محامي مصر - Lawyer Egypt

30/07/2026

واحد رفع حكم رؤية علشان يشوف بنته وبعد ما اتحكمله بالرؤية بعد ٣ سنين اكتشف ان بنته ماتت من سنة و ٤ شهور 💔

30/07/2026

= شايف أفراد الشرطة اللي بتتغير دي كلها.
_ اه مالهم؟
=⚖️🤣🤣🤣

لحجز استشارة او توكيل لجميع القضايا
01124477002✅

27/07/2026

الدنيا لبش اليومين دول.. كل واحد يخلي باله من نفسه.. دي واحدة قفشت جوزها بيخونها مع بنتين في الجنينة

26/07/2026

الناس الي فاكره دراسه القانون سهله
و بيفتوا في القانون و خلاص اهو مش ملاحقين علي راس واحد طلعلنا براسين 😂😂

25/07/2026

25/07/2026

عااجل.. انتشال جثـ ـمان بائع التين بعد غرقه في مياه النيل بالتبين

22/07/2026

الحياة مقرفه ولو رفضتها عشانها مقرفة هتبقي مقرفة اكتر 🧏🏻‍♂️

22/07/2026

عاوزه اقول كلمتين مهمين..
انا هايدي عندي ٢٧ سنة مخلصة حقوق ومعايا ماجستير وبحضر دكتوراه شغاله في محكمه الاستئناف اللي في مقبل..
بعد وفاه والدي الدنيا اتقلبت راساً علي عقب، الف رحمه ونور عليه..
حبيت شخص وهما كانو رفضينه، بعدين وافقو وطلبو منه كل حاجه حاجات اكبر من اي حد يطلبها دهب وفرش وحاجات كتير، جاب كل حاجه عشان يثبتلهم انه شاريني، وقالهم حددو ميعاد عشان نحدد القايمه، قالوله لا مش هنجوزهالك حتي بعد ما وافقو وطلبو كل حاجة، ضحكو عليا وقالولي احنا موافقين وهنكتبلك القايمة، فجاءه لاقيت اتنين داخلين عليا اوضتي بيتدعو انهم في الداخلية، مين انتو انا فلان الفلاني طيب وريني كارنيهك مرديش، قعدت اصوت واجري ف الشقه انادي علي ماما تلحقني، مكنتش اعرف انها هي اللي جيباهم، فجاءه طلع من جيبه مخدر وادهولي، ماما كتفتني وكتمت نفسي بايدها عشان محدش من الجيران يسمعني، واختي زقتني عليهم، وابن عمي ساعدهم في ده، صحيت لاقيت نفسي في مصحة في القاهره، بعد ما خدروني، انا هنا وبعمل ايه معرفش مين الناس دي وفين اهلي ملاقتش غير مشرفه المصحة بتقولي بصي احنا هنا اللي بيقعد المريض النفسي او اللي بيتعاطي واحنا هنقعدك مع دكتور نفسي وهنعملك تحليل طلعتي لده ولا ده هنمشيكي، بالفعل عملولي تحليل ومش بتعاطي، وقعدت مع دكتور نفسي حكتله اللي عملوه قالولي دي مشكله عائلية انتي مش مريضه ولا حاجة، ومش هينفع اكتبلك ادوية عشان متتعبيش ،،
اخويا كلم مشرفة الدار واكد عليها اخد ادوية ذي ذي المرضة النفسين بالظبط، قولتلها انا بتعب مينفعش اخده انا سليمه، قالتلي انا مش هديهولك عشان ده بيعمل تلف في خلايا المخ للشخص السليم وهيقلب معاكي بادمان ومش هنيمك في اوضة المرضي عشان متتعبيش نفسيا انا هاخدك في اوضتي،
بس لو اخوكي كلمك لازم تقوليله انك بتاخديه بانتظام فجاءه لاقيته جالي المصحه اليوم الرابع بعد ما اتاكد من التحليل كان عاوز شهاده اني مريضه عشان يحجر عليا قانوناً بس ربنا اراد ونصرني والدكتور قال كلمه حق اني مش مريضة
لاقيته جايلي زياره ومعاه عقد وبيقولي امضي عاوز يبيعني شقتي اللي في البلد قولتله فين فلوسها قالي مع ماما قولتله مش همضي غير وفلوسي في ايدي حتي لو هتحبسني هنا العمر كله
