أ/كريم ناصر المنشاوي - المحامي
محامٍ متخصص في العقارات – مراجعة وإبرام العقود.
خبرة في حل مشكلات التسجيل، التوثيق و صحة التوقيع، نزاعات الملكية،
✔️ نصائح ومراجعة الأوراق قبل الشراء
✔️ حلول فوريه لمشكلات العقارات
💰 كافة الإستشارات مدفوعه وغير مجانيه
13/05/2026
ظاهرة موكلين الذكاء الاصطناعي ..
من وقت للتاني بيظهر نوعية من الموكلين اللي بيفتكروا نفسهم أذكياء بزيادة وبيروحوا يستشيروا شات Gpt في قضاياهم بدل ما يسألوا المحامي المتخصص والمصيبة إن الموكل من دول بيجي المحكمة أو المكتب وهو فاكر إنه ماسك مفاتيح القضية ولما يبدأ يتكلم تكتشف إنه كاتب رسايل رسمية وانذارات كلها أخطاء قانونية كارثية والأدهى من كده إنه بيستشهد بأحكام قضائية كاذبة ومواد قانونية ملغاة أو من قوانين دول تانية خالص والذكاء الاصطناعي بكل ثقة بيألف له نصوص وهمية والموكل يصدق ويمشي ورا السراب ده وفي الآخر لما يلبس في الحيط وتضيع حقوقه ويلاقي مذكرته بقت مادة للسخرية قدام القضاء يرجع يفتكر إن المحامي هو اللي بينقذه من الورطة اللي حط نفسه فيها لازم الكل يفهم إن القانون مش مجرد كلمتين حلوين مكتوبين على شاشة دي خبرة سنين وتعديلات تشريعية لحظية وتفاصيل في الإجراءات الذكاء الاصطناعي ميعرفش عنها حاجة والاعتياد عليه في كتابة ورق رسمي أو بناء موقف قانوني هو تدمير للحقوق وضياع للمستقبل عشان توفير وهمي ملوش أي لازمة من وجهة نظر الموكل اللي بيشغل دماغه ..استشير محاميك عشان متروحش ف داهية وبطل توفير تعبتونا معاكم 🌚
- أ/ كريم المنشاوي
محامٍ متخصص في العقارات وتوثيق وإبرام العقود ومشاكل التسجيل
- تواصل /01005365046 واتساب فقط
- عدم تفاعلك ومتابعتك لنا يحجب عنك الكثير من المنشورات شارك او علق بتم ليصلك كل جديد ⚖️
13/05/2026
فكرة تعيين ( أخصائي فضفضة) في مكاتب المحاماة فكرة جيدة… رغم قلة اقتناعي بذلك😁
12/05/2026
انا راجل بتاع عقارات مالي انا يبوي بالحكاوي دي يكشي الاتنين يولعوا ويلاقوش حد يطفيهم 😂😂
10/05/2026
توضيح لكل مشترى شقة تمليك بأى مكان
========================
محدش يشتري اي شقه بدون نموذج ٨ لو قالك نموذج ٣ تعرف انه مكملش باقي التصالح وهتروح الحي هيدفعك جميع اقساط التصالح وهيدفعك التقنين اوعي حد يشتري بدون نموذج ٨ اوعي صاحب شقه يضحك عليك ولا السمسار يسلمك للمالك استلم ورقك وعداداتك سليمه ومعاها نموذج ٨ واوعي تستلم شقه الكهرباء فيها ممارسه لان مش هيدخل ليها عداد بعد القانون التقنين الجديد. ونفس الشىء عداد الغاز
محدش يقولك معايا صحة توقيع وخلاص صحة التوقيع مش كل شىء وده للعلم زالتنليه عشان محدش يقع ف مشاكل ونزاعات ف الملكيه فيما بعد ..
- أ / كريم المنشاوي
محامٍ متخصص في العقارات وتوثيق وإبرام العقود ومشاكل التسجيل وصحة توقيع و نزاعات الملكية
- مكتبنا / ش عبدالغني السيد (القدس ) من ش احمد عرابي - عين شمس
تواصل 01005365046 واتساب فقط
- عدم تفاعلك ومتابعتك لنا يحجب عنك الكثير من المنشورات شارك او علق بتم ليصلك كل جديد ⚖️
02/05/2026
احدث احكام انهاء عقود الإيجار القديم ⚖️
حكم قضائي هام جداً من محكمة جنوب الجيزة الابتدائية (الدائرة الأولى إيجارات كلي) في الدعوى رقم 996 لسنة 2025 صادر لصالح الأستاذ الدكتور احمد البحيري المحامي ، يؤكد حق المالك في إنهاء عقد الإيجار واسترداد الشقة في حال ثبوت غلقها وتركها.
