خواطر واشعار فنان بتطلع لما يكون زعلان لـ Moheb Nabil

15/08/2024

العمر ما عادش فيه بقيه
أرجع وتوب للمسيا
دا كلها سعات وأيام معدودة لحياتنا علي الارض ديا
والروح هتفارق الجسد وترجع للمسيا
فاترك يا ابني من قلبك كل خطية
وأملي قلبك بالمحبة الالهية
علشان تعيش مع المسيح في الابدية

26/04/2024

◾◾قالت ستي : 🤔😔
سبعة يا ولدى تشيل اسمهم من دفتر الاحباب....

👈أولهم : اللي لمشاعرك وقيمتك ماعملش اى حساب...
👈ثانيهم : اللي مردش غيبتك ومع اللى عابوا عاب....
👈ثالثهم : اللى لما شاف ضحكتك حسدك وجاله إكتئاب...
👈رابعهم : اللى فى وقت الوجع سابك ورد الباب.....
👈خامسهم : اللى بيشمت فيك اكتر من الاغراب....
👈سادسهم : اللى يبيع عشرتك على اتفه الاسباب....
👈سابعهم:اللي منتظر لك غلطة ويحاسبك أشد الحساب...
🤔والله يا ولدى لا لوم عليهم ولاعتاب...
قلوبهم مليانة سواد شبه الهباب...
يضلموا عشتك زي السحاب...
يبقى أحسن لك من بينهم الانسحاب 👌

03/04/2024

19/07/2022

اين العباقره لحل اللغز 😉🤣
اللي هيعرف الاجابه ليه جائزه قيمه 👍😉
تدخل غرفة. 2 كلاب و 4 خيول و 1 زرافة وبطة يرقدون على السرير. 3 دجاجات تطير فوق كرسي.
كم عدد الأرجل على الأرض؟

18/07/2022

🤣🤣

03/06/2022

السرطان داخل علب العصير

لما تروح لدكتور ويقولك حتحتاج جلسات كيماوي او ابنك محتاج كيماوي متستغربش .....
- عصير المانجو اللي في محلات العصير 70% منه مالهوش علاقه بالمانجو اصلا..ده قرع عسل والفواكه بتدخل المفرمه وهي بايظه وكل ال اشتغل ف المصانع عارف الكلام ده ..
- اللانشون والبيف اللي المفروض مكتوب عليها لحم بقري خالص حلال.. مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل وجيلاتين وعضم فراخ ده غير الفاسد بيرجع للشركه بيتعمل ليه اعادة تصنيع وبردو ال اشتغلوا في المصانع دي عرفين الكلام ده ..
- انواع الهامبورجر المنتشره في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ الطن منها بـ 250 جنيه تقريبا
الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع بـ 10 جنيه.
- الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها.. اصل الدولار بقي غالي فالسمسم غالي والزبون عاوز الارخص مش الانضف.
- فلاتر ميه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاتر الاكتر من 3 مراحل.
- سمك المزارع السمكية..بياكل دم ومخلفات عمليات الذبح وفراخ المزارع الميته ده غير الهرمونات
- فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده.
- اغلب اشهر المحال التجاريه للشاورما تشتري فراخ المزارع الميته ب 4 جنيهات لعمل اجمل فتة شاورما ..
- الكبده اغلبها الان ليست مستورده لغلاء سعرها بل تأخد من المجازر بعد عدم تصريح الذبح واعدام الذبيحه لوجود مرض مخيف بداخلها ...
- محلات الحلويات اللي بتبيع الحلويات الشرقية بالسمن البلدي.. ولابلدي ولانيلة دي معموله بسمنة صناعي وعليها مكسبات طعم زي اللي بيستخدموها ف المصانع.
الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن 6 شهور؟ بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة جدا ....
علمو اولادكم وعودوهم وفهموهم ان مفيش انضف من اكل البيت ..

