مكتب الأستاذ محمد حميدو للمحاماه والاستشارات القانونية

23/02/2026

النجاح في القضايا مش صدفة…
هو دراسة ملف كويس، اختيار الطريق القانوني الصحيح، وتمسك بالتفاصيل لآخر لحظة.
ثقة موكلينا مسؤولية… والحفاظ عليها أهم من أي شيء.
الفرق بين حكم عادي وحكم لصالحك
هو محامي يعرف يمشي إمتى… ويتكلم إمتى… ويطلب إيه.
لو عندك مشكلة قانونية وعايز تعرف موقفك القانوني بشكل واضح وصريح
📩 تواصل معانا في رسالة خاصة علي الواتساب
012 06334002
#محاماة
#أحكام
#قانون

20/01/2026

التوكيل بالبيع لا يُغني عن عقد البيع
خلال الفترة الأخيرة تزايدت الاستشارات المتعلقة ببيع وشراء الشقق، ولاحظت خطأً متكرراً يقع فيه كثير من المتعاملين، وهو الاكتفاء بعمل توكيل عام بالبيع للنفس وللغير باعتباره بديلاً عن عقد البيع، وهذا تصور غير صحيح قانوناً.
التوكيل في حقيقته هو إذن بالتصرف، وليس عقداً ناقلاً للملكية، ولا يُنشئ حقاً للمشتري، ولا يُثبت أنه دفع ثمناً، ولا يحدد التزامات البائع.
في المقابل، عقد البيع هو المستند الوحيد الذي يثبت:
وقوع البيع فعلاً
بدون عقد بيع مستوفٍ لهذه العناصر، يظل مركز المشتري القانوني ضعيفاً مهما كان نوع التوكيل.
الخلاصة:
التوكيل أداة تنفيذ
أما عقد البيع فهو أساس وسند الملكية والحماية القانونية.
للتواصل 012 06334002

13/01/2026

🚀 مشروعك يستاهل يبدأ صح… مش بعشوائية 🚀

كتير من المشاريع بتفشل
مش علشان الفكرة وحشة
لكن علشان التأسيس القانوني غلط ❌

⚠️ عقد ضعيف
⚠️ شكل قانوني غير مناسب
⚠️ مشاكل ضرائب وسجل تجاري
⚠️ شركاء بدون حماية قانونية

📌 تأسيس الشركة صح من الأول بيوفّر عليك: ✔ نزاعات مستقبلية
✔ خسائر مالية
✔ قضايا ملهاش لازمة
✔ صداع قانوني مستمر

⚖️ التأسيس مش ورق… ده أمان لمشروعك

لو ناوي:
✅ تبدأ شركة
✅ تدخل شريك
✅ تعدّل وضع شركتك
✅ تحمي مشروعك قانونياً

للتواصل :-
012 06334002

10/01/2026

08/01/2026

✍️ ما هي دعوى صحة التوقيع؟ ولماذا هي مهمة؟

دعوى صحة التوقيع هي دعوى إجرائية الغرض منها إثبات أن التوقيع أو الختم الموجود على محرر عرفي (عقد – إيصال – اتفاق) هو توقيع صحيح وصادر ممن نُسب إليه، دون التطرق لموضوع العقد أو صحته.

📌 متى نلجأ لدعوى صحة التوقيع؟

عند الرغبة في تأمين العقد العرفي من إنكار التوقيع.

لإثبات التوقيع أمام القضاء قبل حدوث نزاع.

في عقود البيع والإيجار والاتفاقات المدنية المختلفة.

⚖️ ماذا تحسم الدعوى؟ ✔️ تثبت صحة التوقيع فقط
❌ لا تثبت الملكية
❌ لا تمنع الطعن بالتزوير
❌ لا تفصل في بطلان أو صحة العقد

💡 ملحوظة:
الحكم بصحة التوقيع لا يمنع أي طرف من إقامة دعوى أصلية تتعلق ببطلان العقد أو عدم نفاذه.

📞 للاستفسار أو الحجز القانوني:
تواصل معنا – المشورة القانونية حقك
012 06334002

15/11/2025

ناس كتير بتسمع عن "محضر إثبات حالة" ومش فاهمة بالضبط معناه، ولا بيستخدم في إيه.

🔹 إيه هو محضر إثبات الحالة؟
هو محضر رسمي بيتحرر في: قسم الشرطة أو أحيانًا عن طريق محضر محكمة، الهدف منه: إثبات واقعة حصلت في وقت معين، من غير ما توجه فيها اتهام لحد.

