مكتب المستشار ياسر هريدي للمحاماة والاستشارات القانونية

28/05/2026

يتقدم مكتب ياسر هريدي للمحاماة والاستشارات القانونية
بأصدق التهاني وأطيب الأمنيات
بمناسبة عيد الأضحى المبارك،
سائلين المولى عز وجل أن يعيده عليكم وعلى أسركم الكريمة
بالخير واليُمن والبركات،
وأن يديم عليكم الصحة والسعادة وراحة البال.
وكل عام وأنتم بخير 🌙

15/07/2025

05/07/2025

اخر اخبار وتعديل قانون الإيجار القديم
سوف يتم نشر القانون ان شاء الله يوم الاحد في الجريدة الرسميه وهنا النص الكامل لقانون الإيجار القديم بعد موافقة مجلس النواب عليه نهائيا وهو :_
وافق مجلس النواب نهائيا على مشروع قانون الحكومة بشأن تنظيم العلاقة بين المؤجر والمستأجر، والمعروف بـ«قانون الإيجار القديم».

المادة (1)
تسري أحكام هذا القانون على الأماكن المؤجرة لغرض السكنى، والأماكن المؤجرة للأشخاص الطبيعيين لغير غرض السكنى، وفقا لأحكام القانونين رقمي 49 لسنة 1977 و136 لسنة 1981.
المادة (2)
تنتهي عقود إيجار الأماكن الخاضعة لهذا القانون لغرض السكنى بانتهاء مدة سبع سنوات من تاريخ العمل به، وتنتهي عقود الإيجار للأشخاص الطبيعيين لغير غرض السكنى بانتهاء مدة خمس سنوات من تاريخ العمل به، ما لم يتم التراضي على الإنهاء قبل ذلك.
المادة (3)
تشكل بقرار من المحافظ المختص لجان حصر في نطاق كل محافظة لتقسيم المناطق إلى:
▪️مناطق متميزة
▪️مناطق متوسطة
▪️مناطق اقتصادية
مع مراعاة المعايير التالية:
1️⃣ الموقع الجغرافي وطبيعة المنطقة
2️⃣ مستوى البناء ونوعية المواد
3️⃣ المرافق (مياه، كهرباء، غاز، تليفونات)
4️⃣ شبكة الطرق والخدمات
5️⃣ القيمة الإيجارية السنوية للعقارات
وتنتهي هذه اللجان من أعمالها خلال 3 شهور، ويجوز تمديدها مرة واحدة بقرار من رئيس الوزراء، ويصدر قرار المحافظ بنتائج أعمالها وينشر في الوقائع المصرية ويعلن بوحدات الإدارة المحلية.
المادة (4)
اعتبارًا من استحقاق الأجرة التالية لتاريخ العمل بالقانون:
▪️ المناطق المتميزة: 20 ضعف القيمة الحالية، بحد أدنى 1000 جنيه
▪️ المناطق المتوسطة: 10 أضعاف، بحد أدنى 400 جنيه
▪️ المناطق الاقتصادية: 10 أضعاف، بحد أدنى 250 جنيه
وحتى انتهاء عمل اللجان، يلتزم المستأجر بسداد 250 جنيه شهريا لحين صدور قرار المحافظ بقيم الأجرة الجديدة.
المادة (5)
بالنسبة للأماكن المؤجرة للأشخاص الطبيعيين لغير غرض السكنى، تصبح الأجرة 5 أضعاف القيمة الإيجارية السارية من تاريخ استحقاق الأجرة التالية لتاريخ العمل بالقانون.
المادة (6)
تزداد القيمة الإيجارية المحددة وفق المادتين 4 و5 بنسبة 15% سنويًا بصفة دورية.
المادة (7)
يلتزم المستأجر أو من امتد إليه عقد الإيجار بإخلاء المكان في نهاية المدد المحددة بالمادة (2) أو في الحالات التالية:
1️⃣ ترك المكان مغلقًا أكثر من سنة دون مبرر
2️⃣ امتلاك المستأجر أو من امتد إليه العقد وحدة صالحة للاستعمال بذات الغرض
ويجوز لقاضي الأمور الوقتية إصدار أمر بالطرد مباشرة دون الإخلال بالتعويض، ويحق للمستأجر رفع دعوى موضوعية دون وقف قرار الطرد.
المادة (😎
يحق لكل مستأجر أو من امتد إليه العقد، قبل انتهاء مدة السبع سنوات، التقدم بطلب لتخصيص وحدة بديلة (سكنية أو غير سكنية) بالإيجار أو التمليك من الوحدات التابعة للدولة، مع إعطاء الأولوية للفئات الأولى بالرعاية وعلى رأسهم المستأجر الأصلي وزوجه ووالديه.
ويصدر رئيس الوزراء قرارا ينظم إجراءات التخصيص وترتيب الأولويات خلال 30 يومًا من بدء العمل بالقانون، على أن يتم توفير الوحدة البديلة قبل عام من انتهاء مدة العقد.
المادة (9)
تلغى القوانين التالية اعتبارًا من اليوم التالي لانتهاء مدة الـ7 سنوات:
▪️ القانون 49 لسنة 1977
▪️ القانون 136 لسنة 1981
▪️ القانون 6 لسنة 1997
▪️ وأي نص يخالف أحكام هذا القانون
المادة (10)
ينشر هذا القانون في الجريدة الرسمية ويعمل به من اليوم التالي لتاريخ نشره.

