Poghosyan & Partners / Պողոսյան և գործընկերներ

21/05/2026

«Բջջային հեռախոսի երկարատև առգրավումը կարող է լրջորեն սահմանափակել անձի առօրյա կյանքն ու սեփականության իրավունքը» - «Պողոսյան և գործընկերներ» իրավաբանական ընկերության ավագ գործընկեր, փաստաբան Դավիթ Ավանեսյան

📩[email protected]
📞+374 96 024402

#պողոսյանևգործընկերներիրավաբանականընկերություն

20/05/2026

Քրեական վարույթում բջջային հեռախոսների առգրավման իրավաչափության և սեփականության իրավունքի պաշտպանության հիմնախնդիրները

Մանրամասները՝ տեսանյութում:

https://youtu.be/MbLf30oVtXE?si=S_qcXePITQ4MbR2H

19/05/2026

📌Հերթական իրավական հաղթանակը «Պողոսյան և գործընկերներ» իրավաբանական ընկերության թիմի կողմից։

Ընկերության ավագ գործընկեր, փաստաբան Դավիթ Ավանեսյանի արդյունավետ և հետևողական պաշտպանության արդյունքում 21.04.2026թ. որոշմամբ մեր պաշտպանյալի նկատմամբ որպես խափանման միջոց կիրառված տնային կալանքը նոր էական հանգամանքով դատարանի 18.05.2026թ. որոշմամբ վերացվել է։

Հատկանշական է, որ դատարանը համաձայնվել է պաշտպանության կողմի փաստարկների հետ և արձանագրել մեղադրյալի այլուրեքության, հետևապես նաև վարույթով հիմնավոր կասկածի բացակայության փաստը։

Ըստ էության ակնհայտ անմեղ անձը տևական ժամանակ զրկվել է ազատությունից և ներկայումս կանգնած է ուսումնական հաստատությունից հեռացվելու վտանգի առաջ։

Միջնորդությունը քննվել է Երևան քաղաքի առաջին ատյանի ընդհանուր իրավասության քրեական դատարանում՝ դատավոր Դավիթ Բալայանի նախագահությամբ։

‼️Հարկ է նշել, որ մեր պաշտպանյալին մեղադրանք է առաջադրվել ՀՀ քրեական օրենսգրքի 297-րդ հոդվածի 2-րդ մասի 1-ին կետով (մի խումբ անձանց կողմից խուլիգանություն կատարելը) և 452-րդ հոդվածի 3-րդ մասով (պաշտոնատար անձի ծառայողական գործունեությանը միջամտելու նպատակով նրա նկատմամբ բռնություն գործադրելը), որոնք դասվում են միջին ծանրության հանցագործությունների շարքին և նախատեսում են մինչև 5 տարի ժամկետով ազատազրկում։

19/05/2026

Քրեական վարույթում բջջային հեռախոսների առգրավման իրավաչափության և սեփականության իրավունքի պաշտպանության հիմնախնդիրները

Սովորաբար անձը ձերբակալվելուց անմիջապես հետո ենթարկվում է անձնական խուզարկության, որի ընթացքում առգրավվում են նրա մոտ գտնվող իրերը, այդ թվում՝ բջջային հեռախոսները։ Ժամանակակից պայմաններում բջջային հեռախոսը վաղուց դադարել է միայն հաղորդակցման միջոց լինելուց։ Այն հաճախ հանդիսանում է անձի աշխատանքային գործիքը, պարունակում է անձնական բնույթի զգայուն տեղեկություններ, բանկային հավելվածներ, անձնական նամակագրություն, լուսանկարներ և այլ տվյալներ, որոնք անմիջականորեն առնչվում են անձնական և ընտանեկան կյանքի գաղտնիության իրավունքին։

Թեմայի շուրջ Iravaban.net-ը զրուցել է «Պողոսյան և գործընկերներ» իրավաբանական ընկերության ավագ գործընկեր, փաստաբան Դավիթ Ավանեսյանի հետ։

Մանրամասները՝ տեսանյութում:

©2026 IRAVABAN.NET Բոլոր իրավունքները պաշտպանված են: Մեջբերումներ անելիս ակտիվ հղումը Iravaban.net-ին պարտադիր է: Կայքի հոդվածների մասնակի և ամբողջական հեռու...

18/05/2026

«Ազատ խոսքի իրավունքի պաշտպանության երաշխիքները ՄԻԵԴ նախադեպային իրավունքում» - Պողոսյան և գործընկերներ իրավաբանական ընկերության հիմնադիր, փաստաբան Աբգար Պողոսյան

📩[email protected]
📞+374 96 024402

#պողոսյանևգործընկերներիրավաբանականընկերություն #ԱբգարՊողոսյան

16/05/2026

«Խոսքի ազատության սահմանները. Քննադատական խոսքի իրավական պաշտպանությունը» - Պողոսյան և գործընկերներ իրավաբանական ընկերության հիմնադիր, փաստաբան Աբգար Պողոսյան

📩[email protected]
📞+374 96 024402

#պողոսյանևգործընկերներիրավաբանականընկերություն #ԱբգարՊողոսյան

16/05/2026

✅Արարատի և Վայոց ձորի մարզերի առաջին ատյանի ընդհանուր իրավասության դատարանը՝ նախագահությամբ դատավոր Ռ․Ամիրջանյանի, քննարկելով մեր պաշտպանյալի նկատմամբ կիրառված խափանման միջոց կալանքի ժամկետը երկարաձգելու հարցը, որոշեց բավարարել պաշտպանի միջնորդությունը և մեղադրյալի նկատմամբ կիրառել այլընտրանքային խափանման միջոց՝ տնային կալանքը։