يعني باختصار... هو وسيلة قانونية؛ توثّق موقف حصل فعلًا؛ علشان تقدر تستخدمه بعدين كدليل في أي نزاع أو دعوى.

🔹 الهدف من إثبات الحالة:
1️⃣ توثيق واقعة قبل ما تتغير أو تختفي.
2️⃣ الحفاظ على حقك، وإثبات إنك كنت في موقف قانوني سليم.
3️⃣ استخدامه كدليل رسمي في القضايا بعد كده (مدنية أو جنائية).

🔹 فين ومين بيعمله؟
بتروح لقسم الشرطة، وتقول للأمين أو الضابط: إنك عايز تعمل "محضر إثبات حالة".
هو هيسمع أقوالك؛ ويكتب اللي حصل بالظبط، وممكن ينزل معاهم المعاينة لو لزم الأمر.
وفي بعض الحالات القانونية الدقيقة، ممكن تعمل "محضر إثبات حالة" عن طريق المحضر القضائي (يعني محضر المحكمة)، خصوصًا في الأمور المدنية والعقارية.

🔹 أمثلة واقعية لإثبات الحالة:
- لو جارك بنى سور أو مبنى متعدي على أرضك.
- لو في تسريب مياه من شقة فوقك وعايز تثبت الضرر.
-لو بتتعارك مع حد وقال هحرق بيتك أو هيضربك.
- لو جهة حكومية أو شركة سلمتك حاجة بحالة معينة وعايز توثقها.
-لو حصلت حادثة أو مشادة في الشارع وعايز تثبتها بدون ما تعمل قضية.
-لو في مقاول وقف الشغل أو اتلف حاجة وعايز تثبت ده رسميًا.

🔹 هل محضر إثبات الحالة يعتبر قضية؟
هنا في حالتين
اولا : هو مش قضية ومش فيه اتهام، لكنه بيكون مستند رسمي قوي ممكن تعتمد عليه بعدين لو حصل نزاع... يعني ممكن بعد فترة ترفع قضية استنادًا على اللي تم إثباته في المحضر
ثانيا : لو النيابة العامة رأت ان الاوراق مستوفاة بالادلة والشهود وثابت فيها توجيه اتهام لحد معين بارتكاب الواقعة المثبتة في الاوراق ممكن تحرك المحضر كقضية وينزل جلسه .

🔹 نصائح مهمة من محامي شاطر 😉:
✅ خلي بياناتك دقيقة وواضحة في المحضر.
✅ ما تمضيش قبل ما تقرأ كويس.
✅ اطلب صورة رسمية من المحضر بعد ما يتحرر.
✅ لو الواقعة تخص أرض أو بناء، حاول تصور المكان أو تجيب شهود.
✅ لو الواقعة مستمرة، اعمل إثبات حالة جديد كل فترة عشان يبقى فيه تسلسل زمني للأحداث.

📌 خلاصة الكلام:
محضر إثبات الحالة هو درعك القانوني، تحمي بيه نفسك قبل ما تتطور الأمور، وتثبت بيه موقفك قبل ما أي حد يغير الحقيقة.

23/06/2025

إزاي المحكمة بتحسب نفقة الزوجة والاطفال ؟

في ناس كتير فاكرة إن النفقة رقم ثابت أو بتحكم بيها المحكمة من دماغها، لكن الحقيقة
النفقة بتتحسب حسب حال الزوج وقت الدعوى، سواء كان غني أو دخله بسيط.

يعني:
✅ لو الزوج مرتبه كبير أو عنده شغل حر أو ممتلكات → النفقة هتكون أعلى
✅ لو دخله محدود أو ظروفه صعبة → النفقة بتتحسب بما لا يضر الزوج، لكن برضه تضمن حياة كريمة للزوجة والأولاد .

🔹 نفقة الزوجة بتشمل:
الأكل والشرب - اللبس - العلاج - السكن

وكل ده حسب مستوى المعيشة المناسب ليها ومكانتها الاجتماعية

🔹 نفقة الأطفال (الصغار) بتشمل:

أكل وشرب - ملابس - مصاريف مدارس - علاج

وكمان الترفيه المناسب لسنهم

والمحكمة لما بتحسب النفقة بتشوف:

دخل الزوج (سواء رسمي أو غير رسمي)

أملاكه (شقة، عربية، مشروع..)
وأحيانًا بتسمع لشهود من الجيران أو المعارف علشان تقدّر حالته بدقة
🛑 النفقة مش فضل من الزوج، دي حق شرعي وقانوني للزوجة وللأولاد
والمحكمة بتحميهم، حتى لو الزوج بيحاول يخفي دخله .