المستاجر حضرتك حتدفع 250ج لمده 3شهور ولضمان حق المالك تكتب في الايصال من فوق مع الاحتفاظ بكافه حقوقي القانونيه بالفارق
واللي حيقرره المحافظ وبعد ثبوت القرار وتحديد الايجار حيتقسط الفرق علي 3شهور اخرى وبعدكده حتستقر لمده سنه وبعد كده 15%سنويا لمدة ال7سنوات واذا اتوفقتم مع صاحب العقار أن شاء الله 100سنه مافيش مشكله وفي حالة عدم التوفيف مع المالك نصيحه التقديم فورا علي شقق الحكومه لان لك الاولوية وتمليك احسن من الايجار والله وحيكون قسطها مخفض عشان حل المشكله .

وشكرا جزيلا......
مكتب المستشار ياسر هريدي للمحاماة والاستشارات القانونية
المستشار ياسر هريدي

28/09/2024

أعلنت وزارة التنمية المحلية خطوات استخراج تراخيص المباني بعد إلغاء اشتراطات البناء الصادرة في عام 2021، والعودة إلى العمل بقانون البناء رقم 119 لسنة 2008، إذ جرى اختصار وتبسيط الإجراءات للتيسير على المواطنين، وقال الدكتور خالد قاسم مساعد وزير التنمية المحلية، إنه جرى اختصار إجراءات استخراج رخصة البناء في المدن من 15 خطوة إلى 8 فقط، تيسيراً على المواطنين بمختلف المحافظات ودعم حركة العمران، التي يبدأ العمل بها من الغد.

تتضمن خطوات استخراج رخصة البناء الحصول على بيان صلاحية الموقع للبناء من المركز التكنولوجي، واتباع الـ7 إجراءات التالية بلحصول على ترخيص المباني، كالتالي:

- تقديم طلب التعاقد مع المهندس نقابى وتقديم الرسومات الهندسية وفق القانون ، مع المستند الدال على ملكية الأرض

- تقديم وثيقة تأمين في الحالات الخاضعة للتأمين.

- مراجعة ملف الترخيص من خلال المركز التكنولوجي لمطابقة الرسومات والتصميمات لضوابط البناء.

- تسليم صورة التعاقدات مع المهندس والمقاول للمركز التكنولوجي.

- مراجعة ملف الترخيص عن طريق لجنة فحص مشكلة بالوحدة المحلية برئاسة رئيس الوحدة مع تحديد رسوم الترخيص.

- يسدد المواطن الرسوم ثم يجري إصدار الترخيص معتمدا من رئيس الوحدة وممهور بخاتم الجهة الإدارية خلال 48 ساعة من تاريخ سداد الرسوم.

مدة إصدار ترخيص البناء
- مدة إصدار ترخيص البناء 26 يوما، قدت تصل إلى 40 يوماً في الحالات التي تتطلب وثيقة التأمين.

