15/05/2026
Göstərilən hüquq sahələri üzrə xidmətlər təklif olunur.
Korporativ hüquq xidmətləri üzrə
- Hüquqi şəxslərin, onların filial və ya nümayəndəliklərinin təsis edilməsi;
- Təsis sənədlərində dəyişikliklərin edilməsi;
- Daxili korporativ və təsis sənədlərinin hazırlanması;
- Hazırlanmış təsis sənədlərinin müvafiq qurumlara təqdim edilməsi;
- Hüquqi şəxsin adına bank hesabının açılması üçün sənədlərin hazırlanması və müştərinin hüquqi müşayiət olunması;
- Hüquqi şəxsin müflis elan olunması və ya ləğv edilməsi üçün qanunvericiliyə uyğun olaraq prosedurların həyata keçirilməsi, sənədlərin hazırlanması, müştərilərin hüquqi müşayiət olunması;
- Kargüzarlığın düzgün təşkili üçün köməklik göstərilməsi və s.Müştərilərin məhkəmələrdə müdafiə olunması üzrə hüquqi xidmətlər
- Hüquqi və fiziki şəxslərin tələbləri əsasında qanunverciliyə uyğun olaraq məhkəmə orqanlarında (inzibati, kommersiya, şəhər (rayon)) məhkəmələrində) iddia ərizələrinin yazılması, məhkəmə instansiyalarının aktlarından şikayətlərin (apellyasiya və kassasiya şikayətlərinin) yazılması və məhkəmə orqanlarına göndərilməsində köməklik göstərilməsi;
- Məhkəmə instansiyalarında prosesin istənilən mərhələsindən müştərilərin hüquq və mənafelərinin müdafiə olunması üçün vəkillə təmin olunması;
- Məhkəmə prosesində qanunvericiliyin əsasında etirazların, vəsatətlərin, şikayətlərin yazılması və təqdim olunması;
- Vəkil araşdırmasının həyata keçirilməsi və müştərilərin xeyrinə sübutların toplanması;
- Məhkəmə aktlarının icrasının həyata keçirilməsinə nəzarətin təşkil olunması və s.
Ailə hüququ xidmətləri üzrə
- Nikah müqavilələrinin hazırlanması, hazır müqavilələrə hüquqi rəyin verilməsi;
- Nikahın pozulması və ya etibarsız sayılması tələbi olan şəxslərə qanunvericilik əsasında hüquqi məsləhətlərin verilməsi, qarşı tərəflə danışıqlar zamanı müştərilərin hüquq və mənafelərinin müdafiə olunması;
- Nikahın pozulması və ya etibarsız sayılması, birgə əmlakın bölgüsü, uşaqların qəyyumluğunun müəyyən olunması, alimentin miqdarının müəyyən olunması barədə sazişlərin hazırlanması üçün tərəflərə qanunvericilik əsasında hüquqi yardımın göstərilməsi;
- Nikahın pozulması və ya etibarsız sayılması, atalığın müəyyən olunması, uşaqlara qəyyumun müəyyən olunması, valideyinlik hüquqlarından məhrum etmə və ya məhdudlaşdırma, əmlak bölgüsü, alimentin miqdarının müəyyən olunması, azaldılması və ya artırılması üçün məhkəmədə iddiaların qaldırılması, qaldırılmış iddialarda müştərilərin hüquq və mənafelərinin müdafiə olunması;
- Məhkəmə aktlarından yuxarı instansiya məhkəmələrinə əsaslandırılımış şikayətlərin yazılması;
- Məhkəmə aktlarının icrasına nəzarətin həyata keçirilməsi və s.
Əmək hüququ xidmətləri üzrə
- Əmək qanunvericiliyi əsasında əmək müqavilələrinin, maddi məsuliyyət müqavilələrinin, kollektiv müqavilələrin, məxfilik müqavilələrinin, əmrlərin, göstərişlərin və digər sənədlərin hazırlanması;
- Əmək fəaliyyəti ilə bağlı sənədləşdirmənin hazırlanması; Əməyin mühafizəsi üçün qanunvericiliyə uyğun sənədlərin hazırlanması;
- Əmək qanunvericiliyinə əməl olunmasına dövlət nəzarətini həyata keçirən müvafiq orqanlar ilə yaranmış problemlərin həlli yollarının tapılması, müştərinin hüquq və mənafelərinin müdafiə olunması və onun hüquqi müşayiət olunması;
- Əmək qanunvericiliyinə xitam verilərkən əmək qanunvericiliyinin şərtlərinin həyata keçirilməsi üçün hüquqi məsləhətlərin verilməsi;
- Əmək qanunvericiliyinin pozulmasından irəli gələn problemlərin qanunvericilik əsasında həlli;
- Əmək mübahisələri zamanı şirkətlərin və ya fiziki şəxslərin məhkəmə orqanərizələrin, şikayətlərin yazılması, müştərilərin məhkəmə orqanlarında təmsil olunması və s.
