الاستاذ اسامة محمود المحامي

17/08/2024

بكل الاحترام والتقدير للموكلين اللى عندى وغيرهم .
بعد اذن حضرتك حابب بس اوضحلك معلومه قد تكون غافل عنها تماما

💥انا فاتح بيت زيى زيك وبصرف على ناس زيى زيك ومطلوب منى التزامات زيى زيك!
فبعد اذنك انا مهنتى محامى يعنى باخد مقابل اتعاب
على اي خدمه او عمل بقدمهولك .
💥يعنى متجيش تاخد من وقتى ساعه ببلاش !
💥يعنى متجيش تقولى اشتغل يااستاذ وهنتحاسب !
💥يعنى متجيش تقولى عايزك تسالى على حاجه بدون مقابل!
💥يعنى ميبقاش شغلك مع محامى زميلى وتيجى من وراه تسالنى ببلاش عشان تتفزلك قدامه وتبان انك فاهم !
💥حضرتك عمرك روحت لدكتور تكشف عنده وعطاك استشاره ببلاش !! طبعا لا
💥طب جبت مهندس يعملك رسمه بيت او استشاره ببلاش!
طبعا لا ... طيب حضرتك انا قضيت سنوات من التعليم زيهم
عشان برضو كلامى يبقى بفلوس لان انا مش موظف حكومى.!

💥فبعد اذن الناس المحترمه لو مش مستعد تقدم مقابل خدمتى ليك فما تضيعش وقتك ووقتى .!
💥ومتسألنيش عشان ميبقاش فى نقطه احراج وخليك مع المحامى بتاعك لانه هيخاف عليك وعلى مصلحتك اكتر منى
مفيش حاجه بدون مقابل

ومع احترامى لجميع الناس على دماغى من فوق وشكرا

09/10/2022

الحكم اللى كتير مستنيه

أصدرت الدائرة "10" – بمحكمة الفيوم الابتدائية – حكما فريدا من نوعه، يتصدى لألاعيب النصب على الخاطب من قبل المخطوبة، بإلزام الفتاة المخطوبة برد الشبكة 120 جرام أو قيمتها عقب فسخها الخطبة، والخاطب يقيم دعوى أخرى أمام المحكمة المدنية برد فارق سعر المشغولات الذهبية بين الفاتورة والسعر الرسمي بتاريخ الحكم وفائدة 4%، والمحكمة تستجيب.


الخلاصة:

شاب مبيسبش حقه رفع دعوي رد شبكة 120 جرام أمام محكمة الأسرة مستند إلي أن خطيبته هى اللى فسخت الخطوبة بدون سبب يذكر - هو كان خاطيبها فى 2015 - ومستند كمان لأقوال الشهود وفاتورة الشراء قضت المحكمة بتاريخ 2019 بإلزامها برد قيمة المشغولات الذهبية المدون في فاتورة الشراء، وتم دفع قيمة المبلغ المحكوم به.

الواد الجاحد مش يسكت لأ 😅.. قام رافع دعوى أخرى أمام المحكمة المدنية مطالبا برد فارق سعر المشغولات الذهبية بين الفاتورة والسعر الرسمي بتاريخ الحكم - مش كدا وبس وطالب بفائدة 4% بسبب تأخيرها فى التنفيذ - حكمت المحكمة المدنية بالزم الفتاة برد مبلغ 65 ألف جنية فرق سعر المشغولات الذهبية وفائدة 4% حتي تاريخ التنفيذ،

البنت تقوم مستأنفة عشان تلغى الحكم وتحاول تفوق من الكابوس تقوم محكمة تانى درجة تأييد الحكم بردو 😅

السؤال هنا لما انتى اللى فسختى الخطوبة كلتى عليه الشبكة ليه؟



✅

09/10/2022

الطلاق_لإستحكام_الخلاف ( الطلاق للشقاق )
======================
من الدعاوى ال كتير بيغفل عنها
معناه استحكام الخلاف أو الشقاق بين الزوجين بما يستحال معه العشره
وهوا بيختلف عن الطلاق للضرر ال بالتالى بيحتاج شهود
هذا النوع من الطلاق بيشبه الخلع فى حتمية وقوعه يعنى اللى تلجأ له يبقى هتطلق هتطلق حتى إن المحكمة متقدرش ترفضه إذا توافرت حالاته
لكن بيختلف عن الخلع فى مدى استحقاق الزوجه حقوقها الشرعيه كالعده والمتعه والمؤخر من عدمه
وده بيعتمد على تقرير الحكمين ال بتندبهم المحكمه
لمعرفة إذا كان الطلاق طلب الطلاق راجع للزوجه لوحدها ولا بسبب خلافات مشتركه بين الزوجين ولا اضرار الزوج للزوجه اضرار يستحيل معه العشره سواء مادى أو معنوي وبالتالى يكون راجع السبب الأساسى للطلاق هنا للزوج
والطلاق لإستحكام الخلاف ملوش غير حالتين إتنين فقط فى القانون وبيكونوا طلب مضاف ضمن دعوى أخرى يعنى مينفعش الزوجة ترفع دعوى كده من البداية تطلب فيها الطلاق لإستحكام الخلاف لازم الأول يتوافر حالة من الإتنين اللى هنوضحهم دلوقتى .
وحالاته كالآتى :
1- دعوى الإعتراض على إنذار الطاعة اللى بترفعها الزوجة لما زوجها يبعتلها إنذار طاعة يحق للزوجة أن تطلب فيها كطلب مضاف - الطلاق_لإستحكام_الخلاف .
2- الحالة الثانية دى هى الأهم واللى أغلب الزوجات مبتخدش بالها منها وهى تكرار الشكوى بالطلاق للضرر مع عجز الزوجة عن إثبات الضرر بمعنى إن الزوجة ترفع دعوى طلاق للضرر وتاخد رفض عشان مقدرتش تثبت الضرر الواقع عليها فتقوم ترفع دعوى جديدة للضرر برضه بس بسبب جديد إذا مقدرتش تثبت برضه بيكون من حقها هنا الطلاق لإستحكام الخلاف بس لازم تقدم للمحكمة ما يثبت إنها سبق وأخدت رفض فى دعوى سابقة وهنا بتكون التركة بقى لإن الزوجة بتخاف تقدم الحكم الأول اللى قضى بالرفض خوفا من إن المحكمة تقضى بعدم جواز نظر الدعوى لسابقة الفصل فيها فى حين إنها لو قدمت الحكم ده يمتنع على المحكمة إنها ترفض للمرة الثانية ووجوبى عليها إنها تتخذ إجراءات التحكيم لإستحكام الخلاف.