27/07/2024

😁😁⚖️ والله داه فعلا بيحدث بالفعل🤣🤣🤣
يعني إنتي عايزة تتطلقي منه عشان شحات ومش لاقي ياكلك والا يصرف عليكى ؟

ايوه صح يا أستاذ

وفي نفس الوقت عايزة تاخدي منه نفقة كبيره عشان هو ميسور الحال وعنده عقارات وفلوس ودهب وياقوت ؟

أيوة بالظبط كده الله ينور عليك يا أستاذ

لأ ده الله ينور عليكي إنتي 😂

14/07/2024

كلام جميل وصعب على أي راجل بجد في حوار يدور بين زوج ثم أصبح اب ثم أصبح طليق ماما ثم أصبح خصما في جميع محاكم الأحوال الأسرية والجنائية والمدنية
!!!!!!!!!!!!!!!!!!!!!!!!!!!!!!!!!!!!!!!!!!!!!!!
- اللي مايصرفش على عياله يبقى نطع وعديم الرجولة.
• صح يا أستاذة.
- ولما هو صح.. مابتصرفش على عيالك ليه يا استاذ 😒
• هو انا عندي عيال ؟؟
- مش انت كنت متجوز وعندك ولد وبنت.. انت هتمثل عليا 😑
• آه تقصدي عيال على الورق.. منا بدفع النفقة كل شهر
- انت بتسمي النفقة دي فلوس .. كفى بالمرء إثماً أن يضيع من يعول.. اتقوا الله يا ذكووووور
• طب بصي بقى 👇
* ابني اللي لازم ارفع قضية عشان اشوفه 3 ساعات ف الأسبوع في مكان شبه السجن.. ده لو الهانم جت.. ولازم كل مرة خناقة وشتيمة وبهدلة.. وتقوله تف على بابا واشتمه .
* ابني اللي مليش حق اعرف حاجة عن تعليمه ولا اختار مدرسته ولا اقدر اروح اسأل المدرسين عنه..
* ولا تقصدي ابني اللي لو حد زعله في المدرسة مش هعرف اروح اسنده واكبره واجيبله حقه.. واصحابه يعايروه انه معندوش بابا زيهم..
* ولا ابني اللي معرفش اربيه واعلمه الصح واكافئه لما يعمل حاجة صح واعاقبه لما يغلط .
* ابني اللي مش عارف ابقى جنبه في سن المراهقة واعلمه يبقى راجل.. اقفشه ريحته سجاير واعرفه مخاطرها وابعده عنها..
* ابني اللي مش عارف افطر معاه يوم في رمضان ولا عمري شوفته في العيد.. ولا يعرف حد من أهلي..
* طب تقصدي بنتي اللي بتكبر بعيد عن عيني وبسمع ان البنت بتكون روحها في أبوها بس هي شاربة كُرهي ومابتحبش تشوفني برغم اني هموت واخدها في حضني.
* ولا بنتي اللي مش من حقي اعترض على لبسها لو مش محترم.. ولا اعترض على تأخيرها برة البيت.. ولا من حقي اقبل أو ارفض عريسها لو هتتجوز ولا هتاخد رأيي أصلاً..
** ابني وبنتي اللي هيرفعوا عليا قضايا نفقات وأجور وياخدوا ضدي أحكام بالحبس لو اتأخرت في السداد.. لا عمرهم سألوا عني ولا يعرفوا أخباري ولو مت بكرة محدش فيهم هيحضر جنازتي.. هما دول عيالي؟؟
• انا بالنسبة لهم كارت فيزا مش أكتر.. امهم اختارت طريق المحاكم ورفضت اني اشوفهم بالود.. فانا ملتزم بحكم المحكمة في النفقة ولو أطول مدفعش خالص مش هدفع..
• عايزين تمشوا بالدين، فالدين اللي فرض النفقة على الأب للعيال فرض بر الوالدين عليهم.. فرض صلة الرحم عليهم..
(أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ).
• أو تمشوا بالقانون فتخرسوا خالص وتكتفوا بحكم القانون ومسمعش صوت واحدة ناشز حاقدة قاطعة أرحام كل شوية تقول آية أو حديث وعاملة نفسها مظلومة وهي ظالمة عيالها اكتر من ابوهم وبتتاجر بيهم.
مشاكل الأسرة أصبحت فجة في ظل قوانين أقل ما يقال فيها ظلم وتعنت وضد الشرع من الأساس .
مش معني أن الست كان ليها ست قبل كده وضعت قوانين علي هواها الله لا يسامحها خالفت بيه جميع الاعراف والأديان أننا نستمر عليها اين رجال الدين من ذلك .
انهارت البيوت وانهار المجتمع بمساعدت ومساندت القانون بعيدا عن الأخلاق والشرع والأمثلة عديدة جدا فوق تصور البشر المحاكم مليئة بقضايا تقشعر لها الأبدان وأصبحت السيدات قوامون علي الرجال حرفيا .
اللهم اغثنا وأعل كلمة الحق والدين وسنن نبيك محمد عليه الصلاة والسلام .
@@@@@@@@@@@@@@@@@@@
ورجاء من كل اب وام وأخ واخت ومحامي زميل
ان تتقي و تراعى الله في تربية أبنائك وفي عملك وأن تخاف الله وتعلم جيدآ انك كما تدين تدان في كل من خرب بيت أو ساعد في خرابه.
أصبحت الآن المحاكم لسيت كافية على النزعات الأسرية وعلي خراب البيوت .

