24/03/2025
مش كل حكم قضائي زي التاني الأحكام ليها أنواع وكل نوع ليه تأثير قانوني مختلف ⚖️
زي الأحكام الابتدائية , الاستئنافية والنهائية و الأحكام الغيابية والحضورية مهم تعرف الفرق بينهم .
1️⃣الفرق بين الأحكام الابتدائية , الاستئنافية والنهائية
الحكم الابتدائي :
هو الحكم اللي بيصدر من محكمة ( الدرجة الأولى )
بيتم الحكم فيه بناء على التحقيقات وسماع الشهود والمرافعات .
مش حكم نهائي يعني يحق للطرف المتضرر الطعن عليه أمام محكمة الاستئناف .
الأحكام الابتدائية بتشمل القضايا المدنية , الجنائية والأحوال الشخصية .
الحكم الاستئنافي :
ده الحكم اللي بيصدر بعد الطعن على الحكم الابتدائي أمام محكمة الاستئناف ( محكمة الدرجة الثانية )
القاضي بيعيد النظر في القضية بناء على الطعن المقدم .
ممكن يعدل الحكم الابتدائي أو يلغيه أو يؤيده.
في بعض الحالات الأحكام الاستئنافية بتكون نهائية يعني مينفعش الطعن عليها مرة تانية .
الحكم النهائي :
هو الحكم اللي لا يمكن الطعن عليه بأي طريقة.
يصدر بعد استنفاد جميع طرق الطعن ( الاستئناف أو النقض )
بعد صدور الحكم النهائي بيكون واجب التنفيذ فورًا .
2️⃣ إيه هو حكم غيابي وحكم حضوري؟
الحكم الغيابي :
ده الحكم اللي بيصدر ضد شخص غاب عن حضور الجلسات سواء كان مدعى عليه في قضية مدنية أو متهم في قضية جنائية.
بيتم الحكم فيه بدون سماع دفاع الشخص الغائب.
يمكن المعارضة على الحكم لإعادة المحاكمة بحضور المتهم .
الحكم الحضوري :
ده الحكم اللي بيصدر في وجود المتهم أو المدعى عليه أو في حالة حضور محامي عنه.
بيكون أقوى من الحكم الغيابي لأن المتهم أو المدعى عليه كان ليه فرصة للدفاع عن نفسه.
الأحكام الحضورية بتكون واجبة التنفيذ بمجرد صدورها لكن ممكن الطعن عليها بالاستئناف أو النقض
📌افهم موقفك القانوني واعرف الفرق بين الأحكام المختلفة
📞 WhatsApp : 01111742122
📌مواعيد المكتب :
يوميا من السبت للخميس 3:00 عصرا حتى 6:00 مساء 🕒
العنوان المكتب : 38 شارع رمسيس أمام بنزينة التعاون بجوار مستشفى الهلال (عمارة السجل التجاري) رمسيس وسط البلد القاهرة الدور السابع شقة 40 .
https://g.co/kgs/QnhP6f3 📍
