ - العقد مش هيكون باطل لو مافيش شهود ماضين عليه المهم توقيع الشخص الى هيبعلك مش الشهود

٢ - العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا

٣ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

٤ - ياريت حضرتك لو مش هنتقل عليك سواء بائع أو مشترى تمضى على كل ورقه ياريت ماتستسهلش وتكسل

٥ - قولنا مليون مره فى فرق بين صحة التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحة توقيع يبقى أتسجل.

٦ - مافيش حاجه اسمها تنازل على ظهر العقد ويبقى كده أشتريت ... أشتريت يعنى أعمل عقد بيع وشراء

٧ - ياريت لما حضرتك تشترى شقه أو تأجر تاخد آخر إيصالات مياه وكهرباء وغاز علشان لو المشترى باعلك مش هتشوف وشه تانى وغصب عنك هتدفعهم

٨ - صحة التوقيع مهمه وبتثبت تاريخ البيع وتوقيع البائع والمشترى ماتعملش ناصح وتقول مالهاش لازمه علشان ماترجعش تعيط بعد كده وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى مافيهاش حاجه كل واحد يضمن حقه

٩ - لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس

١٠ - لو اشتريت شقه من واحد والشخص ده اتوفى بعد مابعلك من حقك ترفع صحة توقيع على ورثته عادى

١١ - عقد الإيجار ممكن يتعمل عليه صحة توقيع لو مدة الإيجار اكتر من ٩ سنوات ولو أقل من كده يبقى إثبات تاريخ

١٢ - ياريت قبل ماتشترى شقه تسأل هل صدر لها قرار تمكين ولا لا علشان لو زوجة البائع كانت عامله قرار تمكين للشقه قبل مايبعها يبقى عليه العوض ومنه العوض

١٣ - ياريت لما تشترى شقه ويكون عليها أقساط تعمل العقد من ٣ نسخ البائع ياخد نسخه والمشترى ياخد نسختين علشان لما حضرتك ترفع صحة توقيع للعقد المحكمه لازم يكون قدامها أصل العقد وطبعا المحامى مش هيقدر يسحب الأصل غير لما القضيه تخلص ...

١٤ - على فكره عادى جدا انك ترفع دعوى صحة توقيع على عقد ابتدائى أو عقد لسه عليه أقساط..

ـــــــــــــــــــــــــــــــ