04/07/2024

( أسئلة هامة وأجاباتها عن كل ما يخص )
( قائمة المنقولات الزوجية )
========================
قائمة المنقولات الزوجية ... علشان كتير بيسأل السؤال ده .. هل أنا من حقى اخد الفلوس إلى مكتوبه فى القائمه بدل العفش ولا لا وخصوصا لو كان المبلغ أكبر من المنقولات ..؟؟؟ القانون قال إن الأصل هو رد المنقولات بعينها ... بمعنى ايه ؟؟ يعنى المفروض أن الزوج كتب قائمة منقولات علشان هو استلم منقولات مش استلم فلوس أو مبالغ ماليه ... فالمفروض ان الزوج استلم المنقولات وتعهد بردها يبقى المفروض يردها بحالتها مش يرد قيمتها ... طيب امتى الزوج يكون ملتزم برد قيمة القائمة أو المبلغ إلى فى القائمة ... ؟ قولنا أن الأصل أن الزوج يرد المنقولات ولكن فى حالة تلفها أو هلكها أو تعذر ردها ... يبقى فى الحاله دى الزوج ملزم برد قيمتها الماديه ... طيب يعنى لو فى حاجه فى القائمة مش موجوده يبقى يرد كل المبلغ ..؟ لا طبعا الزوج بيرد قيمة الحاجه إلى ناقصه فى القائمة إنما لو الحاجات إلى فى القائمة كلها مش موجوده يبقى فى الحاله دى الزوج ملزم برد قيمة القائمة كلها ... طيب ولو فيه حاجات ناقصه ومش مكتوب ثمنها ؟ يبقى فى الحاله دى حنطلب خبير يحدد ثمن الحاجه إلى ناقصه ويجب على الزوج عرض ذلك المبلغ ... طيب ولو الزوج عرض منقولات غير الى استلمها .. ؟ يبقى بردو فى الحاله دى الزوجه من حقها الامتناع عن الاستلام وطلب ندب أحد الخبراء لمعاينة تلك المنقولات ولها أن تثبت صحة أقوالها بكافة طرق الإثبات ... يعنى الأصل فى الموضوع هو رد المنقولات وليس رد ثمنها
-------------------------------------------------------
س: متى تفقد القائمه حجيتها القانونيه و تصبح مجرد حبر على ورق !؟
ج: لو موقعتش عليها من الأول
س: فى نص معين لو اتكتب يخل بالمعنى !!
ج: ممكن تكتب في القائمه ان ما ورد بقائمه المنقولات يعتبر مهر للعروس
س: ده هيترتب عليه اى
ج: لو كتبت أن القائمة بالكامل أو حاجات معينة فيها هي المهر فالزوجة لو رفعت خلع فهي ملزمة برد المهر لك بالكامل يعني هي اللي تديلك القايمة كلها بما فيها الدهب لو مكتوب لكن لو أنت اللي طلقتها يبقى هتديلها القايمة كلها.
* الافضل تكتب قيمة المهر في قسيمة الجواز وتعلق القائمة علي شرط الاستحقاق لاتستحق الاحين بلوغ اي من الاجلين الوفاة او الطلاق وبلاش شروط كتير لان مش كلها بتمشي بيها لانها ايصال امانة في الاصل وانك استلمتها علي سبيل عارية الاستعمال مش علي سبيل الامانة وده افضل
----------------------
س: ما العمل استاذنا في حالة تحرير محضر بالقايمة ثم تم التصالح هل تصبح القايمة هي والعدم سواء
ج: نعم ولكن أن تم التصالح والرجوع على نفس المنقولات يحق لها إقامتها مره اخرى
س: هل يتم كتابة صيغة معينة للتصالح ام يتم كتابة القائمة من جديد وشكرا
ج: لو كان الإقرار بالتصالح فقط دون ذكر أنها رجعت على نفس المنقولات يبقى لازم قائمه جديده تفاديا لعدم جواز نظر الدعوى لسابقة الفصل فيها
س: ممكن توضح النقطه دي اكتر يا استاذ محمد يعني لو رجعت علي نفس المنقولات يبقي لازم قايمه جديدن تفاديا لعدم جواز نظر الدعوي السابقه .. احنا اتصالحنا في الدعوي السابقه ورجعت بنفس المنقولات ورفعت دعوي تاني هي بنفس القايمه السابقه
ج: لو مثبت فى التصالح أنها رجعت على نفس المنقولات يجوز لها أن تشتكى مره اخرى بنفس القائمه
---------------------
س: أحد الأشخاص حدث خلاف وليس طلاق بينه وبين الزوجه وكان شرط الرجوع الامضاء على قائمه منقولات جديده بمبلغ أكبر اى وحده يعدد بها القديمه ام الجديده ام الاثنين .
ج: الاتنين
