كشك وهويدي للمحاماة والاستشارات القانونية وخدمات المستثمرين

  • Home
  • Egypt
  • Alexandria
  • كشك وهويدي للمحاماة والاستشارات القانونية وخدمات المستثمرين

كشك وهويدي للمحاماة والاستشارات القانونية وخدمات المستثمرين .

بفضل من الله و توفيقه قضت اليوم محكمة جنايات الاسكندرية بالسجن المشدد لمدة عشرة سنوات لصالح موكلتنا المجنى عليها فى جريم...
28/04/2026

بفضل من الله و توفيقه قضت اليوم محكمة جنايات الاسكندرية بالسجن المشدد لمدة عشرة سنوات لصالح موكلتنا المجنى عليها فى جريمة تهديد عن طريق الانترنت
قام فيها المحكوم عليه بتهديد المجنى عليها بصور خاصة بوالدتها و طلب مبالغ مالية
و بالرغم من ان المجنى عليها و والدتها موجودين فى ليبيا الا اننا حررنا البلاغ بتوكيل منها و و الموبايل الخاص بيها اتبعتلنا عن طريق شركة شحن و تم فحصه فنيا و القضية اتحددلها جلسة و اتحكم عليه بالسجن من غير المجنى عليها ما تدخل قسم شرطة او نيابة او حتى تيجى مصر
لو اى شخص بيتعرض للابتزاز او التتهديد ميترددش انه يكلمنا و احنا هنساعده و الموضوع هيتم التعامل معاه فى منتهى السرية من غير ما اى حد يعرف حتى الجانى نفسه مش هيعرف بياناته
#اتكلمى #ابتزاز #تهديد

بفضل من الله و توفيقه قررت اليوم محكمة جنايات الاسكندرية احالة اوراق المتهم لفضيلة مفتى الديار المصرية لصالح موكلينا الم...
07/04/2026

بفضل من الله و توفيقه قررت اليوم محكمة جنايات الاسكندرية احالة اوراق المتهم لفضيلة مفتى الديار المصرية لصالح موكلينا المجنى عليهما فى جريمة قام فيها المتهم (مدرب كرة قدم) بهتك عرض المجنى عليهما الطفلين مستغلاً صغر سنهما (9 سنين - 11 سنة)
و الحمدلله بالرغم من ان تقرير الطب الشرعى مثبتش فيه وجود اصابات و اثار للاعتداء الا اننا قدرنا نثبت للمحكمة حصول الاعتداء و ان عدم وجود اثار بسبب ان المجنى عليهم مبلغوش حد بالجريمة الا بعد حصولها بفترة طويلة
الحمد لله المكتب اشتغل فى القضية دى متطوع دون ثمة اتعاب و ودون اى محاولة لاستغلال المجنى عليهم للدعاية للمكتب
انطلاقنا من دورنا المجتمعى و ايمانا مننا ان اى متحرش بيعتدى على طفل مكانه الطبيعى السجن ففى حالة اى قضية مشابهة فى الاسكندرية فاننا على اتم الاستعداد لتوليها دون اى اتعاب و من غير محاولة الدعاية على حساب المجنى عليهم و نفسيتهم
#تحرش #الاسكندرية

07/03/2026

الحمد لله تحصل مكتبنا من محكمة جنايات مستأنف فوه تحت قيادة السفير جورج انطون محامى الجنايات و النقض على حكم بالسجن المشدد لمدة خمس سنوات فى قضية قتل عمد مع سبق الاصرار قضت فيها محكمة اول درجة بالسجن المشدد ١٥ عام بعد الغاء حكم الاعدام بالرغم من كون محكمة الاستئناف سبق و ان حكمت على باقى المتهمين بالسجن المشدد ١٥ عام
#كفرالشيخ #قانون

الحمدلله تحصل مكتبنا اليوم على حكم بالبراءة من محكمة جنايات المنصورة الأقتصادية لجميع المتهمين (حتى مرتكب جريمة المصدر) ...
07/12/2025

الحمدلله تحصل مكتبنا اليوم على حكم بالبراءة من محكمة جنايات المنصورة الأقتصادية لجميع المتهمين (حتى مرتكب جريمة المصدر) فى جناية غسل أموال قدرت قيمتها بمبلغ 40 مليون جنيه بالرغم من سبق الحكم على المتهم الاول فى 3 جنايات جلب للمواد المخدرة من الخارج
#قانون #الاقتصادية