- حيث استندت المحكمه في حكمها إلى المادة (7) من القانون رقم 164 لسنة 2025، والتي تعطي الحق للمالك في طلب الإخلاء إذا ثبت ترك المستأجر للمكان مغلقاً لمدة تزيد على سنة واحدة دون مبرر.
وبناء عليه حكمت حكمها بإنهاء عقد الإيجار واخلاء العين وتسليمها للمدعي ..
هذا الحكم يمثل سنداً قوياً لكل مالك يعاني من الوحدات السكنية المغلقة والمتروكة منذ سنوات طويلة دون استغلال أو إشغال.
- أ/ كريم المنشاوي
محامٍ متخصص في العقارات وتوثيق وإبرام العقود ومشاكل التسجيل والمطورين
تواصل 01005365046 واتساب فقط
- عدم تفاعلك ومتابعتك لنا يحجب عنك الكثير من المنشورات شارك او علق بتم ليصلك كل جديد ⚖️🫡
#القانون #محاماة #عقارات #عقارات #عقد #عقود #بيع #شراء #حكم #قانون
30/04/2026
من الحاجات الغريبه اللي الواحد بيقابلها ف شغله ...
دعوى طرد للترك عقد قبل ٩٦ ..
- شهادة من شركة الغاز استهلاك اكثر من ١٠ سنوات صفر استهلاك ..
- شهاده من شركة الكهرباء استهلاك صفر اكثر من ١٠ سنوات
- تقرير الخبير يوضح ان الشخص غير مقيم ف الشقه اقامة مستقره
- شهادة الشهود توضح ان الشخص غير مقيم ف الشقه اقامه مستقره
- عنوان بطاقة الشخص اصلا على عنوان تاني غير عنوان الشقه
المستأجر قدم إنذار عرض اجره يتيم فقط مقابل كل ده 😅🤌🏻
وف النهايه القرار انهارده رفض الدعوى .. اقنعوني بقا يا استاتذة القانون 🤔 🤦🏻♂️
25/04/2026
🏛️ حكم نقض "زلزالي" لكل أصحاب العقارات والمؤجرين ! ⚖️
إذا كان عقد الإيجار الجديد بتاعك فيه بند "يُجدد لمدد مماثلة" أو "طالما يسدد الأجرة".. فده مش هيحميه من الإخلاء!
ده حكم صادر من محكمة النقض في الطعن رقم 9122 لسنة 88 ق – الدائرة المدنية ف ٢٠٢٥
الوقائع بتاعته ايه ..
ده يا سيدي عقد إيجار مبرم عام 1998 (قانون جديد) لمدة 9 سنوات فقط.
يحتوي على بند إضافي: "يُجدد لمدد مماثلة طالما يسدد المستأجر الأجرة".
محكمة أول درجة: قضت بالإخلاء (اعتبرت البند يؤدي إلى تأبيد العقد، وهو مخالف للقانون).
محكمة الاستئناف: ألغت الحكم، وقالت "العقد شريعة المتعاقدين ويُجدد تلقائيًا".
ورثة المالك طعنوا بالنقض → محكمة النقض نقضت حكم الاستئناف وأيدت الإخلاء مباشرة (دون إحالة).
- طب المحكمه استندت لأيه ..
اسنتدت الي (المادتين 558 و563 مدني):
اللي هو المشرع اشترط توقيت عقد الإيجار (تحديد مدة واضحة) كركن أساسي فيه.
كمان إذا كان العقد غير محدد المدة (أو تعذر تحديدها)، يُعتبر منعقدًا للفترة المعينة لدفع الأجرة فقط (شهر أو سنة حسب طريقة الدفع).
وهنا بند "يُجدد لمدد مماثلة" (دون تاريخ انتهاء واضح) يجعل العقد غير محدد المدة، لأنه يربط الاستمرار بأمر مستقبلي غير محقق (استمرار سداد الأجرة).
- وهنا محكمة النقض حطت شوية مبادئ حلوين ..
عدم جواز التأبيد في عقود الإيجار: العقد المؤبد (أو الذي يؤدي إليه بند التجديد التلقائي غير المحدد) يخالف قواعد القانون المدني ويخل بتوازن الالتزامات بين الطرفين.
بند "يجدد لمدد مماثلة" لا يحمي العقد: يجعله عقدًا غير محدد المدة، فيُطبق عليه نص المادة 563 مدني مباشرة (ينتهي بانقضاء فترة دفع الأجرة بعد التنبيه بالإخلاء في الميعاد القانوني).