منقول

11/03/2022

قصة اليوم ✍
(الصورة من اختياري والبوست منقول)

علي لسان احدى الخادمات قالت : كنت بنزل خدمة في قري المحافظات بالتحديد في بني سويف.. ببا ..
دخلت بيت واحدة تقريبا"ف سن ال 80 سنة
المفروض اقول كلمة من الإنجيل و اشوف احتياجاتها ايه،
الست دي تحت خط الفقر قاعدة في اوضه مفهاش بلاط وعلي الطوب الأحمر..
ابسط من البساطة
دخلت عليها بقولها ازيك يا امي
قالتلي: في نعمه يابنتي
في سري قولت : فين النعمه دي ده مفيش اي شيء من آدمية الإنسان !
بقولها انا فرحانة اني بتعرف عليكي
لقتها بتقولي ياااه ده انا فرحانة اوي اني شيفاكي صحيح انا عميه لكن قلبي شايفك
انا اتصدمت
طبعا كان لازم اتعامل كأنه عادي ومحسسهاش اني زعلت عليها
قولتلها ده انتي اجمل ما شاف قلبي صدقيني
قالتلي يارب يخليكي يابنتي ويفرح قلبك ويعوضك
لقتها بتقول اللهم_ارحمني_انا_عبدك_الخاطئ
بترددها كتير
قولتلها قوليلي يا امي بتصرفي منين عندك اولاد بتعولك؟
قالتلي ربنا معطنيش اولاد بس عطاني الأجمل الستر يابنتي
انا عايشة في نعيم عايشة في بركة ربنا عايشة في خيره
انتي عارفه يابنتي ربنا ده طيب وحنين اووووي
عمره ماقصر معايا
بقولها طيب قوليلي ايه العلاج اللي ناقص عندك
قالتلي ربنا مبيستناش لما العلاج ينقص بيبعتلي العلاج قبل مايخلص مش بقولك يابنتي ساترني
تاني اللهم ارحمني انا عبدك الخاطي
قولتلها شكلك بتحبي الآيه دي اوي
قالتلي ماهو انا خاطية الوحيد اللي بدون خطيه سيدي المسيح
عارفه يا بنتي انا بصحي علي خيره وبنام في حماه
ده انا عايشه في نعمة كبيرة اوي وقلبي تملي فرحان بيسوع ..
انا كنت بعيط وبكتم صوت عياطي عشان متسمعش بس الحقيقه ان فعلا قلبها كان شايفني و قالتلي متعيطيش يسوع بيحبك وهيفرح قلبك
معرفتش اعمل اي حاجة غير اني اوطي ابوس رجليها و ايديها ورأسها وأخد بركتها
فضلت تقولي متغبيش عني تعالي تاني اوعي تنسيني قلبي فرح لما شافك
ايه ده بجد وفضلت ماشيه بعتذر لربنا انا ازاي عندي كل النعم اللي ربنا رزقني بيها دي ومش حسه؟؟ انا ازاي وحشه اوي كده ؟؟
انا كنت رايحه اخدمها الحقيقة هي اللي خدمتني
كنت رايحه اقولها كلمه من الكتاب المقدس
هي اللي ادتني درس عمره مايتنسي
وقتها حسيت اد ايه انا وحشة و اد ايه بلوم ربنا علي حاجات ف حياتي مش حباها وكنت دايما" اقوله ليه يارب انا ف الحته دي
وافضل الوم و اعتب علي ربنا ..
وفضلت ماشيه اشكر ربنا علي البيت الجميل اللي انا فيه ...علي الأسرة ..علي نظري... علي صحتي.. علي شكلي علي حب الناس انا في نعمة كبيرة بس انا اللي عمية مش هي
أمنت بأن النور مكانه في القلب