Նշենք, որ մեր պաշտպանյալը մեղադրվում է 393-րդ հոդվածի 2-րդ մասի 2-րդ և 3-րդ կետերով նախատեսված արարք կատարելու մեջ, որի համար սահմանված է պատիժ՝ ազատազրկում չորսից ութ տարի ժամկետով։

Պաշտպանությունն իրականացրել է «Պողոսյան և գործընկերներ» իրավաբանական ընկերության հիմնադիր, փաստաբան Աբգար Պողոսյանը։

15/05/2026

📌Պրոֆեսիոնալ պաշտպանության և անաչառ դատավարության արդյունքը։

Երևան քաղաքի առաջին ատյանի ընդհանուր իրավասության քրեական դատարանը (Աջափնյակ նստավայր) նախագահությամբ դատավոր Ա․ Ասատրյանի, գործի բազմակողմանի և օբյեկտիվ քննության արդյունքում մեր պաշտպանյալների նկատմամբ կայացրել է արդարացման վերդիկտ։ Պաշտպանությունն իրականացրել է «Պողոսյան և գործընկերներ» իրավաբանական ընկերության փաստաբան Աբգար Պողոսյանը։

Նշենք, որ պաշտպանյալները մեղադրվում էին ՀՀ քրեական օրենսգրքի 297-րդ հոդվածի 3-րդ մասով նախատեսված՝ խուլիգանություն կատարելու մեջ, որը համարվում է ծանր հանցագործություն և որի համար օրենքով նախատեսվում է ազատազրկում՝ 4-ից 8 տարի ժամկետով։

📈Սույն գործը ևս մեկ անգամ վկայում է, որ արդյունավետ և մասնագիտական պաշտպանությունը՝ արդար և անաչառ դատավարության հետ համակցված, հանդիսանում են օրինական և հիմնավորված արդյունքի կարևորագույն երաշխիքները։

15/05/2026

💬🔈«Պողոսյան և գործընկերներ» իրավաբանական ընկերության փաստաբան Հռիփսիմե Գասպարյանի մասնագիտական ջանքերով՝ ՀՀ հակակոռուպցիոն դատարանը՝ նախագահությամբ դատավոր Վահե Դոլմազյանի, քննության առնելով մեր պաշտպանյալի նկատմամբ որպես խափանման միջոց կալանք կիրառելու վերաբերյալ քննիչի միջնորդությունը, մերժեց այն և որոշեց կիրառել այլընտրանքային խափանման միջոց՝ տնային կալանքը՝ պաշտպանյալին ազատ արձակելով նիստերի դահլիճից։

Մեր պաշտպանյալը մեղադրվում է ՀՀ քրեական օրենսգրքի 210-րդ հոդվածի 2-րդ մասի 6-րդ կետով նախատեսված արարքի կատարման մեջ, այն է՝ ընտրական կամ հանրաքվեին մասնակցելու իրավունքի իրականացումը, ընտրական հանձնաժողովների աշխատանքներին կամ ընտրությանը կամ հանրաքվեին մասնակցող անձանց իրավունքների կամ պարտականությունների իրականացումը խոչընդոտելը, որի համար օրենքով նախատեսվում է ազատազրկում՝ 3-ից 6 տարի ժամկետով։

Նշենք, որ դեպքը վերաբերում է 14․05․2026թ․-ին Սպիտակ քաղաքում ՀՀ հակակոռուպցիոն կոմիտեի կողմից իրականացված խուզարկություններին և ձերբակալություններին։

14/05/2026

«Առկա հանգամանքները վկայում են, որ ռիսկերը հնարավոր է վերահսկել ավելի մեղմ խափանման միջոցով» - «Պողոսյան և գործընկերներ» իրավաբանական ընկերության հիմնադիր, փաստաբան Աբգար Պողոսյան

📩[email protected]
📞+374 96 024402

#պողոսյանևգործընկերներիրավաբանականընկերություն #ԱբգարՊողոսյան

13/05/2026

📌«Պողոսյան և գործընկերներ» իրավաբանական ընկերության փաստաբան Հռիփսիմե Գասպարյանի արդյունավետ պաշտպանության արդյունքում գրանցեցինք կարևոր իրավական հաջողություն։

Երևան քաղաքի առաջին ատյանի ընդհանուր իրավասության քրեական դատարանը՝ նախագահությամբ դատավոր Ա. Կարապետյանի, բավարարել է պաշտպանի միջնորդությունը և ծանր հանցանքի մեջ մեղադրվող մեր պաշտպանյալի նկատմամբ որպես խափանման միջոց կիրառել տնային կալանքը՝ համակցված բացակայելու արգելքի հետ։

Նշենք, որ մեր պաշտպանյալը մեղադրվում է ՀՀ քրեական օրենսգրքի 393-րդ հոդվածի 2-րդ մասի 1-ին և 3-րդ կետերով նախատեսված արարքի կատարման մեջ, որի համար օրենքով նախատեսվում է ազատազրկում՝ 4-ից 8 տարի ժամկետով։