س: حتى لو التاريخ مختلف فى الاخيره عن تاريخ الأولى احدث يعنى ؟
ج: مافيش مانع قانونى ... لازم القاضى يقتنع بأن المنقولات واحده وده حيكون شغل المحامى
س: يعنى لو القائمه الجديده مختلفه وازيد بيكون فى راىء آخر
ج: أكيد
---------------------
س: هل النفقة الزوجية غير نفقة السنتين اللى الزوجة بتاخدها بعد الطلاق؟ولا هيه هيه
ج: نفقة الزوجيه حاجه والمتعه حاجه تانيه
---------------------
س: يعنى لو الزوجه ساعت عرض المنقولات قالت على بعض المنقولات دى مش بتاعتى ساعتها بتتخزن في القسم على نفقتها ولا الزوج بيحملها تانى ويمشي؟
ج: الزوج بيحملها ويمشي وممكن تقديم طلب لايداعها على نفقتها الخاصه
---------------------
س: ماذا يحدث لو قام الزوج باجبار الزوجة القاصر علي ان تتنازل عن قائمة المنقولات في ورقة بإمضاءها
ج: جنايه إكراه على توقيع ويعد التنازل باطل
---------------------
س: معذره.ولكنى.قرات.مبدا.لمحكمة.النقض.بسقوط.الشق.الجناءى.والحبس.فى.جنحة.التبديد.المنقولات.
ج: للأسف دى اتجاهات قضاه وليس مبدأ ثابت ولكل قضيه ظروفها
س: هل.لها.الحق.فى.استرداد.المنقولات.والحياه.الزوجيه.قاءمه.
ج: نعم يحق لها ذلك
---------------------
س: لو الزوج عمل معارضه على الحكم الغيابى وإترفضت كده الزوجه تستلم العفش ولا ممكن يعمل حاجه تانى
ج: لسه استئناف ولو ماحضرش يعمل معارضه استئنافية
س: والكلام ده بياخد وقت
ج: كل قضيه وليها ظروفها يافندم
--------------------
س: لو مفيش قايمة من الأصل وانى القايمة الموقع عليها قايمة أفتراضية ايه طريقه خروج الزوج من هذا المأزق؟
ج: يعنى ايه افتراضيه ؟؟
س: افتراضية يعنى صورية يعنى لم يتم شراء اى اثاث ولا يوجد شقة زوجية وان ماكتب هو اثاث غير واقع باسعار صورية
ج: لازم تثبت ده قدام القاضى وغالبا حيكون صعب
س: ايه الاثباتات اللى ممكن تتقدم فى هذه الحاله علما بأننا أقمن فى فندق بعد الزواج مباشره وبعدين روحنا على السعودية
ج: واقعت التسليم واقعه ماديه يجوز إثباتها بكافة طرق الإثبات
س: يعنى أوراق حجز الفندق والاقامه فيه وصور من جوزات الصفر والحجوزات وشهود يثبتوا عدم وجود عفش وسكن زوجية يكفي
ج: المهم القاضى يقتنع بكده
-------------------
س: ممكن اعرف لو الزوج مخلوع والزوجة بتاخد نفقه بس هوه مش بيدفع ايه إللى ممكن البنك ناصر يعمله
ج: بيحرك ضده جنحه تبديد
-------------------
س: لو قائمة المنقولات. اتعمل بيها جنحة تبديد..واتحكم فيها بالحبس..والزوج نفذ...هنا الزوجه بترجع علي الزوج بدعوي مدنيه وتطلب قيمة المنقولات الزوجيه المدونه بالقايمه..مش بتطلب المنقولات نفسها...ولا ايه راي سيادتك
ج: بتطلب المنقولات وفى حالات تعذر ردها أو هلكها بتطلب قيمتها الدعوى اسمها رد اعيان جهاز
------------------
س: مش ممكن العروسه تقول العفش ده مش بتاعى...او متكسر..وعايزه قيمته بداله
ج: المحكمه بتندب خبير وبيحدد
------------------
س: ف حكم اول درجه الزوج اخد سجن ٦ شهور واحال الدعوة للحق المدني حكم بقرش صاغ وف الاستئناف طلب الزوج عرض المنقولات وتم تسليمها بالفعل لكن ما عدا الذهب والقاضي حكم فيها بعد ذلك ببراءته من تسليم الذهب هل كدة ليا خق ارفع الدعوي المدنيه ولا حتترفض لو رفعتها علشان البراءة الي اخدها
ج: حسب حيثيات الحكم الصادر بالبراءه
-------------------
س: لو سمحت ينفع اقسط تمن اجمالي القايمه ولو ينفع بيكون كل اد ايه وكام
ج: ماينفعش
س: طيب ايه الحل المبلغ كله مش معايه والحاجات مش موجوده علشان حصل حريق في الشقه والفرش كله اتغير
وللاسف معملتش محضر بواقعه الحريقه
ج: أثبت ده بشهادة الشهود
