Փաստաբան Նարեկ Հովեյան

11/03/2025

📌 Ի՞նչ է պետք իմանալ անշարժ գույք ձեռք բերելիս

🔍 Հաճախակի են դեպքերը, երբ անշարժ գույքի ձեռքբերման գործընթացում որոշ կարևորագույն քայլերի անտեսումը հետագայում ստեղծում է իրավական խնդիրներ գնորդների համար՝ ընդհուպ հանգեցնելով առուվաճառքի գործարքի անվավեր ճանաչման։

📍Անշարժ գույքի առուվաճառքի գործընթացում հաճախ հանդիպող խնդիրներից են.

➡️ Գույքի համասեփականատերերի կամ ձեռքբերման նախապատվության իրավունք ունեցող անձանց առկայությունը,
➡️ Թաքնված ժառանգների կամ պարտադիր բաժնի իրավունք ունեցող ժառանգների առկայությունը,
➡️ Գույքի կադաստրային և փաստացի սահմանների միջև անհամապատասխանությունների առկայությունը և այլն։

📄 Անշարժ գույքի առուվաճառքի գործընթացում հնարավոր խնդիրներից և իրավական ռիսկերից խուսափելու նպատակով կարևոր է մինչև գործարքի կնքումն իրականացնել ձեռք բերվող գույքի համակողմանի իրավաբանական ստուգում։

📌Սեփականության իրավունքի պաշտպանության ոլորտում մեր կողմից մատուցվող ծառայությունները ներառում են.

✔️ Սեփականության և գույքային այլ իրավունքների պաշտպանության հարցերով խորհրդատվություն գործարքի ցանկացած փուլում,
✔️ Անշարժ գույքի օտարման, ձեռքբերման, վարձակալության, գրավի և այլ գործարքների փաթեթների ձևավորում,
✔️ Ներկայացուցչություն նոտարական գրասենյակներում և կադաստրի պետական կոմիտեում
✔️ Անշարժ գույքի հետ կապված վեճերի դեպքում ներկայացուցչություն վարչական և դատական մարմիններում,
✔️ Անշարժ գույքի հետ կատարվող գործարքների օրինականության ապահովմանն ուղղված մեխանիզմների կիրառում,
✔️ Անշարժ գույքի իրավաբանական աուդիտ /due diligence/ և այլն։

☎️Հարցերի դեպքում կարող եք զանգահարել 📞+374 96 022 026 հեռախոսահամարով կամ գրել մեր էլեկտրոնային փոստին՝ 📩[email protected]։

#փաստաբան #սեփականությանիրավունք #իրավաբան

20/02/2025

📌 Քաղաքացին կամ իրավաբանական անձը, որն անշարժ գույքի սեփականատեր չէ, սակայն այն տասը տարվա ընթացքում բարեխղճորեն, բացահայտ և անընդմեջ տիրապետում է այն որպես սեփական գույք, այդ գույքի նկատմամբ ձեռք է բերում սեփականության իրավունք (ձեռքբերման վաղեմություն)։

📄 Հարկ է նշել, որ ՀՀ Վճռաբեկ դատարանի որոշումներով սահմանվել են որոշակի վավերապայմաններ, որոնց միաժամանակյա առկայությունը պարտադիր է ձեռքբերման վաղեմության ուժով անշարժ գույքի նկատմամբ սեփականության իրավունքի ճանաչման համար։ Դրանք են.

✅ Տիրապետումը պետք է լինի բարեխիղճ, ինչը նշանակում է, որ գույքն անձի փաստացի տիրապետմանը պետք է անցնի առանց բռնության գործադրման։ Բացի այդ, տիրապետողի մոտ պետք է առկա լինի այն համոզմունքը, որ նա գույքը ձեռք է բերում օրինական հիմքերով։

✅ Փաստացի տիրապետողը գույքը պետք է տիրապետի որպես սեփականը՝ մասնակցելով դրա կառավարմանը և հոգ տանելով դրա պահպանման համար։

✅ Տիրապետումը պետք է լինի 10 տարի և անընդմեջ։ Այսինքն՝ 10 տարվա ընթացքում գույքի տիրապետումը չպետք է ընդհատվի։

✅ Տիրապետումը պետք է լինի բացահայտ, այսինքն փաստացի տիրապետողը գույքը չպետք է տիրապետի երրորդ անձանցից գաղտնի եղանակով։

⚖️ Վերոնշյալ 4 պայմանների միաժամանակյա առկայության դեպքում անձը հնարավորություն ունի դիմել դատարան՝ անշարժ գույքի նկատմամբ իր սեփականության իրավունքը ճանաչելու պահանջով։

☎️Հարցերի դեպքում կարող եք զանգահարել 📞+374 96 022 026 հեռախոսահամարով կամ գրել մեր էլեկտրոնային փոստին՝ 📩[email protected]։

#փաստաբան #սեփականությանիրավունք #իրավաբան

13/02/2025

📌Պարտադիր զինվորական ծառայությունից ազատվելու հիմքերը

📄Շարքային կազմի պարտադիր զինվորական ծառայությունից ազատվում է այն քաղաքացին, որը.