للاستشارات القانونية والتواصل ...
012 06334002

19/06/2025

يعني إيه "حبس مع إيقاف التنفيذ"؟ هو القاضي بيهزر؟ ما يدي براءة وخلاص؟

بص يا سيدي، لما القاضي يحكم عليك بالحبس مع الإيقاف، ده معناه إنك مدان فعلاً بس المحكمة شايفة إنك مش مجرم خطر... يعني شافت إن أخلاقك كويسة، أو سنك صغير، أو ظروفك تستاهل فرصة.

فبتقولك:
هحبسك… بس مش دلوقتي، لو عدّت 3 سنين من غير ما تغلط تاني، الحكم ده كأنه محصلش!

لكن لو غلطت في التلات سنين دول، وارتكبت جريمة تانية، المحكمة بتفعّل الحكم القديم فوق الجديد!

يعني إيه؟
يعني هتاخد العقوبتين سوا!

فاهم ليه بقى الحكم ده مش براءة؟
البراءة = براءة
لكن الإيقاف = فرصة أخيرة!

18/06/2025

بمنتهى البساطه الفرق بين الوصاية و القوامة و الولاية في قانون الأحوال الشخصية المصري👇👇👇👇
✅ الولاية:👇

هي إدارة شؤون القاصر الشخصية والتعليمية والدينية (زي التعليم، العلاج، اختيار المدرسة...).

بتكون للأب أولًا، ولو مات الأب تنتقل للجد بعده حسب ترتيب معين و في الغلب بتكون في الفرع المذكر القريب من القاصر .

بتتعلق بـ"شخص" القاصر مش بماله.

📌 مثال: أب بيختار مدرسة ابنه، أو بياخده للطبيب.

✅ الوصاية:👇👇

هي إدارة وحفظ مال القاصر.

بتُعين وصي إذا توفي الأب وكان في أموال للقاصر.

الأم غالبًا بتبقى وصية على مال أولادها القُصر بعد وفاة الأب او أعمام القاصر (بقرار من المحكمة).

📌 مثال: أم بتبيع أرض باسم ابنها القاصر بعد موافقة المحكمة.

✅ القوامة:👇

بتكون على شخص كبير السن أو غير قادر على التصرف بسبب عجز عقلي أو ذهني.

القيم بيُعينه القاضي لإدارة شؤون الشخص العاجز سواء كان شخصية أو مالية.

بتخص البالغ غير المميز أو المجنون أو المعتوه.

📌 مثال: أخ كبير بيتعين قيم على أخوه المجنون لإدارة ماله ومعيشته.

لمزيد من الاستشارات القانونية يرجى التواصل معنا
012 06334002

16/06/2025

🔹 "صحة التوقيع ولا الصحة والنفاذ؟ متغلطش الغلطة اللي بتضيع الحق!"

📌 كتير بنسمع عن:

🔸 دعوى صحة توقيع
🔸 دعوى صحة ونفاذ

بس يا ترى... إيه الفرق ما بينهم؟ 🤔
وإمتى أرفع دي؟ وإمتى أرفع التانية؟

خليني أوضحلك ببساطة:

---

🔹 أولاً: دعوى صحة التوقيع
✅ هدفها: إثبات إن الطرف التاني هو اللي مضى على العقد بإيده.
❌ المحكمة ما بتراجعش العقد ولا بتتدخل في بنوده.
👈 بتعملها لو خايف الطرف التاني ينكر توقيعه على عقد عرفي بعدين.

---

🔹 ثانياً: دعوى الصحة والنفاذ
✅ المحكمة هنا بتراجع العقد بالكامل
📌 بتتأكد إنه صحيح قانونياً وقابل للتنفيذ.
📜 الحكم بيمكّنك من تسجيل العقد أو إلزام الطرف التاني بتنفيذه.

---

🔸 طيب... إمتى أعمل كل واحدة؟

❓ صحة التوقيع؟
✅ لما تكون خايف من إنكار التوقيع على عقد عرفي.

❓ الصحة والنفاذ؟
✅ لما يكون هدفك تنفيذ العقد فعلياً أو تسجيله في الشهر العقاري.

---

مثال عملي:
لو اشتريت شقة بعقد عرفي:

تعمل صحة توقيع لو بس عايز تثبت إن البائع مضى.

تعمل صحة ونفاذ لو عايز تسجل الشقة أو تنقل الملكية رسمياً.

