CNP&co. փաստաբանական գրասենյակ

25/09/2023

CNP & CO-ն անվճար իրավաբանական խորհրդատվություն և իրավական աջակցություն կտրամադրի տեղահանված արցախցիներին 🆓

CNP & CO-ն կանի առավելագույնը մեր հայրենակիցներին աջակցելու համար և գոնե ինչ-որ չափով թեթևացնելու փաստաթղթաբանության հետ կապված հարցերը։

21/09/2023

Հարգելի Արցախում ապրող մեր հայրենակիցներ,

Խնդրում ենք տեղահանման դեպքում անպայմանորեն պահել սեփականության վկայականները, ծննդյան վկայականները, անձնագրերը, որում նշված է, որ այդ հասցեներում եք հաշվառված:
❗Պահե՛ք ցանկացած փաստաթուղթ, որն ապացուցում է, որ ապրել եք այդ տարածքներում, ձեզ հետ վերցրե՛ք լուսանկարներ:
🔼Սա շատ կարևոր է. հնարավորություն տվեք հայկական կողմին պատշաճ կերպով պաշտպանել ձեր իրավունքները և համապատասխան հայցերը ներկայացնել Ադրբեջանին։ Մի՛ ջնջեք հայկական ներկայության ապացույցները։

12/09/2023

Սահմանվել են սեռական ոտնձգության հասկացությունը և կարգավորող նորմերը։

Ողջունելի և կարևոր փոփոխություն է կատարվել․ աշխատանքային օրենսգրքում ներառվել է աշխատավայրում սեռական ոտնձգությունը կարգավորող և կանխարգելող նորմեր։ Փոփոխություններով տրվել է աշխատավայրում սեռական բռնության/ոտնձգության սահմանումը, ինչպես նաև հստակ ամրագրվել է այդ մասով արգելքը։

💼👇 Եղեք տեղեկացված աշխատավայրում ձեր իրավունքների և պարտականությունների մասին։ Եթե հարցեր ունեք աշխատանքային օրենսգրքի փոփոխությունների վերաբերյալ, դիմեք CNP & Co` մասնագիտական իրավաբանական խորհրդատվության:

10/09/2023

Դե ինչ, նոր ուսումնական տարին մեկնարկելուն համընթաց CNP & Co- ն ներկայացնում է սովորողների իրավունքները 🧑‍🎓

Սովորողն իրավունք ունի`

➖ Ստանալու հանրակրթության պետական կրթական չափորոշչին համապատասխան կրթություն.

➖ Ծնողի համաձայնությամբ ընտրելու ուսումնական հաստատությունը և ուսուցման ձևը, ինչպես նաև տվյալ ուսումնական հաստատությունում առկա հոսքը, ստանալու կրթական վճարովի ծառայություններ.

➖ Անվճար օգտվելու ուսումնական հաստատության ուսումնանյութական բազայից.

➖ Ստանալ կրթության առանձնահատուկ պայմանների կարիքը բավարարելուն ուղղված աջակցություն.

➖ Մասնակցելու ներդպրոցական և արտադպրոցական միջոցառումների.

➖ Պաշտպանված լինելու ցանկացած ֆիզիկական և հոգեբանական ճնշումներից, շահագործումից, մանկավարժական և այլ աշխատողների ու սովորողների այնպիսի գործողություններից կամ անգործությունից, որով խախտվում են սովորողի իրավունքները, կամ ոտնձգություն է արվում նրա պատվին ու արժանապատվությանը.

➖ Ուսումնական հաստատության կանոնադրությամբ սահմանված կարգով մասնակցելու ուսումնական հաստատության կառավարմանը.

➖ Ազատորեն փնտրելու և մատչելիորեն ստանալու ցանկացած տեղեկատվություն, բացառությամբ օրենքով սահմանված դեպքերի.

➖ Ազատ արտահայտելու սեփական կարծիքն ու համոզմունքները.