(طوبي للمساكين بالروح لأن لهم ملكوت السموات )
حقيقي.. أولون اخرون وأخرون اولون

24/01/2022

عفواً سيدي؛ أين أجد القطار الذي يذهب إلى عالم أفضل؟
= هههه أي عالم يا صغيرتي تقصدين؟
- العالم الذي أخبرتني عنه جدتي عالم فيه البشر ما زالو على هيئة انسان؛ عالم سماؤه تحلق به طيور الخير؛
والقلوب صادقة نقية خالية من الدنس والحسد!!!
عالم فيه الجار قبل الدار والصديق وقت الضيق
= يااااا صغيرتي قطار ذلك العالم كان آخر محطة له هو عقل جدتك..💔🦋

05/08/2021

فيروس الهيربس ما زال منتشر 😭 ..

كتير من الأطفال اللى كشفت عليهم إمبارح عندهم سخونية .. درجة الحرارة تصل الى الأربعين 🤒😥 ...
وبالكشف إلتهاب في الحلق 🥵 ولكن إلتهاب فيروسي (هيربس) وليس بكتيرى ...
=طب إيه المشكلة ؟! 🤔 ...
مشكلتين مش مشكلة واحدة ..
- من أهم طرق انتقاله التقبيل (البوس) واحنا الحقيقة منتوصاش هاريين العيال بوس ..
- المشكلة الكبيرة .. إنه لو الطفل أخد مضاد حيوى هيتبهدل لسانه وبقه هيتملى برابيق وقرح ومش هيعرف يبلع ويصوت ٢٤ ساعة 😭 ..

=طب إيه العلاج ؟!
العلاج ببساطة ..
بنعطى حاجة مضاد للفيروسات زى زوفراكس شراب ربع سم لكل كيلو كل ٦ساعات ..
وحاجة مسكنة للفم زى بيكسى فريش بخاخة للفم قبل كل الأكل أو الرضاعة ٤ مرات يومياً ..
وخافض للحرارة زى سيتال شراب ١/٣ الوزن كل ٦ ساعات ..
وأهم حاجة زي ما قولت ممنوع المضاد الحيوى نهائياً .. وممنوع منعاً باتاً تقبيل الأطفال الرضع من الوجه ..

الموضوع خطير ومهم 🛑 ..

❤ يا ريت البوست ده يلف الفيس كله النهاردة ..
شيرررر على اوسع نطاق ووعى كل أم فى البلد ..


د. محمد عبد الحليم فراج

05/08/2021

فاكرين فيلم حياه او موت ..
اللي دايما بنضحك علي كلامه ونقول الي (احمد ابراهيم القاطن بدير النحاس الدواء فيه سم قاتل) .
هتشوفوا الكمسرى اللي صفر لسواق المترو عشان يمشي بسرعه لما شاف البنّت بتقوله مستعجله اروح العتبه عشان اجيب الدوا لبابا .
هتشوفوا الراجل اللي خد البنّت ع العجله يوصلها للمترو اللي بيروح العتبه .
هتشوفوا صاحب الصيدلية اللي أتنازل عن قرش من ثمن الدوا لما لقي البنّت معهاش فلوس كفايه .
هتلاقوا الناس اللي جريت لما البنّت صرخت لما الرجل الخمورجى سرق الدوا منها وأفتكرها خمره .
هتلاقوا الرجل اللي جري ع البنّت لما ازازه الدوا وقعت في الارض ودخل خماره يجيب ازازه فاضيه يحطلها فيها الدوا . هتلاقي الشرطه اللي اتفاعلت وجريت واتعاونت مع الاذاعه عشان ينقذوا أحمد أبراهيم .
هتلاقوا البنّت في اخر الفيلم بتشكر المأمور اللي هو يوسف بك وهبه وبتقوله شكرا يا شاويش من غير ما يزعقلها ويقولها انا الباشا مش شاويش .كان كل واحد عنده ضمير لوحده ..ودى سلوكيات زمان اللى افتقدها الشارع المصرى
عرفتوا ليه البركه والخير كانوا زمان....
منقول لأنها راقت لي ❤️