كلام كتير بقي حاول يعرف مكان شقتي اللي باسمي اللي في بني سويف
وفلوسي حطاها في البنك ولا في البوسطة وكام
وعداد الشقه كارت ولا كهرباء ولو كارت فين مكانه موافقتش علي اي حاجة
سابوني شهر كامل جسمي اتقطع حرفيا واتبهدلت حساسيه من اللي حواليا
كنت بنام والقي ناس من تحت طلعلنا بليل مهلوسين من الادويه كنت بشوف مرضي جايين بيتخانقو وبيضربوا كل رجاله الدار شوفت حاجات معرفش انها موجوده في دنيتي دي اصلا
لاقيت اختي بتكلمني قبل الشهر ما يخلص بتاع المصحه هنبعتلك موظف من الشهر العقاري عشان تتنازلي عن شقه بني سويف وننقل القاهره
لا ياجماعه انا ليا حياه وليا شغلي مش عاوزني اتجوز الشخص ده خلاص مش هتجوزوه بس سبوني اعيش حياتي ودنيتي وشغلي ارجعله
قولتلهم لا مش هتنازل طول ما انا هنا لما تخرجوني الاول قالولي هندفعلك شهر جديد قولتلهم ابعتولي لبس طلاما هتقعدوني تاني حتي مكنوش بيجولي زياره والدتي متصلتش بيا اتصال واحد تسمع صوتي عرفوا ان المصحه دي مات فيها واحد من فتره حتي مخفوش عليا
خرجوني وحبسوني في البيت يومين
من غير موبايل ولا خروج ولا اي حاجة واي حد كان بيسال عليا بيقولو عامله حادثة عشان محدش يدور عليا ولا من المحكمه ولا من بره
قالولي هتعملي توكيل ونبيع الشقه قولتلهم ماشي لحد ما خرجت من البيت
حتي شقتي اللي في شرق كسروا الكالون واجروها بعقد باسم والدتي وخدو مني بطاقتي واوراق ملكيتي للشقة والفيز بتاعتي
عملتلهم محضر اختطاف وحجز واكراه علي اخذ المخدر بتاع المرضي
وتعنفهم معايا..
وحاليا بيحاولو يحلو ودي ويلاقوني
انا حاليا مش في البيت انا نزلت البلد بيحاولو يوصلولي عشان يحبسوني تاني.. وهمشي قانوني في كل حاجة..
مش طالبه اكتر من دعواتكم عشان انا لوحدي وماليش غير ربنا
وعوزاكم تشيروا البوست ده عشان لو اختفيت اعرفوا ان اهلي عملو فيا حاجة انا ماليش حد يحميني بعد ربنا ..
حاجة اخيره انا مش مخطوفه ذي ما بيقولو انا سايبه البيت بارادتي وعامله محضر ب ده ان انا مش هرجع بسبب تعنفهم معايا..
انا مش مخطوفة، انا لو اختفيت اتاكدوا ان اهلي اذوني وحبسوني في مصحة تاني .. ارجوكم
عشان خاطر ربنا شيروا البوست في كل حتة انا مش عارفه اعمل ايه..!!!!

08/09/2025

احسن تريند ممكن يتعمل في التاريخ .. أنا موافق ان المطاعم والبراندات وأي منتج عموما يعمل شو ويدي للبطل دا هدايا وهبقا مبسوط .. هبقا فرحان وهو بياخد ايفون ولاب توبات ودهب وبيعمل اعلانات لبلبن وقصر الكبابجي وهتفاعل مع اعلانتهم وهزودلهم ريتش بس يدعموه .. عايز اشوفه في كل بوست ومش همل ولا هضايق من كتر ما بيظهر علي الشاشه مستني كل الصحف والمجلات الالكترونيه تعمل معاه حوار صبح وليل وهقعد اسمعها عادي .. أمسكوا في الحاجه الايجابيه الراجل دا قدوه لو بقا تريند ولو 10 مدمنين بس بطلوا بسببه وبسبب اللي بيحصل معاه وان المجتمع شايفه بطل ف دا كفايه جدا ما بالك لما يبقا ملايين بتابعه

03/09/2025

اللهم طريقا عظيما بألطافك لا وقوع فيه ولا تعثر إنما غيثا من لدنك يروى قلوبنا العطشى لرؤيتك