➖ Օգտվելու օրենքով և ուսումնական հաստատության կանոնադրությամբ սահմանված այլ իրավունքներից:

09/09/2023

Վերանայվել են նաև աշխատողների ներկայացուցիչներին վերաբերող կարգավորումները։ Փոփոխություններ են սահմանվել անչափահաս աշխատողների համար։

⚖️ Որպես աշխատողների ներկայացուցիչների իրավունք՝ նախատեսվել է ամրագրել նաև աշխատողների իրավունքները խախտող գործատուի և նրա լիազորած անձանց որոշումները և գործողությունները դատական կարգով բողոքարկելու իրավունքը,

⚙️Նախատեսվել է որպես գործատուի պարտավորություն սահմանել (աշխատողների ներկայացուցիչներին իրենց լիազորությունների իրականացման համար) կոլեկտիվ պայմանագրով կամ կողմերի համաձայնությամբ սահմանված կարգով անհրաժեշտ պայմաններ, տարածք և նյութատեխնիկական միջոցներ տրամադրելը

🕒 Կրճատվել են մինչև 18 տարեկան անձանց աշխատաժամանակի տևողությունները, միաժամանակ սահմանվել է, որ նրանք կարող են աշխատել միայն պարտադիր կրթության համար սահմանված ժամերից դուրս։

🌟 Նախատեսվել է փորձնակության (internship) հասկացությունը, որը կնպաստի ուսումնական հաստատություններում սովորող կամ այդ հաստատությունները նոր ավարտած (ավարտելուց հետո մեկ տարվա ընթացքում) անձանց աշխատանքային փորձառություն ձեռք բերելուն։

31/08/2023

Կատարվել են բազմաթիվ փոփոխություններ նաև աշխատանքային պայմանագրի լուծման հետ կապված 📝
Լրացվել են աշխատողի նկատմամբ վստահությունը կորցնելու պատճառով աշխատանքային պայմանագրի լուծման հիմքերը։

🔍 Գործատուն կկարողանա լուծել աշխատանքային պայմանագիրը, եթե՝

➖Աշխատողի կողմից աշխատանքի անվտանգության կանոնները խախտելու հետևանքով վտանգվել է անձանց կյանքն ու առողջությունը.

➖Աշխատողն անօրինական օգտագործել է գործատուի համակարգչային տեխնիկան կամ տեղեկատվական համակարգերը, որի միջոցով ձեռք է բերել աշխատանքային կամ անձնական տվյալներ և իրականացրել է տվյալների անօրինական օգտագործում, որոնք խաթարել են գործատուի բնականոն աշխատանքը.

➖Գործատուի նախաձեռնությամբ աշխատանքային պայմանագրի լուծման հիմքերից հանվել է կենսաթոշակային տարիքը լրանալու հանգամանքը։ Գործատուին իրավունք է տրվում կենսաթոշակային տարիքի անձանց հետ կնքել պայմանագիր անորոշ ժամկետով՝ ի տարբերություն գործող կարգավորման, որով սահմանվում է, որ վերջիններիս հետ աշխատանքային պայմանագիրը կնքվում է որոշակի ժամկետով։

☝️Գործատուի առարկության բացակայության դեպքում աշխատանքային պայմանագիրը կարող է լուծվել աշխատողի ծանուցման մեջ (աշխատանքից ազատվելու մասին դիմումում) նշված այլ ժամկետում՝ չպահպանելով սույն հոդվածի 1-ին և 2-րդ մասերով սահմանված ժամկետները: Աշխատանքային պայմանագիրը աշխատողի ծանուցման մեջ (աշխատանքից ազատվելու մասին դիմումում) նշված այլ ժամկետում լուծելու վերաբերյալ գործատուի առարկության դեպքում աշխատանքային պայմանագիրը լուծվում է դիմումը ներկայացնելուց առնվազն 30 օր հետո։

💼👇 Եղեք տեղեկացված աշխատավայրում ձեր իրավունքների և պարտականությունների մասին։ Եթե հարցեր ունեք աշխատանքային պայմանագրի վերաբերյալ, դիմեք CNP & Co` մասնագիտական իրավաբանական խորհրդատվության:

30/08/2023

Այժմ ավելի մանրամասն ներկայացնենք արձակուրդի վերաբերյալ փոփոխությունները և դրանց առանցքային կետերը 📅

📌Եթե աշխատողը երկուսուկես տարի անընդմեջ խուսափում կամ հրաժարվում է իրեն հասանելիք ամենամյա արձակուրդից, ապա գործատուն այն տրամադրում է առանց աշխատողի դիմումի.