دور القاضي محدود: لا يجوز للقاضي تعديل إرادة المتعاقدين أو "تحديد مدة" بنفسه لإنقاذ العقد. العقد شريعة المتعاقدين، لكن بشرط عدم مخالفته للنظام العام والقواعد الآمرة.
النتيجة العملية: حتى لو كان العقد يحتوي على بند تجديد تلقائي، فإن المالك (أو ورثته) يستطيع طلب الإخلاء بعد انتهاء المدة الأصلية + التنبيه، ويُعتبر العقد منتهيًا وفق المادة 563.
أهمية التصدي المباشر: محكمة النقض لم تكتفِ بالنقض والإحالة، بل أيدت حكم أول درجة بالإخلاء، مما يعطي الحكم قوة تطبيقية عالية.
وعشان كده بنقول صيغوا عقودكم بعناية.. ولو في عقد قديم فيه البند ده، الحكم ده بيفتحلك باب قوي جدًا لدعوى الطرد.
- أ/ كريم المنشاوي
محامٍ متخصص في العقارات وتوثيق وإبرام العقود ومشاكل التسجيل
للإستشاره القانونيه تواصل / 01005365046 واتساب فقط
مكتبنا الكائن / ش عبد الغني السيد من ش احمد عرابي - عين شمس - القاهرة
- عدم تفاعلك ومتابعتك لنا يحجب عنك الكثير من المنشورات شارك البوست او علق بتم ليصلك ⚖️
#المنشاوي #العقارات #نقض #حكم #قانون
21/04/2026
درس قاسي لشركات العقارات والمطورين من قلب محكمة حلوان!"
لكل واحد حاجز شقة والشركة بتماطل معاه، أو بتهدده بفسخ العقد عشان مش عايز يدفع "دفعة الاستلام" والوحدة أصلاً لسه ما خلصت . متخافش.. القانون في صفك، وده "حكم تاريخي" من محكمة حلوان الابتدائية (الدائرة 14 مدني) صادر لصالح الزميل الاستاذ أدهم غنيم
ركزوا معايا في الكلمتين دول عشان حقكم مبيضعش طول ما وراه مطالب
الحكاية وما فيها إن فيه مواطنة اشترت وحدة سكنية من سنة 2014 وكان المفروض تستلم في 2017 لكن الشركة قعدت تماطل وتأخرت في التسليم سنين ولما المشتري طالب بحقه الشركة حاولت تلف وتدور وتقول إن العقد اتفسخ عشان المشتري مدفعش دفعة الاستلام لكن المحكمة كان لها رأي تاني خالص ونصرت المشتري بفضل الله
الدروس المستفادة اللي عايزكم تحفظوها زي اسمكم
أول حاجة حق الحبس القانوني يعني من حقك ترفض تدفع مليم واحد تحت مسمى دفعة الاستلام أو الصيانة طالما الشركة مسلمتلكش في الميعاد المتفق عليه وده طبقا للمادة 457 مدني يعني مش بمزاجهم يضغطوا عليك بالفلوس والوحدة أصلا لسه مخلصتش
ثاني حاجة التعويض عن التأخير المحكمة ألزمت الشركة بتعويض مادي وأدبي عن كل شهر تأخير من تاريخ التسليم اللي في العقد لحد تاريخ التسليم الفعلي وقالت إن الضرر واقع بمجرد التأخير ومش محتاج تثبته طالما فيه شرط جزائي في عقدك
ثالث حاجة وهي الأهم إن المحكمة رفضت تماما كلام الشركة بفسخ العقد وقالت إن اللي يبدأ بالإخلال بالتزامه اللي هي الشركة ملوش حق يطالب بفسخ العقد لو الطرف التاني امتنع عن السداد كرد فعل على تأخيرهم يعني باختصار الشركة هي اللي غلطانة الأول فمتجيش تحاسب المشتري
ملحوظه : الحكم ده بقى نهائي بعد ما المحكمة الاستئنافية أيدته وكمان الطعن عليه بالنقض اترفض وبكده بقى سيف على رقبة أي مطور بيحاول يتهرب من التزاماته
نصيحتي ليكم متخافوش من تهديدات الشركات بفسخ العقد أو سحب الوحدة طالما هما اللي متأخرين في التسليم القانون بيحميكم والعقد هو قانون المتعاقدين ومحدش يقدر يغير بنوده بمزاجه
اللي عنده مشكلة مشابهة أو استفسار بخصوص قضايا العقارات يكتب في التعليقات وهرد عليكم بإذن الله عشان الكل يستفيد ونساعد بعض في استرداد حقوقنا من الشركات دي
⚠️ - واخيراً الحكم صادر لصالح الزميل الاستاذ / ادهم غنيم المحامي بالنقض ومكون من ٢٢ صفحه يصعب نزولهم ، فاللي محتاج الحكم كامل يكتب تم او يكتب كومنت وهبعتهوله pdf
- أ/ كريم المنشاوي
محامٍ متخصص في العقارات وتوثيق وإبرام العقود ومشاكل التسجيل
تواصل / 01005365046 واتساب فقط
مكتبنا الكائن / ٥١ ش عبد الغني السيد من ش احمد عرابي - عين شمس - القاهرة
٢ - ش الزعيم غاندي من شارع الحريه - عين شمس - القاهرة
- عدم تفاعلك ومتابعتك لنا يحجب عنك الكثير من المنشورات شارك او علق بتم ليصلك ⚖️
21/04/2026
✍️ ١٤ نصيحة عند كتابة عقد بيع :-
١- #لا تشترى عقد البيع الموجود فى المكتبات.