28/09/2022

«« الدعاوي التى يحق #للزوجة رفعها على الزوج :

⁦1️⃣⁩ دعوي نفقة زوجية.
⁦2️⃣⁩ دعوى نفقة صغار .
⁦3️⃣⁩ دعوى قائمة منقولات زوجية ( شاملة الذهب ).
⁦4️⃣⁩ دعوى مطالبة بالذهب من غير المنقولات الزوجية .
⁦4️⃣⁩⁦ دعوى قرار تمكين من مسكن الزوجية (ايجار أو تمليك )

««الدعاوى التى يحق #للمطلقة رفعها :

⁦1️⃣⁩ دعوي نفقة عدة.
⁦2️⃣⁩ دعوى نغقة متعة.
⁦3️⃣⁩ دعوى مؤخر صداق والمثبت فى قسيمة الزواج .
⁦4️⃣⁩ دعوي مطالبة بمؤخر الصداق لوفاة الزوج.
⁦5️⃣⁩ دعوي اجر مسكن .
⁦6️⃣⁩ دعوي اجر حضانة.

«« دعاوى تكميلية تجوز :

⁦1️⃣⁩ دعوي بدل فرش و غطاء.
⁦2️⃣⁩ دعوى ملابس صيف وشتاء.
⁦3️⃣⁩ دعوي مطالبة بمصاريف مدارس.
⁦4️⃣⁩ دعوي مطالبة بمصاريف ولاده.
⁦5️⃣⁩ ⁦⁦ .دعوى أجر رضاعة
⁦6️⃣⁩ دعوى أجر حمل مستكن.
⁦7️⃣⁩ دعوى مصاريف علاج.
⁦8️⃣⁩ دعوي زيادة نفقة.
⁦9️⃣⁩ دعوي ضم صغير او طلب ضم صغير.
🔟 طلب ولاية تعليمية.
⁦1️⃣⁩⁦1️⃣⁩ نفقة أقارب .

«« دعاوى الطلاق :

⁦1️⃣⁩ دعوي اعتراض علي انذار الطاعة.
⁦2️⃣⁩ ⁦⁦ .دعوي الخلع
⁦3️⃣⁩ دعوي تطليق لعدم الإنفاق.
⁦4️⃣⁩ دعوي تطليق للخصاء
⁦5️⃣⁩ دعوي تطليق للجب.
⁦6️⃣⁩ دعوي تطليق لجنون الزوج.
⁦7️⃣⁩ دعوي تطليق للضرر.
⁦8️⃣⁩ دعوي تطليق للهجر.
⁦9️⃣⁩ دعوي تطليق للغيبة.
🔟 دعوي تطليق للحبس .

«« دعاوى اثبات الزواج :

⁦1️⃣⁩ دعوي اثبات نسب.
⁦2️⃣⁩ دعوي اثبات زواج عرفي.
⁦3️⃣⁩ دعوى إثبات طلاق.
⁦4️⃣⁩ ⁦⁦دعوى إثبات زواج أجانب
⁦5️⃣⁩ دعوي حبس متجمد نفقة

●● الدعاوي التى من حق #الزوج رفعها :-

⁦1️⃣⁩ انذار طاعة.
⁦2️⃣⁩ دعوي اثبات نشوز.
⁦3️⃣⁩ دعوي عدم التعرض بحكم نفقة للنشوز.
⁦4️⃣⁩ دعوي رد الشبكة و الهدايا .
⁦5️⃣⁩ دعوي نفي نسب.
⁦6️⃣⁩ دعوي تخفيض نفقة .
⁦7️⃣⁩ دعوي كف عن مطالبة بنفقة صغير.
⁦8️⃣⁩ دعوي ابطال حكم نفقة ليسار المحكوم له.
⁦9️⃣⁩ دعوي اسقاط نفقة للنشوز.
🔟 دعوي رؤية.
⁦1️⃣⁩⁦1️⃣⁩ دعوي اسقاط حضانة.
⁦2️⃣⁩⁦1️⃣⁩⁦⁦ .دعوي ضم الصغير لأبيه لبلوغه أقصي سن حضانة النساء
⁦3️⃣⁩⁦1️⃣⁩ دعوي تعويض لعدم تنفيذ حكم رؤية .

⁦⚠️⁩ وفى حالة رفع دعوى خلع من الزوجة #تتنازل للزوج عن :-
👈 مؤخر الصداق.
👈 نفقة المتعة .
👈 نفقة العدة .

30/07/2022