17/08/2026
حد كلمني أرجع له ورقة شقته بيشتريها اون لاين .. ولكن الكارثة 😳. طبيعي قولتله تمام ابعتلي صور الورق وتسلسل الملكية والعقود والورق يعني عموماً .. راح باعتلي ٤ توكيلات. بقوله تمام فين العقود .. بيقولي أصل أكتوبر كلها بتشتري بتوكيلات .. قولتله طب ولو اتنصب عليك هتحيب فلوسك اللي دفعتها وتثبت إزاي إنك دفعتها في شراء الوحدة. فيه بيوت ناس كتير بتتخرب بسبب لقطة ذكاء عابرة في بيع وشراء العقارات. القانون واضح ومبيجاملش حد، التوكيل في حد ذاته مش عقد بيع، التوكيل ده أداة تنفيذية، يعني ورقة بتقول إنك وكيل عن البائع في نقل الملكية، لكنها مش وثيقة إثبات لدفوع الأموال. التوكيل مبيكتبش فيه إنك دفعت مليون أو اتنين أو عشرة، ومبيكتبش فيه شروط جزائية، ولا بيكتب فيه التزامات البائع لو ظهر أي عيب خطير في العقار أو لو طلع عليه مشاكل وقضايا. يعني لو النصاب باع الشقة دي لثلاثة أربعة غيرك بنفس الطريقة، أو لو طلع واخد عليها قروض والبنك حاطط إيده عليها، وجيت حضرتك ترفع قضية عشان تسترد شقا عمرك، أول سؤال القاضي هيسألهولك فين عقد البيع اللي بينك وبينه اللي بيثبت إنك سددت الثمن بالكامل. وقتها هتسكت ومش هتعرف ترد، لأن التوكيل ملوش علاقة بالفلوس اللي اتدفعت في الخفاء. الشراء بالتوكيل فقط ومن غير محامي يراجع تسلسل الملكية ويكتب عقد صلب يحميك قانوناً هو أكبر ريسك ممكن تاخده في حياتك. العقد هو اللي بيثبت الثمن، وهو اللي بيلزم البائع بالتعويض، وهو اللي بيحميك قانونا لو الموضوع وصل للمحاكم.
للاستشارات القانونية: 015 01588867.
ً #الديون عرض أقل