Daşınmaz əmlak və tikinti hüququ xidmətləri üzrə
- Daşınmaz əmlaka aid bütün növ müqavilələrin (icarə, kirayə, alqı-satqı, pay bölgüsü, sub-icarə, əvəzsiz istifadə və s.) bağlanması və rəsmiləşdirilməsi zamanı hüquqi konsultasiyanın verilməsi, müqavilələrin hazırlanması, zəruri hallarda müştərinin hüquqi müşayiət olunması;
- Mənzil münasibətləri, mənzil toxunulmazlığı, yaşayış sahəsinin mülkiyyətçisinin və ona məxsus olan sahədə yaşayan digər vətəndaşların hüquqları və bu münasibətlərdən irəli gələn mübahisələrin həlli;
- Azərbaycan Respublikası ərazisində daşınmaz əmlak almaq istəyən şəxslərə konsultasiyanın verilməsi, əməliyyatların həyata keçirilməsi zamanı müştərilərin hüquqi müşayiət olunması;
- Dövlət orqanlarında və ya məhkəmə orqanlarında müştərinin hüquq və mənafelərinin müdafiə olunması üçün müştərinin vəkillə təmin olunması və s.
Daşıma (logistika) hüququ xidmətləri üzrə
- Daşıma və (və ya) nəqliyyat-ekspedisiya xidmətləri üzrə müqavilələrin hazırlanması;
- Qanunvericiliyin tələbi əsasında lisenziya və icazələrin alınması üçün zəruri sənədlərin toplanması, müştərilərin müvafiq qurumlarda hüquqi müşayiət olunması;
- Daşınan malların sığortası ilə əlaqəli sığorta şirkətləri ilə bağlanacaq müqavilələrin hüquqi ekspertizası, şirkətlərlə görüşlərdə müştərinin hüquq və mənafelərinin müdafiə olunması;
- Daşıma ilə əlaqəli müştərilərin tərəf müqabilləri və digər şəxslər və ya qurumlar ilə görüşlərində onların hüquq və mənafelərinin müdafiə olunması üçün hüquqi müşaiət olunması;
- Daşıma ilə bağlı mübahisələrin həlli üçün müştərilərin hüquq və mənafelərinin müdafiə olunması, zəruri hallarda müvafiq qurumlarda təmsil olunması və s.m
Vərəsəlik hüququ xidmətləri üzrə
- Vərəsəlik hüququ ilə bağlı bütün növ hüquqi xidmətlərin göstərilməsini, vərəsəliyin mübahisələndirilməsi məsələlərini, iddia ərizələrinin hazırlanması, məhkəmə proseslerində iştirak, apellyasiya və kasassiya qaydasında şikayətlərin hazırlanması və müdafiəsi proseslərini, o cümlədən məhkəmədən sonrakı icraat proseslerində maraqlarınızın qorunmasını təmin edir.
- Vərəsəliyin qəbul edilməsi və ya imtina edilməsi ilə bağlı qəbul edilmiş qərarlarla bağlı hüquqi məsləhətlərin verilməsi, müvafiq qurumlarda müştərinin hüquqi müşaiət olunması və s.
Vergi hüququ xidmətləri üzrə
- Müştərinin hüquq və mənafelərinin vergi orqanlarında müdafiə olunması, onların hüquqi müşayiət olunması;
- Vergi orqanlarının qəbul etdiyi qərarların və hərəkətlərin hüquqi ekspertizası, onların inzibati orqanlarda və məhkəmə instansiyalarında mübahisələndirilməsi;
- Vergi yoxlamaları olan zaman müştərinin maraqlarının təmsil olunması
- Vergi orqanlarının qanunsuz hərəkətlərindən şikayətlərin olunması, artıq ödənilmiş və ya alınmış vergi məbləğlərinin və tutulmaların qaytarılması üçün müvafiq qurumlara müraciətlərin hazırlanması;
- Vergi cinayətləri zamanı müştərinin hüquq və mənafelərinin ibtidai istintaq və məhkəmələrdə müdafiə olunması;
- Vergi mübahisələrinin məhkəmədən əvvəl və ya məhkəmədə həlli;
- Vergi orqanlarının aktlarının, sanksiyalarının inzibati qaydada və ya məhkəmə qaydasında mübahisələndirilməsi.
İnzibati Hüquq xidmətləri üzrə
- İnzibati orqanlar (müvafiq icra hakimiyyəti orqanları, onların yerli və digər qurumları, bələdiyyələr, qanuna əsasən inzibati akt qəbul etmək səlahiyyətli fiziki və ya hüquqi şəxsləri) tərəfindən qəbul edilmiş aktlarının qanunvericiliyə əsasən hüquqi ekspertiza olunması;
- İnzibati orqanların qanunsuz aktlarından, imtina qərarlarından müvafiq orqanlara şikayətlərin yazılması, zəruri olduqda həmin orqanlarda müştərinin təmsil olunması;
- İnzibati orqanların qanunsuz qərarlarının, aktlarının məhkəmədə mübahisləndirilməsi üçün ərizələrin yazılması və zəruri sənədlərin toplanması;
- Məhkəmə orqanlarında müştərinin hüquq və mənafelərinin müdafiə olunması üçün vəkillə təmin olunması;
- Məhkəmə aktlarının icra edilməsi üçün icra prosesinin təqib edilməsi və s.
