24/06/2026
🥇🥈🥉🥉🥉🥉6 մասնակից, 6 մեդալակիր!!!
Հունիսի 15-20-ը Ռումինիայի Բուզեու քաղաքում անցկացվեց 30-րդ Պատանիների մաթեմատիկայի բալկանյան օլիմպիադան։ Այն մինչև 15․5 տարեկան դպրոցականների գլխավոր միջազգային օլիմպիադան է։ Անցած տարվա Հայաստանի թիմի միակ ներկայացուցչի հաջողությամբ ոգևորված (Քվանտ վարժարանից Տիգրան Հախեյանն արժանացավ արծաթե մեդալի) այս տարի է՛լ ավելի ոգևորված ու արդյունավետ օլիմպիական խմբակներ կազմակերպեցինք: Այս անգամ հաջողվեց ապահովել մասնակցությունն ամբողջական կազմով՝ 6 դպրոցականով։
Ցուցաբերելով 100%-անոց արդյունք բացարձակ հաղթող ճանաչվեց ու ոսկե մեդալ շահեց "Քվանտ" վարժարանի աշակերտ Հայկ Մանուկյանը։ "Այբ" դպրոցի 8-րդ դասարանցի Լևոն Հայրապետյանը շահեց արծաթե մեդալ։ Եվս չորս մասնակից արժանացան բրոնզե մեդալների՝ 9-րդ դասարանցի Էրիկ Հասրաթյանը («Գազպրոմ Արմենիա» ՓԲԸ «Ուսումնա-սպորտային համալիր»
հիմնարկի դպրոց), 8-րդ դասարանցի Թադե Մորադյանհաջիաբադին, 9-րդ դասարանցիներ Արտաշես Թումանյանը, Խաչատուր Վարդանյանը (երեքն էլ Ա․ Շահինյանի անվան ֆիզմաթ դպրոց)։
"Քառակուսի" հիմնադրամի 8-9 դասարանցիների օլիմպիական խմբակն ամբողջ տարվա ընթացքում վարում էին Tigran Chtchyan-ն ու Vachagan Dilanyan-ը։ Այդ ընթացքում մեզ տարածք տրամադրեց ու ջերմորեն հյուրընկալեց ԵՊՀ ՍԹԵՄ ավագ դպրոց : Թիմը ղեկավարեցին Տիգրան Չթյանն ու մեր հիմնադրամի մեկ այլ խմբակավար Էդգար Հողմրցյանը։
Ֆիզմաթ դպրոցի բարեկամ / physmathfriends.am հիմնադրամի և Գազպրոմ Արմենիայի ուսումնա-սպորտային համալիրի ներգրավվածության շնորհիվ կարողացանք ապահովել ոչ թե 4, այլ 6 աշակերտի մասնակցությունը։ Գործընկերային հարաբերություններն ուժ են տալիս ավելի մեծ նպատակներ իրագործելու և ավելի շատ երեխաների հասանելի դարձնելու այն հնարավորությունները, որոնք կարող են փոխել նրանց ապագան։
Շնորհավոր բոլորին։ Սրանով ավարտում ենք մեր օլիմպիական տարին։ Կհանդիպենք 2026/27 ուսումնական տարում։