س: ولو اتثبت هيقسط عادي وانا بعرف ان حوار القسط ده بيكون مع المحضرين
ج: لو رافعه جنحة تبديد مافيش اقساط
--------------------
س: طب اذا الزوج لم بستلم المنقولات لكنه مضي وقامت الزوجه برفع دعوي بالقابمه فما العمل؟؟
ج: يثبت أنه لم يستلم وينتفى ركن التسليم
س: طب الاثبات ممكن يكون بتوجيه اليمين الحاسمه
ج: ممكن
س: ماهى صحه معلومه انه لايجوز توجيه اليمين الحاسمه فى دعوى المنقولات
ج: غير صحيحة ومن قال هذا يأتى بالسند القانونى.. واقعه التسليم واقعه ماديه يجوز إثباتها بكافة طرق الإثبات من بينها توجيه اليمين
-------------------
س: لوسمحتم لو أخذ الزوج الذهب وباعه ولم يكتب بذلك أى إثبات فكيف يمكن للزوجة أن تأخذه منه ولكم الشكر
ج: هل الذهب مثبت بقائمة المنقولات أو هناك فواتير بذلك ؟
س: نعم توجد فاتورة مقيد بها عدد الجرامات والثمن
ج: من حقك بموجب الفاتورة إقامة دعوى استرداد
س: طب يرجع تمن الذهب اللى مكتوب فى القايمة ولا بالسعر الماشى وقت رفع الدعوى؟ علما بأن الأسعار إرتفعت أضعاف
ج: لو إلى مكتوب فى القائمة جرامات فقط يبقى ملزم يرده جرامات ولو مكتوب جرامات وفلوس يبقى ساعتها على حسب اختيار الزوج
س: طيب ما الزوجه ممكن تجيب فاتورة من اي جواهرجي معرفه
ج: ماهو حضرتك ممكن تطعن بالتزوير عادى بردو
-----------------
س: طيب انا دخلت شقتى لقيت معظم حاجتى مش موجوده ووالدته اخدها يبقى مفروض يدفع ثمنها؟
ج: لو مثبتين بالقايمة اشتكى بالقائمة .. لأنه ممكن يعرضهالك
-----------------
س: لو الزوجه اخدت الدهب واتهمتنى بسرقته علشان تاخد تمنه تانى اعمل ايه
ج: اطلب إحالة الدعوى للتحقيق وهات شهود بكده
----------------
س: انا عندى جلسة متجمد نفقة والصيغة التنفيذية فى البنك لانى باخد النفقة من البنك كدة المتجمد مش هاخدة علشان الصيغة التنفيذية مش معايا
ج: لازم تقدمى أصل الصيغه التنفيذية فى الدعوى.. حاولى تروحى البنك تاخديها وتكتبى إقرار انك حترديها
---------------
س: طب لو القائمه من 15 سنه وقيمتها 20 الف جنيه والزوج مش عارض المنقولات وعارض قيمتها هل ف الحاله دي يتحكم ب 20 الف جنيه ولا القاضي بيحكم بالقيمه ف الوقت الحالي
ج: بالمبلغ الثابت بالقائمة
-----------------
س: يعنى اى قائمه صوريه وماهى انواع القائمه وما هى درجات الحكم فيها وشكرا لحضرتك وفريق العمل
ج: قائمة صوريه يعنى الزوج ما استلمش اصلا المنقولات إلى مكتوبه
-----------------
س: طب لو الزوجه رفضت استلام العفش ودى وبعد كده رفعت قضيه وبتساوم الزوج ع فلوس والفتره دى اى حاجه من المنقولات تلفت من الركنه مثلا هل برضو بعد الحكم ع زوج ملزم يجيب حأجات جديده غير الى تلفت
ج: حسب اتجاه واقتناع القاضى
-----------------
س: طيب لو انا معايا قائمه منقولات متسجل فيها كل شئ لكن مش محدده الاسعار للكل في حاجات سايباها فاضيه مش متسعره وهو ماضي عليها هل ينفع احط اسعار باقي الاشياء والا اعمل ايه
ج: ماينفعش اى إضافة بعد توقيع الزوج.. لو فيه قيمه اجماليه للقائمة يبقى خلاص مش لازم كل حاجه جمبها سعرها
------------------
س: لو الدهب مكتوب جرامات ومش مكتوب سعره وسعره من سنتين غير سعره دلوقتي هرد سعره زاي ماكان من سنتين ولا
ج: ملزم برده جرامات أو بسعره الحالى
س: طيب انا عرض الفرش وهي مش راضيه تاخده بتقوال مش بتاعي مع العلم انه مطابق للي مكتوب
ج: أطلب ندب خبير لمعاينة المنقولات
------------------
س: حضرتك ينفع تصوير المنقولات وارفاقها بالقائمه واثباتها فى بند بالقائمه حتى يتم الرجوع اليها عند الطلاق؟
ج: ممكن ليه لا
-----------
وشكرا لحضراتكم
اخوكم / ياسر هريدي _ المحامي
1229218032 0