11/11/2025

الحمد لله تحصل مكتبنا بالامس على حكم من محكمة النقض بالغاء حكم بالطرد صدر بناءا على الغش و التواطؤ ضد موكلنا و ان شاء الله الحكم ليس الا بداية استردادنا لحقوق موكلنا . احمد عادل كشك المحامى

مفيش صايع مراته بتدخله محكمة الاسرة 😂😂😂بمناسبة الترند الكوميدى ان المحترمين بس اللى زوجاتهم بتدخلهم محكمة الاسرة و ان ال...
01/11/2025

مفيش صايع مراته بتدخله محكمة الاسرة 😂😂😂
بمناسبة الترند الكوميدى ان المحترمين بس اللى زوجاتهم بتدخلهم محكمة الاسرة و ان الصايع او البلطجى عمر مراته ما بترفع عليه قضايا اسرة
فبغض النظر عن الضحك و الكوميديا اه فعلا اللى بيترفع عليهم قضايا الاسرة هما اللى ممكن تقول عليهم محترمين أما الصايع و البلطجى مبيخشش محكمة الاسرة عشان ده لما مراته بتيجى ترفع عليه قضايا اسرة أما بيقتلها او بيشوهها فبنخش على محكمة الجنايات على طول
و هى عارفة ده و خايفة منه على طول و حصلت كتير الفترة اللى فاتت ان سيدات اتعرضوا للايذاء او القتل او التشويه على ايد جوزها او طليقها
فيا ريت منحولش مأساة كبيرة زى دى لحاجة نضحك عليها
#اتكلمى #تهديد

بمناسبة الفيديو المسرب لمغنية مشهورة و بغض النظر عن ظروف تصويره اللى متخصناش فى شىء الا ان الفيديو يلفت نظرنا لكذا حاجة ...
01/11/2025

بمناسبة الفيديو المسرب لمغنية مشهورة و بغض النظر عن ظروف تصويره اللى متخصناش فى شىء الا ان الفيديو يلفت نظرنا لكذا حاجة اولا ايا كان سياق العلاقة او درجتها بين اى اتنين فمينفعش انهم يصوروا محتوى خاص بيهم زى دا سواء كان فيديوهات او صور او حتى فويس نوتس و يحتفظوا بيه لاسباب كتير ابسطها ان ممكن الجهاز المخزن عليه المحتوى يتعرض للاختراق و يتسرب المحتوى أو ان العلاقة اللى بينهم تنتهى و احد الاطراف يبتز الطرف التانى بالمحتوى ده عشان العلاقة ترجع تانى او بهدف طلب مبالغ مالية أو حتى اقامة علاقة جنسية
و بنفكرك ان القانون بيجرم مجرد التهديد بنشر المحتوى ده بعقوبات مغلظة بتصل للسجن المشدد لمدة 15 سنة بغض النظر عن اى اعتبارات زى ان المجنى عليها بعتت الصور دى برضاها او انها كانت متجوزة وقت التصوير و اتطلقت او حتى لو كانت الصور و الفيديوهات دى كانت مرسلة لشخص غير زوجها طالما ان زوجها مطلبش تحريك دعوى الزنا
و فى النهاية لو اتعرضتى لتهديد بنشر اى شىء خاص بيكى متتردديش انك تتواصلى معانا و احنا هنساعدك تتخلصى من التهديد ده و المبتز يحصل على عقابه قانوناً
و متقلقيش كل ده ممكن يتم فى سرية تامة من غير اى حد ما يعرف انك حتى عملتى بلاغ
#اتكلمى #ابتزاز #تهديد

الحمدلله تحصل مكتبنا اليوم على حكم بالبراءة من محكمة جنايات مطروح اول درجة فى قضية هجرة غير شرعية و الاشتراك فى عصابة من...
07/10/2025

الحمدلله تحصل مكتبنا اليوم على حكم بالبراءة من محكمة جنايات مطروح اول درجة فى قضية هجرة غير شرعية و الاشتراك فى عصابة منظمة تقوم بتهريب المهاجرين غير الشرعيين
#قانون #هجرة #مطروح

حكم صادر لمكتبنا بالبراءة من محكمة جنايات كفر الشيخ فى جناية تزوير شهادة ميلاد و تزوير وثيقة زواج و تزوير فى استمارة احو...
01/10/2025