٢- #احرص علي أن يحرر العقد محام.
١- #النص على تاريخ ويوم تحرير العقد.
٢- #التأكد من أهلية المتعاقدين للتصرف والتعاقد وإقرارهم بذلك.
٣- #كتابة بيانات المتعاقدين (الإسم كاملا - رقم البطاقة - العنوان تفصيلا).
٤- #عند وجود وكالة يجب كتابة رقم التوكيل ومكان توثيقه والتأكد من سلامته.
٥- #عند وجود ورثة يتم كتابة رقم إعلام الوراثة وعند وجود قاصر يتم كتابة رقم قرار الوصاية ورقم موافقة النيابة الحسبية على البيع.
٦- #وصف المبيع وصفا تفصيليا لا يدع مجال للشك أو التأويل من حيث الحدود والمساحة ورقم وتاريخ رخصة البناء.
٧- #يتم ذكر الحصة المشاعة المرتبطة بذلك المبيع على أن تكون محددة بالنسبة المئوية.
٨- #كتابة أيلولة الملكية وتسلسلها والتأكد من صحة الأوراق وإستلامها.
٩- #كتابة الثمن بالأرقام والحروف (الثمن الحقيقى).
١٠- #عند وجود أقساط للسداد، يتم كتابة قيمتها ومواعيد استحقاقها وكتابة الشرط الجزائي.
١١- #إقرار البائع بأنه لم يسبق له التصرف في العين كما يضمن عدم تعرضه هو أو الغير للمشترى في العين موضوع البيع.
١٢- #إقرار البائع بضمان العيوب الخفية وتحمل المسئولية في حاله ظهور اى عيب خفي بالمبيع.
١٣- #كتابة عدد صفحات العقد وعدد بنوده وعدد النسخ ويفضل أن يكون من ثلاث نسخ.
١٤- #التأكد من صحة وسلامة التوقيعات والبصمة
- أ/ كريم ناصر المنشاوي
محامٍ متخصص في العقارات وتوثيق وإبرام العقود ومشاكل التسجيل
مكتبنا بيقوم بكافة الخدمات القانونية من كتابة عقود ودعاوي صحة التوقيع وتسجيل العقود بتكلفه معقوله ⚖️
انتظر استفسارتكم في التعليقات او على رسائل الخاص
او 01005365046 واتس
- عدم تفاعلك ومتابعتك لنا يحجب عنك الكثير من المنشورات شارك او علق بتم ليصلك كل جديد ⚖️
13/04/2026
🔴 إلغاء طرد المستأجر.. مفاجآت جديدة في قانون الإيجار القديم تحت القبة!
في تطور مهم داخل مجلس النواب، كشف النائب عاطف المغاوري (رئيس الهيئة البرلمانية لحزب التجمع) عن تحركات برلمانية وقضائية جديدة بشأن قانون الإيجار القديم.
أبرز النقاط اللي بتتكلم عنها التحركات:
توازن مطلوب.. حل ينهي مظلومية وما يصنعش مظلومية جديدة
تحرك قضائي نحو الدستورية ومراجعة تشريعية داخل البرلمان
رفض أي زيادات تُدفع على المستأجر للطرد أو العجز عن السداد
إعادة تقييم القانون وفق نتائجه لحماية الاستقرار الاجتماعي
الملف لسه مفتوح، والمتابعة مستمرة لحد ما يتم الوصول لصيغة عادلة تحافظ على استقرار المواطنين.
المصدر: النائب عاطف المغاوري - صدى البلد
Be the first to know and let us send you an email when محامي العقارات - أ/ كريم ناصر المنشاوي posts news and promotions. Your email address will not be used for any other purpose, and you can unsubscribe at any time.
Contact The Business
Send a message to محامي العقارات - أ/ كريم ناصر المنشاوي:
