Vis Legis LLC

02/12/2025

Հարգելի գործընկերներ,
«Vis Legis» փաստաբանական գրասենյակը համագործակցության է հրավիրում հետաքննության ոլորտում աշխատանքային փորձ ունեցող, ինչպես նաև օպերատիվ-հետախուզական միջոցառումների իրականացման հմտություններին տիրապետող մասնագետների՝ մասնավոր մեղադրանքի վարույթներում խորհրդատվական աջակցություն տրամադրելու նպատակով։

Առաջարկվում է ազատ և ճկուն աշխատանքային ձևաչափ․ ժամային սահմանափակումներ կամ պարտադիր ներկայություն չեն նախատեսվում։

Համագործակցության հայտերն ընդունվում են էլեկտրոնային հասցեով՝ [email protected]

Հայտում խնդրում ենք նշել՝

անձնական տվյալներ (ԱԱՀ),

կոնտակտային միջոցներ,

աշխատանքային փորձի համառոտ նկարագրություն։

Ներկայացված տվյալների գաղտնիությունն ամբողջությամբ երաշխավորվում է։

24/11/2025

Նախկինում իրավապահ համակարգում գոյություն ուներ արատավոր մի պրակտիկա, երբ ոստիկանության որոշ աշխատակիցներ՝ հանցավորության նվազ ցուցանիշներ ապահովելու կամ այլ դրդապատճառներով, ղեկավար կազմի ճնշման ներքո, թաքցնում էին հանցագործության դեպքերն ու հորդորում տուժած քաղաքացիներին չներկայացնել փաստաթղթավորված հաղորդումներ տեղի ունեցած հանցանքի և պատճառված վնասի մասին։
Այսօր, թեև հանցագործության դեպքերի քողարկման ցուցանիշը զգալիորեն նվազել է, այնուամենայնիվ, տեղի ունեցած քրեական իրավահարաբերությունները պատշաճ կերպով արձանագրելու, քրեական վարույթ նախաձեռնելու և օրենքով սահմանված ընթացակարգերով դրանք լուծելուց խուսափելու նպատակով քննիչների և դատախազների կողմից ի հայտ են գալիս լիազորությունների չարաշահման նոր` ԲԱՑԱՀԱՅՏ դրսևորումներ, որոնք քողարկվում են իրավական ձևակերպումներով։
Առերևույթ հանցագործության մասին հաղորդման լուծումն իրականացնող քննիչը կազմում է քրեական վարույթ չնախաձեռնելու վերաբերյալ արձանագրություն, որի օրինականությունն այնուհետև հաստատվում է հսկող դատախազի կողմից։
Ընդ որում, վարույթ չնախաձեռնելու մասին արձանագրություններում հաճախ նշվում են այնպիսի հանգամանքներ, որոնց վերաբերյալ եզրահանգումներ կատարելու համար անհրաժեշտ է իրականացնել նախաքննություն։
Կարևոր է ընդգծել, որ իրավապահ մարմինների նման գործողությունները՝ հանցագործության հատկանիշների հետ հարաբերվելուց բացի, նաև խոր անհարգանքի դրսևորում են ինչպես օրինապահ քաղաքացիների, այնպես էլ իրենց գործընկերների նկատմամբ։ Վերջիններս ապագայում, այս կամ այն ձևով, ստիպված են լինելու բախվել օրենքի և օրինականության նմանատիպ խեղաթյուրումների հետևանքներին՝ հավելյալ ծանրաբեռնվածության տեսքով։