حكم صادر لمكتبنا بالبراءة من محكمة جنايات كفر الشيخ فى جناية تزوير شهادة ميلاد و تزوير وثيقة زواج و تزوير فى استمارة احوال مدنية و استخراج بطاقة ببيانات مزورة و تعدد ازواج و تغيير ديانة و انتحال شخصية فى اعادة اجراءات سبق و ان قضت فيها المحكمة بالسجن المشدد لمدة عشر سنوات
#تزوير #كفرالشيخ #قانون #محاماة #بيلا

الحمد لله انهارده و بعد تعب سنة كاملة محكمة استئناف عالى الاسكندرية حكمت بالغاء حكم محكمة اول درجة و القضاء مجدداً برفض ...
18/09/2025

الحمد لله انهارده و بعد تعب سنة كاملة محكمة استئناف عالى الاسكندرية حكمت بالغاء حكم محكمة اول درجة و القضاء مجدداً برفض دعوى الالزام و الزام المدعى بالمصروفات القضائية على مبلغ 3 مليون
الحكاية بدات من سنة لما كلمتنا موكلة و هى فى حالة انهيار عشان اتحكم عليها بالزام باداء مبلغ 3 مليون من غير ما تبقى عارفة حاجة عن الموضوع
صورنا القضية اكتشفنا ان صدر ضدها حكم بالزام بالمبلغ ده بصفتها وريثة لبنتها من غير ما تعرف بالقضية عن طريق اعلان شكلى اللى بيتقال عليه اعلان امريكانى يبقى كده الخصومة منعقدتش و حكم محكمة اول درجة باطل
دورنا فى الوضوع اكتشفنا ان بنتها كانت عاملة توكيل لطليقها و لغيته قبل ما تموت بسنين و دلوقتى واحد من اصحاب طليقها رفع دعوى بالزام بسداد مبلغ 3 مليون كجزء من عقد مضاه طليقها معاه بصفته وكيل عن بنتها و طليقها حضر و اقر بان الامضاء على العقد ده امضاءه بصفته وكيل عن طليقته
طبعا صورنا التوكيل لقيناه بيبيح التعاقد ده صورنا بعدها العقد لقيناه عقد عرفى محطوط عليه تاريخ قبل الغاء التوكيل بسنين بس متمش تقديمه فى اى مكان قبل كده و جهزنا مستندات تثبت وجود خلافات استعننا بالله و رتبنا ورقنا و عملنا استئناف و اتمسكنا فيه بعدم انعقاد الخصومة و بطلان حم محكمة اول درجة و اثبتنا ان موكلتنا مستلمتش اى اعلانات حكم اول درجة اتلغى و المحكمة قررت نظر الدعوى موضوعاً و اثبتنا للمحكمة التواطؤ بين الطليق و صاحبه و ان العقد ده متكتبش الا بعد ما التوكيل اتلغى بدليل ان ملوش تاريخ ثابت قبل الغاء التوكيل و اتمسكنا بنص المادة 15 من قانون الاثبات واللى بتنص على :-
لا يكون المحرر العرفي حجة على الغير في تاريخه إلا منذ أن يكون له تاريخ ثابت .
و انهارده و بعد تعب سنة كاملة محكمة استئناف عالى الاسكندرية حكمت بالغاء حكم محكمة اول درجة و القضاء مجدداً برفض دعوى الالزام و الزام المدعى بالمصروفات القضائية على مبلغ 3 مليون
و فى النهاية النصيحة اللى بننصحها للكل لما تلغى توكيل ابعت للوكيل انذار اطلب منه كشف بكل العقود اللى ابرمها بالتوكيل ده عشا ميجيش بعد كده يجيبحد يدعى عليك ان فى عقود اتكتبت قبل الغاء الوكالة و يلومك بيها
#قانون #توكيل #اعلان

Address

١٤٠ ش عمر لطفي/سبورتينج الصغرى
Alexandria

Opening Hours

Monday 3pm - 7pm
Tuesday 3pm - 7pm
Wednesday 3pm - 7pm
Thursday 3pm - 7pm
Saturday 3pm - 7pm
Sunday 3pm - 7pm

Website

Alerts

Be the first to know and let us send you an email when كشك وهويدي للمحاماة والاستشارات القانونية وخدمات المستثمرين posts news and promotions. Your email address will not be used for any other purpose, and you can unsubscribe at any time.

Shortcuts

Share

Category