📌 Նախատեսվել է օրենսգրքով սահմանված ժամկետներում ամենամյա արձակուրդը աշխատողին չտրամադրելու դեպքում գործատուի կողմից աշխատողին տուժանք վճարելու կարգավորում.

📌 Կողմերի համաձայնությամբ ամենամյա արձակուրդը կարող է տրամադրվել նաև մինչև աշխատողի՝ տվյալ գործատուի մոտ անընդհատ աշխատանքի 6 ամիսը լրանալը.

📌Աշխատանքային նոր օրենսգրքով կրթությունը հատուկ ուշադրության է արժանանում։ Աշխատակիցներն այժմ կարող են մինչև 2 տարի ժամկետով ուսումնական արձակուրդ վերցնել՝ պահպանելով իրենց աշխատատեղը։

26/08/2023

Ողջույն։ Այս անգամ CNP & Co-ն անդրադարձել է ՀՀ աշխատանքային օրենսգրքում փոփոխություններ և լրացումներ կատարելու մասին ՀՀ օրենքին։ Ներկայացնում ենք առանցքային կետերը և քայլ առ քայլ վերլուծում այդ փոփոխությունները։

Փոփոխություններ են կատարվել աշխատանքային պայմանագրի լուծման հետ, տարեկան արձակուրդի, անչափահասների աշխատանքային հարաբերությունների հետ կապված, սահմանվել են սեռական ոտնձգության հասկացությունը և կարգավորող նորմերը։

👪 Ծնողների համար արտոնություններ աշխատավայրում

Լավ լուր երեխա ունեցող աշխատողների համար․ Փոփոխությունները ընդլայնում են փոքր երեխաներ ունեցող աշխատողների իրավունքները: Փոփոխությունները թույլ են տալիս մինչև երկու տարեկան երեխաներին խնամողներին պահանջել աշխատանքային ժամերի կրճատում:

🔔Բարելավումներ ծանուցումների հետ կապված

Արդյունավետ հաղորդակցությունը կարևոր է: Աշխատանքային պայմանագրում նախատեսվել է պարտադիր ներառել նաև գործատուի և աշխատողի կողմից միմյանց ծանուցելու եղանակները։

🤝Կարգավորում արտաժամյա աշխատանքի վերաբերյալ

Գործատուին հնարավորություն է տրվում նաև արտաժամյա աշխատանքի ներգրավել առանց բացառիկ դեպքերի առկայության, եթե աշխատողը տվել է իր գրավոր համաձայնությունը:

25/08/2023

Ի՞նչ անել եթե տեղի է ունեցել ավտոտրասնպորտային պատահար։

⚠️ Անհրաժեշտ կանոն է 40 րոպեի ընթացքում տեղեկացնել Ձեր ապահովագրական ընկերությանը, որպեսզի ընկերությունը փոխհատուցումը կատարի։

Այս կանոնը չպահպանելը ընկերությանը շնորհում է «հետադարձ պահանջի» իրավունք՝ այսինքն ընկերությունը կարող է հետ պահանջել փոխհատուցումը կանոնը խախտած անձից։

☝️Տվյալ կանոնից բացառություն կարող է սահմանվել երբ պատահարի արդյունքում գտնվել եք անգիտակից վիճակում կամ այնպիսի իրավիճակում երբ անհնարին էր ապահովագրական ընկերությանը պայմանագրով սահմանված ժամկետում և կարգով ապահովագրական պատահարի մասին տեղեկացնել կամ տեղեկացված չեք եղել պատահարի մասին։