11/06/2024

@@@@ الي زوجات السادة #المحامين
حضرتك لما تتجوزي #محامي لازم تخدي بالك من شويه حاجات بسيطه !!🙄

١. لما يقول خلصت شغل وجاي فيها علي الاقل ٣ ساعات.

٢. مش معني إن الجمعه أجازه إنه مش هيروح الشغل ، ده شئ طبيعي إنه يروح.

٣.ومش معني إنه يسافر مصيف إنه ما يشتغلش في التليفون ع الاقل.
٤.ومش معني إنه نايم معناها إنه ميفكرش في حل مشكله او قضية معينه ممكن تلاقيه بيكلم نفسه وفي بعض الأحيان ممكن يوجد حل لقضية وهو نايم.

٥.الشنطه بتاعته جزء لا يتجزأ منه زيها زي البنطلون إللي هو لابسه .

٦.متحاوليش تتناقشي معاه خاصتا لو قالك أنا ف الشغل خلي الاجابه أه أو لا لإنه بعد الشغل مش هيكون فاكر إنه كلمك أساسا.

٧.في وقت هتلاقيه باصص للسقف وسرحان هو مش بيلعب يوجا بس ده الوقت إللي هو قرر يلاقي حل لقضية أو مشكلة كبيره في شغله.

٨.لما حاجه تبوظ في البيت مش لازم كل ٦ شهور تفكري بيها هو بيكون عارف ومستني السنه المناسبه عشان يصلح فيها الحاجه ده.

٩.لما تساليه إنت ليه مردتش عليا ف التليفون أو الواتس ويقولة أنا رديت صدقيه هو مش بيكدب بس هو مستقبل حوالي ٢٠٠ مكالمه في اليوم وفاكر إن آنتي من ضمنهم.

المحامين محتاجين العطف عليهم ف متطلبيش منه آكتر من مصروفك إللي هو حدده مش معني إنه محامي إنه بيقبض باليورو بالعكس هو بيقبض بالجنيه عادي وساعات ممكن ميقبضش خالص وترسي علي شكراً يامتر ربنا يخليك لينا ودي بتحصل كتير .

👌👌👌