02/05/2026
هام جدا لشباب المحاميين والمتدربيين
هنتكلم عن تحقيق النيابة العامة بالتفصيل
لأن الحقيقة اللي قليل بيقولها لك المحامي اللي بيسكت في التحقيق ممكن يضيع حق موكله بإيده.
وخلي بالك... النيابة مش مكان تتعلم فيه بالمصادفة.
👌 أول حاجة لازم تعملها قبل التحقيق .. افهم القضية
أكبر خطأ يقع فيه المحامي المبتدئ إنه يدخل التحقيق وهو مش فاهم القضية.
– أول ما توصل سرايا النيابة:
اطلب فوراً الاختلاء بالمتهم بدون وجود رجال السلطة العامة.
اسأله بالتفصيل:
• إيه اللي حصل؟
• إزاي تم القبض عليك؟
• اتقبض عليك فين؟
• كان فيه شهود؟
وده حقك قانوناً طبقاً لتعليمات النيابة العامة.
وخلي بالك...
رواية المتهم لوحدها مش كفاية.
لازم تربط كلامه بالمحضر.
أول ما تدخل غرفة التحقيق:
• أثبت حضورك كمحام.
• قدم دمغة المحاماة.
• اطلب الاطلاع على المحضر قبل بدء التحقيق.
وخليك فاهم حاجة مهمة دورك مش مجرد حضور.
دورك الحقيقي هو مراقبة التحقيق.
راقب الأسئلة...
راقب الإجابات...
راقب الإجراءات...
أهم نقطة لازم تبقى فاهمها .. زي القانون ما بيقول إن:
لو حصل إجراء باطل وأنت حاضر وما اعترضتش...
يبقى اعتبر إنك وافقت عليه.
يعني ببساطة:
سكوتك ممكن يضيع الدفع بالبطلان.
وده منصوص عليه زي القانون ما بيقول في المادة 333 من قانون الإجراءات الجنائية.
أهم حاجة تعملها أثناء التحقيق تكون فاهم وفايق وعد الحرز بنفسك.
متصدقش اللي مكتوب في المحضر وخلاص.. يعني مثلاً لو الضابط كتب:
تم ضبط المتهم وبحوزته 16 تذكرة هيروين
ولما جيت تعد الحرز لقيته 15 فقط
يبقى عندك فوراً:
• تناقض في الواقعة
• دفع ببطلان الإجراءات
• دفع بعدم جدية التحريات
ونقطة زي دي ممكن تقلب القضية بالكامل.
أهم الدفوع في تجديد الحبس مش كفاية تقول:
"نلتمس إخلاء سبيل المتهم لانتفاء مبررات الحبس الاحتياطي."
لازم تثبت دفوع شكلية وموضوعية. زي مثلاً:
• بطلان القبض والتفتيش.
• انتفاء حالة التلبس المنصوص عليها زي القانون ما بيقول في المادة 30 إجراءات جنائية.
• عدم جدية التحريات.
• انتفاء مبررات الحبس الاحتياطي.
ولك الحق تثبت كل ده في المحضر طبقاً للمادة 124 إجراءات جنائية.
لو المحقق رفض يثبت دفوعك اعرف حقك كويس.
محضر التحقيق مش ملك للمحقق.
لو المحقق رفض يثبت دفوعك اعرف حقك كويس.
محضر التحقيق مش ملك للمحقق.
ومن حقك إثبات كل ما تبديه من دفوع وطلبات زس القانون ما بيقول
طبقاً للمادة 81 من قانون الإجراءات الجنائية.
لو النيابة حبست المتهم احتياطياً أو طلبت ضمان مالي المبالغ فيه فمن حقك استئناف القرار، ويتم نظر الاستئناف خلال 48 ساعة أمام المحكمة في غرفة المشورة.
نصائح من قلب النيابات لشباب المحامين:
• متدخلش تحقيق وأنت مش فاهم القضية.
• حاول تصوير المحضر قبل التحقيق لو أمكن.
• متصدقش رواية المتهم بالكامل... اقرأ المحضر كويس.
• اسأل أسئلة تكشف الحقيقة مش أسئلة ترضي المتهم.
• اقرأ الحبس الا حتياطي كويس جداً.
لأن... أغلب معارك المحامي الحقيقية تبدأ من هنا.
كيان للمحاماة والإستشارات القانونية