Այդ հանգամանքների վերացման պահից ևս պարտավոր եք անհապաղ տեղեկացնել ընկերությանը։

Կապվեք մեզ հետ`
[email protected]
+374 99 883045

18/08/2023

Ավելի մանրամասն ներկայացնենք, թե ինչ ծառայություններ է մատուցում CNP & Co-ն։
Որպես ձեր վստահելի իրավական կողմնացույց՝ CNP & Co-ն պատրաստ է՝ հոգածությամբ առաջնորդել ձեզ իրավական դաշտում և կանգնել թե՛ ֆիզիկական անձանց և թե՛ իրավաբանական անձանց կողքին ⚖️
Մեր իրավաբանների թիմը պատրաստ է տրամադրել ամենաարդյունավետ լուծումները՝ ցուցաբերելով անհատական մոտեցում։

🤝 Մենք առաջարկում ենք․
Համապարփակ իրավաբանական ծառայություններ և անհատականացված ռազմավարություններ, որոնք պաշտպանում են ձեր իրավունքները
- քրեական,
- վարչական,
- սնանկության,
- քաղաքացիական,
- ժառանգության,
- մտավոր սեփականության,
- աշխատանքային,
- հարկային,
- ընտանեկան գործերով,
- սեփականության իրավունքին առնչվող այլ հարցերի վերաբերյալ,
- ԱՊՊԱ գործերով,
- առաջարկում ենք նաև իրավական աջակցություն բիզնեսում։

12/08/2023

Ներկայացնում ենք CNP & Co-ն 🏛️
⠀⠀⠀⠀⠀⠀⠀⠀⠀
Մենք ուրախ ենք Ձեզ հայտնելու բարձրակարգ իրավաբանական ծառայություններ մատուցող CNP & Co-ի մեկնարկի մասին: Մեր փաստաբանների թիմն այստեղ է՝ աջակցելու ձեզ տարբեր իրավական հարցերում, առաջարկելով համապարփակ լուծումներ՝ հարմարեցված ձեր օրինական շահերին:
⠀⠀⠀⠀⠀⠀⠀⠀⠀
CNP & Co-ում մենք ամեն ինչից բարձր ենք գնահատում մեր վստահորդներին և նրանց բարեկեցությունը: Այդ իսկ պատճառով մենք ձգտում ենք իրավական գործընթացը դարձնել ձեզ համար թափանցիկ, մատչելի և արդյունավետ։
⠀⠀⠀⠀⠀⠀⠀⠀⠀
Անկախ նրանից, թե դուք օգնության կարիք ունեք բիզնեսի հետ կապված, անշարժ գույքի հետ կապված կամ այլ իրավական հարցում, մեր թիմը պատրաստ է օգնել ձեզ: Մենք պատրաստ ենք պաշտպանել ձեր իրավունքները և օգնել ձեզ հասնել ձեր նպատակներին:
⠀⠀⠀⠀⠀⠀⠀⠀⠀
Մենք հետամուտ ենք լինել Ձեր իրավական կողմնացույցն ու վստահելի գործընկերը 🤝💼

24/06/2023

Զգույշ եղեք!!!!

https://l.facebook.com/l.php?u=https%3A%2F%2Fcivic.am%2Fsociety%2F77886-zina-glstyany-katarel-e-khardakhutyun.html%3Ffbclid%3DIwAR1bY7xUH4_JKoH0B06chHiD2252ipjqKZpdrL-e1RyRBmMkjWm7AcDMvok&h=AT19Ny1RHWk79R0EYPNTLh4jVkKRLqhVfLDurDj3LQJhoB6G-cXKRwA6OExjMrQYmZrAmd3XqhtLFlazhagMfiKXugnleQ3wQyRl2Jjq1u6wBH5Jdb-lk6sBPaVmVb-IdHBe&__tn__=%2CmH-R&c[0]=AT1WU6V6Ld9zqAjQs5g1nSig4_p-uer5WO5lcG5IrllqSX0fNtQOdL2pdVJIN5XgMS6B4mpwdmch7Y43YedWu-BLclPCdueLF_Q_VtnQ_yLX91ORuykGlF0c8M5Y_T-jtXyp1j4o9mo7I4PmKEIZCuC9HA

Կենտրոն և Նոր Նորք վարչական շրջանների ընդհանուր իրավասության դատարանում՝ դատավոր Սուսաննա Գզոգյանի նախագահությամբ, քննվում է խարդախության հոդվածով քրեական գործ,...