---

❓ هل لازم أعمل صحة ونفاذ في كل عقد؟
❌ لا، في حالات مش محتاجة، زي:

لو العقد موثق في الشهر العقاري.

أو تم تنفيذه فعليًا ومفيش نزاع.

أو الطرف التاني مش رافض التنفيذ ولا بينكر البيع.

---

الخلاصة:

🔸 صحة التوقيع = إثبات إن التوقيع سليم، بس مش دليل على صحة البيع أو نقل الملكية.
🔸 الصحة والنفاذ = مراجعة كاملة للعقد وإلزام بتنفيذه رسمياً.

10/06/2025

📌 يعني إيه نفقة عدة ونفقة متعة؟ وإمتى الزوجة تستحقهم؟
خلينا نبسط المفاهيم دي بكل سهولة 👇

نفقة العدة:
دي نفقة بتستحقها الزوجة بعد الطلاق عشان تقدر تعيش منها خلال فترة العدة (واللي مدتها ٣ شهور غالبًا).
✅ الشرط؟ إن الطلاق يكون حصل بعد دخول فعلي بين الزوجين.

نفقة المتعة:
دي تعويض للزوجة عن الطلاق، وبيتم تقديرها حسب دخل الزوج وظروف الطلاق.
✅ تستحقها الزوجة لما الطلاق يتم بإرادة الزوج المنفردة ومن غير سبب راجع ليها.

❌ إمتى الزوجة ما تستحقش النفقتين؟

1- لو الطلاق كان قبل الدخول (في الحالة دي مفيش عدة أصلاً).

2- لو الزوجة هي اللي طلبت الطلاق من غير سبب يرجع للزوج.

3- لو صدر ضدها حكم نهائي بالنشوز 🚫.

🧱طيب بيتحسبوا إزاي؟
🔹 نفقة العدة = النفقة الشهرية × ٣ شهور.
🔹 نفقة المتعة = النفقة الشهرية × ٢٤ شهر (وفي حالات بتوصل لـ ٥٠ شهر أو أكتر حسب تقدير المحكمة).

⚖️ والقاضي هو اللي بيحدد المبالغ بناءً على:
✅ دخل الزوج
✅ مدة الزواج
✅ سبب الطلاق
✅ حالة الزوجة الاجتماعية

04/06/2025

📌إيه الفرق بين "الملكية الأدبية" و"الملكية الصناعية"؟

🔖الملكية الفكرية مش نوع واحد... دي نوعين رئيسيين لازم تفرق بينهم 👇

🏷️الملكية الأدبية

دي اللي بتحمي الإبداع العقلي، زي:
🔹الكتب والروايات
🔹الأفلام والموسيقى
🔹البرمجيات
🔹الرسوم والتصاميم

✅ بتحمي المؤلف من أول لحظة يبدع فيها عمله، حتى بدون تسجيل رسمي.

🏷️ الملكية الصناعية

ودي بتحمي الأفكار التجارية والابتكارات، زي:
🔹براءات الاختراع
🔹العلامات التجارية
🔹النماذج الصناعية
🔹الأسماء التجارية

✅ لازم تسجيل رسمي في أغلب الحالات، وبتدي حماية قانونية أقوى عند النزاع.

💡معلومة مهمة:
في بعض القوانين العربية، الملكية الأدبية بيطلق عليها كمان حقوق المؤلف، وبيفصلوا بينها وبين حقوق الملكية الصناعية بشكل قانوني مستقل.

⏳ مدة الحماية القانونية؟
▫️حقوق الملكية الأدبية عادة بتستمر مدى حياة المؤلف + من 50 إلى 70 سنة بعد وفاته (حسب القانون المحلي والدولي).

▫️أما الملكية الصناعية فمدتها محددة ومشروطة بالتجديد:

▪️براءة الاختراع: 20 سنة
▪️العلامة التجارية: 10 سنوات (قابلة للتجديد)
▪️النموذج الصناعي: غالبًا 10 سنوات

📌 فين بتسجّل حقوقك؟🏛️
🔖الملكية الأدبية غالبًا بيتم تسجيلها في جهات زي "هيئة حقوق المؤلف" أو وزارة الثقافة (في بعض الدول التسجيل غير إلزامي لكنه مفيد جدًا عند النزاع).

🔖الملكية الصناعية لازم تسجّلها في مكاتب حماية الملكية الصناعية التابعة للدولة، زي:
🏷️جهاز تنمية الابتكار (في بعض الدول)
🏷️مكتب العلامات التجارية
🏷️هيئة براءات الاختراع