17/11/2025

Ինչպե՞ս խուսափել կալանքից և չվատթարացնել իրավիճակդ ձերբակալության ժամանակ
Հայաստանում ձերբակալության պահին շատերը խուճապի մատնվում են և սկսում խոսել՝ մտածելով, որ «բացատրելով» կազատվեն: Իրականում հենց դա էլ հաճախ դառնում է կալանքի կամ ավելի խիստ պատժի պատճառ:
Ոսկե կանոն՝ ԼՌԵՔ։
Ձերբակալության պահին ԴՈՒՔ ՊԱՐՏԱՎՈՐ ՉԵՔ.
բացատրություն տալ,
պատմել «ճշմարտությունը»,
արդարանալ,
ասել «ես չեմ արել» կամ «դա ես չեմ»:
Պարտադիր ասա միայն հետևյալ բառերը.
«Ցանկանում եմ փաստաբան»:
Դա քո սահմանադրական իրավունքն է: Մինչև փաստաբանի ներկայություն՝ կարող ես լիովին լռել:
Ինչի մասին ԿԱՏԵԳՈՐԱԿ ՉԻ ԿԱՐԵԼԻ խոսել (նույնիսկ եթե «ոչինչ չես արել»):
Որտեղ ես եղել հանցագործության ժամանակ
Ում հետ ես խոսել, զանգել, գրել
Ինչ ես արել նախորդ օրերին
Ունե՞ս ալիբի, ով կարող է հաստատել
Ցույց տալ հեռախոսը, գաղտնաբառը ասել
Ստորագրել որևէ փաստաթուղթ առանց փաստաբանի
Ինչ հարցերին ԿԱՐՈՂ ԵՍ պատասխանել (պարտադիր չէ, բայց թույլատրելի է):
Անուն, ազգանուն, ծննդյան տարեթիվ
Գրանցման հասցե
Աշխատավայր կամ ուսման վայր
Ամեն ինչի վրա կարող ես ասել. «Առանց փաստաբանի ցուցմունք չեմ տալիս»:
Հիշիր.
Ոստիկաններն ու քննիչները կարող են խաբել, սպառնալ, խոստանալ «հիմա ստորագրիր՝ տուն կգնաս»: Դա օրինական չէ: Քո լռությունը չի կարող օգտագործվել քեզ դեմ:
Պաշտպանիր քեզ և քո ընտանիքին: Տարածիր, որ շատերը իմանան:
#Իրավունք #Ձերբակալություն #Կալանք #Փաստաբան #Հայաստան

04/11/2025

Քչերը գիտեն, որ նոր իրավակարգավորումներով՝ ոչ մեծ և միջին ծանրության որոշ հանցագործությունների դեպքերում օրենքը քաղաքացուն հնարավորություն է տալիս պաշտպանել հանցագործությունից խախտված իր իրավունքները՝ շրջանցելով ոստիկանությանը, քննչական համակարգերին և դատախազությանը՝ մասնավոր մեղադրանքի վարույթի շրջանակներում դիմելով դատարան։
Շատ դեպքերում քաղաքացիները՝ իրավապահ մարմինների աշխատակիցներից կաշկանդվածություն ունենալու, ծանր և տևական քննչական գործողություններին չմասնակցելու կամ այլ նկատառումներից ելնելով, խուսափում են կատարված հանցագործության և պատճառված վնասի վերաբերյալ հաղորդումներ ներկայացնելուց, ինչը իրավահարաբերության կողմերի միջև առաջացնում է միջանձնային լարված փոխհարաբերություններ և կոնֆլիկտներ՝ երբեմն նույնիսկ հանգեցնելով նախորդ հանցագործության հետևանքները գերազանցող ավելի ծանր հետևանքների։

08/10/2025

Շնորհավորում ենք ՀՀ քննչական կոմիտեի մեր ընկերներին և գործընկերներին մասնագիտական օրվա կապակցությամբ։ Մաղթում ենք հաջողություններ անձնական կյանքում և բեղմնավոր աշխատանք՝ արդարադատության սահմաններում)))...

29/09/2025

Նոր իրավակարգավորումներով՝ 2022թ-ից հուլիս ամսից ի վեր գաղտնի քննչական գործողություններ (ներքին դիտումը, արտաքին դիտումը, նամակագրության և այլ ոչ թվային հաղորդակցության վերահսկումը, թվային, այդ թվում` հեռախոսային հաղորդակցության վերահսկումը, ֆինանսական գործարքների վերահսկումը և կաշառք ստանալու կամ կաշառք տալու նմանակումը) կարող են իրականացվել բացառապես նախաքննության ընթացքում, այն է՝ նախաձեռնված քրեական վարույթով, մինչդեռ՝ հետաքննություն իրականացնելու լիազորություններով օժտված իրավապահ մարմինները փաստորեն կարողանում են դատարան ներկայացնել «հիմնավորումներ» և մինչև քրեական վարույթ նախաձեռնելը ստանալ գաղտնի քննչական գործողություններ իրականացնելու թույլտվություն։
Հատկանշական է, որ մինչ օրս նշված եղանակով ստացված ապացույցները չեն վիճարկվում։

05/09/2025

08/08/2025

Կիբեռհանցագործների գործերով պաշտպանությունը հաճախ հիմնված է տեխնիկական բարդությունների, օրենքի բացթողումների և միջազգային իրավական բազմազանության վրա։ Այնուամենայնիվ, պետություններն աստիճանաբար խստացնում են միջոցառումները՝ հատկապես ֆինանսական հանցագործությունների և ահաբեկչության դեմ պայքարի համատեքստում։
2023թ-ին մի հաքեր, ով կոտրել էր կառավարական կայքը, ազատվեց պատասխանատվությունից՝ բացատրելով, որ դա արել է «անվտանգության խափանումները բացահայտելու» նպատակով։
Հաճախ անդառնալի թվացող հարցերն ունենում են պարզ լուծումներ, եթե դրանց նայում ես մասնագետի աչքերով։