✔ առողջական վիճակի պատճառով ճանաչվել է ոչ պիտանի զինվորական ծառայության համար,
✔ մինչև ՀՀ քաղաքացիություն ընդունելը ոչ պակաս, քան 12 ամիս ծառայել է այլ պետության զինված ուժերում կամ այլ պետությունում ոչ պակաս, քան 18 ամիս անցել է այլընտրանքային ծառայություն,
✔ ունի ՀՀ պաշտպանության մարտական գործողությունների ժամանակ զոհված (մահացած) ծնող կամ եղբայր կամ քույր, կամ որն ընտանիքի միակ արու զավակն է և ունի ՀՀ զինված ուժերում կամ այլ զորքերում կամ ՀՀ միջազգային պայմանագրերով ՀՀ-ում տեղակայված օտարերկրյա պետությունների զինվորական ստորաբաժանումներում զինվորական ծառայության ընթացքում զոհված (մահացած) ծնող կամ եղբայր կամ քույր։

‼️Պարտադիր զինվորական կամ այլընտրանքային ծառայության հայտարարված զորակոչից խուսափելը՝ այդ զորակոչից տարկետում ստանալու կամ ծառայությունից ազատվելու՝ օրենսդրությամբ սահմանված հիմքերի բացակայության դեպքում՝ պատժվում է ազատազրկմամբ՝ երկուսից հինգ տարի ժամկետով։

☎️Հարցերի դեպքում կարող եք զանգահարել 📞+374 96 022 026 հեռախոսահամարով կամ գրել մեր էլեկտրոնային փոստին՝ 📩[email protected]։

#փաստաբան #զինվորական #իրավաբան

05/02/2025

📌Հարկային մարմնի կողմից Ձեր նկատմամբ հարկային պատասխանատվության միջոց կիրառելու վերաբերյալ ընդունված վարչական ակտն իրավունք ունեք բողոքարկել վարչական կամ դատական կարգով՝ վարչական ակտն ուժի մեջ մտնելու օրվանից երկամսյա ժամկետում:

✅ Վարչական կարգով բողոքարկումն իրականացվում է հարկային մարմնի բողոքարկման հանձնաժողովի միջոցով:

✅ Կարևոր է իմանալ, որ հարկային մարմնի ընդունած վարչական ակտի բողոքարկման նպատակով հարկային մարմնի բողոքարկման հանձնաժողով ներկայացված բողոքի քննության ցանկացած փուլում հարկ վճարողն իրավունք ունի դիմել դատարան:

✅ Այն դեպքում, երբ վարչական ակտը միաժամանակ բողոքարկվել է և՛ վարչական, և՛ դատական կարգով, ապա բողոքարկման հանձնաժողովում հարուցված վարույթը ենթակա է կարճման:

📞 Հարկային իրավահարաբերություններին վերաբերող այս և այլ հարցերով առավել մանրամասն տեղեկատվության համար կարող եք զանգահարել +37496022026 կամ գրել մեր էլեկտրոնային փոստին՝ [email protected]

04/02/2025

Սիրելի Ընկերնե'ր,

Ուրախ եմ ներկայացնել այս հարթակը, որտեղ կկիսվեմ իրավական խորհուրդներով, օգտակար տեղեկություններով և կներկայացնեմ իմ կողմից մատուցվող ծառայությունները։

Ես պատրաստ եմ աջակցել Ձեզ տարբեր իրավական հարցերում՝ առաջարկելով մասնագիտական և վստահելի լուծումներ, մասնավորապես, հետևյալ ոլորտներում.

✅ Պայմանագրերի կազմում և բանակցում,
✅ Իրավաբանական խորհրդատվություն,
✅ Դատական ներկայացուցչություն և պաշտպանություն,
✅ Միջազգային իրավական հարցեր,
✅ Ներդրումային աջակցություն,
✅ Մտավոր սեփականության իրավունք,
✅ Կորպորատիվ և հարկային իրավունք,
✅ Անշարժ գույքի գործարքների վերլուծություն,
✅ Աշխատանքային վեճերի կարգավորում,
✅ Միջնորդություն և հաշտարարություն։

📲 Մնացեք կապի մեջ: Առաջիկայում սպասվում են հետաքրքիր հրապարակումներ և օգտակար խորհուրդներ։

Lawyer & Law Firm